ਰੇਬਾ ਰਕਸ਼ਿਤ
ਰੇਬਾ ਰਕਸ਼ਿਤ (ਅੰਗ੍ਰੇਜ਼ੀ: Reba Rakshit; ਬੰਗਾਲੀ: রেবা রক্ষিত; 1933-2010) ਇੱਕ ਭਾਰਤੀ ਬਾਡੀ ਬਿਲਡਰ ਅਤੇ ਯੋਗਾ ਦੀ ਵਿਆਖਿਆ ਕਰਨ ਵਾਲੀ ਸੀ ਜੋ ਕੋਲਕਾਤਾ ਦੇ ਕਾਲਜ ਆਫ਼ ਫਿਜ਼ੀਕਲ ਕਲਚਰ ਵਿੱਚ ਬਿਸ਼ਨੂ ਚਰਨ ਘੋਸ਼ ਦੀ ਵਿਦਿਆਰਥੀ ਸੀ ਅਤੇ ਆਪਣੇ ਸਰੀਰ ਉੱਤੇ ਭਾਰੀ ਭਾਰ ਦਾ ਸਾਮ੍ਹਣਾ ਕਰਨ ਵਿੱਚ ਮਾਹਰ ਸੀ। ਉਹ ਪੂਰੀ ਤਰ੍ਹਾਂ ਨਾਲ ਭਰੀਆਂ ਕਾਰਾਂ ਜਾਂ ਹਾਥੀਆਂ ਨੂੰ ਆਪਣੇ ਸਰੀਰ ਤੋਂ ਲੰਘਣ ਦਿੰਦੀ ਸੀ।[1] ਉਹ ਆਪਣੀ ਛਾਤੀ 'ਤੇ ਹਾਥੀ ਚੁੱਕਣ ਵਾਲੀ ਪਹਿਲੀ ਭਾਰਤੀ ਔਰਤ ਸੀ।[2]
ਅਰੰਭ ਦਾ ਜੀਵਨ
[ਸੋਧੋ]ਰੇਬਾ ਦਾ ਜਨਮ ਕੋਮਿਲਾ ਵਿੱਚ ਇੱਕ ਬੰਗਾਲੀ ਹਿੰਦੂ ਪਰਿਵਾਰ ਵਿੱਚ 1930 ਦੇ ਦਹਾਕੇ ਦੇ ਸ਼ੁਰੂ ਵਿੱਚ ਹੋਇਆ ਸੀ।[3] ਬਚਪਨ ਤੋਂ ਹੀ ਉਸ ਦੀ ਸਰੀਰਕ ਸੰਸਕ੍ਰਿਤੀ ਵਿੱਚ ਦਿਲਚਸਪੀ ਸੀ। ਵੰਡ ਤੋਂ ਬਾਅਦ, ਉਹ ਆਪਣੇ ਪਰਿਵਾਰ ਸਮੇਤ ਕੋਲਕਾਤਾ ਚਲੀ ਗਈ।[4] ਕੋਲਕਾਤਾ ਵਿੱਚ, ਉਹ ਬਿਸ਼ਨੂ ਚਰਨ ਘੋਸ਼ ਦੇ ਅਖਾੜੇ ਵਿੱਚ ਸ਼ਾਮਲ ਹੋ ਗਈ, ਜਿੱਥੇ ਉਸਨੇ ਮੋਨੋਤੋਸ਼ ਰਾਏ ਅਤੇ ਕਮਲ ਭੰਡਾਰੀ ਦੇ ਨਾਲ ਸਿਖਲਾਈ ਪ੍ਰਾਪਤ ਕੀਤੀ। 1950 ਦੇ ਦਹਾਕੇ ਦੇ ਸ਼ੁਰੂ ਵਿੱਚ ਉਸ ਨੂੰ ਬਾਡੀ ਬਿਲਡਿੰਗ ਲਈ ਮਿਸ ਬੰਗਾਲ ਦਾ ਖਿਤਾਬ ਦਿੱਤਾ ਗਿਆ ਸੀ।
ਕੈਰੀਅਰ
[ਸੋਧੋ]ਰੇਬਾ ਨੇ ਪੰਜਾਹਵਿਆਂ ਦੇ ਸ਼ੁਰੂ ਤੋਂ ਸਰਕਸ[5] ਵਿੱਚ ਪ੍ਰਦਰਸ਼ਨ ਕਰਨਾ ਸ਼ੁਰੂ ਕੀਤਾ। ਉਸ ਦਾ ਇਕ ਹੈਰਾਨੀਜਨਕ ਕਾਰਨਾਮਾ ਹਾਥੀਆਂ ਨੂੰ ਆਪਣੀ ਛਾਤੀ 'ਤੇ ਚੁੱਕਣਾ ਸੀ। ਉਸਨੇ ਇਹ ਕੰਮ 1960 ਦੇ ਦਹਾਕੇ ਦੇ ਅੱਧ ਤੱਕ ਜਾਰੀ ਰੱਖਿਆ। ਉਹ ਕਮਲਾ ਸਰਕਸ, ਇੰਟਰਨੈਸ਼ਨਲ ਸਰਕਸ ਅਤੇ ਜੇਮਿਨੀ ਸਰਕਸ ਨਾਲ ਜੁੜੀ ਹੋਈ ਸੀ। ਉਹ ਦੁਰਗਾ ਪੂਜਾ ਦੌਰਾਨ ਕੋਲਕਾਤਾ ਦੇ ਸਥਾਨਕ ਕਲੱਬਾਂ ਵਿੱਚ ਪ੍ਰਦਰਸ਼ਨ ਵੀ ਕਰਦੀ ਸੀ।[6] ਉਹ ਇੱਕ ਚੰਗੀ ਨਿਸ਼ਾਨੇਬਾਜ਼ ਵੀ ਸੀ। ਆਪਣੇ ਬਾਅਦ ਦੇ ਜੀਵਨ ਵਿੱਚ, ਉਹ ਇੱਕ ਸਰੀਰਕ ਟ੍ਰੇਨਰ ਬਣ ਗਈ ਅਤੇ ਸਮਾਜਿਕ ਕੰਮਾਂ ਨਾਲ ਜੁੜ ਗਈ।
