ਸ਼ਕਤੀਮਾਨ
| ਸ਼ਕਤੀਮਾਨ | |
|---|---|
 ਮੁਕੇਸ਼ ਖੰਨਾ ਬਤੌਰ ਸ਼ਕਤੀਮਾਨ | |
| ਨਿਰਮਾਤਾ | ਮੁਕੇਸ਼ ਖੰਨਾ |
| ਲੇਖਕ | ਗ਼ਾਲਿਬ ਅਸਦ ਭੋਪਾਲੀ ਬ੍ਰਿਜ ਮੋਹਨ ਪਾਂਡੇ |
| ਨਿਰਦੇਸ਼ਕ | ਦਿਨਕਰ ਜਾਨੀ |
| ਅਦਾਕਾਰ | ਮੁਕੇਸ਼ ਖੰਨਾ ਵੈਸ਼ਨਵੀ ਮਹੰਤ ਕਿੱਟੂ ਗਿਡਵਾਨੀ ਸੁਰਿੰਦਰ ਪਾਲ ਟੌਮ ਅਲਟਰ |
| ਸ਼ੁਰੂਆਤੀ ਵਸਤੂ | ਸ਼ਕਤੀਮਾਨ |
| ਮੂਲ ਦੇਸ਼ | ਭਾਰਤ |
| ਮੂਲ ਬੋਲੀ(ਆਂ) | ਹਿੰਦੀ |
| ਕਿਸ਼ਤਾਂ ਦੀ ਗਿਣਤੀ | 503 |
| ਨਿਰਮਾਣ | |
| ਨਿਰਮਾਤਾ | ਮੁਕੇਸ਼ ਖੰਨਾ |
| ਸੰਪਾਦਕ | ਨਾਸਿਰ ਹਕੀਮ ਅਨਸਾਰੀ |
| ਸਿਨੇਮਾਕਾਰੀ | ਮਨੋਜ ਸੋਨੀ |
| ਚਾਲੂ ਸਮਾਂ | 60 ਮਿੰਟ |
| ਪਸਾਰਾ | |
| ਮੂਲ ਚੈਨਲ | ਦੂਰਦਰਸ਼ਨ |
| ਪਹਿਲੀ ਚਾਲ | 14 ਸਿਤੰਬਰ 1997 – 27 ਮਾਰਚ 2005[1] |
ਸ਼ਕਤੀਮਾਨ (ਹਿੰਦੀ: शक्तिमान; ਅੰਗਰੇਜ਼ੀ: Shaktimaan) ਇੱਕ ਭਾਰਤੀ ਗਲਪੀ ਸੂਪਰਹੀਰੋ ਟੀਵੀ ਲੜੀਵਾਰ ਹੈ ਜਿਸਦੇ ਪ੍ਰੋਡਿਊਸਰ ਮੁਕੇਸ਼ ਖੰਨਾ ਅਤੇ ਹਦਾਇਤਕਾਰ ਦਿਨਕਰ ਜਾਨੀ ਹਨ। ਸ਼ੁਰੂਆਤੀ ਕਿਸ਼ਤਾਂ ਦੌਰਾਨ ਸ਼ਕਤੀਮਾਨ ਦਾ ਪ੍ਰਸਾਰਣ ਸ਼ਨਿੱਚਰਵਾਰ ਸਵੇਰੇ 11:30 ਵਜੇ ਹੋਇਆ। ਬਾਅਦ ਵਿੱਚ ਬੱਚਿਆਂ ਦੀ ਮੰਗ ਨੂੰ ਮੁੱਖ ਰੱਖਦਿਆਂ ਇਸਦਾ ਪ੍ਰਸਾਰਣ ਛੁੱਟੀ ਵਾਲੇ ਦਿਨ ਐਤਵਾਰ ਨੂੰ 12 ਵਜੇ ਹੋਇਆ। ਇਸਦੀਆਂ ਕਰੀਬ 400 ਕਿਸ਼ਤਾਂ ਭਾਰਤ ਦੇ ਕੌਮੀ ਟੈਲੀਵਿਜ਼ਨ ਨੈੱਟਵਰਕ ਦੂਰਦਰਸ਼ਨ ਤੋਂ 27 ਸਿਤੰਬਰ 1997 ਤੋਂ 27 ਮਾਰਚ 2005 ਦੌਰਾਨ ਐਤਵਾਰ ਦੇ ਦਿਨ ਦੁਪਹਿਰ 