ਮੋਕਸ਼

ਮੋਕਸ਼
ਜਨਮ	ਪ੍ਰਿਥਾ ਸੇਨਗੁਪਤਾ ਬਰਾਕਪੋਰ, ਕਲਕਤਤਾ, ਪੱਛਮੀ ਬੰਗਾਲ, ਭਾਰਤ
ਪੇਸ਼ਾ	Actress classical dancer teacher
ਸਰਗਰਮੀ ਦੇ ਸਾਲ	2019–ਵਰਤਮਾਨ

ਪ੍ਰਿਥਾ ਸੇਨਗੁਪਤਾ ਜਿਸ ਨੂੰ ਪੇਸ਼ੇਵਰ ਤੌਰ 'ਤੇ ਮੋਕਸ਼ ਵਜੋਂ ਜਾਣਿਆ ਜਾਂਦਾ ਹੈ, ਇੱਕ ਭਾਰਤੀ ਫ਼ਿਲਮ ਅਦਾਕਾਰਾ, ਅਧਿਆਪਕਾ ਅਤੇ ਕਲਾਸੀਕਲ ਡਾਂਸਰ ਹੈ, ਜਿਸ ਨੇ ਫ਼ਿਲਮ ਉਦਯੋਗ ਵਿੱਚ ਕਰੀਅਰ ਬੰਗਾਲੀ ਫ਼ਿਲਮਾਂ ਤੋਂ ਸ਼ੁਰੂ ਕੀਤਾ ਸੀ ਅਤੇ ਉਹ ਤਾਮਿਲ ਸਿਨੇਮਾ, ਤੇਲਗੂ ਸਿਨੇਮਾ ਅਤੇ ਮਲਿਆਲਮ ਸਿਨੇਮਾ ਵਿੱਚ ਵੀ ਦਿਖਾਈ ਦਿੱਤੀ। ਉਸ ਦੀ ਪਹਿਲੀ ਮੁੱਖ ਬੰਗਾਲੀ ਫ਼ਿਲਮ ਕਰਮਾ (2020), ਪਹਿਲੀ ਤਾਮਿਲ ਫ਼ਿਲਮ ਯੇਵਾਲ (2022), ਪਹਿਲੀ ਤੇਲਗੂ ਫ਼ਿਲਮ ਲੱਕੀ ਲਕਸ਼ਮਣ (2022) ਅਤੇ ਪਹਿਲੀ ਮਲਿਆਲਮ ਫਿਲਮ ਕਲਾਨਮ ਭਾਗਵਤੀਯਮ (2023) ਹੈ।

ਆਰੰਭਕ ਜੀਵਨ

ਮੋਕਸ਼ ਦਾ ਜਨਮ ਪ੍ਰਿਥਾ ਸੇਨਗੁਪਤਾ ਦੇ ਰੂਪ ਵਿੱਚ ਹੋਇਆ ਸੀ ਅਤੇ ਉਹ ਪੱਛਮੀ ਬੰਗਾਲ ਦੇ ਕੋਲਕਾਤਾ ਦੇ ਉੱਤਰੀ 24 ਪਰਗਨਾ ਜ਼ਿਲ੍ਹੇ ਦੇ ਬੈਰਕਪੁਰ ਤੋਂ ਹੈ। ਉ ਸਨੇ ਸੇਂਟ ਕਲੈਰੇਟ ਸਕੂਲ, ਬੈਰਕਪੁਰ, ਅਤੇ ਡਗਲਸ ਮੈਮੋਰੀਅਲ ਹਾਇਰ ਸੈਕੰਡਰੀ ਸਕੂਲ, ਬੈਰਕਪੁਰ ਤੋਂ ਪੜ੍ਹਾਈ ਕੀਤੀ। ਉਹ ਸੇਂਟ ਆਗਸਟੀਨ ਡੇ ਸਕੂਲ, ਬੈਰਕਪੁਰ ਵਿੱਚ ਇੱਕ ਅਧਿਆਪਕਾ ਵਜੋਂ ਕੰਮ ਕਰਦੀ ਸੀ, ਜਿੱਥੇ ਉਹ ਨ੍ਰਿਤ ਵੀ ਸਿਖਾਉਂਦੀ ਸੀ। ਉਹ ਨਾਲ-ਨਾਲ ਕੰਮ ਕਰਦੀ ਅਤੇ ਪੜ੍ਹਾਈ ਵੀ ਕਰਦੀ ਸੀ। ਉਹ ਇੱਕ ਕਲਾਸੀਕਲ ਡਾਂਸਰ ਹੈ ਜਿਸ ਨੂੰ ਭਰਤਨਾਟਿਅਮ, ਕੱਥਕ ਅਤੇ ਓਡੀਸੀ ਵਿੱਚ ਸਿਖਲਾਈ ਦਿੱਤੀ ਗਈ ਹੈ।

