ਆਨੰਦ ਬਖਸ਼ੀ

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ
Jump to navigation Jump to search
ਆਨੰਦ ਬਖਸ਼ੀ
Anand Bakshi.tif
ਜਨਮਨੰਦੋ/ਨੰਦ (ਆਨੰਦ ਪ੍ਰਕਾਸ਼ ਬਖਸ਼ੀ)
(1930-07-21)21 ਜੁਲਾਈ 1930
ਰਾਵਲਪਿੰਡੀ, ਬ੍ਰਿਟਿਸ਼ ਭਾਰਤ (ਹੁਣ ਪਾਕਿਸਤਾਨ)
ਮੌਤ30 ਮਾਰਚ 2002(2002-03-30) (ਉਮਰ 71)
ਮੁੰਬਈ, ਭਾਰਤ
ਪੇਸ਼ਾਗੀਤਕਾਰ
ਸਰਗਰਮੀ ਦੇ ਸਾਲ1945–2002
ਸੰਬੰਧੀਆਦਿਤਿਆ ਦੱਤ (ਪੋਤਰਾ)[1]

ਆਨੰਦ ਬਖਸ਼ੀ (21 ਜੁਲਾਈ 1930 - 30 ਮਾਰਚ, 2002) ਇੱਕ ਮਸ਼ਹੂਰ ਭਾਰਤੀ ਕਵੀ ਅਤੇ ਗੀਤਕਾਰ ਸੀ|

ਜੀਵਨ[ਸੋਧੋ]

ਮੁੱਢਲਾ ਜੀਵਨ[ਸੋਧੋ]

ਆਨੰਦ ਬਖਸ਼ੀ (ਬਖਸ਼ੀ ਆਨੰਦ ਪ੍ਰਕਾਸ਼ ਵੇਦ) ਦਾ ਜਨਮ 21 ਜੁਲਾਈ, 1930 ਨੂੰ ਰਾਵਲੀਪਿੰਡੀ, (ਹੁਣ ਪਾਕਿਸਤਾਨ) ਵਿਚ ਹੋਇਆ|[2] ਉਸਦੇ ਵੱਡ-ਵਡੇਰੇ ਮੋਹਯਾਲ ਬ੍ਰਾਹਮਣ ਸਨ ਜੋ ਕਿ ਰਾਵਲਪਿੰਡੀ ਦੇ ਨੇੜੇੇ ਕੁੱਰੀ ਤੋਂ ਸਨ ਅਤੇ ਉਨ੍ਹਾਂ ਦਾ ਪਿਛੋਕੜ ਕਸ਼ਮੀਰ ਨਾਲ ਜੁੜਿਆ ਸੀ| ਉਹ ਅਜੇ 5 ਸਾਲਾਂ ਦਾ ਹੀ ਸੀ ਕਿ ਉਸਦੀ ਮਾਂ ਸੁਮਿਤਰਾ ਦੀ ਮੌਤ ਹੋ ਗਈ| ਉਹ 17 ਸਾਲਾਂ ਦਾ ਸੀ ਜਦੋਂ ਭਾਰਤ-ਵੰਡ ਕਾਰਣ 2 ਅਕਤੂਬਰ, 1947 ਨੂੰ ਬਖ਼ਸ਼ੀ ਪਰਿਵਾਰ ਨੂੰ ਭਾਰਤ ਆਉਣਾ ਪਿਆ| ਸਾਰਾ ਪਰਿਵਾਰ ਡਕੋਟਾ ਨਾਮ ਦੇ ਜਹਾਜ਼ ਰਾਹੀਂ ਦਿੱਲੀ ਆਇਆ, ਜਿੱਥੋਂ ਉਨ੍ਹਾਂ ਨੂੰ ਪੁਣੇ, ਫਿਰ ਮੇਰਠ ਅਤੇ ਆਖਿਰ ਨੂੰ ਦਿੱਲੀ ਵਸਾਇਆ ਗਿਆ|

