ਸਵੱਦੀ ਕਲਾਂ

ਸਵੱਦੀ ਕਲਾਂ
ਪਿੰਡ
ਸਵੱਦੀ ਦੀ ਪੰਛੀ ਝਾਤ
ਸਵੱਦੀ ਕਲਾਂ ਪੰਜਬ, ਭਾਰਤ ਵਿੱਚ ਸਥਿਤੀ ਸਵੱਦੀ ਕਲਾਂ ਸਵੱਦੀ ਕਲਾਂ (ਭਾਰਤ)
ਗੁਣਕ: 30.84°N 75.54°E / 30.84; 75.54
ਦੇਸ਼	ਭਾਰਤ
ਰਾਜ	ਪੰਜਾਬ
ਜ਼ਿਲ੍ਹਾ	ਲੁਧਿਆਣਾ
ਤਹਿਸੀਲ	ਜਗਰਾਉਂ
ਬਲਾਕ	ਸਿਧਵਾਂ ਬੇਟ
ਸਰਕਾਰ
• ਕਿਸਮ	ਪੰਚਾਇਤੀ ਰਾਜ
• ਬਾਡੀ	ਗ੍ਰਾਮ ਪੰਚਾਇਤ
ਖੇਤਰ
• ਕੁੱਲ	17.37 km2 (6.71 sq mi)
ਆਬਾਦੀ  (2011)
• ਕੁੱਲ	4,804
• ਘਣਤਾ	280/km2 (720/sq mi)
ਭਾਸ਼ਾਵਾਂ
• ਦਫ਼ਤਰੀ	ਪੰਜਾਬੀ
ਸਮਾਂ ਖੇਤਰ	ਯੂਟੀਸੀ+5:30 (IST)
ਪਿੰਨ ਕੋਡ	142025
ਟੈਲੀਫੋਨ ਕੋਡ	01624
ਵਾਹਨ ਰਜਿਸਟ੍ਰੇਸ਼ਨ	PB-10/PB-25
ਵੈੱਬਸਾਈਟ	http://www.ludhiana.nic.in/

ਸਵੱਦੀ ਕਲਾਂ ਜਾਂ ਸਵੱਦੀ ਖਾਸ, ਭਾਰਤੀ ਪੰਜਾਬ ਰਾਜ ਦੇ ਲੁਧਿਆਣਾ ਜ਼ਿਲ੍ਹੇ ਦਾ ਇੱਕ ਪਿੰਡ ਹੈ। ਕਲਾਨ ਫ਼ਾਰਸੀ ਭਾਸ਼ਾ ਦਾ ਸ਼ਬਦ ਹੈ ਜਿਸਦਾ ਅਰਥ ਹੈ ਵੱਡਾ। ਇਹ ਇਲਾਕੇ ਦੇ ਸਭ ਤੋਂ ਵੱਧ ਪੜ੍ਹੇ-ਲਿਖੇ ਪਿੰਡਾਂ ਵਿੱਚੋਂ ਇੱਕ ਹੈ। ਸਵੱਦੀ ਕਲਾਂ, ਲੁਧਿਆਣਾ ਜ਼ਿਲ੍ਹੇ ਦੇ ਜਗਰਾਉਂ ਦਾ ਇੱਕ ਵੱਡਾ ਪਿੰਡ ਹੈ ਜਿਸ ਵਿੱਚ 2011ਦੀ ਮਰਦਮਸ਼ੁਮਾਰੀ ਮੁਤਾਬਿਕ ਕੁੱਲ 954 ਪਰਿਵਾਰ ਅਤੇ 4,804 ਵਸਨੀਕ ਸਨ।

ਭਾਰਤ ਦੇ ਸੰਵਿਧਾਨ ਅਤੇ ਪੰਚਾਇਤੀ ਰਾਜ ਐਕਟ ਦੇ ਅਨੁਸਾਰ, ਸਵੱਦੀ ਕਲਾਂ ਪਿੰਡ ਦਾ ਪ੍ਰਬੰਧ ਸਰਪੰਚ (ਪਿੰਡ ਦਾ ਮੁਖੀ) ਦੁਆਰਾ ਕੀਤਾ ਜਾਂਦਾ ਹੈ ਜੋ ਪਿੰਡ ਦਾ ਚੁਣਿਆ ਹੋਇਆ ਪ੍ਰਤੀਨਿਧੀ ਹੁੰਦਾ ਹੈ।

