ਸੰਜੀਵ ਕੁਮਾਰ

ਸੰਜੀਵ ਕੁਮਾਰ
ਸੰਜੀਵ ਕੁਮਾਰ ਸਾਲ 2013 ਦੀ ਭਾਰਤ ਦੀ ਮੋਹਰ ਤੇ
ਜਨਮ	ਹਰੀਭਾਈ ਜਰੀਵਾਲਾ (1938-07-09)9 ਜੁਲਾਈ 1938 ਸੂਰਤ, ਗੁਜਰਾਤ, ਬ੍ਰਿਟਿਸ਼ ਭਾਰਤ
ਮੌਤ	6 ਨਵੰਬਰ 1985(1985-11-06) (ਉਮਰ 47) ਮੁੰਬਈ, ਮਹਾਰਾਸ਼ਟਰ, ਭਾਰਤ
ਪੇਸ਼ਾ	ਅਭਿਨੇਤਾ
ਸਰਗਰਮੀ ਦੇ ਸਾਲ	1960–1984
ਜੀਵਨ ਸਾਥੀ	ਕੋਈ ਨਹੀਂ

ਸੰਜੀਵ ਕੁਮਾਰ (ਗੁਜਰਾਤੀ: હરિભાઈ જરીવાલા, 9 ਜੁਲਾਈ 1938 - 6 ਨਵੰਬਰ 1985) ਇੱਕ ਉੱਘਾ ਭਾਰਤੀ ਹਿੰਦੀ ਫ਼ਿਲਮਾਂ ਦਾ ਅਦਾਕਾਰ ਅਤੇ ਸਿਆਸਤਦਾਨ ਸੀ। ਉਨ੍ਹਾਂ ਦਾ ਪੂਰਾ ਨਾਮ ਹਰੀਭਾਈ ਜਰੀਵਾਲਾ ਸੀ। ਉਹ ਮੂਲ ਤੌਰ ਤੇ ਗੁਜਰਾਤੀ ਸੀ। ਇਸ ਮਹਾਨ ਕਲਾਕਾਰ ਦਾ ਨਾਮ ਫ਼ਿਲਮ ਜਗਤ ਦੀ ਆਕਾਸ਼ ਗੰਗਾ ਵਿੱਚ ਹਮੇਸ਼ਾ ਜਗਮਗਾਉਂਦਾ ਰਹੇਗਾ। ਉਨ੍ਹਾਂ ਨੇ ਨਯਾ ਦਿਨ ਨਯੀ ਰਾਤ ਫਿਲਮ ਵਿੱਚ ਨੌਂ ਰੋਲ ਕੀਤੇ ਸਨ। ਕੋਸ਼ਿਸ਼ ਫਿਲਮ ਵਿੱਚ ਉਨ੍ਹਾਂ ਨੇ ਗੂੰਗੇ ਬੋਲੇ ਵਿਆਕਤੀ ਦਾ ਸ਼ਾਨਦਾਰ ਅਭਿਨੈ ਕੀਤਾ ਸੀ ਸ਼ੋਲੇ ਫ਼ਿਲਮ ਵਿੱਚ ਠਾਕੁਰ ਦਾ ਚਰਿੱਤਰ ਉਨ੍ਹਾਂ ਦੇ ਅਭਿਨੈ ਨਾਲ ਅਮਰ ਹੋ ਗਿਆ।