ਬਖਸ਼ੀ ਨੂੰ ਲਿਖਣ ਦਾ ਸ਼ੌਂਕ ਜਵਾਨੀ ਤੋਂ ਹੀ ਸੀ, ਪਰੰਤੂ ਉਸਨੇ ਇਹ ਸਭ ਜ਼ਿਆਦਾਤਰ ਨਿੱਜੀ ਸ਼ੌਂਕ ਵਜੋਂ ਹੀ ਕੀਤਾ| 1983 ਦੇ ਦੂਰਦਰਸ਼ਨ ਨਾਲ ਇੰਟਰਵਿਊ ਵਿਚ,[3] ਬਖ਼ਸ਼ੀ ਆਪ ਦੱਸਦਾ ਹੈ ਕਿ ਆਪਣੀ ਮੁੱਢਲੀ ਪੜ੍ਹਾਈ ਤੋਂ ਬਾਅਦ ਉਹ ਭਾਰਤੀ ਫ਼ੌਜ ਵਿਚ ਭਰਤੀ ਹੋ ਗਿਆ, ਜਿੱਥੇ ਸਮੇਂ ਦੀ ਘਾਟ ਕਾਰਨ, ਉਹ ਕੇਵਲ ਖਾਸ ਮੌਕਿਆਂ 'ਤੇ ਹੀ ਲਿਖਦਾ ਸੀ|[3] ਉਸਨੂੰ ਜਦੋਂ ਵੀ ਵਿਹਲ ਮਿਲਦੀ ਉਹ ਕਵਿਤਾ ਲਿਖਦਾ ਅਤੇ ਆਪਣੇ ਗੀਤਾਂ ਨੂੰ ਆਪਣੀ ਫੌਜ ਦੇ ਸਥਾਨਿਕ ਕਾਰਜਾਂ ਉੱਤੇ ਪੇਸ਼ ਕਰਦਾ|[3] ਉਸਨੇ ਫੌਜ ਵਿਚ ਕਈ ਸਾਲ ਕੰਮ ਕੀਤਾ ਅਤੇ ਇਸਦੇ ਨਾਲ ਹੀ ਆਪਣੇ ਗੀਤਾਂ ਨੂੰ ਮੁੰਬਈ ਫਿਲਮੀ ਜਗਤ ਵਿਚ ਲਿਆਉਣ ਦੀ ਕੋਸ਼ਿਸ਼ ਵੀ ਕਰਦਾ ਰਿਹਾ|[3]

ਭਾਰਤੀ ਰੋਇਲ ਨੇਵੀ ਨਾਲ ਪਹਿਲੀ ਨੌਕਰੀ ਤੋਂ ਗੀਤਕਾਰੀ ਦਾ ਕਾਲਕ੍ਰਮ: ਆਨੰਦ ਪ੍ਰਕਾਸ਼ ਵਜੋਂ 14 ਸਾਲ ਦੀ ਉਮਰ ਵਿਚ ਕਰਾਚੀ ਵਿਖੇ ਭਾਰਤੀ ਰੋਇਲ ਨੈਵੀ ਵਿਚ ਭਰਤੀ ਹੋਇਆ (ਰੈਂਕ - ਮੁੰਡਾ 1) – 12-7-1944. ਸਮੁਦਰੀ ਜਹਾਜ - H.M.I.S. ਦਿਲਾਵਰ 1 12-7-1944 ਤੋਂ 4-4-1945 ਤੱਕ| ਭਾਰਤੀ ਰੋਇਲ ਜਲਸੇਨਾ 'ਚੋ ਬਰਖਾਸਤ – 5-4-1946. (H.M.I.S. ਬਹਾਦਰ ਤੇ 5-4-1945 ਤੋਂ 5-4-1946 ਤੱਕ ਸੇਵਾ ਨਿਭਾਈ) 2-10-1947 ਨੂੰ ਭਾਰਤ ਵੰਡ ਦੇ ਕਾਰਨ ਰਾਵਲਪਿੰਡੀ, ਪਾਕਿਸਤਾਨ ਨੂੰ ਛੱਡਕੇ ਦਿੱਲੀ ਆ ਵੱਸਦਾ ਹੈ| ਉਨ੍ਹਾਂ 14-10-1947 ਨੂੰ ਪੂਨਾ ਦੇ ਰਿਫ਼ਿਊਜ਼ੀ ਰਜਿਸਟ੍ਰੇਸ਼ਨ ਬ੍ਰਾਂਚ ਵਿਚ ਦਾਖਿਲਾ ਦਰਜ਼ ਕੀਤਾ| 20 ਸਾਲਾਂ ਦੀ ਉਮਰ ਵਿਚ 15-11-1947 ਨੂੰ ਆਨੰਦ ਪ੍ਰਕਾਸ਼ ਵਜੋਂ ਜਬਲਪੁਰ ਵਿਚ ਭਾਰਤੀ ਫ਼ੌਜ ਵਿਚ ਕਾਰਪਸ ਆਫ ਸਿਗਨਲਸ ਵਜੋਂ ਦਾਖਿਲ ਹੋਇਆ|

