ਜੋਨਾਥਨ ਪ੍ਰਾਈਸ

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ
ਜੋਨਾਥਨ ਪ੍ਰਾਈਸ

ਪ੍ਰਾਈਸ ਅਕਤੂਬਰ 2007 ਵਿੱਚ
ਜਨਮ
ਜੌਨ ਪ੍ਰਾਈਸ

(1947-06-01) 1 ਜੂਨ 1947 (ਉਮਰ 76)
ਰਾਸ਼ਟਰੀਅਤਾਅੰਗਰੇਜ਼
ਪੇਸ਼ਾਅਦਾਕਾਰ, ਗਾਇਕ
ਸਰਗਰਮੀ ਦੇ ਸਾਲ1970 ਤੋਂ ਹੁਣ ਤੱਕ
ਜੀਵਨ ਸਾਥੀ
(ਵਿ. 2015)
ਬੱਚੇ3

ਜੋਨਾਥਨ ਪ੍ਰਾਈਸ, ਸੀਬੀਈ (ਜਨਮ ਜੌਨ ਪ੍ਰਾਈਸ; 1 ਜੂਨ 1947) ਇੱਕ ਵੈਲਸ਼ ਅਦਾਕਾਰ ਅਤੇ ਗਾਇਕ ਹੈ। ਰੌਇਲ ਅਕੈਡਮੀ ਔਫ਼ ਡ੍ਰਾਮੈਟਿਕ ਆਰਟ ਵਿਖੇ ਪੜ੍ਹ ਕੇ ਅਤੇ ਆਪਣੀ ਲੰਮੇ ਸਮੇਂ ਦੀ ਗਰਲਫ਼ਰੈਂਡ ਅੰਗਰੇਜ਼ੀ ਅਦਾਕਾਰਾ ਕੇਟ ਫ਼ਾਹੀ ਨੂੰ ਮਿਲਣ ਤੋਂ ਬਾਅਦ, ਉਸਨੇ 1974 ਵਿੱਚ ਆਪਣੇ ਕੈਰੀਅਰ ਦੀ ਸ਼ੁਰੂਆਤ 1970 ਦੇ ਦਹਾਕੇ ਵਿੱਚ ਕੀਤੀ ਸੀ। ਉਸਦਾ ਥੀਏਟਰ ਦੇ ਕੰਮ ਕਰਕੇ ਉਸਨੂੰ ਫ਼ਿਲਮ ਅਤੇ ਟੈਲੀਵਿਜ਼ਨ ਲਈ ਕਈ ਸਹਾਇਕ ਭੂਮਿਕਾਵਾਂ ਕਰਨ ਨੂੰ ਮਿਲੀਆਂ, ਜਿਸ ਵਿੱਚ ਹੈਮਲੈਟ ਨਾਟਕ ਵਿੱਚ ਉਸਦੀ ਮੁੱਖ ਕਿਰਦਾਰ ਦੀ ਭੂਮਿਕਾ ਸ਼ਾਮਿਲ ਸੀ। ਉਸਦੀ ਪਹਿਲੀ ਫ਼ਿਲਮ ਟੈਰੀ ਗਿਲੀਅਮ ਦੀ ਕਲਟ ਫ਼ਿਲਮ ਬ੍ਰਾਜ਼ੀਲ ਸੀ।

