ਸਮੱਗਰੀ 'ਤੇ ਜਾਓ

ਹੈਰੀ ਪੌਟਰ ਐਂਡ ਦ ਡੈਥਲੀ ਹੈਲੋਜ਼ - ਭਾਗ ਪਹਿਲਾ

ਵਿਕੀਪੀਡੀਆ, ਇੱਕ ਆਜ਼ਾਦ ਵਿਸ਼ਵਕੋਸ਼ ਤੋਂ
ਹੈਰੀ ਪੌਟਰ ਐਂਡ ਦ ਡੈਥਲੀ ਹੈਲੋਜ਼ – ਭਾਗ ਪਹਿਲਾ
A girl and two boys run through a dark forest, pursued by something.
ਫ਼ਿਲਮ ਦਾ ਪੋਸਟਰ
ਨਿਰਦੇਸ਼ਕਡੇਵਿਡ ਯੇਟਸ
ਸਕਰੀਨਪਲੇਅਸਟੀਵ ਕਲੋਵਸ
ਨਿਰਮਾਤਾ
ਸਿਤਾਰੇ
ਸਿਨੇਮਾਕਾਰਐਡੂਆਰਡੋ ਸੇਰਾ
ਸੰਪਾਦਕਮਾਰਕ ਡੇ
ਸੰਗੀਤਕਾਰ
ਪ੍ਰੋਡਕਸ਼ਨ
ਕੰਪਨੀ
ਡਿਸਟ੍ਰੀਬਿਊਟਰਵਾਰਨਰ ਬ੍ਰਦਰਜ਼
ਰਿਲੀਜ਼ ਮਿਤੀਆਂ
ਮਿਆਦ
146 ਮਿੰਟ
ਦੇਸ਼
  • ਇੰਗਲੈਂਡ
  • ਸੰਯੁਕਤ ਰਾਜ ਅਮਰੀਕਾ
ਭਾਸ਼ਾਅੰਗਰੇਜ਼ੀ
ਬਜ਼ਟ$250 ਮਿਲੀਅਨ
(Shared with Part 2)[1][2]
ਬਾਕਸ ਆਫ਼ਿਸ$960.3 ਮਿਲੀਅਨ[3]

ਹੈਰੀ ਪੌਟਰ ਐਂਡ ਦ ਡੈਥਲੀ ਹੈਲੋਜ਼ – ਭਾਗ ਪਹਿਲਾ 2010 ਵਿੱਚ ਰਿਲੀਜ਼ ਹੋਈ ਇੱਕ ਫ਼ੈਂਟੇਸੀ ਫ਼ਿਲਮ ਹੈ ਜਿਸਦਾ ਨਿਰਦੇਸ਼ਨ ਡੇਵਿਡ ਯੇਟਸ ਨੇ ਅਤੇ ਜਿਸਦੀ ਵੰਡ ਵਾਰਨਰ ਬ੍ਰਦਰਜ਼ ਨੇ ਕੀਤੀ ਹੈ।[3] ਇਹ ਜੇ. ਕੇ. ਰਾਓਲਿੰਗ ਦੇ ਨਾਵਲ ਹੈਰੀ ਪੌਟਰ ਐਂਡ ਦ ਡੈਥਲੀ ਹੈਲੋਜ਼ ਉੱਪਰ ਬਣੀਆਂ ਦੋ ਫ਼ਿਲਮਾਂ ਦਾ ਪਹਿਲਾ ਭਾਗ ਹੈ ਅਤੇ ਦੋਵਾਂ ਭਾਗਾਂ ਵਿੱਚ ਇੱਕੋ ਕਿਰਦਾਰ ਹਨ। ਇਹ ਹੈਰੀ ਪੌਟਰ ਫ਼ਿਲਮ ਲੜੀ ਦਾ ਸੱਤਵਾਂ ਭਾਗ ਹੈ।[4] ਇਸ ਫ਼ਿਲਮ ਨੂੰ ਸਟੀਵ ਕਲੋਵਸ ਨੇ ਲਿਖਿਆ ਹੈ ਅਤੇ ਇਸਦਾ ਨਿਰਮਾਣ ਡੇਵਿਡ ਹੇਅਮੈਨ, ਡੇਵਿਡ ਬੈਰਨ ਅਤੇ ਰਾਓਲਿੰਗ ਦੁਆਰਾ ਕੀਤਾ ਗਿਆ ਹੈ।