ਫਿਰ ਆਪਣੀ ਹੀ ਬੇਨਤੀ ਉੱਤੇ 10-4-1950 ਨੂੰ ਕਾਰਪਸ ਆਫ ਸਿਗਨਲ ਫੌਜ ਵਿਚੋਂ ਸੇਵਾ ਮੁਕਤ ਹੋਇਆ| ਉਸਨੇ ਫੌਜ ਵਿਚ 2 ਸਾਲ, 4 ਮਹੀਨੇ, 12 ਦਿਨ ਸੇਵਾ ਨਿਭਾਈ| ਫੌਜੀ ਤਿਜ਼ਾਰਤ ਅਤੇ ਯੋਗਤਾ – Switch Board Operator Class III. 12-4-1950 ਨੂੰ ਫੌਜ ਦੀ ਨੌਕਰੀ ਛੱਡੀ| ਉਹ 27-8-1956 ਨੂੰ ਜੱਬਲਪੁਰ, ਲਖਨਊ ਵਿਖੇ ਆਪਣੀ ਇੱਛਾ ਅਨੁਸਾਰ ਦੂਜੀ ਵਾਰੀ ਈ.ਐੱਮ.ਈ. (ਬਿਜਲੀ ਤੇ ਮਕੈਨਿਕਲ ਇੰਜਿਨੀਅਰਾਂ ਦਾ ਫੌਜੀ ਦਲ) ਫੌਜ ਤੋਂ ਸੇਵਾਮੁਕਤ ਹੋਇਆ| ਇਸ ਉਪਰੰਤ ਉਸਨੇ ਅਕਤੂਬਰ 1956 ਨੂੰ ਬੰਬਈ ਵੱਲ ਰੁੱਖ ਕੀਤਾ ਅਤੇ ਬਤੌਰ ਗਾਇਕ, ਗੀਤਕਾਰ ਅਤੇ ਸੰਗੀਤਕਾਰ ਵਜੋਂ ਫਿਲਮੀ ਜਗਤ ਵਿਚ ਕੰਮ ਕੀਤਾ|

ਸਫ਼ਲਤਾ[ਸੋਧੋ]

ਆਨੰਦ ਬਖਸ਼ੀ ਹਿੰਦੀ ਸਿਨੇਮਾ ਜਗਤ ਵਿਚ ਬਤੌਰ ਗੀਤਕਾਰ ਅਤੇ ਗਾਇਕ ਵਜੋਂ ਨਾਮ ਕਮਾਉਣ ਆਇਆ, ਪਰੰਤੂ ਉਸਨੂੰ ਜ਼ਿਆਦਾ ਪ੍ਰਸਿੱਧੀ ਗੀਤਕਾਰੀ ਵਜੋਂ ਪ੍ਰਾਪਤ ਹੋਈ| ਉਸਨੂੰ ਸਭ ਤੋਂ ਪਹਿਲਾਂ ਬ੍ਰਿਜ ਮੋਹਨ ਦੀ ਭਲਾ ਆਦਮੀ (1958) ਨਾਮ ਦੀ ਫ਼ਿਲਮ ਲਈ ਗੀਤ ਲਿਖਣ ਦਾ ਮੌਕਾ ਮਿਲਿਆ ਜਿਸ ਵਿਚ ਭਗਵਾਨ ਦਾਦਾ ਨੇ ਅਦਾਕਾਰੀ ਕੀਤੀ| ਉਸਨੇ ਇਸ ਫ਼ਿਲਮ ਲਈ ਚਾਰ ਗੀਤ ਲਿਖੇ| ਉਸਦਾ ਇਸ ਫ਼ਿਲਮ ਵਿਚ ਪਹਿਲਾ ਗੀਤ ਧਰਤੀ ਕੇ ਲਾਲ ਨਾ ਕਰ ਇਤਨਾ ਮਲਾਲ ਹੈ ਜੋ ਕਿ 9 ਨਵੰਬਰ, 1956 ਨੂੰ ਰਿਕਾਰਡ ਹੋਇਆ| (ਉਸਦੀ ਆਪਣੀ ਆਵਾਜ਼ ਵਿਚ ਆਲ ਇੰਡੀਆ ਰੇਡੀਉ ਦਾ ਇੰਟਰਵੀਊ)[4]