ਜਨਸੰਖਿਆ

2011 ਦੀ ਮਰਦਮਸ਼ੁਮਾਰੀ ਦੇ ਅਨੁਸਾਰ ਸਵੱਦੀ ਕਲਾਂ ਪਿੰਡ ਦੀ ਆਬਾਦੀ 4,804 ਸੀ। ਜਿਨ੍ਹਾਂ ਵਿੱਚੋਂ 2,586 ਪੁਰਸ਼ ਸਨ ਜਦੋਂ ਕਿ 2,218 ਔਰਤਾਂ ਹਨ। 0-6 ਸਾਲ ਦੀ ਉਮਰ ਦੇ ਬੱਚਿਆਂ ਦੀ ਆਬਾਦੀ 475 ਹੈ ਜੋ ਕਿ ਪਿੰਡ ਦੀ ਆਬਾਦੀ ਦਾ 9.89% ਬਣਦੀ ਹੈ। ਔਸਤ ਲਿੰਗ ਅਨੁਪਾਤ 858 ਹੈ ਜੋ ਕਿ ਪੰਜਾਬ ਰਾਜ ਦੀ ਔਸਤ 895 ਤੋਂ ਘੱਟ ਹੈ। 2011 ਦੀ ਮਰਦਮਸ਼ੁਮਾਰੀ ਦੇ ਅਨੁਸਾਰ ਪਿੰਡ ਲਈ ਬਾਲ ਲਿੰਗ ਅਨੁਪਾਤ 703 ਹੈ, ਜੋ ਕਿ ਪੰਜਾਬ ਦੀ ਔਸਤ 846 ਤੋਂ ਘੱਟ ਹੈ।

ਪੰਜਾਬ ਦੇ ਮੁਕਾਬਲੇ ਸਵੱਦੀ ਕਲਾਂ ਪਿੰਡ ਦੀ ਸਾਖਰਤਾ ਦਰ ਵੱਧ ਹੈ। 2011 ਵਿੱਚ, ਪੰਜਾਬ ਦੀ ਸਾਖਰਤਾ ਦਰ 75.84% ਦੇ ਮੁਕਾਬਲੇ 83.21% ਸੀ। ਮਰਦਾਂ ਦੀ ਸਾਖਰਤਾ 87.69% ਹੈ ਜਦੋਂ ਕਿ ਔਰਤਾਂ ਦੀ ਸਾਖਰਤਾ 78.09% ਹੈ।

ਆਵਾਜਾਈ

ਸਵੱਦੀ ਚੌਂਕੀਮਾਨ - ਭੂੰਦੜੀ ਲਿੰਕ ਸੜਕ 'ਤੇ ਹੈ। ਪਿੰਡ ਦਾ ਮੁੱਲਾਂਪੁਰ ਅਤੇ ਜਗਰਾਉਂ ਲਈ ਬਹੁਤ ਵਧੀਆ ਬੱਸ ਸੰਪਰਕ ਹੈ। ਨਜ਼ਦੀਕੀ ਰੇਲਵੇ ਸਟੇਸ਼ਨ ਲੁਧਿਆਣਾ ਅਤੇ ਜਗਰਾਉਂ ਹਨ। ਚੌਂਕੀਮਾਨ ਕੋਲ ਇੱਕ ਛੋਟਾ ਰੇਲਵੇ ਸਟੇਸ਼ਨ ਹੈ। ਨੇੜਲੇ ਪਿੰਡ ਤਲਵੰਡੀ ਕਲਾਂ, ਤਲਵੰਡੀ ਖੁਰਦ, ਮਾਜਰੀ, ਗੁੜ੍ਹੇ, ਭਰੋਵਾਲ ਕਲਾਂ ਅਤੇ ਵਿਰਕ ਹਨ।

ਬਾਜ਼ਾਰ

ਸਵੱਦੀ ਕਲਾਂ ਵਿੱਚ ਚੜ੍ਹਦੇ ਪਾਸੇ ਵਿੱਚ ਇੱਕ ਮੁੱਖ ਬਾਜ਼ਾਰ ਹੈ ਅਤੇ ਪੱਛਮੀ ਪਾਸੇ ਵਿੱਚ ਕੁਝ ਹੋਰ ਦੁਕਾਨਾਂ ਹਨ।

ਸਿੱਖਿਆ

ਮੁੱਖ ਵਿਦਿਅਕ ਸੰਸਥਾਵਾਂ ਹਨ:

1. ਸਰਕਾਰੀ ਪ੍ਰਾਇਮਰੀ ਅਤੇ ਸੀਨੀਅਰ ਸੈਕੰਡਰੀ ਸਕੂਲ
2. ਅਕਾਲ ਅਕੈਡਮੀ

ਖੇਡਾਂ

ਇਹ ਆਪਣੇ ਕਬੱਡੀ ਕੱਪ ਲਈ ਮਸ਼ਹੂਰ ਹੈ।