12 ਵਜੇ (ਭਾਰਤੀ ਸਮਾਂ) ਨਸ਼ਰ ਹੋਈਆਂ। ਅਖ਼ੀਰਲੀਆਂ ਕਿਸ਼ਤਾਂ ਵੇਲੇ ਸਮਾਂ ਬਦਲ ਕੇ ਸਵੇਰ ਦੇ 9:30 ਕਰ ਦਿੱਤਾ ਗਿਆ ਸੀ। ਇਹ ਅੰਗਰੇਜ਼ੀ ਵਿੱਚ ਪੋਗੋ[1] ਉੜੀਆ ਵਿੱਚ ਤਰੰਗ ਅਤੇ ਤਮਿਲ ਵਿੱਚ ਛੁੱਟੀ ਟੀਵੀ ਤੇ ਵੀ ਪ੍ਰਸਾਰਤ ਹੋਇਆ। ਇਸਦਾ ਮੁੜ ਪ੍ਰਸਾਰਣ ਹਿੰਦੀ ਵਿੱਚ ਸਟਾਰ ਉਤਸਵ ਤੋਂ ਹੋਇਆ। ਮੁਕੇਸ਼ ਖ਼ੰਨਾ ਇਸ ਵਿੱਚ ਦੋ ਕਿਰਦਾਰ ਨਿਭਾਏ: ਸ਼ਕਤੀਮਾਨ ਅਤੇ ਪੰਡਤ ਗੰਗਾਧਰ ਵਿੱਦਿਆਧਰ ਮਾਇਆਧਰ ਓਂਕਾਰਨਾਥ ਸ਼ਾਸਤਰੀ। ਗੰਗਾਧਰ ਪੇਸ਼ੇ ਵਜੋਂ ਆਜ ਕੀ ਆਵਾਜ਼ ਅਖ਼ਬਾਰ ਦਾ ਫ਼ੋਟੋਗਰਾਫ਼ਰ ਸੀ। ਸ਼ਕਤੀਮਾਨ ਕੋਲ ਅਲੌਕਿਕ ਤਾਕਤਾਂ ਸਨ। ਗੀਤਾ ਵਿਸ਼ਵਾਸ ਇੱਕ ਰਿਪੋਟਰ ਹੈ ਜੋ ਸ਼ਕਤੀਮਾਨ ਨੂੰ ਚਾਹੁੰਦੀ ਹੈ।ਫ਼ਿਲਮੀ ਅਦਾਕਾਰ ਮੁਕੇਸ਼ ਖੰਨਾ ਕਿਹਾ ਕਿ ਸ਼ਕਤੀਮਾਨ ਦੁਬਾਰਾ ਨਵੀਆਂ ਕਿਸ਼ਤਾਂ ਰਾਹੀਂ ਦਰਸ਼ਕਾਂ ਦੇ ਸਨਮੁੱਖ ਹੋਵੇਗਾ।[ਹਵਾਲਾ ਲੋੜੀਂਦਾ]
ਮੁੱਖ ਕਿਰਦਾਰ[ਸੋਧੋ]
- ਮੁਕੇਸ਼ ਖੰਨਾ ਬਤੌਰ ਸ਼ਕਤੀਮਾਨ/ਪੰਡਤ ਗੰਗਾਧਰ ਵਿੱਦਿਆਧਰ ਮਾਇਆਧਰ ਓਂਕਾਰਨਾਥ ਸ਼ਾਸਤਰੀ/ਮੇਜਰ ਰਣਜੀਤ ਸਿੰਘ/ਸ਼੍ਰੀ ਸੱਤਿਯ
- ਵੈਸ਼ਨਵੀ ਮਹੰਤ ਬਤੌਰ ਗੀਤਾ ਵਿਸ਼ਵਾਸ। ਅਸਲ ਵਿੱਚ ਗੀਤਾ ਦਾ ਕਿਰਦਾਰ ਕਿੱਟੂ ਗਿਡਵਾਨੀ ਨੇ ਨਿਭਾਇਆ ਸੀ ਜੋ ਬਾਅਦ ਵਿੱਚ ਵੈਸ਼ਨਵੀ ਮਹੰਤ ਨੇ ਨਿਭਾਇਆ।
- ਸੁਰਿੰਦਰ ਪਾਲ ਬਤੌਰ ਤਮਰਾਜ ਕਿਲਵਿਸ਼
- ਟਾਮ ਅਲਟਰ ਬਤੌਰ ਮਹਾਂਗੁਰੂ
- ਕਿਸ਼ੋਰ ਭਾਨੂਸ਼ਾਲੀ ਬਤੌਰ ਨਵਰੰਗੀ ਚੋਰ
- ਰਜਿੰਦਰ ਗੁਪਤਾ ਬਤੌਰ ਗੀਤਾ ਦੇ ਪਿਤਾ
- ਲਲਿਤ ਪਰਿਮੂ ਬਤੌਰ ਡਾਕਟਰ ਜੈਕਾਲ