ਕਰੀਅਰ

ਉਸ ਨੇ ਆਪਣੇ ਅਦਾਕਾਰੀ ਕਰੀਅਰ ਦੀ ਸ਼ੁਰੂਆਤ ਬੰਗਾਲੀ ਫ਼ਿਲਮ ਇੰਡਸਟਰੀ ਤੋਂ ਕੀਤੀ। ਆਪਣੇ ਸ਼ੁਰੂਆਤੀ ਕਰੀਅਰ ਵਿੱਚ, ਉਹ ਫਿਲਟਰ ਕਾਫੀ ਲਿਕਰ ਚਾ ਅਤੇ ਸਵਿਟਜ਼ਰਲੈਂਡ ਵਰਗੀਆਂ ਫ਼ਿਲਮਾਂ ਵਿੱਚ ਨਜ਼ਰ ਆਈ। ਉਹ ਬੰਗਾਲੀ ਫ਼ਿਲਮ ਕਰਮਾ (2020) ਵਿੱਚ ਮੁੱਖ ਭੂਮਿਕਾ ਨਿਭਾਉਣ ਤੱਕ ਸਹਾਇਕ ਭੂਮਿਕਾਵਾਂ ਨਿਭਾਉਂਦੀ ਰਹੀ। ਇਸ ਤੋਂ ਬਾਅਦ ਬੰਗਾਲੀ ਫ਼ਿਲਮ ਸ਼ੋਰਸ਼ੇਫੂਲ ਵਿੱਚ ਇੱਕ ਹੋਰ ਮੁੱਖ ਭੂਮਿਕਾ ਨਿਭਾਈ ਗਈ। 2022 ਵਿੱਚ, ਉਸ ਨੇ ਮਨੋਵਿਗਿਆਨਕ ਥ੍ਰਿਲਰ ਯੇਵਾਲ ਵਿੱਚ ਮੁੱਖ ਭੂਮਿਕਾ ਨਿਭਾਈ, ਜੋ ਕਿ ਜਾਦੂ-ਟੂਣੇ 'ਤੇ ਅਧਾਰਤ ਇੱਕ ਤਾਮਿਲ ਫ਼ਿਲਮ ਸੀ। ਉਸੇ ਸਾਲ, ਉਸ ਨੇ ਤੇਲਗੂ ਡਰਾਮਾ ਲੱਕੀ ਲਕਸ਼ਮਣ ਵਿੱਚ ਅਭਿਨੈ ਕੀਤਾ। ਦ ਟਾਈਮਜ਼ ਆਫ਼ ਇੰਡੀਆ ਦੇ ਆਲੋਚਕ ਨੇ ਲਿਖਿਆ ਕਿ "ਮੋਕਸ਼, ਸ਼੍ਰੇਆ ਦੇ ਰੂਪ ਵਿੱਚ, ਇੱਕ ਸ਼ਾਨਦਾਰ ਪ੍ਰੇਮੀ ਨੂੰ ਵਧੀਆ ਢੰਗ ਨਾਲ ਪੇਸ਼ ਕਰਦੀ ਹੈ"।

