ਕ੍ਰਿਸਟਨ ਲੇਗੀਰਸਕੀ

ਕ੍ਰਿਸਟਨ ਲੇਗੀਰਸਕੀ

ਕ੍ਰਿਸਟਨ ਲੇਗੀਰਸਕੀ (ਜਨਮ 22 ਅਪ੍ਰੈਲ 1978 ਕੋਨੀਆਕੋਵ ਵਿੱਚ) ਇੱਕ ਪੋਲਿਸ਼ ਐਲ.ਜੀ.ਬੀ.ਟੀ ਕਾਰਕੁੰਨ, ਉੱਦਮੀ, ਗ੍ਰੀਨਜ਼ 2004 ਦਾ ਮੈਂਬਰ ਹੈ। 2010 ਵਿੱਚ ਸਥਾਨਕ ਚੋਣਾਂ ਵਿੱਚ ਉਸਨੇ ਵਾਰਸਾ ਸਿਟੀ ਕਾਉਂਸਲ ਦੀ ਇੱਕ ਸੀਟ ਜਿੱਤੀ, ਇਸ ਤਰ੍ਹਾਂ ਪੋਲੈਂਡ ਵਿੱਚ ਇੱਕ ਰਾਜਨੀਤਿਕ ਅਹੁਦੇ ਲਈ ਚੁਣੇ ਜਾਣ ਵਾਲਾ ਪਹਿਲਾ ਸਮਲਿੰਗੀ ਰਾਜਨੇਤਾ ਬਣਿਆ।

ਜੀਵਨੀ

ਉਹ ਪੋਲੈਂਡ ਵਿੱਚ ਇੱਕ ਪੋਲਿਸ਼ ਮਾਂ ਅਤੇ ਇੱਕ ਮੌਰੀਤਾਨੀਆ ਪਿਤਾ ਦੇ ਘਰ ਪੈਦਾ ਹੋਇਆ ਸੀ ਜੋ ਇੱਕ ਅੰਤਰਰਾਸ਼ਟਰੀ ਵਿਦਿਆਰਥੀ ਵਜੋਂ ਪੋਲੈਂਡ ਵਿੱਚ ਰਹਿੰਦਾ ਸੀ।

ਲੇਗੀਰਸਕੀ ਨੇ ਵਾਰਸਾ ਯੂਨੀਵਰਸਿਟੀ ਵਿੱਚ ਕਾਨੂੰਨ ਦੀ ਪੜ੍ਹਾਈ ਕੀਤੀ। ਉਹ ਐਲ.ਜੀ.ਬੀ.ਟੀ. ਅੰਦੋਲਨ ਵਿੱਚ ਸਰਗਰਮ ਰਿਹਾ। 2003 ਵਿੱਚ ਉਸਨੇ ਪੋਲੈਂਡ ਦੀ ਸੈਨੇਟ ਵਿੱਚ ਮਾਰੀਆ ਸਜ਼ਿਸਕੋਵਸਕਾ ਦੁਆਰਾ ਪ੍ਰਾਯੋਜਿਤ ਸਿਵਲ ਯੂਨੀਅਨਾਂ ਬਾਰੇ ਪਹਿਲੇ ਖਰੜੇ ਦਾ ਸਹਿ-ਲੇਖਨ ਕੀਤਾ; ਸੈਨੇਟ ਦੁਆਰਾ ਕਾਨੂੰਨ ਪਾਸ ਕੀਤਾ ਗਿਆ ਸੀ, ਪਰ ਸੇਜਮ ਦੁਆਰਾ ਨਹੀਂ ਵਿਚਾਰਿਆ ਗਿਆ ਸੀ। 2009 ਤੋਂ ਉਹ ਸਿਵਲ ਯੂਨੀਅਨਾਂ ਨੂੰ ਪੋਲਿਸ਼ ਕਾਨੂੰਨੀ ਪ੍ਰਣਾਲੀ ਵਿੱਚ ਲਿਆਉਣ ਦੀ ਇੱਕ ਹੋਰ ਕੋਸ਼ਿਸ਼ ਵਿੱਚ ਸ਼ਾਮਿਲ ਰਿਹਾ। 2006 ਤੋਂ 2010 ਵਿਚਕਾਰ ਉਸਨੇ ਲੈਪਿਜ ਪਾਨੋ ਨੀਜ਼ ਵੈਕਾਲੇ (ਬੈਟਰ ਲੇਟ ਦੇਨ ਨੇਵਰ) - ਟੋਕ ਐੱਫ.ਐੱਮ. 'ਤੇ ਐਲ.ਜੀ.ਬੀ.ਟੀ. ਰੇਡੀਓ ਪ੍ਰੋਗਰਾਮ ਦੀ ਮੇਜ਼ਬਾਨੀ ਕੀਤੀ।

