ਈ.ਟੀ. ਦ ਐਕਸਟ੍ਰਾ ਟੈਰੈਸਟ੍ਰੀਅਲ
| ਈ.ਟੀ. ਦ ਐਕਸਟ੍ਰਾ ਟੈਰੈਸਟ੍ਰੀਅਲ | |
|---|---|
 ਫ਼ਿਲਮ ਦਾ ਪੋਸਟਰ[1] | |
| ਨਿਰਦੇਸ਼ਕ | ਸਟੀਵਨ ਸਪੀਲਬਰਗ |
| ਲੇਖਕ | ਮੈਲਿੱਸਾ ਮੈਥੀਸਨ |
| ਨਿਰਮਾਤਾ |
|
| ਸਿਤਾਰੇ | |
| ਸਿਨੇਮਾਕਾਰ | ਐਲਨ ਡੇਵੀਊ |
| ਸੰਪਾਦਕ | ਕੈਰਲ ਲਿਟਲਟਨ |
| ਸੰਗੀਤਕਾਰ | ਜੌਨ ਵਿਲੀਅਮਸ |
ਪ੍ਰੋਡਕਸ਼ਨ ਕੰਪਨੀ | |
| ਡਿਸਟ੍ਰੀਬਿਊਟਰ | ਯੂਨੀਵਰਸਲ ਪਿਕਚਰਜ਼ |
ਰਿਲੀਜ਼ ਮਿਤੀਆਂ |
|
ਮਿਆਦ | 114 ਮਿੰਟ[2] |
| ਦੇਸ਼ | ਅਮਰੀਕਾ |
| ਭਾਸ਼ਾ | ਇੰਗਲੈਂਡ |
| ਬਜ਼ਟ | 10.5 ਮਿਲੀਅਨ ਡਾਲਰ[3] |
| ਬਾਕਸ ਆਫ਼ਿਸ | 792.9 ਮਿਲੀਅਨ ਡਾਲਰ[3] |
ਈ.ਟੀ. ਦ ਐਕਸਟ੍ਰਾ ਟੈਰੈਸਟ੍ਰੀਅਲ 1982 ਵਿੱਚ ਰਿਲੀਜ਼ ਹੋਈ ਇੱਕ ਅਮਰੀਕੀ ਵਿਗਿਆਨਿਕ ਕਲਪਨਾ ਅਧਾਰਿਤ ਫ਼ਿਲਮ ਹੈ ਜਿਸਦਾ ਨਿਰਦੇਸ਼ਨ ਅਤੇ ਸਹਿ-ਨਿਰਮਾਣ ਸਟੀਵਨ ਸਪੀਲਬਰਗ ਦੁਆਰਾ ਕੀਤਾ ਗਿਆ ਹੈ ਅਤੇ ਇਸਨੂੰ ਮੈਲਿੱਸਾ ਮੈਥੀਸਨ ਦੁਆਰਾ ਲਿਖਿਆ ਗਿਆ ਹੈ। ਇਸ ਫ਼ਿਲਮ ਵਿੱਚ ਸਪੈਸ਼ਲ ਇਫ਼ੈਕਟ ਕਾਰਲੋ ਰੈਮਬਾਲਡੀ ਅਤੇ ਡੈਨਿਸ ਮੁਰੇਨ ਦੇ ਹਨ, ਅਤੇ ਇਸ ਫ਼ਿਲਮ ਵਿੱਚ ਹੈਰੀ ਥੌਮਸ, ਡੀ ਵਾਲਸ, ਪੀਟਰ ਕੋਯੋਟੇ, ਰੌਬਰਟ ਮੈਕਨੌਟਨ, ਡ੍ਰਿਊ ਬੈਰੀਮੋਰ ਅਤੇ ਪੈਟ ਵੈਲਸ਼ ਨੇ ਅਦਾਕਾਰੀ ਕੀਤੀ ਹੈ। ਇਹ ਫ਼ਿਲਮ ਈਲੀਅਟ (ਥੌਮਸ) ਦੀ ਕਹਾਣੀ ਹੈ, ਜੋ ਕਿ ਇਕੱਲਾ ਰਹਿੰਦਾ ਹੈ ਅਤੇ ਉਸਦੀ ਦੋਸਤੀ ਇੱਕ ਆਲੌਲਕ ਜੀਵ ਈ.ਟੀ. ਨਾਲ ਹੁੰਦੀ ਹੈ ਅਤੇ ਜਿਹੜਾ ਕਿ ਧਰਤੀ ਉੱਪਰ ਫਸਿਆ ਹੋਇਆ ਹੈ। ਈਲੀਅਟ ਅਤੇ ਉਸਦੇ ਭੈਣ-ਭਰਾ ਈ.ਟੀ. ਦੀ ਉਸਦੇ ਆਪਣੇ ਗ੍ਰਹਿ ਵਿੱਚ ਪਹੁੰਚਣ ਲਈ ਮਦਦ ਕਰਦੇ ਹਨ ਜਿਸ ਵਿੱਚ ਉਹਨਾਂ ਨੂੰ ਉਸਨੂੰ ਆਪਣੀ ਮਾਂ ਅਤੇ ਸਰਕਾਰ ਤੋਂ ਲੁਕੋ ਕੇ ਰੱਖਣਾ ਪੈਂਦਾ ਹੈ।
ਇਸ ਫ਼ਿਲਮ ਦਾ ਸੰਕਲਪ ਸਪੀਲਬਰਗ ਦੇ ਦਿਮਾਗ ਵਿੱਚ 1960 ਵਿੱਚ ਉਸਦੇ ਮਾਂ-ਪਿਓ ਦੇ ਤਲਾਕ ਦੇ ਸਮੇਂ ਪੈਦਾ ਹੋਇਆ ਜਦੋਂ ਉਸਨੇ ਆਪਣਾ ਇੱਕ ਕਾਲਪਨਿਕ ਦੋਸਤ ਬਣਾ ਲਿਆ ਸੀ। 1980 ਵਿੱਚ ਮੈਥੀਸਨ ਨੂੰ ਮਿਲਿਆ ਜਿਸ ਵਿੱਚ ਉਸਨੇ ਇੱਕ ਨਵੀਂ ਵਿਗਿਆਨਿਕ ਕਲਪਨਾ ਅਧਾਰਿਤ ਫ਼ਿਲਮ ਨਾਈਟ ਸਕਾਈਸ ਦਾ ਪ੍ਰਾਜੈਕਟ ਬਣਾਇਆ। ਇਸ ਫ਼ਿਲਮ ਦੀ ਸ਼ੂਟਿੰਗ ਸਤੰਬਰ ਤੋਂ ਦਸੰਬਰ 1981 ਤੱਕ ਕੈਲੇਫ਼ੋਰਨੀਆ ਵਿੱਚ ਹੋਈ ਅਤੇ ਇਸਦਾ ਬਜਟ 10.5 ਮਿਲੀਅਨ ਡਾਲਰ ਸੀ। ਦੂਜੀਆਂ ਫ਼ਿਲਮਾਂ ਦੇ ਉਲਟ ਇਸ ਫ਼ਿਲਮ ਨੂੰ ਕਾਲਕ੍ਰਮ ਵਿੱਚ ਅਸਿੱਧਾ ਫ਼ਿਲਮਾਇਆ ਗਿਆ ਸੀ।