2023 ਦੇ ਤੇਲਗੂ ਰੋਮਾਂਟਿਕ ਡਰਾਮਾ ਨੀਥੋਨ ਨੇਨੂ ਵਿੱਚ, ਉਸ ਨੇ ਸੀਤਾ ਦੀ ਭੂਮਿਕਾ ਨਿਭਾਈ, ਜੋ ਕਿ ਦੋ ਮੁੱਖ ਮਹਿਲਾ ਕਿਰਦਾਰਾਂ ਵਿੱਚੋਂ ਇੱਕ ਸੀ। ਦ ਹੰਸ ਇੰਡੀਆ ਦੇ ਇੱਕ ਆਲੋਚਕ ਨੇ ਨੋਟ ਕੀਤਾ ਕਿ "ਮੋਕਸ਼ ਆਪਣੇ ਪ੍ਰਦਰਸ਼ਨ ਨਾਲ ਇੱਕ ਸਕਾਰਾਤਮਕ ਪ੍ਰਭਾਵ ਛੱਡਦੀ ਹੈ"। ਮੋਕਸ਼ਾ ਨੇ ਆਡੀਸ਼ਨ ਦਿੱਤਾ ਅਤੇ ਉਸ ਨੂੰ ਆਪਣੀ ਪਹਿਲੀ ਮਲਿਆਲਮ ਫ਼ਿਲਮ, ਕਲਾਨਮ ਭਾਗਵਤੀਯਮ (2023) ਲਈ ਚੁਣਿਆ ਗਿਆ, ਜਿਸ ਦਾ ਨਿਰਦੇਸ਼ਨ ਈਸਟ ਕੋਸਟ ਵਿਜਯਨ ਨੇ ਕੀਤਾ ਸੀ, ਜਿਸ ਵਿੱਚ ਉਸ ਨੇ ਭਾਗਵਤੀ ਦੀ ਮੁੱਖ ਭੂਮਿਕਾ ਨਿਭਾਈ ਸੀ। ਆਪਣੀ ਸਮੀਖਿਆ ਵਿੱਚ, ਓਨਮੈਨੋਰਮਾ ਨੇ "ਸਿਰਲੇਖ ਦੇ ਕਿਰਦਾਰ ਵਜੋਂ ਸ਼ਾਨਦਾਰ ਪ੍ਰਦਰਸ਼ਨ" ਲਈ ਉਸਦੀ ਪ੍ਰਸ਼ੰਸਾ ਕੀਤੀ।

2024 ਵਿੱਚ, ਉਸ ਨੇ ਤੇਲਗੂ ਰੋਮਾਂਟਿਕ ਥ੍ਰਿਲਰ ਆਈ ਹੇਟ ਯੂ ਵਿੱਚ ਮੁੱਖ ਭੂਮਿਕਾ ਨਿਭਾਈ। ਉਸ ਨੇ ਚਿਲੁਕੁਰੀ ਆਕਾਸ਼ ਰੈੱਡੀ ਦੁਆਰਾ ਨਿਰਦੇਸ਼ਤ ਆਪਣੀ ਦੂਜੀ ਤੇਲਗੂ ਫ਼ਿਲਮ, ਰੋਮਾਂਟਿਕ ਡਰਾਮਾ ਅਲਾਨਾਤੀ ਰਾਮਚੰਦਰੂਡੂ (2024) ਵਿੱਚ ਵੀ ਮਹਿਲਾ ਮੁੱਖ ਭੂਮਿਕਾ ਨਿਭਾਈ। ਉਸ ਨੇ ਈਸਟ ਕੋਸਟ ਵਿਜਯਨ ਨਾਲ ਡਰਾਉਣੀ ਫ਼ਿਲਮ ਚਿਥਿਨੀ (2024) ਵਿੱਚ ਦੁਬਾਰਾ ਸਹਿਯੋਗ ਕੀਤਾ। ਉਸ ਨੇ ਇੱਕ ਦੁਸ਼ਟ ਆਤਮਾ ਦੀ ਮੁੱਖ ਭੂਮਿਕਾ ਨਿਭਾਈ।

