ਸੁੱਚੀ ਲਿਟ

ਪਵਿੱਤਰ, ਸਾਫ਼ ਵਸਤ ਨੂੰ ਸੁੱਚੀ ਕਹਿੰਦੇ ਹਨ। ਲਿਟ ਵਾਲਾਂ ਦੇ ਗੁੱਛੇ ਨੂੰ ਕਹਿੰਦੇ ਹਨ। ਇਸ ਤਰ੍ਹਾਂ ਸਾਫ਼ ਵਾਲਾਂ ਦੇ ਗੁੱਛੇ ਨੂੰ ਸੁੱਚੀ ਲਿਟ ਕਹਿੰਦੇ ਹਨ। ਇਹ ਵਿਸ਼ਵਾਸ ਕੀਤਾ ਜਾਂਦਾ ਹੈ ਕਿ ਜੇਕਰ ਨਵੇਂ ਜੰਮੇ ਮੁੰਡੇ ਦੇ ਸਿਰ ਦੀ ਇਕ ਸੁੱਚੀ ਲਿਟ ਜਨਮ ਦਿਨ ਤੋਂ ਲੈ ਕੇ ਗਿਆਰਵੇਂ ਦਿਨ ਦੇ ਵਿਚਕਾਰ ਕੱਟ ਕੇ ਕਿਸੇ ਲੁਕਮੀ ਥਾਂ ਲੁਕੋ ਕੇ ਰੱਖੀ ਜਾਵੇ ਤਾਂ ਨਵੇਂ ਜੰਮੇ ਮੁੰਡੇ ਤੇ ਕਿਸੇ ਵੀ ਕਿਸਮ ਦੇ ਕੋਈ ਮਾੜੇ ਟੂਣੇ ਦਾ ਜਾਂ ਬਦਰੂਹਾਂ (ਭੂਤ, ਚੁੜੇਲ) ਦਾ ਅਸਰ ਨਹੀਂ ਪੈਂਦਾ। ਇਸ ਸੁੱਚੀ ਲਿਟ ਨੂੰ ਦੇਵੀ ਦੀ ਅਮਾਨਤ ਮੰਨਿਆ ਜਾਂਦਾ ਹੈ ਅਤੇ ਦੇਵੀ ਨੂੰ ਭੇਟ ਕੀਤੀ ਜਾਂਦੀ ਹੈ

ਇਹ ਇਕ ਅੰਧ ਵਿਸ਼ਵਾਸ ਦੀ ਰਸਮ ਸੀ। ਲੋਕ ਹੁਣ ਜਾਗਰਤ ਹੋ ਗਏ ਹਨ। ਤਰਕਸ਼ੀਲ ਹੋ ਗਏ ਹਨ। ਇਸ ਲਈ ਲੋਕ ਹੁਣ ਅਜੇਹੇ ਵਹਿਮਾਂ-ਭਰਮਾਂ ਨੂੰ ਨਹੀਂ ਮੰਨਦੇ। ਇਹ ਹੀ ਕਾਰਨ ਹੈ ਕਿ ਸੁੱਚੀ ਲਿਟ ਦੀ ਰਸਮ ਹੁਣ ਕੋਈ ਵੀ ਪਰਿਵਾਰ ਨਹੀਂ ਕਰਦਾ।