ਸ਼ਰਧਾ ਕਪੂਰ
| ਸ਼ਰਧਾ ਕਪੂਰ | |
|---|---|
 2014 ਵਿੱਚ ਸ਼ਰਧਾ ਕਪੂਰ | |
| ਜਨਮ | 3 ਮਾਰਚ 1987[1] ਮੁੰਬਈ, ਮਹਾਰਾਸ਼ਟਰ, ਭਾਰਤ |
| ਰਾਸ਼ਟਰੀਅਤਾ | ਭਾਰਤੀ |
| ਪੇਸ਼ਾ | ਅਦਾਕਾਰਾ |
| ਸਰਗਰਮੀ ਦੇ ਸਾਲ | 2010–ਹੁਣ ਤਕ |
| ਸੰਬੰਧੀ | ਸ਼ਕਤੀ ਕਪੂਰ (ਪਿਤਾ) ਸਿਧਾਂਤ ਕਪੂਰ (ਭਾਈ) |
ਸ਼ਰਧਾ ਕਪੂਰ ਇੱਕ ਭਾਰਤੀ(ਬਾਲੀਵੁੱਡ) ਅਦਾਕਾਰਾ ਅਤੇ ਗਾਇਕਾ ਹੈ। ਇਸਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਤੀਨ ਪੱਤੀ ਫਿਲਮ ਨਾਲ ਕੀਤੀ, ਜਿਸ ਲਈ ਇਸਨੂੰ ਸਰਵਸ਼੍ਰੇਸ਼ਠ ਨਵੀਂ ਅਦਾਕਾਰਾ ਦੇ ਪੁਰਸਕਾਰ ਲਈ ਨਾਮਜਦ ਕੀਤਾ ਗਿਆ ਸੀ। ਇਸ ਤੋਂ ਬਾਅਦ ਮੁੱਖ ਭੂਮਿਕਾ ਵਿੱਚ ਸ਼ਰਧਾ ਦੀ ਪਹਿਲੀ ਫਿਲਮ ਲਵ ਕਾ ਦੀ ਐਂਡ (2011) ਸੀ।
ਮੁਢਲਾ ਜੀਵਨ[ਸੋਧੋ]
ਸ਼ਰਧਾ ਕਪੂਰ ਦਾ ਜਨਮ 3 ਮਾਰਚ 1989 ਨੂੰ ਮੁੰਬਈ ਵਿੱਚ ਹੋਇਆ। ਇਸਦਾ ਪਿਤਾ ਸ਼ਕਤੀ ਕਪੂਰ ਪੰਜਾਬੀ ਮੂਲ ਦਾ ਹੈ ਅਤੇ ਇਸਦੀ ਮਾਂ ਸ਼ਿਵਾਨਗੀ ਕੋਲਹਪੂਰੇ ਕਪੂਰ ਮਰਾਠੀ ਮੂਲ ਦੀ ਹੈ।]].[2][3] ਸ਼ਰਧਾ ਆਪਣੀ ਮਾਂ ਵਾਂਗ ਆਪਣੇ-ਆਪ ਨੂੰ ਵੀ ਮਰਾਠੀ ਹੀ ਮੰਨਦੀ ਹੈ।
ਸ਼ਰਧਾ ਦੀ ਪੜ੍ਹਾਈ ਅਮਰੀਕਨ ਸਕੂਲ ਆਫ਼ ਬਾਂਬੇ ਵਿੱਚ ਹੋਈ ਹੈ। ਉੱਥੇ ਉਹ ਫੁੱਟਬਾਲ ਅਤੇ ਹੈਂਡਬਾਲ ਖੇਡਣ ਦੀ ਸ਼ੌਕੀਨ ਸੀ। ਇਸ ਤੋਂ ਬਾਅਦ ਵਿੱਚ ਉਹ ਪੜ੍ਹਨ ਲਈ ਬਾਸਟਨ ਗਈ ਪਰ ਪ੍ਰੋਡਿਊਸਰ ਅੰਬੀਕਾ ਹਿੰਦੂਜਾ ਨੇ ਉਸਨੂੰ ਫੇਸਬੁੱਕ ਤੇ ਦੇਖਣ ਤੋਂ ਬਾਅਦ ਆਪਣੀ ਫਿਲਮ ਤੀਨ ਪੱਤੀ ਵਿੱਚ ਇੱਕ ਪਾਤਰ ਦੇ ਰੋਲ ਕਰਨ ਲਈ ਚੁਣਿਆ।
