ਹੁਸਨ ਬਾਨੋ
ਹੁਸਨ ਬਾਨੋ | |
|---|---|
| ਜਨਮ | ਰੋਸ਼ਨ ਆਰਾ 8 ਫਰਵਰੀ 1919 ਸਿੰਗਾਪੁਰ |
| ਮੌਤ | 1977 (Aged 58) |
| ਰਾਸ਼ਟਰੀਅਤਾ | ਭਾਰਤੀ |
| ਪੇਸ਼ਾ | ਅਦਾਕਾਰਾ |
| ਸਰਗਰਮੀ ਦੇ ਸਾਲ | 1934–1975 |
ਹੁਸਨ ਬਾਨੂ (ਅੰਗਰੇਜ਼ੀ: Husn Banu; 1919 – 1977) ਇੱਕ ਬਾਲੀਵੁੱਡ ਅਭਿਨੇਤਰੀ ਸੀ, ਜੋ "ਹੰਟਰਵਾਲੀ ਨਾਦੀਆ" ਤੋਂ ਬਾਅਦ ਇੱਕ ਸਟੰਟ ਅਦਾਕਾਰਾ ਵਜੋਂ ਮਸ਼ਹੂਰ ਸੀ ਅਤੇ ਬਾਅਦ ਵਿੱਚ 1930 ਤੋਂ 1970 ਦੇ ਦਹਾਕੇ ਵਿੱਚ ਫਿਲਮਾਂ ਵਿੱਚ ਸਹਾਇਕ ਅਦਾਕਾਰਾ ਵਜੋਂ ਕੰਮ ਕੀਤਾ। ਉਸ ਦਾ ਜਨਮ 1919 ਵਿੱਚ ਸਿੰਗਾਪੁਰ ਵਿੱਚ ਹੋਇਆ ਸੀ।[1]
ਅਰੰਭ ਦਾ ਜੀਵਨ[ਸੋਧੋ]
ਹੁਸਨ ਬਾਨੋ ਦਾ ਜਨਮ ਰੋਸ਼ਨ ਆਰਾ ਦੇ ਰੂਪ ਵਿੱਚ 8 ਫਰਵਰੀ 1919 ਨੂੰ ਸਿੰਗਾਪੁਰ ਵਿੱਚ ਹੋਇਆ ਸੀ। ਉਹ ਅਦਾਕਾਰਾ ਸ਼ਰੀਫਾ ਬਾਈ (1930) ਦੀ ਧੀ ਅਤੇ ਅਦਾਕਾਰਾ ਨਾਜ਼ੀਮਾ ਦੀ ਮਾਸੀ ਸੀ।[2] ਉਸ ਨੂੰ ਮੁੰਬਈ ਦੇ ਇੱਕ ਹਾਈ ਸਕੂਲ ਵਿੱਚ ਦਾਖਲ ਕਰਵਾਇਆ ਗਿਆ ਅਤੇ ਉੱਥੋਂ 12ਵੀਂ ਪਾਸ ਕੀਤੀ। ਉਹ ਅੰਗਰੇਜ਼ੀ, ਗੁਜਰਾਤੀ, ਮਰਾਠੀ, ਉਰਦੂ, ਬੰਗਾਲੀ ਅਤੇ ਹਿੰਦੀ ਵਿੱਚ ਮੁਹਾਰਤ ਰੱਖਦੀ ਸੀ। ਉਹ ਗਾਉਣ ਅਤੇ ਨੱਚਣ ਵਿੱਚ ਵੀ ਨਿਪੁੰਨ ਸੀ।
ਕੈਰੀਅਰ[ਸੋਧੋ]
ਆਪਣੀ ਮਾਂ ਵਾਂਗ ਹੁਸਨ ਬਾਨੋ ਨੇ ਵੀ ਕਲਕੱਤੇ ਵਿੱਚ ਆਪਣਾ ਕਰੀਅਰ ਸ਼ੁਰੂ ਕੀਤਾ ਸੀ। ਉਸਨੇ ਆਪਣੇ ਕੈਰੀਅਰ ਦੀ ਸ਼ੁਰੂਆਤ ਨਿਤਿਨ ਬੋਸ ਦੇ ਨਿਰਦੇਸ਼ਨ ਹੇਠ ਨਿਊ ਥੀਏਟਰ ਦੀ ਫਿਲਮ ਡਾਕੂ ਮਨਸੂਰ ਵਿੱਚ ਸਾਲ 1934 ਵਿੱਚ ਅਭਿਨੇਤਰੀ ਉਮਾਸ਼ੀ ਅਤੇ ਕੇਐਲ ਸਹਿਗਲ ਨਾਲ ਮੁੱਖ ਭੂਮਿਕਾ ਵਿੱਚ ਕੀਤੀ। ਫਿਲਮ ਦੀ ਕਾਸਟ ਵਿੱਚ ਕੇਐਲ ਸਹਿਗਲ, ਉਮਾ ਸ਼ਸ਼ੀ, ਪ੍ਰਿਥਵੀਰਾਜ ਕਪੂਰ, ਹੁਸਨਬਾਨੂ, ਪਹਾੜੀ ਸਾਨਿਆਲ ਅਤੇ ਨੇਮੋ ਸ਼ਾਮਲ ਸਨ।[3] ਡਾਕੂ ਮੰਸੂਰ ਅਭਿਨੇਤਰੀ ਹੁਸਨ ਬਾਨੋ ਦੀ ਪਹਿਲੀ ਫਿਲਮ ਸੀ।