ਮਰਸੀ ਰਵੀ
ਮਰਸੀ ਰਵੀ | |
|---|---|
| ਨਿੱਜੀ ਜਾਣਕਾਰੀ | |
| ਜਨਮ | 18 ਮਾਰਚ 1945 ਏਰਨਾਕੁਲਮ ਜ਼ਿਲ੍ਹਾ, ਕੇਰਲ, ਭਾਰਤ |
| ਮੌਤ | 5 ਸਤੰਬਰ 2009 (ਉਮਰ 64) ਚੇਨਈ, ਤਾਮਿਲਨਾਡੂ |
| ਸਿਆਸੀ ਪਾਰਟੀ | ਇੰਡੀਅਨ ਨੈਸ਼ਨਲ ਕਾਂਗਰਸ |
| ਜੀਵਨ ਸਾਥੀ | ਵਾਇਲਰ ਰਾਵੀ |
| ਬੱਚੇ | 1 ਪੁੱਤਰ; 2 ਧੀਆਂ |
| ਸਰੋਤ: [1] | |
ਮਰਸੀ ਰਵੀ (18 ਮਾਰਚ 1945 – 5 ਸਤੰਬਰ 2009) ਕੇਰਲ ਵਿਧਾਨ ਸਭਾ ਦੀ ਮੈਂਬਰ ਅਤੇ ਭਾਰਤੀ ਸਿਆਸਤਦਾਨ ਵਾਇਲਰ ਰਵੀ ਦੀ ਪਤਨੀ ਸੀ। ਉਹ ਇੱਕ ਪ੍ਰਸਿੱਧ ਸਮਾਜ ਸੇਵੀ ਅਤੇ ਲੇਖਕ ਵੀ ਸੀ।
ਸ਼ੁਰੂਆਤੀ ਜੀਵਨ ਅਤੇ ਸਿੱਖਿਆ[ਸੋਧੋ]
ਉਸਦਾ ਜਨਮ 1945 ਵਿੱਚ ਕੇਰਲ ਦੇ ਏਰਨਾਕੁਲਮ ਜ਼ਿਲ੍ਹੇ ਵਿੱਚ ਇੱਕ ਈਸਾਈ ਪਰਿਵਾਰ ਵਿੱਚ ਹੋਇਆ ਸੀ।[ਹਵਾਲਾ ਲੋੜੀਂਦਾ] ਉਹ ਕੁਰੂਵਿਲਾ ਕਾਟੀਕਾਰੇਨ ਅਤੇ ਥੰਦਮਾ ਦੀ ਧੀ ਸੀ।[1] ਉਸਨੇ ਮਹਾਰਾਜਾ ਕਾਲਜ, ਏਰਨਾਕੁਲਮ ਤੋਂ ਸਿੱਖਿਆ ਪ੍ਰਾਪਤ ਕੀਤੀ[ਹਵਾਲਾ ਲੋੜੀਂਦਾ] ਅਤੇ ਇੱਕ ਪੋਸਟ ਗ੍ਰੈਜੂਏਟ ਸੀ।[1] ਉਸਨੇ 1969 ਵਿੱਚ ਰਾਜਨੇਤਾ ਵਾਇਲਰ ਰਵੀ ਨਾਲ ਵਿਆਹ ਕੀਤਾ, ਜੋ ਉਸਦੇ ਕਾਲਜ ਦੇ ਸੀਨੀਅਰ ਵੀ ਸਨ। ਰਵੀ ਬਾਅਦ ਵਿੱਚ ਭਾਰਤ ਦੇ ਓਵਰਸੀਜ਼ ਇੰਡੀਅਨ ਅਫੇਅਰਜ਼ ਮੰਤਰੀ ਬਣੇ। ਇਸ ਜੋੜੇ ਦਾ ਇੱਕ ਪੁੱਤਰ, ਰਵੀ ਕ੍ਰਿਸ਼ਨ ਅਤੇ ਦੋ ਧੀਆਂ, ਲੀਜ਼ਾ ਰੋਹਨ ਅਤੇ ਲਕਸ਼ਮੀ ਰਵੀ ਸਨ।[1][2]
ਕਰੀਅਰ[ਸੋਧੋ]
ਮਰਸੀ ਨੇ ਆਪਣੇ ਸਿਆਸੀ ਕਰੀਅਰ ਦੀ ਸ਼ੁਰੂਆਤ ਇੱਕ ਵਿਦਿਆਰਥੀ ਕਾਰਕੁਨ ਵਜੋਂ ਕੀਤੀ। ਉਹ ਕਾਂਗਰਸ ਪਾਰਟੀ ਵਿੱਚ ਕਈ ਅਹਿਮ ਅਹੁਦਿਆਂ 'ਤੇ ਰਹੀ ਅਤੇ ਕੇਰਲ ਪ੍ਰਦੇਸ਼ ਮਹਿਲਾ ਕਾਂਗਰਸ ਅਤੇ ਕੇਰਲ ਪ੍ਰਦੇਸ਼ ਕਾਂਗਰਸ ਕਮੇਟੀ ਵਿੱਚ ਪਾਰਟੀ ਦੀ ਜਨਰਲ ਸਕੱਤਰ ਰਹੀ।[3] ਰਾਸ਼ਟਰੀ ਪੱਧਰ 'ਤੇ, ਉਹ 2000 ਵਿੱਚ ਇੰਡੀਅਨ ਨੈਸ਼ਨਲ ਟਰੇਡ ਯੂਨੀਅਨ ਕਾਂਗਰਸ ਮਹਿਲਾ ਕਮੇਟੀ ਦੀ ਪ੍ਰਧਾਨ ਅਤੇ ਆਲ ਇੰਡੀਆ ਕਾਂਗਰਸ ਕਮੇਟੀ ਦੀ ਮੈਂਬਰ ਵਜੋਂ ਚੁਣੀ ਗਈ ਸੀ। ਉਹ ਏਸ਼ੀਆ ਪੈਸੀਫਿਕ ਰੀਜਨ ਇੰਟਰਨੈਸ਼ਨਲ ਕਨਫੈਡਰੇਸ਼ਨ ਆਫ ਟਰੇਡ ਯੂਨੀਅਨਜ਼ ਦੀ ਪ੍ਰਤੀਨਿਧੀ ਸੀ ਅਤੇ ਬੀਜਿੰਗ ਵਿੱਚ ਵਿਸ਼ਵ ਮਹਿਲਾ ਸੰਮੇਲਨ ਵਿੱਚ ਭਾਰਤੀ ਪ੍ਰਤੀਨਿਧੀ ਮੰਡਲ ਦੀ ਮੈਂਬਰ ਸੀ।[4]