ਉਸ ਨੂੰ ਸ੍ਰੇਸ਼ਟ ਐਕਟਰ ਲਈ ਰਾਸ਼ਟਰੀ ਫ਼ਿਲਮ ਇਨਾਮ ਦੇ ਇਲਾਵਾ ਫ਼ਿਲਮਫੇਅਰ ਸਭ ਤੋਂ ਉੱਤਮ ਐਕਟਰ ਅਤੇ ਸਭ ਤੋਂ ਉੱਤਮ ਸਹਾਇਕ ਐਕਟਰ ਇਨਾਮ ਦਿੱਤਾ ਗਿਆ। ਉਹ ਆਜੀਵਨ ਕੁੰਵਾਰਾ ਰਿਹਾ ਅਤੇ ਸਿਰਫ 47 ਸਾਲ ਦੀ ਉਮਰ ਵਿੱਚ ਸੰਨ 1984 ਵਿੱਚ ਹਿਰਦਾ ਗਤੀ ਰੁਕ ਜਾਣ ਨਾਲ ਬੰਬਈ ਵਿੱਚ ਉਨ੍ਹਾਂ ਦੀ ਮੌਤ ਹੋ ਗਈ। 1960 ਤੋਂ 1984 ਤੱਕ ਪੂਰੇ ਪੰਝੀ ਸਾਲ ਤੱਕ ਉਹ ਲਗਾਤਾਰ ਫ਼ਿਲਮਾਂ ਵਿੱਚ ਸਰਗਰਮ ਰਹੇ।

ਉਸ ਨੂੰ ਉਨ੍ਹਾਂ ਦੇ ਸ਼ਿਸ਼ਟ ਸੁਭਾਅ ਅਤੇ ਵਿਸ਼ੇਸ਼ ਅਭਿਨੈ ਸ਼ੈਲੀ ਲਈ ਫ਼ਿਲਮ ਜਗਤ ਵਿੱਚ ਹਮੇਸ਼ਾ ਯਾਦ ਕੀਤਾ ਜਾਵੇਗਾ।

ਅਵਾਰਡ

ਫ਼ਿਲਮ ਅਵਾਰਡ

ਸਾਲ.	ਸ਼੍ਰੇਣੀ	ਨਾਮਜ਼ਦ ਕੰਮ	ਨਤੀਜਾ
ਰਾਸ਼ਟਰੀ ਫ਼ਿਲਮ ਪੁਰਸਕਾਰ
1971	ਬੈਸਟ ਐਕਟਰ	ਦਸਤਕ	ਜੇਤੂ
1973	ਬੈਸਟ ਐਕਟਰ	ਕੋਸ਼ਿਸ਼	ਜੇਤੂ

ਫ਼ਿਲਮਫੇਅਰ ਅਵਾਰਡ
1969	ਬੈਸਟ ਸਪੋਰਟਿੰਗ ਐਕਟਰ	ਸ਼ਿਕਾਰ	ਜੇਤੂ
1971	ਬੈਸਟ ਐਕਟਰ	ਖਿਲੋਨਾ	ਨਾਮਜ਼ਦ
1974	ਬੈਸਟ ਐਕਟਰ	ਕੋਸ਼ਿਸ਼	ਨਾਮਜ਼ਦ
1976	ਬੈਸਟ ਐਕਟਰ	ਸ਼ੋਲੇ	ਨਾਮਜ਼ਦ
	ਬੈਸਟ ਐਕਟਰ	ਆਂਧੀ	ਜੇਤੂ
1977	ਬੈਸਟ ਐਕਟਰ	ਮੌਸਮ	ਨਾਮਜ਼ਦ
	ਬੈਸਟ ਐਕਟਰ	ਅਰਜੁਨ ਪੰਡਿਤ	ਜੇਤੂ
1978	ਬੈਸਟ ਐਕਟਰ	ਯਹੀ ਹੈ ਜ਼ਿੰਦਗੀ	ਨਾਮਜ਼ਦ
	ਬੈਸਟ ਐਕਟਰ	ਜ਼ਿੰਦਗੀ	ਨਾਮਜ਼ਦ
1979	ਬੈਸਟ ਐਕਟਰ	ਦੇਵਤਾ	ਨਾਮਜ਼ਦ
	ਬੈਸਟ ਐਕਟਰ	ਪਤੀ ਪਤਨੀ ਔਰ ਵੋ	ਨਾਮਜ਼ਦ
	ਬੈਸਟ ਸਪੋਰਟਿੰਗ ਐਕਟਰ	ਤ੍ਰਿਸ਼ੂਲ	ਨਾਮਜ਼ਦ
1983	ਬੈਸਟ ਸਪੋਰਟਿੰਗ ਐਕਟਰ	ਵਿਧਾਤਾ	ਨਾਮਜ਼ਦ
	ਬੈਸਟ ਐਕਟਰ	ਅੰਗੂਰ	ਨਾਮਜ਼ਦ
ਬੰਗਾਲ ਫਿਲਮ ਪੱਤਰਕਾਰ ਐਸੋਸੀਏਸ਼ਨ ਅਵਾਰਡ
1974	ਬੈਸਟ ਐਕਟਰ (ਹਿੰਦੀ)	ਕੋਸ਼ਿਸ਼	ਜੇਤੂ