[4] ਉਸਦੀ ਮਾਂ ਸ਼ਰੀਫਾ ਨਿਊ ਥੀਏਟਰ ਦੇ ਭੁਗਤਾਨ ਤੋਂ ਖੁਸ਼ ਨਹੀਂ ਸੀ ਅਤੇ ਉਹ ਉਸਨੂੰ ਬੰਬਈ ਲੈ ਆਈ ਜਿੱਥੇ ਹੁਸਨ ਬਾਨੋ ਨੂੰ ਵਾਡੀਆ ਫਿਲਮਾਂ ਵਿੱਚ ਰੋਲ ਮਿਲਣੇ ਸ਼ੁਰੂ ਹੋ ਗਏ। ਪਰ ਉਸ ਨੂੰ ਸਿਰਫ ਸੀ ਗ੍ਰੇਡ ਸਟੰਟ ਐਕਸ਼ਨ ਫਿਲਮਾਂ ਦੀ ਪੇਸ਼ਕਸ਼ ਕੀਤੀ ਗਈ ਸੀ। 1940 ਤੋਂ ਬਾਅਦ, ਉਹ ਭਾਰਤ ਲਕਸ਼ਮੀ ਫਿਲਮਾਂ ਦੁਆਰਾ ਬਣਾਈਆਂ ਦੋ ਸਮਾਜਿਕ ਫਿਲਮਾਂ ਤੋਂ ਭੂਮਿਕਾਵਾਂ ਪ੍ਰਾਪਤ ਕਰਨ ਵਿੱਚ ਸਫਲ ਰਹੀ। 1941 ਵਿੱਚ ਉਸਨੇ ਭਵਨਾਨੀ ਪ੍ਰੋਡਕਸ਼ਨ ਅਤੇ ਨੈਸ਼ਨਲ ਸਟੂਡੀਓ ਦੀਆਂ ਦੋ ਫਿਲਮਾਂ ਵਿੱਚ ਕੰਮ ਕੀਤਾ। ਇਸ ਤੋਂ ਬਾਅਦ ਉਸ ਨੂੰ ਛੋਟੇ ਜਾਂ ਸਾਈਡ ਰੋਲ ਹੀ ਮਿਲੇ। 1941 ਵਿੱਚ, ਹੁਸਨ ਬਾਨੋ ਨੂੰ ਮੁੱਖ ਭੂਮਿਕਾ ਵਿੱਚ ਨੂਰ ਮੁਹੰਮਦ ਚਾਰਲੀ ਦੇ ਉਲਟ ਢੰਡੋਰਾ ਨਾਮ ਦੀ ਇੱਕ ਫਿਲਮ ਲਈ ਚੁਣਿਆ ਗਿਆ, ਹੁਸਨ ਬਾਨੋ ਨੇ ਆਪਣੇ ਜੀਵਨ ਕਾਲ ਵਿੱਚ ਲਗਭਗ 53 ਫਿਲਮਾਂ ਵਿੱਚ ਕੰਮ ਕੀਤਾ ਅਤੇ 16 ਫਿਲਮਾਂ ਵਿੱਚ 44 ਗੀਤ ਗਾਏ।
ਹਵਾਲੇ[ਸੋਧੋ]
- ↑ "Husn Banu Complete Movies List from 1960 to 1934". Archived from the original on 2023-02-23. Retrieved 2023-02-23.
- ↑ "The Magnificent Nazima". YouTube. 10 June 2019. Archived from the original on 1 ਮਾਰਚ 2020. Retrieved 12 June 2019.
{{cite web}}: CS1 maint: bot: original URL status unknown (link) - ↑ "Daku Mansoor 1934". citwf.com. Alan Goble. Retrieved 3 Sep 2014.
- ↑ "Husn Bano". cineplot.com. Cineplot.com. Archived from the original on 12 July 2011. Retrieved 3 Sep 2014.