ਇਸ ਫ਼ਿਲਮ ਨੂੰ 11 ਜੂਨ, 1982 ਨੂੰ ਯੂਨੀਵਰਸਲ ਪਿਕਚਰਜ਼ ਦੁਆਰਾ ਰਿਲੀਜ਼ ਕੀਤਾ ਗਿਆ ਸੀ। ਇਹ ਫ਼ਿਲਮ ਬਾਕਸ ਆਫ਼ਿਸ ਤੇ ਹਿੱਟ ਸਾਬਿਤ ਹੋਈ ਸੀ ਅਤੇ ਇਸ ਫ਼ਿਲਮ ਨੇ ਸਟਾਰ ਵਾਰਜ਼ ਤੋਂ ਵੀ ਜ਼ਿਆਦਾ ਕਮਾਈ ਕਰ ਲਈ ਸੀ। ਇਹ ਫ਼ਿਲਮ 11 ਸਾਲਾਂ ਤੱਕ ਵਿਸ਼ਵ ਭਰ ਵਿੱਚ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੀ ਫ਼ਿਲਮ ਬਣੀ ਰਹੀ, ਅਤੇ ਉਸ ਪਿੱਛੋਂ ਜੁਰਾਸਿਕ ਪਾਰਕ ਨੇ ਇਸ ਫ਼ਿਲਮ ਨੂੰ ਪਿੱਛੇ ਛੱਡਿਆ ਜਿਸਨੂੰ ਵੀ ਸਪੀਲਬਰਗ ਦੁਆਰਾ ਹੀ ਨਿਰਦੇਸ਼ਿਤ ਕੀਤਾ ਗਿਆ ਸੀ। ਇਹ 1980 ਦੇ ਦਹਾਕੇ ਦੀ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੀ ਫ਼ਿਲਮ ਹੈ।
ਇਸ ਫ਼ਿਲਮ ਨੂੰ ਅੱਜ ਤੱਕ ਬਣੀਆਂ ਫ਼ਿਲਮਾਂ ਵਿੱਚੋਂ ਸਭ ਤੋਂ ਵਧੀਆ ਮੰਨਿਆ ਗਿਆ ਹੈ।[4][5][6] ਇਸ ਫ਼ਿਲਮ ਵਿਚਲੀ ਦੋਸਤੀ ਦੀ ਕਹਾਣੀ ਨੂੰ ਆਲੋਚਕਾਂ ਦੁਆਰਾ ਬਹੁਤ ਹੀ ਸਰਾਹਿਆ ਗਿਆ ਹੈ ਅਤੇ ਇਹ ਰੌਟਨ ਟੋਮਾਟੋਜ਼ ਦੁਆਰਾ ਕਰਵਾਏ ਗਏ ਸਰਵੇ ਵਿੱਚ ਸਭ ਤੋਂ ਵਧੀਆ ਵਿਗਿਆਨਿਕ ਕਲਪਨਾ ਅਧਾਰਿਤ ਫ਼ਿਲਮ ਬਣੀ ਸੀ। 1994 ਵਿੱਚ ਇਸਨੂੰ ਅਮਰੀਕਾ ਦਾ ਨੈਸ਼ਨਲ ਫ਼ਿਲਮ ਰਜਿਸਟਰੀ ਵਿੱਚ ਸਾਂਭ ਲਿਆ ਗਿਆ ਸੀ। ਇਸ ਫ਼ਿਲਮ ਨੂੰ 1985 ਅਤੇ ਫਿਰ 2002 ਵਿੱਚ ਇਸਦੀ 20ਵੀਂ ਸਾਲਗਿਰ੍ਹਾ ਨੂੰ ਮਨਾਉਣ ਲਈ ਦੋਬਾਰਾ ਰਿਲੀਜ਼ ਕੀਤਾ ਗਿਆ ਸੀ, ਜਿਸ ਵਿੱਚ ਕੁਝ ਸੀਨਾਂ ਵਿੱਚ ਬਦਲਾਅ ਕੀਤਾ ਗਿਆ ਸੀ ਅਤੇ ਕੁਝ ਵਧੇਰੇ ਸੀਨ ਵੀ ਸਨ।
ਪਾਤਰ
[ਸੋਧੋ]- ਹੈਨਰੀ ਥੌਮਸ, ਇਲੀਅਟ
- ਰੌਬਰਟ ਮਕਨੌਟਨ, ਮਾਈਕਲ
- ਡ੍ਰਿੂਊ ਬੈਰੀਮੋਰ, ਗਰਟੀ
- ਡੀ ਵਾਲਸ, ਮੇਰੀ
- ਪੀਟਰ ਕੋਯੋਟੇ, ਕੀਜ਼
- ਕੇ. ਸੀ। ਮਾਰਟੈਲ, ਗਰੇਗ
- ਸੀਨ ਫ਼ਰਾਈ, ਸਟੀਵ
- ਸੀ। ਥੌਮਸ ਹੌਵਲ, ਟਾਈਲਰ
- ਐਰੀਕਾ ਐਲੇਨਿਆਕ
- ਪੈਟ ਵੈਲਸ਼, ਈ.ਟੀ. ਦੀ ਆਵਾਜ਼