1956 ਤੋਂ ਬਾਅਦ ਕਈ ਫ਼ਿਲਮਾ ਲਈ ਗੀਤ ਲਿਖਣ ਤੋਂ ਬਾਅਦ, ਉਸਨੂੰ 1962 ਵਿਚ ਲਾਈਮਲਾਈਟ ਵੱਲੋਂ ਪ੍ਰਦਰਸ਼ਿਤ ਫ਼ਿਲਨ ਮਹਿੰਦੀ ਲਗੀ ਮੇਰੇ ਹਾਥ ਨਾਲ ਸਫ਼ਲਤਾ ਪ੍ਰਾਪਤ ਹੋਈ, ਜਿਸਦਾ ਸੰਗੀਤ ਕਲਿਆਣ ਜੀ ਅਤੇ ਆਨੰਦ ਜੀ, Music Pub-HMV/ਸਾਰੇਗਾਮਾ ਨੇ ਦਿੱਤਾ| ਇਸਤੋਂ ਬਾਅਦ ਬਖ਼ਸ਼ੀ ਨੇ 1962 ਵਿਚ ਹੀ ਫ਼ਿਲਮ ਕਾਲਾ ਸਮੁੰਦਰ ਲਈ ਮੇਰੀ ਤਸਵੀਰ ਲੇਕਰ ਕਯਾ ਕਰੋਗੇ ਤੁਮ ਨਾਮਕ ਕਵਾਲੀ ਲਿਖਕੇ ਇੱਕ ਹੋਰ ਸਫ਼ਲਤਾ ਦਰਜ ਕੀਤੀ| ਉਸਨੂੰ ਅਸਲੀ ਤੇ ਵੱਡੀ ਸਫ਼ਲਤਾ 1965 ਵਿਚ ਹਿਮਾਲਿਆ ਦੀ ਗੋਦ ਮੇਂ ਨਾਲ ਮਿਲੀ ਤੇ ਇੱਕ ਹੋਰ ਭਾਰੀ ਸਫ਼ਲਤਾ ਦੁਬਾਰਾ ਫੇਰ 1965 ਵਿਚ ਸਫ਼ਲ ਫ਼ਿਲਮ ਜਬ ਜਬ ਫ਼ੂਲ ਖਿਲੇ ਅਦਾਕਾਰੀ ਸ਼ਸ਼ੀ ਕਪੂਰ ਨਾਲ ਮਿਲੀ| ਅਤੇ ਇੱਕ ਵਾਰ ਫੇਰ 1967 ਵਿਚ ਹਿਟ ਫ਼ਿਲਮ ਮਿਲਨ ਨਾਲ ਮਿਲੀ ਜਿਸ ਵਿਚ ਮੁੱਖ ਕਿਰਦਾਰ ਸੁਨਿਲ ਦੱਤ ਨੇ ਨਿਭਾਇਆ| ਫਿਲਮੀ ਜਰਤ ਵਿਚ ਦਾਖਿਲ ਹੋਣ ਤੇ ਪਹਿਲੇ ਦਹਾਕੇ ਦਰਮਿਆਨ ਸਫ਼ਲ ਹੋਈਆਂ ਇਨ੍ਹਾਂ ਛੇ ਫ਼ਿਲਮਾਂ ਨੇ ਉਸਦੀ ਫਿਲਮੀ ਜਗਤ ਵਿਚ ਗੀਤਕਾਰ ਵਜੋਂ ਥਾਂ ਪੱਕੀ ਕੀਤੀ| ਉਸਨੇ ਆਪਣਾ ਕਾਰਜ ਸ਼ਿੱਦਤ ਨਾਲ ਨਿਭਾਇਆ ਅਤੇ ਕੁੱਲ 638 ਫ਼ਿਲਮਾਂ ਲਈ 3500 ਤੋਂ ਵੱਧ ਗੀਤ ਲਿਖੇ|[5][ਹਵਾਲਾ ਲੋੜੀਂਦਾ]