ਫ਼ਿਲਮੀ ਜੀਵਨ[ਸੋਧੋ]
ਸ਼ਰਧਾ ਕਪੂਰ ਨੇ ਫ਼ਿਲਮੀ ਦੁਨੀਆ ਵਿੱਚ ਪ੍ਰਵੇਸ਼ ਫ਼ਿਲਮ ਤੀਨ ਪੱਤੀ ਨਾਲ ਕੀਤਾ ਜਿਸ ਵਿੱਚ ਅਮੀਤਾਭ ਬੱਚਨ, ਬੇਨ ਕਿਂਗਸਲੇ ਅਤੇ ਆਰ ਮਾਧਵਨ ਨੇ ਵੀ ਰੋਲ ਕੀਤਾ। ਇਸ ਫ਼ਿਲਮ ਵਿੱਚ ਸ਼ਰਧਾ ਨੇ ਅਪਰਣਾ ਖੰਨਾ ਨਾਮ ਵਜੋਂ ਇੱਕ ਕਾਲਜ ਦੀ ਵਿਦਿਆਰਥਣ ਦਾ ਰੋਲ ਅਦਾ ਕੀਤਾ। ਇਸ ਰੋਲ ਵਜੋਂ ਉਸਨੂੰ ਫਿਲਮਫੇਅਰ ਸਰਵਸ਼੍ਰੇਸ਼ਠ ਮਹਿਲਾ ਅਭੀਨੇਤ੍ਰੀ ਦੇ ਪੁਰਸਕਾਰ ਲਈ ਵੀ ਨਾਮਜ਼ਦ ਕੀਤਾ ਗਿਆ ਸੀ ਪਰ ਇਹ ਫ਼ਿਲਮ ਬਾਕਸ ਆਫਿਸ ਤੇ ਅਸਫਲ ਰਹੀ। ਇਸ ਤੋਂ ਬਾਅਦ ਉਸਨੇ ਯਸ਼ ਰਾਜ ਫਿਲਮਸ ਦੇ ਨਾਲ ਤਿੰਨ ਫਿਲਮਾਂ ਕਰਨ ਦਾ ਸੌਦਾ ਕੀਤਾ ਅਤੇ ਟੀਨ ਕਾਮੇਡੀ - ਲਵ ਕਾ ਦੀ ਐਂਡ ਫਿਲਮ ਵਿੱਚ ਨਜ਼ਰ ਆਈ। ਇਸ ਵਿੱਚ ਸ਼ਰਧਾ ਨੇ ਇੱਕ ਕਿਸ਼ੋਰ ਕਾਲਜ ਵਿਦਿਆਰਥਣ ਦਾ ਰੋਲ ਕੀਤਾ ਜੋ ਕਿ ਆਪਣੇ ਪ੍ਰੇਮੀ ਦੇ ਧੋਖਾ ਦੇਣ ਤੋਂ ਬਾਅਦ ਉੁਸ ਖਿਲਾਫ਼ ਸਾਜ਼ਿਸ਼ ਰਚਦੀ ਹੈ। ਪਰ ਉਸਦੀ ਇਹ ਫਿਲਮ ਵੀ ਬਾਕਸ ਆਫ਼ਿਸ ਤੇ ਨਹੀਂ ਚੱਲੀ। ਇਸ ਫ਼ਿਲਮ ਦੀ ਭਾਵੇਂ ਰਲਵੀਂ ਆਲੋਚਨਾ ਹੋਈ ਪਰ ਸ਼ਰਧਾ ਕਪੂਰ ਨੂੰ ਜ਼ਰੂਰ ਸਕਾਰਾਤਮਕ ਆਲੋਚਨਾ ਪ੍ਰਾਪਤ ਹੋਈ। ਆਪਣੇ ਕਾਰਜ ਲਈ ਸ਼ਰਧਾ ਨੂੰ ਸਰਵਸ਼੍ਰੇਸ਼ਠ ਅਭਿਨੇੇਤਰੀ ਦਾ ਪੁਰਸਕਾਰ ਵੀ ਪ੍ਰਾਪਤ ਹੋਇਆ। ਇਸ ਤੋਂ ਬਾਅਦ ਯਸ਼ ਰਾਜ ਨੇ ਫ਼ਿਲਮ ਔਰੰਗਜ਼ੇਬ ਵਿੱਚ ਮਪੱਖ ਭੂਮਿਕਾ ਦੇਣ ਬਾਰੇ ਪੇਸ਼ਕਸ਼ ਰੱਖੀ। ਪਰ ਸ਼ਰਧਾ ਨੇ ਮਹੇਸ਼ ਭੱਟ ਦੀ ਫ਼ਿਲਮ ਆਸ਼ਿਕੀ ੨ ਕਰਨ ਨੈ ਫੈਸਲਾ ਲਿਆ। ਇਸਦੇ ਨਾਲ ਹੀ ਉਸਦਾ ਯਸ਼ ਰਾਜ ਫਿਲਮਸ ਨਾਲ ਤਿੰਨ ਫ਼ਿਲਮਾਂ ਕਰਨ ਦੈ ਕਾਂਟ੍ਰੈਕਟ ਰੱਦ ਹੋ ਗਿਆ।
2013 ਵਿੱਚ ਰੋਮਾਂਟਿਕ ਗੀਤਾਂ ਨਾਲ ਭਰਪੂਰ ਆਈ ਆਸ਼ਿਕੀ ੨, 1991 ਦੀ ਕਲਾਸਿਕ ਆਸ਼ਿਕੀ ਦੀ ਅਗਲੀ ਕੜੀ ਸੀ ਜਿਸ ਵਿੱਚ ਸ਼ਰਧਾ ਕਪੂਰ ਸ਼ਾਮਿਲ ਸੀ। ਇਸ ਫ਼ਿਲਮ ਵਿੱਚ ਉਹ ਆਰੋਹੀ ਕੇਸ਼ਵ ਸ਼ਿਰਕੇ ਦੀ ਭੂਮਿਕਾ ਨਿਭਾਉਂਦੀ ਹੈ ਜੋ ਕਿ ਛੋਟੇ ਸ਼ਹਿਰ ਵਿੱਚ ਇੱਕ ਬਾਰ ਗਾਇਕਾ ਹੈ। ਪਰ ਇੱਕ ਮਸ਼ਹੂਰ ਗਾਇਕ ਰਾਹੁਲ ਜਯਕਰ ਦੀ ਮਦਦ ਨਾਲ ਇੱਕ ਵੱਡੀ ਸਫ਼ਲ ਗਾਇਕਾ ਬਣਦੀ ਹੈ। ਸ਼ਰਧਾ ਦੀ ਇਸ ਫ਼ਿਲਮ ਨੇ ਬਾਕਸ ਆਫ਼ਿਸ ਸੇ ਭਰਪੂਰ ਸਫ਼ਲਤ੍ ਹਾਸਿਲ ਕੀਤੀ ਅਤੇ 100 ਕਰੋੜ ਤੋਂ ਵੱਧ ਕਮਾਈ ਕੀਤੀ। ਇਸਨੂੰ ਬਾਕਸ ਆਫ਼ਿਸ ਦੁਆਰਾ ਬਲਾਕਬਸਟਰ ਵੀ ਘੋਸ਼ਿਤ ਕੀਤਾ ਗਿਆ। ਇਸਂ ਸਾਲ ਹੀ ਸ਼ਰਧਾ ਇੱਕ ਹੋਰ ਫ਼ਿਲਮ ਗੌਰੀ ਤੇਰੇ ਪਿਆਰ ਮੇਂ ਵਿੱਚ ਨਜ਼ਰ ਆਉਂਦੀ ਹੈ। ਇਸ ਫ਼ਿਲਮ ਵਿੱਚ ਉਹ ਇਮਰਾਨ ਖਾਨ ਦੀ ਮੰਗੇਤਰ ਦੀ ਭੂਮਿਕੈ ਨਿਭਾਉਂਦੀ ਹੈ। ਮਗਰੋਂ 2013 ਵਿੱਚ FHM India ਦੁਆਰਾ ਕਰਾਏ ਗਏ ਇੱਕ ਸਰਵੇਖਣ ਦੁਨੀਆ 2013 ਵਿੱਚ 200 ਯੈਕਸੀ ਮਹਿਲਾਵਾਂ ਵਿਚੋਂ ਸ਼ਰਧਾ ਕਪੂਰ #5ਵੀਂ ਥਾਂ ਤੇ ਰਹੀ।