2003 ਵਿੱਚ ਉਸਨੇ ਵਾਰਸਾ ਓਲਡ ਟਾਉਨ ਵਿੱਚ ਆਪਣਾ ਪਹਿਲਾ ਕਲੱਬ ਲੇ ਮੈਡਮ ਨਾਮ ਦੀ ਸਥਾਪਨਾ ਕੀਤੀ। ਲੇ ਮੈਡਮ ਇੱਕ ਨਾਈਟ ਕਲੱਬ ਸੀ, ਪਰ ਇਹ ਇੱਕ ਸਭਿਆਚਾਰਕ ਕੇਂਦਰ ਵੀ ਸੀ, ਜੋ ਵਿਕਲਪਿਕ ਥੀਏਟਰ, ਸੰਗੀਤ, ਡ੍ਰੈਗ ਕੁਈਨ ਸ਼ੋਅ, ਕਲਾ ਪ੍ਰਦਰਸ਼ਨੀਆਂ ਅਤੇ ਰਾਜਨੀਤਿਕ ਬਹਿਸ ਲਈ ਜਗ੍ਹਾ ਪ੍ਰਦਾਨ ਕਰਦਾ ਸੀ। ਮਾਰਚ 2006 ਵਿੱਚ ਇਸਨੂੰ ਵਾਰਸਾ ਦੀ ਅਦਾਕਾਰੀ ਮੇਅਰ ਮਿਰੋਸਲਾ ਕੋਚਲਸਕੀ ਦੁਆਰਾ ਬੰਦ ਕਰਵਾ ਦਿੱਤਾ ਗਿਆ। ਛੇਤੀ ਹੀ ਬਾਅਦ 'ਚ ਲੇਚ ਕਜ਼ਅੰਸ਼ਕੀ ਕੋਚਲਸਕੀ, ਜਿਸਨੇ ਗੇਅ ਪ੍ਰਾਈਡ 'ਤੇ ਵਾਰਸਾ ਵਿੱਚ ਪਾਬੰਦੀ ਲਗਾਈ ਸੀ, ਹੰਗਰੀ ਦਾ ਪ੍ਰਧਾਨ ਬਣ ਗਿਆ। ਇਸ ਪਾਬੰਦੀ ਨੇ ਵਿਰੋਧ ਪ੍ਰਦਰਸ਼ਨਾਂ ਦਾ ਰੂਪ ਅਖਤਿਆਰ ਕੀਤਾ, ਜਿਸਦਾ ਨਾਮ "ਪੋਲਿਸ਼ ਸਟੋਨਵਾਲ " ਦਿੱਤਾ ਗਿਆ ਸੀ।

ਲੇਗੀਰਸਕੀ ਪੋਲਿਸ਼ ਗ੍ਰੀਨ ਪਾਰਟੀ 'ਗ੍ਰੀਨਜ਼ 2004' ਦੇ ਸੰਸਥਾਪਕ ਮੈਂਬਰਾਂ ਵਿੱਚੋਂ ਇੱਕ ਸੀ। ਨਵੰਬਰ 2010 ਵਿੱਚ ਉਸਨੇ ਵਾਰਸਾ ਸਿਟੀ ਕਾਉਂਸਲ ਦੀ ਇੱਕ ਸੀਟ ਜਿੱਤੀ। ਉਹ ਗ੍ਰੀਨਜ਼ ਅਤੇ ਡੈਮੋਕਰੇਟਿਕ ਖੱਬੇ ਗੱਠਜੋੜ ਦਰਮਿਆਨ ਅਧਿਕਾਰਤ ਚੋਣ ਸਮਝੌਤੇ ਦੇ ਬਾਅਦ, ਸੋਸ਼ਲ ਡੈਮੋਕਰੇਟਿਕ ਬੈਲਟ 'ਤੇ ਲੜਿਆ ਸੀ।

ਇਹ ਵੀ ਵੇਖੋ

• ਪੋਲੈਂਡ ਵਿੱਚ ਐਲ.ਜੀ.ਬੀ.ਟੀ. ਅਧਿਕਾਰ

ਬਾਹਰੀ ਲਿੰਕ

• ਕ੍ਰਿਸਟਨ ਲੇਗੀਰਸਕੀ ਫੇਸਬੁੱਕ ਪੇਜ
• ਕ੍ਰਿਸਟਨ ਲੇਗੀਰਸਕੀ ਗ੍ਰੀਨਜ਼ 2004 ਦੀ ਵੈਬਸਾਈਟ ਤੇ (ਪੋਲਿਸ਼ ਵਿੱਚ)