ਗੁਲਾਮ ਮੁਹੰਮਦ ਕਾਸਿਰ

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ

ਗੁਲਾਮ ਮੁਹੰਮਦ ਕਾਸਿਰ (ਉਰਦੂ: غلام محمد قاصر 4 ਸਤੰਬਰ 1944 – 20 ਫਰਵਰੀ 1999) ਇੱਕ ਪਾਕਿਸਤਾਨੀ ਉਰਦੂ ਕਵੀ ਸੀ। ਉਸਨੂੰ ਉਰਦੂ ਗਜ਼ਲ ਦੇ ਸਭ ਤੋਂ ਉੱਤਮ ਆਧੁਨਿਕ ਕਵੀਆਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਅਹਿਮਦ ਨਦੀਮ ਕਾਸਮੀ ਉਹ ਸਨ ਜਿਨ੍ਹਾਂ ਨੇ 1977 ਵਿੱਚ ਆਪਣੇ ਪ੍ਰਸਿੱਧ ਸਾਹਿਤਕ ਰਸਾਲੇ "ਫਾਨੂਨ" ਵਿੱਚ ਉਸਨੂੰ ਪਹਿਲੀ ਵਾਰ ਪੇਸ਼ ਕੀਤਾ ਸੀ। ਗੁਲਾਮ ਮੁਹੰਮਦ ਕਾਸਿਰ ਉਸੇ ਸਾਲ "ਤਸਲਸੁਲ" ਨਾਮਕ ਆਪਣਾ ਪਹਿਲਾ ਕਾਵਿ ਸੰਗ੍ਰਹਿ ਲੈ ਕੇ ਆਏ ਅਤੇ ਦੇਸ਼ ਭਰ ਵਿੱਚ ਨਿੱਘੀ ਸਵੀਕ੍ਰਿਤੀ ਪ੍ਰਾਪਤ ਕੀਤੀ। ਉਰਦੂ ਸਾਹਿਤ ਦੇ ਖੇਤਰ ਵਿੱਚ ਉਨ੍ਹਾਂ ਦੇ ਵਡਮੁੱਲੇ ਯੋਗਦਾਨ ਲਈ, ਉਸਨੂੰ 2006-07 ਵਿੱਚ ਪਾਕਿਸਤਾਨ ਸਰਕਾਰ ਦੁਆਰਾ ਪ੍ਰੈਜ਼ੀਡੈਂਸ਼ੀਅਲ ਪ੍ਰਾਈਡ ਆਫ ਪਰਫਾਰਮੈਂਸ ਅਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ ਹੈ।

ਗੁਲਾਮ ਮੁਹੰਮਦ ਕਾਸਿਰ ਦਾ ਜਨਮ ਪਹਾੜਪੁਰ, ਡੇਰਾ ਇਸਮਾਈਲ ਖਾਨ, ਉੱਤਰੀ-ਪੱਛਮੀ ਸਰਹੱਦੀ ਪ੍ਰਾਂਤ (NWFP), ਜਿਸਨੂੰ ਹੁਣ ਖ਼ੈਬਰ ਪਖ਼ਤੁਨਖ਼ਵਾ ਕੇਪੀਕੇ, ਪਾਕਿਸਤਾਨ ਕਿਹਾ ਜਾਂਦਾ ਹੈ, ਵਿੱਚ 4 ਸਤੰਬਰ 1944 ਨੂੰ ਪੈਦਾ ਹੋਇਆ ਸੀ। ਉਹ ਸਿੱਖਿਆ ਵਿਭਾਗ ਵਿੱਚ ਉਰਦੂ ਦੇ ਲੈਕਚਰਾਰ ਵਜੋਂ ਸ਼ਾਮਲ ਹੋਇਆ ਅਤੇ ਸੂਬੇ ਦੇ ਵੱਖ-ਵੱਖ ਕਾਲਜਾਂ ਵਿੱਚ ਸੇਵਾ ਕੀਤੀ। ਉਸਦੀ ਮੌਤ 20 ਫਰਵਰੀ 1999 ਨੂੰ ਹੋਈ ਅਤੇ ਉਸਨੂੰ ਪੇਸ਼ਾਵਰ ਕੇਪੀਕੇ, ਪਾਕਿਸਤਾਨ ਵਿੱਚ ਦਫ਼ਨਾਇਆ ਗਿਆ।