ਹੋਰ ਪੁਰਸਕਾਰ

• 1969-ਨਵਲ ਸਟਾਰਜ਼ ਅਵਾਰਡ, ਐਸ. ਐਮ. ਨੰਦਾ ਦੁਆਰਾ ਸ਼ਾਨੂ ਵਰੁਣ ਟਰਾਫੀ
• 1971-ਸੂਰਤ ਜਿੱਲਾ ਲਿਊਵਾ ਪਾਟੀਦਾਰ ਗਿਆਤੀ।
• 1975-ਸਿਨੇਮਾਗੋਅਰਜ਼ ਕੌਂਸਲ (ਦਿੱਲੀ ਫਿਲਮ ਅਵਾਰਡ)
• 1976-ਉੱਤਰੀ ਕਲਕੱਤਾ ਦਾ ਲਾਇਨ ਕਲੱਬ ਮੌਸਮ ਲਈ ਸਾਲ ਦਾ ਅਦਾਕਾਰ
• 1984-ਮਰਾਠਾ ਸੇਵਾ ਸੰਘ ਜ਼ਿਲ੍ਹਾ ਖੇਡ
• ਬੈਸਟ ਐਕਟਰ (ਗੁਜਰਾਤੀ ਨਾਟਕ ਕੋਈ ਨੋ ਲੱਦਾਖ ਵਯੋ ਲਈ ਸਟੇਜ) ਕੋਈ ਲੱਦਾਖ ਨਹੀਂ ਵਾਯੁ
• ਸੂਰਤ ਵਿਖੇ ਕਲਾਸ਼ਰੀ ਆਰਟ ਐਂਡ ਨੈੱਟਵਰਕ "ਲਾਈਫਟਾਈਮ ਅਚੀਵਮੈਂਟ ਮਿਲੇਨੀਅਮ 2000 ਅਵਾਰਡ"
• ਸੂਚਨਾ ਅਤੇ ਪ੍ਰਸਾਰਣ ਰਾਜ ਮੰਤਰੀ ਸ਼੍ਰੀਮਤੀ ਨੰਦਿਨੀ ਸਤਪਤੀ ਦੁਆਰਾ ਸ਼ਨਮੁਖਾਨੰਦ ਹਾਲ (ਮੁੰਬਈ) ਵਿਖੇ 18ਵਾਂ ਰਾਸ਼ਟਰੀ ਪੁਰਸਕਾਰ "ਭਾਰਤ ਪੁਰਸਕਾਰ"
• ਆਰਮੀ ਆਫੀਸਰਜ਼ ਵਾਇਸ ਐਸੋਸੀਏਸ਼ਨ ਟਰਾਫੀ
• ਆਂਧਰਾ ਪ੍ਰਦੇਸ਼ ਫਿਲਮ ਪੱਤਰਕਾਰ ਪੁਰਸਕਾਰ
• ਚਿੱਤਰਲੋਕ ਸਿਨੇ ਸਰਜਕ ਅਵਾਰਡ (ਅਹਿਮਦਾਬਾਦ)