ਅਵਾਰਡ
[ਸੋਧੋ]ਉਸ ਦੀਆਂ ਪ੍ਰਾਪਤੀਆਂ ਲਈ ਉਸ ਨੂੰ ਪਦਮਸ਼੍ਰੀ ਨਾਲ ਸਨਮਾਨਿਤ ਕੀਤਾ ਗਿਆ। ਹੈਦਰਾਬਾਦ ਦੇ ਨਵਾਬ ਨੇ ਉਸ ਨੂੰ ਦੇਵੀ ਚੌਧਰਾਨੀ ਦਾ ਖਿਤਾਬ ਦਿੱਤਾ।
ਹਵਾਲੇ
[ਸੋਧੋ]- ↑ Das, Soumitra (15 March 2007). "Girls of the big top". The Telegraph. Kolkata. Archived from the original on 5 February 2014. Retrieved 4 August 2013.
- ↑ "BODY BUILDING: A THING OF PASSE?". Kolkata On Wheels. Archived from the original on 25 January 2014. Retrieved 5 February 2014.
- ↑ দেবী চৌধুরানি [Devi Choudhurani]. Anandabazar Patrika (in Bengali). 25 October 2010. Archived from the original on 2014-02-22. Retrieved 5 February 2014.
- ↑ পুরনো দিনের পত্রিকা ও বই থেকে নির্বাচিত প্রবন্ধ. Abasar (in Bengali). Archived from the original on 6 ਫ਼ਰਵਰੀ 2014. Retrieved 5 February 2014.
- ↑ Basu, Riju (25 December 2012). ওডাফা-চিডির বন্ধুরাই এখন সার্কাসের মুশকিল আসান. Anandabazar Patrika (in Bengali). Kolkata. Archived from the original on 22 ਫ਼ਰਵਰੀ 2014. Retrieved 4 August 2013.
- ↑ Rudra, Arya (24 October 2001). "No more a traditional celebration". The Times of India. Archived from the original on 5 February 2014. Retrieved 4 August 2013.