ਗਾਇਕ ਵਜੋਂ ਉਸਨੂੰ ਪਹਿਲਾ ਮੌਕਾ 1972 ਵਿਚ ਮੋਹਨ ਕੁਮਾਰ ਦੀ ਨਿਰਦੇਸ਼ਿਤ ਫ਼ਿਲਮ ਮੋਮ ਕੀ ਗੁੜੀਆ ਵਿਚ ਮਿਲਿਆ| ਉਸਦਾ ਗਾਇਆ ਪਹਿਲਾ ਗੀਤ ਬਾਗੋਂ ਮੇਂ ਬਹਾਰ ਆਈ ਹੋਟੋਂ ਪੇ ਪੁਕਾਰ ਆਈ ਦੋਗਾਣਾ ਸੀ ਜੋ ਉਸਨੇ ਲਤਾ ਮੰਗੇਸ਼ਕਰ ਨਾਲ ਗਾਇਆ ਤੇ ਜਿਸਦਾ ਸੰਗੀਤ ਲਕਸ਼ਮੀਕਾਂਤ-ਪਿਆਰੇਲਾਲ ਨੇ ਦਿੱਤਾ| ਉਸਨੇ ਇਸੇ ਫ਼ਿਲਮ ਲਈ ਹੀ ਮੈਂ ਢੂੰਡ ਰਹਾ ਥਾ ਸਪਨੋਂ ਮੇਂ ਸੋਲੋ ਗੀਤ ਗਾਇਆ| ਉਸਨੇ ਚਾਰ ਹੋਰ ਫ਼ਿਲਮਾਂ ਲਈ ਵੀ ਗੀਤ ਗਾਏ: ਸ਼ੋਲੇ(1975), ਜਿਸ ਵਿਚ ਉਸਨੇ ਮੰਨਾ ਦੇਅ, ਕਿਸ਼ੋਰ ਕੁਮਾਰ ਅਤੇ ਭੁਪਿੰਦਰ ਨਾਲ ਚਾਂਦ ਸਾ ਕੋਈ ਚਿਹਰਾ ਨਾਮ ਦੀ ਕ਼ਵਾਲੀ ਗਾਈ,(ਇਹ ਗੀਤ ਕੇਵਲ ਪੋਸਟਰ 'ਤੇ ਸ਼ਾਮਿਲ ਕੀਤਾ ਗਿਆ ਫ਼ਿਲਮ ਵਿਚ ਨਹੀਂ ਸੀ); ਮਹਾ ਚੋਰ (1976); ਚਰਸ (1976); ਅਤੇ ਬਾਲੀਕਾ ਬਧੂ (1976).

