ਖੱਟੀ ਰੋਟੀ

ਖੱਟੀ, ਤੁਰਸੀ/ਖਟਿਆਈ ਨੂੰ ਕਹਿੰਦੇ ਹਨ। ਖੱਟੀ ਰੋਟੀ ਉਸ ਰੋਟੀ ਨੂੰ ਕਹਿੰਦੇ ਹਨ ਜਿਸ ਵਿਚ ਖਾਣ ਵਾਲੇ ਸਾਰੇ ਪਦਾਰਥ ਖੱਟੇ, ਚੱਟਪਟੇ, ਖਟਿਆਈ ਵਾਲੇ ਖਵਾਏ ਜਾਂਦੇ ਹਨ। ਪਹਿਲੇ ਸਮਿਆਂ ਵਿਚ ਹਿੰਦੂ, ਸਿੱਖਾਂ ਦੇ ਸਾਰੇ ਵਿਆਹ ਹੀ ਫੇਰਿਆਂ ਨਾਲ ਹੁੰਦੇ ਸਨ।ਫੇਰਿਆਂ ਤੋਂ ਅਗਲੀ ਸਵੇਰ ਨੂੰ ਜੋ ਜੰਨ ਨੂੰ ਰੋਟੀ ਖਵਾਈ ਜਾਂਦੀ ਸੀ, ਉਸ ਰੋਟੀ ਨੂੰ ਖੱਟੀ ਰੋਟੀ ਕਹਿੰਦੇ ਸਨ। ਖੱਟੀ ਰੋਟੀ ਵਿਚ ਜੰਨ ਨੂੰ ਸਾਰੇ ਪਦਾਰਥ ਹੀ ਖੱਟੇ ਪਰੋਸੇ ਜਾਂਦੇ ਸਨ। ਖੱਟੀ ਰੋਟੀ ਖਵਾਉਣ ਸਮੇਂ ਹੀ ਜੰਨ ਬੰਨ੍ਹਣ ਅਤੇ ਜੰਨ ਨੂੰ ਛੁਡਾਉਣ ਦੀ ਰੀਤ ਹੁੰਦੀ ਸੀ। ਹੁਣ ਖੱਟੀ ਰੋਟੀ ਖਵਾਉਣ ਦਾ ਰਿਵਾਜ ਖ਼ਤਮ ਹੋ ਗਿਆ ਹੈ। ਪਰ ਜੰਨ ਨੂੰ ਖਵਾਈਆਂ ਜਾਂਦੀਆਂ ਤੇ ਪਰੋਸੀਆਂ ਜਾਂਦੀਆਂ ਸਾਰੀਆਂ ਰੋਟੀਆਂ ਵਿਚ ਭਾਂਤ-ਭਾਂਤ ਦੇ ਖੱਟੇ ਖਾਣ ਪਦਾਰਥ ਬਹੁਤ ਹੁੰਦੇ ਹਨ।

ਇਹ ਵੀ ਵੇਖੋ

• ਮਿੱਠੀ ਰੋਟੀ