- ਰਮਨ ਖੱਤਰੀ ਬਤੌਰ ਸਾਹਬ/ਕੁਮਾਰ ਰੰਜਨ
- ਨਵਾਬ ਸ਼ਾਹ ਬਤੌਰ ਮੇਅਰ ਜੈ ਕੁਮਾਰ ਜਨਾਰਧਨ
- ਅਸ਼ਵਿਨੀ ਕਾਲਸੇਕਰ ਬਤੌਰ ਸ਼ਲਾਕਾ ਕਾਲ਼ੀ ਬਿੱਲੀ
- ਦੀਪਸ਼ਿਖਾ ਬਤੌਰ ਪਰੋਮਾ/ਸ਼ੇਰਾਲੀ (ਦੋ ਕਿਰਦਾਰ)
- ਸੁਨੀਲ ਕਰਮਬੇਲਕਰ ਬਤੌਰ ਰਾਣੀ ਮਾਇਆਦਰੀ/ਅਤੇ ਸ਼ੁਰੂਆਤੀ ਕੀਸ਼ਤਾਂ ਵਿੱਚ ਨਤਾਸ਼ਾ
- ਬ੍ਰਿਜ ਮੋਹਨ ਪਾਂਡੇ ਬਤੌਰ ਬਾਂਕੇਲਾਲ/ਟੌਏਮੈਨ
- ਨੂਪੁਰ ਆਲੰਕਾਰ ਬਤੌਰ ਕਾਮਿਨੀ (ਆਜ ਕੀ ਆਵਾਜ਼ ਦੀ ਫ਼ਿਲਮੀ ਲੇਖਕ)
- ਸ਼ਿਖਾ ਸਵਰੂਪ ਬਤੌਰ ਖਲਨਾਇਕ ਏਲੀਅਨ (special appearance)
- ਗੋਗਾ ਕਪੂਰ ਬਤੌਰ ਬਿਲਾਸ ਰਾਓ
- ਮੋਹਿਨੀ ਘੋਸ਼ ਬਤੌਰ ਮਾਤੰਡਿਕਾ ਚੁੜੇਲ
- ਦੀਪ ਰਾਜ ਰਾਣਾ ਬਤੌਰ ਥਾਣੇਦਾਰ ਜੈ ਸਿੰਘ, ਇੱਕ ਰਿਸ਼ਵਤਖ਼ੋਰ ਪੁਲਸੀਆ
- ਸ਼ਰਦ ਸਮਾਰਟ ਬਤੌਰ ਸੱਤਿਆਪ੍ਰਕਾਸ਼ ਨਿਰਾਲਾ, ਆਜ ਕੀ ਆਵਾਜ ਦਾ ਪਹਿਲਾ ਸੰਪਾਦਕ
- ਰਾਜੂ ਸ਼੍ਰੀਵਾਸਤਵ ਬਤੌਰ ਦੁਰੰਧਰ ਸਿੰਘ, ਆਜ ਕੀ ਆਵਾਜ਼ ਦਾ ਦੂਜਾ ਸੰਪਾਦਕ ਜੋ ਸ਼ਕਤੀਮਾਨ ਨੂੰ ਨਫ਼ਰਤ ਕਰਦਾ ਹੈ
- ਉਰਵਸ਼ੀ ਢੋਲਕੀਆ ਬਤੌਰ ਮਾਨਸੀ ਸ਼ਰਮਾ
- ਕਵਿਤਾ ਕੌਸ਼ਿਕ ਬਤੌਰ ਤੀਮੀਰਾ/ਬਹੁਰੂਪੀਆ
- ਮਨਜੀਤ ਕੁਲਾਰ ਬਤੌਰ ਕੌਸ਼ਲਿਆ (ਰਣਜੀਤ ਸਿੰਘ ਦੀ ਪਤਨੀ)
- ਨੀਲਮ ਮਹਿਰਾ ਬਤੌਰ ਮਾਨਸੀ ਦੀ ਮਾਂ
- ਸਨੇਹਾ ਰਾਓ
- ਤਾਰਿਕਾ ਖੰਨਾ
ਹਵਾਲੇ[ਸੋਧੋ]
- ↑ 1.0 1.1 "The power of Shaktiman". ਦ ਟੈਲੀਗ੍ਰਾਫ਼. 15 ਜੂਨ 2005. Retrieved 25 ਨਵੰਬਰ 2011. Check date values in:
|access-date=, |date=(help)