ਆਨੰਦ ਬਖ਼ਸ਼ੀ ਵਿਆਪਕ ਰੂਪ ਵਿਚ ਸੰਗੀਤਕਾਰੀ ਨਾਲ ਜੁੜਿਆ ਰਿਹਾ ਜਿਵੇਂ ਕਿ

ਲਕਸ਼ਮੀਕਾਂਤ-ਪਿਆਰੇਲਾਲ, ਆਰ. ਡੀ. ਬਰਮਨ, ਕਲਿਆਣਜੀ ਆਨੰਦਜੀ, ਐੱਸ. ਡੀ. ਬਰਮਨ, ਅਨੂ ਮਲਿਕ, ਰਾਜੇਸ਼ ਰੋਸ਼ਨ ਅਤੇ ਆਨੰਦ-ਮਿਲਿੰਦ, ਅਤੇ ਉਸਦੇ ਗੀਤ ਲਗਭਗ ਹਰ ਮਸ਼ਹੂਰ ਗਾਇਕ ਅਤੇ ਨਾਲ ਹੀ ਦੂਜੇ ਗਾਇਕਾਂ ਦਵਾਰਾ ਗਾਏ ਗਏ ਜਿਵੇਂ ਕਿ ਸ਼ਮਸ਼ਾਦ ਬੇਗਮ, ਇਲਾ ਅਰੁਣ, ਖੁਰਸ਼਼ੀਦ ਬਾਵਰਾ, ਆਮਿਰਬਾਈ ਕਰਨਾਟਕੀ, ਸੁਧਾ ਮਲਹੋਤਰਾ ਅਤੇ ਹੋਰ| ਉਸਨੂੰ ਇੱਕ ਤੋਂ ਵਧੀਕ ਪੀੜ੍ਹੀ ਦੇ ਸੰਗੀਤਕਾਰਾਂ ਨਾਲ ਕੰਮ ਕਰਨ ਵਜੋਂ ਵੀ ਜਾਣਿਆ ਜਾਂਦਾ ਹੈ|
ਜਿਵੇਂ ਕਿ ਸ਼ੈਲੇਂਦਰ ਸਿੰਘ, ਕੁਮਾਰ ਸਾਨੂ, ਕਵਿਤਾ ਕਰਿਸ਼ਨਾਮੂਰਤੀ ਆਦਿ, ਅਤੇ ਉਸਨੇ ਆਪਣੇ ਆਪ ਨੂੰ  ਫ਼ਿਲਮ "ਹਰੇ ਰਾਮਾ ਹਰੇ ਕ੍ਰਿਸ਼ਨਾ (1971) ਵਿਚਲੇ "ਗੀਤ "ਦਮ ਮਾਰੋ ਦਮ" ਰਾਹੀਂ ਵਰਸੇਟਾਈਲ ਗੀਤਕਾਰ ਵਜੋਂ ਸਥਾਪਿਤ ਕੀਤਾ|

ਇਸਤੋਂ ਬਾਅਦ ਉਸਨੇ ਕਈ ਫ਼ਿਲਮਾਂ ਲਈ ਯਾਦਗਾਰੀ ਗੀਤ ਲਿਖੇ ਜਿਨ੍ਹਾਂ ਵਿਚ ਬੋਬੀ, ਅਮਰ ਪ੍ਰੇਮ (1971), ਅਰਾਧਨਾ (1970), ਜੀਨੇ ਕੀ ਰਾਹ, ਮੇਰਾ ਗਾਉਂ ਮੇਰਾ ਦੇਸ਼, ਆਏ ਦਿਨ ਬਹਾਰ ਕੇ, ਆਇਆ ਸਾਵਨ ਝੂਮ ਕੇ, ਸੀਤਾ ਔਰ ਗੀਤਾ, ਸ਼ੋਲੇ (1975), ਧਰਮ ਵੀਰ, ਨਗੀਨਾ, ਲਮਹੇ, ਹਮ (1991), ਮੋਹਰਾ (1994), ਦਿਲ ਵਾਲੇ ਦੁਲਹਨੀਆਂ ਲੇ ਜਾਏਂਗੇ (1995), ਪਰਦੇਸ (1997), ਹੀਰ ਰਾਂਝਾ, ਦੁਸ਼ਮਨ (1998), ਤਾਲ (1998), ਮੋਹੱਬਤੇਂ (2000), ਗਦਰ: ਇੱਕ ਪ੍ਰੇਮ ਕਥਾ (2001), ਅਤੇ ਯਾਦੇਂ (2001).