ਇਸ ਤੋਂ ਬਾਅਦ 2014 ਵਿੱਚ ਸ਼ਰਧਾ ਮੋਹਿਤ ਸੁਰੀ ਦੀ ਫ਼ਿਲਮ ek villain ਵਿੱਚ ਨਜ਼ਰ ਆਈ, ਜਿਸ ਵਿੱਚ ਉਸਨੇ ਗਲ਼ੀਆਂ ਨਾਮ ਦਾ ਗੀਤ ਵੀ ਗਾਇਆ। ਇਸ ਫ਼ਿਲਮ ਇੱਕ ਅਪਰਾਧੀ(ਸਿਧਾਰਥ ਮਲਹੋਤਰਾ) ਦੇ ਦੁਆਲੇ ਚੱਲਦੀ ਹੈ, ਜਿਸਦੀ ਬਿਮਾਰ ਪਤਨੀ(ਸ਼ਰਧਾ ਕਪੂਰ) ਕਿਸੇ ਦੁਆਰਾ ਬੇਰਹਮੀ ਨਾਲ ਮਾਰ ਦਿੱਤੀ ਜਾਂਦੀ ਹੈ। ਇਸ ਫ਼ਿਲਮ ਨੂੰ ਆਮ ਤੌਰ ਤੇ ਕੋਰੀਅਨ ਫ਼ਿਲਮ ਆਈ ਸਾਅ ਦੀ ਡੇਵਿਲ ਤੋਂ ਚੋਰੀ ਕੀਤਾ ਸਮਝਿਆ ਜਾਂਦਾ ਹੈ, ਪਰ ਸੂਰੀ ਇਸ ਫ਼ਿਲਮ ਦੇ ਮੌਲਿਕ ਹੋਣ ਦਾ ਦਾਅਵਾ ਕਰਦਾ ਹੈ। ਸ਼ਰਧਾ ਦੀ ਇਹ ਫਿਲਮ ਵੀ ਸਫ਼ਲ ਰਹੀ। ਇਸੇ ਸਾਲ ਹੀ ਉਸਨੇ ਵਿਸ਼ਾਲ ਭਰਦਵਾਜ ਨਾਲ ਹੈਦਰ ਫ਼ਿਲਮ ਕੀਤੀ। ਜੋ ਕਿ 1995 ਦੇ ਕਸ਼ਮੀਰੀ ਟਕਰਾਅ ਦੀ ਕਹਾਣੀ ਬਿਆਨ ਕਰਦੀ ਹੈ। ਇਹ ਕਹਾਣੀਵਿਵੀਅਮ ਸ਼ੇਕਸਪੀਅਰ ਦੇ ਹੈਮਲਟ ਦੇ ਅਨੁਕੂਲ ਵਿਚਰਦੀ ਹੈ। ਸ਼ਰਧਾ ਇਸ ਫ਼ਿਲਮ ਵਿੱਚ ਇੱਕ ਪੱਤਰਕਾਰ ਅਰਸ਼ੀਆ ਦੇ ਤੌਰ ਤੇ ਓਫ਼ੇਲੀਆ ਦਾ ਕਿਰਦਾਰ ਨਿਭਾਉਂਦੀ ਹੈ, ਉਸਦੇ ਨਾਲ ਹੀ ਇਸ ਫ਼ਲਮ ਵਿੱਚ ਸ਼ਾਹਿਦ ਕਪੂਰ ਅਤੇ ਤੱਬੂ ਵੀ ਮੁੱਖ ਭੂਮਿਕਾ ਅਦਾ ਕਰਦੇ ਹਨ। ਇਸੇ ਸਾਲ ਹੀ ਸ਼ਰਧਾ ਕਰਣ ਜੌਹਰ ਨਿਰਮਿਤ ਫ਼ਿਲਮ ਉਂਗਲੀ ਵਿੱਚ ਆਈਟਮ ਗਾਣਾ ਕਰਦੀ ਹੈ।
ਅਗਲੇ ਸਾਲ 2015 ਵਿੱਚ ਸ਼ਰਧਾ ABCD ਫ਼ਿਲਮ ਦੇ ਅਗਲੇ ਭਾਗ ABCD-2 ਵਿੱਚ ਨਜ਼ਰ ਆਉਂਦੀ ਹੈ। ਉਹ ਹਿਪ-ਹਾਪ ਡਾਂਸਰ ਦਾ ਰੋਲ ਨਿਭਾਉਂਦੀ ਹੈ ਜੋ ਕਿ ਆਪਣੇ ਬਚਪਨ ਦੇ ਦੋਸਤ ਸੁਰੇਸ਼ ਮੁਕੁੰਦ(ਵਰੁਨ ਧਵਨ ਦਵਾਰਾ ਖੇਡਿਆ ਗਿਆ) ਨਾਲ ਵਿਸ਼ਵ ਸਤਰੀ ਹਿਪ ਹੋਪ ਖੇਡ ਵਿੱਚ ਹਿੱਸਾ ਲੈਂਦੀ ਹੈ। ਇਸ ਫ਼ਿਲਮ ਵਿੱਚ ਆਪਣੀ ਡਾਂਸਰ ਦੀ ਭੂਮਿਕਾ ਨਿਭਾਉਣ ਲਈ ਸ਼ਰਧਾ ਨੇ ਕੋਰਿਆਗਰਾਫ਼ਰ ਪ੍ਰਭੂਦੇਵਾ ਅਤੇ ਰੈਮੋ ਡਿਸੂਜ਼ਾ ਤੋਂ ਨਾਚ ਦੇ ਕਈ ਰੂਪ ਸਿੱਖੇ। ਵਾਲਟ ਡਿਜ਼ਨੀ ਪਿਕਚਰ ਦੁਆਰਾ ਨਿਰਮਿਤ ਇਸ ਫ਼ਿਲਮ ਨੇ ਪੂਰੀ ਦੁਨਿਆ ਵਿੱਚ 1.57 ਬਿਲੀਅਨ ਰੁਪਏ ਕੱਠੇ ਕੀਤੇ।
ਫ਼ਿਲਮਾਂ[ਸੋਧੋ]
|
ਫ਼ਿਲਮਾਂ ਜੋ ਅਜੇ ਤਾਈਂ ਰਿਲੀਜ਼ ਨਹੀਂ ਹੋਈਆਂ |
| ਸਾਲ | ਫ਼ਿਲਮ | ਕਿਰਦਾਰ | ਟਿੱਪਣੀ |
|---|---|---|---|
| 2010 | ਤੀਨ ਪੱਤੀ | ਅਪਰਣਾ ਖੰਨਾ | |
| 201 | ਲਵ ਕਾ ਦੀ ਐਂਡ | ਰਿਆ ਦੇਲਦਾਸ | |
| 2013 | ਆਸ਼ਕੀ 2 | ਆਰੋਹੀ ਕੇਸ਼ਵ ਸ਼ਿਰਕੇ | |
| 2013 | ਗੋਰੀ ਤੇਰੇ ਪਿਆਰ ਮੇਂ | ਵਸੁਧਾ | ਅਤਿਥੀ ਭੂਮਿਕਾ |
| 2014 | ਏਕ ਵਿਲਿਅਨ | ਆਏਸ਼ਾ | ਨਾਲ ਹੀ "ਤੇਰੀ ਗਲੀਆਂ" ਗਾਣਾ ਗਾਇਆ |
| 2014 | ਹੈਦਰ | ਅਰਸ਼ਿਆ ਲਾਨ | |
| 2014 | "ਉਂਗਲੀ | ਬਸੰਤੀ | ਵਿਸ਼ੇਸ਼ ਉਪਸਥਿਤੀ |
| 2015 | ABCD 2 | ਵਿੰਨੀ | |
| 2016 | ਬਾਗ਼ੀ | ਸਿਆ | |
| 2016 | ਏ ਫ਼ਲਾਇੰਗ ਜੱਟ | ਕੈਮੀਓ ਦੀ ਭੂਮਿਕਾ[4] | |
| 2016 | ਰਾਕ ਆਨ २ | ਜਿਆ ਸ਼ਰਮਾ | |
| 2017 | ਓਕੇ ਜਾਨੂ | ਤਾਰਾ | |
| 2017 | ਹਾਫ਼ ਗਰਲਫ਼੍ਰੈਂਡ | ਰਿਆ ਸੋਮਾਨੀ | ਫ਼ਿਲਮਿਂਗ |