ਇਸ ਫ਼ਿਲਮ ਵਿੱਚ ਹੈਰੀ ਪੌਟਰ ਦੀ ਭੂਮਿਕਾ ਡੇਨੀਅਲ ਰੈੱਡਕਲਿਫ ਦੁਆਰਾ ਨਿਭਾਈ ਗਈ ਹੈ ਅਤੇ ਉਸਦੇ ਗੂੜ੍ਹੇ ਦੋਸਤਾਂ ਰੌਨ ਵੀਸਲੀ ਅਤੇ ਹਰਮਾਈਨੀ ਗਰੇਂਜਰ ਦਾ ਰੋਲ ਕ੍ਰਮਵਾਰ ਰੂਪਰਟ ਗਰਿੰਟ ਅਤੇ ਐਮਾ ਵਾਟਸਨ ਨੇ ਨਿਭਾਇਆ ਹੈ। ਇਹ ਫ਼ਿਲਮ ਹੈਰੀ ਪੌਟਰ ਐਂਡ ਦ ਹਾਫ਼ ਬਲੱਡ ਪਰਿੰਸ ਦਾ ਅਗਲਾ ਭਾਗ ਹੈ ਅਤੇ ਇਸ ਤੋਂ ਅਗਲਾ ਅਤੇ ਫ਼ਿਲਮ ਲੜੀ ਦਾ ਆਖ਼ਰੀ ਭਾਗ ਹੈਰੀ ਪੌਟਰ ਐਂਡ ਦ ਡੈਥਲੀ ਹੈਲੋਜ਼ - ਭਾਗ ਦੂਜਾ ਹੈ।

ਇਸ ਫ਼ਿਲਮ ਦੀ ਕਹਾਣੀ ਵਿੱਚ ਹੈਰੀ ਪੌਟਰ ਨੂੰ ਡੰਬਲਡੋਰ ਦੁਆਰਾ ਲੌਰਡ ਵੌਲਡੇਮੌਰਟ ਦੇ ਹੂਕਰਕਸ ਲੱਭਣ ਅਤੇ ਨਸ਼ਟ ਕਰਨ ਲਈ ਕਹਿੰਦਾ ਹੈ ਜਿਹਨਾਂ ਦੀ ਵਜ੍ਹਾ ਕਰਕੇ ਵੌਲਡੇਮੌਰਟ ਅਮਰ ਹੈ। ਇਸ ਫ਼ਿਲਮ ਦੀ ਸ਼ੂਟਿੰਗ 19 ਫ਼ਰਵਰੀ, 2009 ਨੂੰ ਸ਼ੁਰੂ ਹੋਈ ਸੀ ਅਤੇ ਇਹ 12 ਜੂਨ, 2010 ਨੂੰ ਖ਼ਤਮ ਹੋਈ ਸੀ।[5] ਇਹ ਭਾਗ ਵਿਸ਼ਵਭਰ ਵਿੱਚ 2ਡੀ ਸਿਨੇਮਿਆਂ ਅਤੇ ਆਈਮੈਕਸ ਫ਼ਾਰਮੈਟਾਂ ਵਿੱਚ 19 ਨਵੰਬਰ, 2010 ਨੂੰ ਰਿਲੀਜ਼ ਕੀਤਾ ਗਿਆ ਸੀ।[6][7][8][9]

ਵਿਸ਼ਵਭਰ ਵਿੱਚ ਪਹਿਲੇ ਹਫ਼ਤੇ ਵਿੱਚ, ਪਹਿਲੇ ਭਾਗ ਨੇ 330 ਮਿਲੀਅਨ ਡਾਲਰਾਂ ਦੀ ਕਮਾਈ ਕਰ ਲਈ ਸੀ, ਜਿਹੜੀ ਇਸ ਲੜੀ ਦੀ ਪਹਿਲੇ ਹਫ਼ਤੇ ਵਿੱਚ ਤੀਜੀ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੀ ਫ਼ਿਲਮ ਸੀ ਅਤੇ ਇਹ ਅੱਜਤੱਕ ਬਣੀਆਂ ਫ਼ਿਲਮਾਂ ਵਿੱਚੋਂ ਅੱਠਵੀਂ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੀ ਫ਼ਿਲਮ ਹੈ, ਜਿਸ ਵਿੱਚ ਇਸਨੇ ਦੁਨੀਆ ਭਰ ਵਿੱਚ 960 ਮਿਲੀਅਨ ਡਾਲਰਾਂ ਦੀ ਕਮਾਈ ਕੀਤੀ ਹੈ।[10][11] ਅਕਾਦਮੀ ਅਵਾਰਡਾਂ ਵਿੱਚ ਇਸ ਫ਼ਿਲਮ ਨੂੰ ਦੋ ਨਾਮਜ਼ਦਗੀਆਂ ਮਿਲੀਆਂ ਸਨ ਜਿਸ ਵਿੱਚ ਸਭ ਤੋਂ ਵਧੀਆ ਆਰਟ ਡਾਇਰੈਕਸ਼ਨ ਅਤੇ ਸਭ ਤੋਂ ਵਧੀਆ ਵਿਜ਼ੂਅਲ ਇਫ਼ੈਕਟ ਸ਼ਾਮਿਲ ਹਨ।