ਹਵਾਲੇ
[ਸੋਧੋ]- ↑ Stewart, Jocelyn (ਫ਼ਰਵਰੀ 10, 2008). "Artist created many famous film posters". Los Angeles Times. Archived from the original on ਜੂਨ 11, 2013. Retrieved ਅਪਰੈਲ 17, 2010.
{{cite news}}: Unknown parameter|deadurl=ignored (|url-status=suggested) (help) - ↑ "E.T. the Extra Terrestrial (U)". British Board of Film Classification. ਜੁਲਾਈ 30, 1982. Archived from the original on ਜਨਵਰੀ 11, 2017. Retrieved ਸਤੰਬਰ 16, 2016.
{{cite web}}: Unknown parameter|deadurl=ignored (|url-status=suggested) (help) - ↑ 3.0 3.1 "E.T.: The Extra-Terrestrial". Box Office Mojo. Archived from the original on ਜਨਵਰੀ 24, 2014. Retrieved ਫ਼ਰਵਰੀ 5, 2009.
{{cite web}}: Unknown parameter|deadurl=ignored (|url-status=suggested) (help) - ↑ https://www.empireonline.com/movies/features/best-movies/
- ↑ http://www.afi.com/100Years/movies.aspx
- ↑ https://www.hollywoodreporter.com/lists/100-best-films-ever-hollywood-favorites-818512/item/vertigo-hollywoods-100-favorite-films-818447
ਬਾਹਰਲੇ ਲਿੰਕ
[ਸੋਧੋ]- E.T. the Extra-Terrestrial, ਇੰਟਰਨੈੱਟ ਮੂਵੀ ਡੈਟਾਬੇਸ ਉੱਤੇ
- E.T. the Extra-Terrestrial, ਆਲਮੂਵੀ ਉੱਤੇ
- ਈ.ਟੀ. ਦ ਐਕਸਟ੍ਰਾ ਟੈਰੈਸਟ੍ਰੀਅਲ ਟੀ.ਸੀ.ਐੱਮ. ਮੂਵੀ ਡੈਟਾਬੇਸ 'ਤੇ
- E.T.: The Extra-Terrestrial at the ਅਮਰੀਕੀ ਫ਼ਿਲਮ ਇੰਸਟੀਚਿਊਟ ਕੈਟਾਲਾਗ
- E.T. the Extra-Terrestrial, ਰੌਟਨ ਟੋਮਾਟੋਜ਼ ਤੇ
- E.T. the Extra-Terrestrial ਬਾਕਸ ਆਫ਼ਿਸ ਮੋਜੋ ਵਿਖੇ
- E.T. the Extra-Terrestrial ਮੈਟਾਕਰਿਟਿਕ 'ਤੇ