ਆਪਣੀ ਖ਼ਾਸ ਬਹੁਮੁਖੀ ਪ੍ਰਤਿਭਾ ਕਰਕੇ ਉਸਦੀ ਬਹੁਤ ਪ੍ਰਸ਼ੰਸਾ ਕੀਤੀ ਜਾਂਦੀ ਹੈ।[1][2] ਪ੍ਰਾਈਸ ਨੇ ਵੱਡੇ ਬਜਟ ਦੀਆਂ ਸਾਰੀਆਂ ਫ਼ਿਲਮਾਂ ਵਿੱਚ ਕੰਮ ਕੀਤਾ ਹੈ ਜਿਸ ਵਿੱਚ ਏਵੀਟਾ, ਟੂਮੌਰੌ ਨੈਵਰ ਡਾਈਜ਼, ਪਾਈਰੇਟਸ ਔਫ਼ ਦ ਕੈਰੇਬੀਅਨ, ਦ ਨਿਊ ਵਰਲਡ, ਜੀ.ਆਈ. ਜੋਅ: ਦ ਰਾਈਜ਼ ਔਫ਼ ਕੌਬਰਾ, ਜੀ.ਆਈ. ਜੋਅ: ਰੀਟਾਲੀਏਸ਼ਨ ਫ਼ਿਲਮਾਂ ਸ਼ਾਮਿਲ ਹਨ। ਇਸ ਤੋਂ ਇਲਾਵਾ ਉਸਨੇ ਕਈ ਸੁਤੰਤਰ ਫ਼ਿਲਮਾਂ ਵੀ ਕੀਤੀਆਂ ਹਨ, ਜਿਹਨਾਂ ਵਿੱਚ ਗਲੈਨਗਰੀ ਗਲੈਨ ਰੌਸ ਅਤੇ ਕੈਰਿੰਗਟਨ ਫ਼ਿਲਮਾਂ ਸ਼ਾਮਿਲ ਹਨ। ਉਸਦਾ ਥੀਏਟਰ ਦਾ ਕੈਰੀਅਰ ਵੀ ਸ਼ਾਨਦਾਰ ਰਿਹਾ ਹੈ ਜਿਸ ਵਿੱਚ ਉਸਨੇ ਦੋ ਵਾਰ ਟੋਨੀ ਅਵਾਰਡ ਜਿੱਤਿਆ ਹੈ— ਪਹਿਲੀ ਵਾਰ 1977 ਵਿੱਚ ਕੌਮੇਡੀਅਨਜ਼ ਨਾਟਕ ਅਤੇ ਦੂਜੀ ਵਾਰ 1991 ਵਿੱਚ ਮਿਸ ਸਾਇਗੌਨ ਨਾਟਕ ਲਈ।

2015 ਵਿੱਚ ਪ੍ਰਾਈਸ ਨੇ ਐਚ.ਬੀ.ਓ. ਦੇ ਲੜੀਵਾਰ ਗੇਮ ਔਫ਼ ਥਰੋਨਸ ਵਿੱਚ ਹਾਈ ਸਪੈਰੋ ਦਾ ਇੱਕ ਮਹਿਮਾਨ ਕਿਰਦਾਰ ਨਿਭਾਇਆ ਸੀ ਅਤੇ 2016 ਵਿੱਚ ਉਹ ਇਸ ਲੜੀਵਾਰ ਵਿੱਚ ਮੁੱਖ ਕਿਰਦਾਰਾਂ ਵਿੱਚੋਂ ਇੱਕ ਸੀ।

2017 ਦੀ ਸ਼ੁਰੂਆਤ ਤੋਂ ਪ੍ਰਾਈਸ ਇੱਕ ਅੰਗਰੇਜ਼ੀ ਲੜੀਵਾਰ ਟੈਬੂ ਵਿੱਚ ਸਰ ਸਟੂਅਰਟ ਸਟ੍ਰੇਂਜ ਦਾ ਕਿਰਦਾਰ ਨਿਭਾ ਰਿਹਾ ਹੈ।

ਮੁੱਢਲਾ ਜੀਵਨ[ਸੋਧੋ]

ਜੋਨਾਥਨ ਪ੍ਰਾਈਸ ਦਾ ਜਨਮ ਕਾਰਮੈਲ, ਫ਼ਲਿੰਟਸ਼ਾਇਰ ਵਿੱਚ ਹੋਇਆ ਸੀ। ਉਸਦੀ ਮਾਂ ਦਾ ਨਾਮ ਮਾਰਗਰੇਟ ਐਲਨ ਅਤੇ ਪਿਤਾ ਦਾ ਨਾਂ ਇਸਾਕ ਪ੍ਰਾਈਸ ਸੀ, ਜਿਹੜਾ ਕਿ ਪਹਿਲਾਂ ਇੱਕ ਕੋਲ ਮਾਈਨਰ ਸੀ ਅਤੇ ਮਗਰੋਂ ਆਪਣੀ ਪਤਨੀ ਨਾਲ ਮਿਲ ਕੇ ਇੱਕ ਛੋਟੀ ਜਿਹੀ ਕਰਿਆਨੇ ਦੀ ਦੁਕਾਨ ਚਲਾਉਂਦਾ ਸੀ। ਪ੍ਰਾਈਸ ਦੀਆਂ ਦੋ ਵੱਡੀਆਂ ਭੈਣਾਂ ਹਨ। ਉਹ ਹੋਲੀਵੈਲ ਗ੍ਰਾਮਰ ਸਕੂਲ ਵਿੱਚ ਪੜ੍ਹਿਆ ਸੀ ਅਤੇ 16 ਸਾਲਾਂ ਦੀ ਉਮਰ ਵਿੱਚ ਉਹ ਇੱਕ ਆਰਟ ਕਾਲਜ ਵਿੱਚ ਗਿਆ ਅਤੇ ਉਸ ਪਿੱਛੋਂ ਐਜ ਹਿਲ ਕਾਲਜ, ਓਰਮਸਕਿਰਕ ਵਿਖੇ ਅਧਿਆਪਕ ਬਣਨ ਲਈ ਟ੍ਰੇਨਿੰਗ ਲੈਣ ਲੱਗਿਆ। ਪੜ੍ਹਦੇ ਵੇਲੇ ਉਸਨੇ ਕਾਲਜ ਦੀ ਥੀਏਟਰ ਪ੍ਰੋਡਕਸ਼ਨ ਵਿੱਚ ਹਿੱਸਾ ਲਿਆ ਸੀ।

ਉਸਦਾ ਇੱਕ ਅਧਿਆਪਕ ਉਸ ਤੋਂ ਪ੍ਰਭਾਵਿਤ ਹੋਇਆ ਅਤੇ ਉਸਨੂੰ ਕਿਹਾ ਕਿ ਉਸਨੂੰ ਇੱਕ ਅਦਾਕਾਰ ਬਣਨਾ ਚਾਹੀਦਾ ਹੈ। ਪ੍ਰਾਈਸ ਦੇ ਵੱਲੋਂ ਉਸਨੇ ਰੌਇਲ ਅਕੈਡਮੀ ਔਫ਼ ਡ੍ਰਾਮੈਟਿਕ ਆਰਟ ਵਿੱਚ ਅਰਜ਼ੀ ਫ਼ਾਰਮ ਭਰਿਆ, ਜਿਸ ਪਿੱਛੋਂ ਉਸਨੂੰ ਅਕੈਡਮੀ ਵੱਲੋਂ ਸਕਾਲਰਸ਼ਿਪ ਦਿੱਤੀ ਗਈ। ਜਦੋਂ ਉਸਨੇ ਇਕੂਇਟੀ ਟ੍ਰੇਡ ਯੂਨੀਅਨ ਵਿੱਚ ਕੰਮ ਕਰਨਾ ਸ਼ੁਰੂ ਕੀਤਾ ਤਾਂ ਉਸਨੇ ਆਪਣਾ ਸਟੇਜੀ ਨਾਂ ਜੋਨਾਥਨ ਪ੍ਰਾਈਸ ਰੱਖਿਆ। ਰੌਇਲ ਅਕੈਡਮੀ ਵਿੱਚ ਪ੍ਰਾਈਸ ਨੇ ਵੈਲਵਟ ਪੇਂਟਿੰਗਜ਼ ਦੇ ਇੱਕ ਸੇਲਜ਼ਮੈਨ ਵੱਜੋਂ ਵੀ ਕੰਮ ਕੀਤਾ।[3][4][5] ਪ੍ਰਾਈਸ ਅਕੈਡਮੀ ਵਿੱਚੋਂ ਪੈਦਾ ਹੋਏ ਨਵੀਂ ਲਹਿਰਵਾਲੇ ਅਦਾਕਾਰਾਂ ਵਿੱਚੋਂ ਇੱਕ ਸੀ, ਜਿਹਨਾਂ ਵਿੱਚ ਬਰੂਸ ਪੇਨ, ਜੂਲੀਅਟ ਸਟੀਵਨਸਨ, ਐਲਨ ਰਿਕਮੈਨ, ਐਂਤਨ ਲੈਸਰ, ਕੈਨੇਥ ਬ੍ਰਾਨਾਗ ਅਤੇ ਫ਼ਿਓਨਾ ਸ਼ਾਅ ਜਿਹੇ ਅਦਾਕਾਰ ਸ਼ਾਮਿਲ ਸਨ।