ਕਥਾਨਕ

[ਸੋਧੋ]

ਜਾਦੂ ਮੰਤਰਾਲੇ ਦੀ ਮੰਤਰੀ ਰੂਫ਼ਸ ਸਕ੍ਰਮਗਿਓਰ ਨੇ ਜਾਦੂ ਮੀਡੀਆ ਨੂੰ ਸੰਬੋਧਿਤ ਕਰਦੇ ਹੋਏ ਕਿਹਾ ਕਿ ਜਾਦੂ ਮੰਤਰਾਲਾ ਮਜ਼ਬੂਤ ਬਣਿਆ ਰਹੇਗਾ ਭਾਵੇਂ ਲੌਰਡ ਵੌਲਡੇਮੌਰਟ ਜਿੰਨੀ ਮਰਜ਼ੀ ਤਾਕਤ ਹਾਸਿਲ ਕਰ ਲਵੇ। ਪ੍ਰਾਣ ਭਕਸ਼ੀਆਂ ਨੂੰ ਡੰਬਲਡੋਰ ਦੀ ਮੌਤ ਤੋਂ ਬਹੁਤ ਫ਼ਾਇਦਾ ਪਹੁੰਚਿਆ ਹੈ, ਜਿਸ ਕਰਕੇ ਉਹ ਮਗਲੂਆਂ ਦੀ ਹੱਤਿਆ ਕਰ ਰਹੇ ਹਨ ਅਤੇ ਮੰਤਰਾਲੇ ਵਿੱਚ ਵੀ ਘੁਸਪੈਠ ਕਰ ਰਹੇ ਹਨ। ਹੈਰੀ, ਰੌਨ ਅਤੇ ਹਰਮਾਈਨੀ ਡੰਬਲਡੋਰ ਦੁਆਰਾ ਹੈਰੀ ਨੂੰ ਦਿੱਤੇ ਗਏ ਮਿਸ਼ਨ ਨੂੰ ਪੂਰਾ ਕਰਨ ਲਈ ਨਿਕਲਦੇ ਹਨ ਜਿਸ ਵਿੱਚ ਉਹਨਾਂ ਨੂੰ ਹੂਕਰਕਸਾਂ ਨੂੰ ਲੱਭ ਕੇ ਨਸ਼ਟ ਕਰਨਾ ਹੈ। ਇਸੇ ਦੌਰਾਨ ਸੈਵਰਸ ਸਨੇਪ ਲੌਰਡ ਵੌਲਡੇਮੌਰਟ ਅਤੇ ਪ੍ਰਾਣ ਭਕਸ਼ੀਆਂ ਨੂੰ ਖ਼ਬਰ ਦਿੰਦਾ ਹੈ ਕਿ ਹੈਰੀ ਇਹ ਪ੍ਰਾਇਵੇਟ ਡਰਾਇਵ ਤੋਂ ਬਾਹਰ ਨਿਕਲ ਚੁੱਕਾ ਹੈ। ਵੌਲਡੇਮੌਰਟ ਲੂਸ਼ੀਅਸ ਮੈਲਫ਼ੌਏ ਦੀ ਛੜੀ ਮੰਗਦਾ ਹੈ ਕਿਉਂਕਿ ਉਸਦੀ ਆਪਣੀ ਜਾਦੂਈ ਛੜੀ ਹੈਰੀ ਨੂੰ ਨਹੀਂ ਮਾਰ ਸਕਦੀ ਕਿਉਂਕਿ ਉਹ ਦੋਵੇਂ ਇੱਕੋ ਹੀ ਪਦਾਰਥ ਦੀਆਂ ਬਣੀਆਂ ਹਨ।

