ਭੁਵਨੇਸ਼ਵਰੀ ਮਿਸ਼ਰਾ

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ

ਭੁਵਨੇਸ਼ਵਰੀ ਮਿਸ਼ਰਾ (25 ਜਨਵਰੀ 1950 - 19 ਫਰਵਰੀ 2016) ਇੱਕ ਓਡੀਸੀ ਕਲਾਸੀਕਲ ਗਾਇਕਾ ਅਤੇ ਪਲੇਬੈਕ ਗਾਇਕਾ ਸੀ। ਉਹ ਆਦਿਗੁਰੂ ਸਿੰਘਾਰੀ ਸ਼ਿਆਮਸੁੰਦਰ ਕਾਰ ਦੀ ਚੇਲਾ ਸੀ। ਉਸਦਾ ਵਿਆਹ ਡਾ. ਜਗਮੋਹਨ ਮਿਸ਼ਰਾ ਨਾਲ ਹੋਇਆ ਸੀ, ਜੋ ਪੁਰੀ ਸ਼ਹਿਰ ਦੇ ਪ੍ਰਸਿੱਧ ਡਾਕਟਰ ਅਤੇ ਕਵੀ ਸਨ। ਉਸਦੀ ਧੀ ਕਸਤੂਰੀਕਾ ਮਿਸ਼ਰਾ ਵੀ ਇੱਕ ਸਿਖਲਾਈ ਪ੍ਰਾਪਤ ਕਲਾਸੀਕਲ ਗਾਇਕਾ ਹੈ।

ਉਸਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਫਿਲਮ ਕ੍ਰਿਸ਼ਨਾ ਸੁਦਾਮਾ ਲਈ ਟਿਕੀ ਮੋਰਾ ਨਾ ਗਾ ਕੇ ਕੀਤੀ ਸੀ। ਉਸਨੇ ਫਿਲਮਾਂ ਲਈ ਕਈ ਪਲੇਬੈਕ ਗੀਤਾਂ ਦਾ ਯੋਗਦਾਨ ਪਾਇਆ, ਜਿਸ ਵਿੱਚ ਫਿਲਮ ਸਾਖੀ ਗੋਪੀਨਾਥ ਵਿੱਚ ਇਟਿਕਲੀ ਮਿਟਿਕਲੀ, ਬੇਲਾਭੂਮੀ ਵਿੱਚ ਜਹਨਾ ਰਾ ਸਿੰਦੂਰਾ ਗਾਰਾ, ਅਤੇ ਮਾਂ ਮੰਗਲਾ ਵਿੱਚ ਦਯਾਮਈ ਮਹਾਮਾਈ ਮਾਂ ਮੰਗਲਾ ਸ਼ਾਮਲ ਹਨ।[1]

ਮਿਸ਼ਰਾ ਨੂੰ ਕ੍ਰਮਵਾਰ 1979 ਅਤੇ 1980 ਵਿੱਚ ਸ਼੍ਰੀਕ੍ਰਿਸ਼ਨਾ ਰਾਸਲੀਲਾ ਅਤੇ ਜੈ ਮਾਂ ਮੰਗਲਾ ਫਿਲਮਾਂ ਲਈ ਉੱਤਮ ਮਹਿਲਾ ਗਾਇਕਾ ਲਈ ਓਡੀਸ਼ਾ ਰਾਜ ਫਿਲਮ ਅਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ ਸੀ।[2]

ਉੜੀਸਾ ਦੇ ਮੁੱਖ ਮੰਤਰੀ, ਨਵੀਨ ਪਟਨਾਇਕ, ਨੇ ਉਸ ਨੂੰ "ਬਹੁਤ ਹੀ ਪ੍ਰਤਿਭਾਸ਼ਾਲੀ ਕਲਾਕਾਰ" ਅਤੇ ਉਸਦੀ ਮੌਤ ਨੂੰ "ਸੰਗੀਤ ਅਤੇ ਸੱਭਿਆਚਾਰ ਦੇ ਖੇਤਰ ਵਿੱਚ ਇੱਕ ਬਹੁਤ ਵੱਡਾ ਘਾਟਾ" ਦੱਸਿਆ।[3]

ਮਿਸ਼ਰਾ ਦੀ ਇੱਕ ਤਸਵੀਰ ਮਈ 2018 ਵਿੱਚ ਖੋਲ੍ਹੇ ਗਏ ਭੁਵਨੇਸ਼ਵਰ ਸਟੇਟ ਮਿਊਜ਼ੀਅਮ ਦੀ ਨਵੀਂ ਫਿਲਮ ਗੈਲਰੀ ਵਿੱਚ ਪ੍ਰਫੁੱਲ ਕਰ ਅਤੇ ਸਿਕੰਦਰ ਆਲਮ ਵਰਗੇ ਹੋਰ ਪ੍ਰਸਿੱਧ ਪਲੇਬੈਕ ਗਾਇਕਾਂ ਦੇ ਨਾਲ ਪ੍ਰਦਰਸ਼ਿਤ ਕੀਤੀ ਗਈ ਹੈ।[4]

ਮਿਸ਼ਰਾ ਦੀ 19 ਫਰਵਰੀ 2016 ਨੂੰ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ ਸੀ।[5]

ਹਵਾਲੇ[ਸੋਧੋ]

  1. Ayaskant (19 February 2016). "Eminent Odisha vocalist Bhubaneswari Mishra passes away | OdishaSunTimes.com" (in ਅੰਗਰੇਜ਼ੀ (ਅਮਰੀਕੀ)). Retrieved 2018-12-20.
  2. "Noted singer Bhubaneswari Mishra passes away". The Times of India. Retrieved 2018-12-20.
  3. "Singer Bhubaneswari Mishra passes away". India Today (in ਅੰਗਰੇਜ਼ੀ). 19 February 2016. Retrieved 2018-12-20.
  4. "Odisha Museum to have coin, film galleries". Odisha Sun Times (in ਅੰਗਰੇਜ਼ੀ (ਅਮਰੀਕੀ)). 16 May 2018. Retrieved 2018-12-20.
  5. "Noted singer Bhubaneswari Mishra passes away". The Hindu (in Indian English). 2016-02-20. ISSN 0971-751X. Retrieved 2018-12-20.