ਮੁੱਖ ਫ਼ਿਲਮਾਂ[ਸੋਧੋ]

ਪ੍ਰਾਈਸ ਮੁੱਖ ਤੌਰ 'ਤੇ ਟੂਮੌਰੌ ਨੈਵਰ ਡਾਈਜ਼ ਫ਼ਿਲਮ ਵਿੱਚ ਆਪਣੇ ਕਿਰਦਾਰ ਈਲੀਅਟ ਕਾਰਵਰ, ਬ੍ਰਾਜ਼ੀਲ ਫ਼ਿਲਮ ਵਿੱਚ ਸੈਮ ਲੌਰੀ, ਦ ਨਿਊ ਵਰਲਡ ਵਿੱਚ ਇੰਗਲੈਂਡ ਦੇ ਰਾਜੇ ਜੇਮਸ, ਏਵੀਟਾ ਫ਼ਿਲਮ ਵਿੱਚ ਜੂਆਨ ਪੈਰਨ, ਪਾਈਰੇਟਸ ਔਫ਼ ਦ ਕੈਰੇਬੀਅਨ ਫ਼ਿਲਮਾਂ ਵਿੱਚ ਗਵਰਨਰ ਵੈਦਰਬਾਏ ਸਵਾਨ ਅਤੇ ਦੋਵੇਂ ਜੀ.ਆਈ. ਜੋਅ: ਦ ਰਾਈਜ਼ ਔਫ਼ ਕੌਬਰਾ ਅਤੇ ਜੀ.ਆਈ. ਜੋਅ: ਰੀਟਾਲੀਏਸ਼ਨ ਫ਼ਿਲਮਾਂ ਵਿੱਚ ਅਮਰੀਕੀ ਰਾਸ਼ਟਰਪਤੀ ਦੇ ਕਿਰਦਾਰ ਲਈ ਜਾਣਿਆ ਜਾਂਦਾ ਹੈ।

ਹਵਾਲੇ[ਸੋਧੋ]

  1. Shenton, Mark (15 October 2007). "Jonathan Pryce Archived 18 January 2008 at the Wayback Machine.". Broadway.com in London. Retrieved 10 November 2007.
  2. BWW News Desk (20 November 2005). "Jonathan Pryce Confirmed To Step Into 'Dirty Rotten Scoundrels'". BroadwayWorld.com. Retrieved 10 November 2007.
  3. "Jonathan Pryce". BBC.co.uk. Retrieved 28 October 2007.
  4. "Jonathan Pryce Biography". Tribute.ca. Retrieved 28 October 2007.
  5. (16 August 2002). "I always wanted to be a pop star...". The Guardian. Retrieved 9 December 2007.

ਬਾਹਰਲੇ ਲਿੰਕ[ਸੋਧੋ]