ਮੌਤ[ਸੋਧੋ]

ਲਹਿੰਦੀ ਉਮਰ ਵਿਚ ਉਹ ਉਮਰਭਰ ਸਿਗਰਟਨੋਸ਼ੀ ਕਰਨ ਕਾਰਨ ਦਿਲ ਅਤੇ ਫੇਫੜੇਆਂ ਦੇ ਰੋਗਾਂ ਦਾ ਸ਼ਿਕਾਰ ਹੋ ਗਿਆ| ਮਾਰਚ 2002 ਵਿਚ ਨਾਨਾਵਤੀ ਹਸਪਤਾਲ ਵਿਚ ਦਿਲ ਦੀ ਛੋਟੀ ਸਰਜਰੀ ਦੇ ਦੌਰਾਨ ਉਸਨੂੰ ਸੰਕ੍ਰਮਣ ਫੈਲ ਗਿਆ| ਆਖਿਰ ਵਿਚ 30 ਮਾਰਚ 2002 ਨੂੰ ਰਾਤ ਅੱਠ ਵਜੇ ਮੁੰਬਈ ਦੇ ਨਾਨਾਵਤੀ ਹਸਪਤਾਲ ਵਿਖੇ 72 ਸਾਲ ਦੀ ਉਮਰ ਵਿਚ ਸ਼ਰੀਰ ਦੇ ਕਈ ਅੰਗਾਂ ਦੇ ਫੇਲ ਹੋ ਜਾਣ ਕਾਰਨ ਉਸਦੀ ਮੌਤ ਹੋ ਗਈ|[ਹਵਾਲਾ ਲੋੜੀਂਦਾ] ਮੌਤ ਤੋਂ ਬਾਅਦ ਆਨੰਦ ਦੀ ਗੀਤਕਾਰੀ ਹੇਠ 2008 ਵਿਚ ਮਹਿਬੂਬਾ ਫਿਲਮ ਰਿਲੀਜ਼ ਹੋਈ|

2002 ਵਿਚ ਆਪਣੀ ਮੌਤ ਸਮੇਂ ਉਸ ਨਾਲ ਉਸਦੀ ਪਤਨੀ ਕਮਲਾ ਮੋਹਨ ਬਖ਼ਸ਼ੀ, ਸਪੁੱਤਰੀ ਸੁਮਤ ਦੱਤ(ਵਿਆਹੁਤਾ), ਸਪੁੱਤਰ ਰਾਜੇਸ਼ ਬਖ਼ਸ਼ੀ, ਰਾਕੇਸ਼ ਬਖ਼ਸ਼ੀ ਅਤੇ ਸਪੁੱਤਰੀ ਕਵੁਤਾ ਬਾਲੀ (ਵਿਆਹੁਤਾ) ਮੌਜੂਦ ਸਨ| ਉਸਦਾ ਪੁਤਰਾ ਆਦਿਤਿਆ ਦੱਤ ਇੱਕ ਫਿਲਮ ਨਿਰਦੇਸ਼ਕ ਹੈ| ਉਸਦਾ ਪੁੱਤਰ ਰਾਕੇਸ਼ ਆਨੰਦ ਬਖ਼ਸ਼ੀ ਡਾਇਰੈਕਟਰ ਡਾਇਰੀ - ਦਾ ਰੋਡ ਟੂ ਦੇਅਰ ਫਸ਼ਟ ਫ਼ਿਲਮ ਦਾ ਲੇਖਕ ਹੈ|[6]

ਫ਼ਿਲਮੋਗ੍ਰਾਫ਼ੀ[ਸੋਧੋ]

ਬਾਹਰੀ ਕੜੀਆਂ[ਸੋਧੋ]

ਫਰਮਾ:FilmfareAwardBestLyricist

  1. Taran Adarsh (26 May 2005). "Anand Bakshi's grand-son turns director". BH News Network. Bollywood Hungama. Retrieved 8 February 2016. 
  2. "Anand Bakshi on TOTAL RECALL Part 1 (@Times Now)". Retrieved 2012-01-29. 
  3. 3.0 3.1 3.2 3.3 "Interview with Anand Bakshi – Phool khile hain gulshan gulshan". You Tube. Doordarshan. Retrieved 5 July 2016.  |first1= missing |last1= in Authors list (help)
  4. https://www.youtube.com/watch?v=zz0vZndMPvA
  5. https://www.youtube.com/watch?v=IgWXFLorxTw
  6. https://harpercollins.co.in/author-details/rakesh-bakshi/