ਮੌਤ[ਸੋਧੋ]
ਕੇਰਲ ਵਿਧਾਨ ਸਭਾ (2001-06) ਵਿੱਚ ਉਸਦੇ ਕਾਰਜਕਾਲ ਦੇ ਅੰਤ ਵਿੱਚ ਉਸਦੀ ਸਿਹਤ ਵਿਗੜ ਗਈ ਅਤੇ ਉਸਨੇ ਗੁਰਦਿਆਂ ਦੀਆਂ ਸਮੱਸਿਆਵਾਂ ਦਾ ਇਲਾਜ ਕਰਵਾਇਆ। 5 ਸਤੰਬਰ 2009 ਨੂੰ, 64 ਸਾਲ ਦੀ ਉਮਰ ਵਿੱਚ, ਉਸਦੀ ਮਦਰਾਸ ਮੈਡੀਕਲ ਮਿਸ਼ਨ ਹਸਪਤਾਲ, ਚੇਨਈ ਵਿੱਚ ਮੌਤ ਹੋ ਗਈ। ਉਸ ਨੂੰ ਕੇਰਲਾ ਦੇ ਅਲਾਪੁਝਾ ਜ਼ਿਲ੍ਹੇ ਵਿੱਚ ਵਾਇਲਰ ਰਾਵੀ ਦੇ ਜੱਦੀ ਘਰ ਵਿੱਚ ਦਫ਼ਨਾਇਆ ਗਿਆ।[5][6]
ਹਵਾਲੇ[ਸੋਧੋ]
- ↑ 1.0 1.1 1.2 Niyamasabha. "Members-Niyamasabha". Kerala Legislative Assembly. Retrieved 6 March 2013.
- ↑ "Mercy Ravi laid to rest". All Voices. Archived from the original on 10 April 2013. Retrieved 6 March 2013.
- ↑ "Mercy Ravi laid to rest". All Voices. Archived from the original on 10 April 2013. Retrieved 6 March 2013.
- ↑ The Hindu (2009-09-06). "Mercy Ravi passes away". The Hindu. Archived from the original on 9 September 2009. Retrieved 6 March 2013.
- ↑ "Mercy Ravi laid to rest". All Voices. Archived from the original on 10 April 2013. Retrieved 6 March 2013.
- ↑ "Vayalar Ravi's wife passes away". The Times of India. 5 September 2009. Archived from the original on 1 November 2013. Retrieved 21 October 2012.