ਨਿੱਜੀ ਜ਼ਿੰਦਗੀ

ਮੋਕਸ਼ ਇੱਕ ਹਿੰਦੂ ਹੈ। ਅਗਸਤ 2024 ਵਿੱਚ, ਉਸ ਨੇ 2024 ਦੇ ਕੋਲਕਾਤਾ ਬਲਾਤਕਾਰ ਅਤੇ ਕਤਲ ਦੇ ਵਿਰੋਧ ਵਿੱਚ ਇੱਕਜੁੱਟਤਾ ਪ੍ਰਗਟ ਕਰਨ ਲਈ ਸੰਤੋਸ਼ਪੁਰ, ਕੋਲਕਾਤਾ ਵਿਖੇ ਕਵੀ ਕਾਜ਼ੀ ਨਜ਼ਰੁਲ ਇਸਲਾਮ ਦੇ ਇੱਕ ਗੀਤ 'ਤੇ ਸਟ੍ਰੀਟ ਡਾਂਸ ਪੇਸ਼ ਕੀਤਾ। ਇਹ ਸੋਸ਼ਲ ਮੀਡੀਆ ਪਲੇਟਫਾਰਮਾਂ 'ਤੇ ਵਾਇਰਲ ਹੋ ਗਿਆ।

ਫ਼ਿਲਮੋਗ੍ਰਾਫੀ

ਸਾਲ	ਫ਼ਿਲਮਾਂ	ਭੂਮਿਕਾ	ਭਾਸ਼ਾ	ਨੋਟਸ	ਹਵਾ..
2019	ਫਿਲਟਰ ਕੌਫੀ ਲਿਕਰ ਚਾ	ਰਾਇ	ਬੰਗਾਲੀ	ਸਹਾਇਕ ਭੂਮਿਕਾ
2020	ਸਵਿਟਜ਼ਰਲੈਂਡ			ਸਹਾਇਕ ਭੂਮਿਕਾ
	ਕਰਮਾ	ਸੰਜਨਾ ਬੋਸ		ਲੀਡ ਡੈਬਿਊ ਫਿਲਮ
2021	ਸ਼ੋਰਸ਼ੇਫੂਲ	ਇੰਦਰਾਣੀ
2022	ਯੇਵਾਲ		ਤਾਮਿਲ	ਤਾਮਿਲ ਡੈਬਿਊ ਫਿਲਮ
	ਲੱਕੀ ਲਕਸ਼ਮਣ	ਸ਼੍ਰੇਆ	ਤੈਲਗੂ	ਤੈਲਗੂ ਡੈਬਿਊ ਫਿਲਮ
2023	ਨੀਥੋਨ ਨੇਨੂ	ਸੀਤਾ
	ਕਲਾਨਮ ਭਾਗਵਤੀਯਮ	ਭਾਗਵਤੀ	ਮਲਿਆਲਮ	ਮਲਿਆਲਮ ਡੈਬਿਊ ਫਿਲਮ
2024	ਆਈ ਹੇਟ ਯੂ	ਇੰਧੂ	ਤੈਲਗੂ
	ਅਲਾਨਾਤੀ ਰਾਮਚੰਦਰੁਡੂ	ਧਾਰਨੀ
	ਚਿਥਿਨੀ	ਸੀਤਾ	ਮਲਿਆਲਮ
2025	ਰਾਮਮ ਰਾਘਵਮ	ਵਰਸ਼ਾ	ਤੈਲਗੂ

ਟੈਲੀਵਿਜ਼ਨ

ਸਾਲ	ਟਾਈਟਲ	ਨੋਟ
2022	ਰਾਵਕਟੋ ਬਿਲਾਪ	ਹੋਈਚੋਈ ਵੈੱਬ ਸੀਰੀਜ਼

ਬਾਹਰੀ ਲਿੰਕ

• ਮੋਕਸ਼, ਇੰਟਰਨੈੱਟ ਮੂਵੀ ਡੈਟਾਬੇਸ 'ਤੇ