| 2017 | ਹਸੀਨਾ: ਦ ਕਵੀਨ ਆਫ਼ ਮੁੰਬਈ | ਹਸੀਨਾ ਪਾਰਕਰ | ਫ਼ਿਲਮਿਂਗ |
| 2018 | ਸਾਹੋ
|
ਕਾਵਿਆ | ਫ਼ਿਲਮ ਆਉਣ ਤੋਂ ਬਾਅਦ |
| 2018 | ਇਸਤ੍ਰੀ
|
TBA | ਫ਼ਿਲਮਿਂਗ |
| 2018 | ਨਵਾਬਜ਼ਾਦੇ
|
ਸ਼ਰਧਾ ਖੁਦ | High Rated Gabhroo ਗੀਤ ਵਿੱਚ ਮੁੱਖ ਭੂਮਿਕਾ ਵਜੋਂ |
ਹਵਾਲੇ[ਸੋਧੋ]
- ↑ "Happy Birthday Shraddha Kapoor: Rare childhood pics of 'Aashiqui' girl". The Indian Express. 3 March 2016. Archived from the original on 14 November 2016. Retrieved 13 November 2016.
- ↑ "Shraddha Kapoor, Im playing a complete marathi mulgi".
- ↑ Anuradha Choudhary (7 July 2015). "Stealing beauty – Shraddha Kapoor shimmies her way to the top". Filmfare. Archived from the original on 10 July 2018. Retrieved 4 May 2018.
- ↑ "Shraddha Kapoor shoots for a cameo in A Flying Jatt". Bollywood Hungama. 9 January 2016. Retrieved 27 January 2016.
ਬਾਹਰੀ ਕੜੀਆਂ[ਸੋਧੋ]
 |
ਵਿਕੀਮੀਡੀਆ ਕਾਮਨਜ਼ ਉੱਤੇ ਸ਼ਰਧਾ ਕਪੂਰ ਨਾਲ ਸਬੰਧਤ ਮੀਡੀਆ ਹੈ। |
- ਸ਼ਰਧਾ ਕਪੂਰ, ਇੰਟਰਨੈੱਟ ਮੂਵੀ ਡੈਟਾਬੇਸ ’ਤੇ
- ਸ਼ਰਧਾ ਕਪੂਰ ਇੰਸਟਾਗ੍ਰਾਮ ਉੱਤੇ