ਔਰਡਰ ਔਫ਼ ਦ ਫ਼ੀਨਿਕਸ ਸੰਗਠਨ ਇਕੱਠਾ ਹੁੰਦਾ ਹੈ ਅਤੇ ਹੈਰੀ ਨੂੰ ਸੁਰੱਖਿਆ ਪ੍ਰਦਾਨ ਕਰਦਾ ਹੈ, ਜਿਸ ਵਿੱਚ ਉਹ ਉਸਨੂੰ ਲੁਕੋਣ ਲਈ ਇੱਕ ਕਾੜ੍ਹਾ ਪਿਆਉਂਦੇ ਹਨ। ਇਸ ਪਿੱਛੋਂ ਆਪਣੀ ਉਡਾਣ ਦੌਰਾਨ ਉਹਨਾਂ ਨੂੰ ਪ੍ਰਾਣ ਭਕਸ਼ੀ ਹਮਲਾ ਕਰ ਦਿੰਦੇ ਹਨ ਜਿਸ ਵਿੱਚ ਮੈਡ-ਆਈ ਮੂਡੀ ਅਤੇ ਹੈਡਵਿਗ ਮਾਰੇ ਜਾਂਦੇ ਹਨ ਅਤੇ ਜੌਰਜ ਵੀਸਲੀ ਅਤੇ ਹੈਗਰਿਡ ਜ਼ਖ਼ਮੀ ਹੋ ਜਾਂਦੇ ਹਨ। ਸੁਰੱਖਿਅਤ ਥਾਂ ਉੱਪਰ ਪਹੁੰਚ ਕੇ ਖ਼ਿਆਲ ਵਿੱਚ ਹੈਰੀ ਨੂੰ ਛੜੀਆਂ ਬਣਾਉਣ ਵਾਲਾ ਓਲੀਵੈਂਡਰ ਵਿਖਾਈ ਦਿੰਦਾ ਹੈ ਜਿਸਨੂੰ ਵੌਲਡੇਮੌਰਟ ਤਸੀਹੇ ਦੇ ਰਿਹਾ ਹੈ ਅਤੇ ਉਸ ਤੋਂ ਕੁਝ ਪੁੱਛ ਰਿਹਾ ਹੈ। ਅਗਲੇ ਦਿਨ ਸਕ੍ਰਿਮਗਿਓਰ ਉਹਨਾਂ ਕੋਲ ਪਹੁੰਚਦਾ ਹੈ ਅਤੇ ਉਹਨਾਂ ਤਿੰਨਾਂ ਨੂੰ ਐਲਬਸ ਡੰਬਲਡੋਰ ਦੁਆਰਾ ਵਸੀਅਤ ਵਿੱਚ ਦਿੱਤੇ ਗਏ ਤਿੰਨ ਤੋਹਫ਼ੇ ਦਿੰਦਾ ਹੈ। ਰੌਨ ਨੂੰ ਡੰਬਲਡੋਰ ਆਪਣਾ ਡੀਇਲਿਊਮੀਨੇਟਰ (ਬੱਤੀਆਂ ਬੁਝਾਉਣ ਵਾਲ ਯੰਤਰ), ਹਰਮਾਈਨੀ ਨੂੰ ਦ ਟੇਲਜ਼ ਔਫ਼ ਬੀਡਲ ਦ ਬਾਰਡ ਕਿਤਾਬ ਦੀ ਕਾਪੀ ਅਤੇ ਹੈਰੀ ਨੂੰ ਕੁਈਟਿਚ ਮੈਚ ਵਿੱਚ ਉਸ ਦੁਆਰਾ ਫ਼ੜੀ ਗਈ ਗੇਂਦ ਦਿੰਦਾ ਹੈ। ਸਕ੍ਰਿਮਗਿਓਰ ਦੱਸਦਾ ਹੈ ਕਿ ਹੈਰੀ ਨੂੰ ਗਰੁੜਦੁਆਰ ਦੀ ਤਲਵਾਰ ਵੀ ਦਿੱਤੀ ਗਈ ਹੈ। ਮੰਤਰੀ ਹੈਰੀ ਨੂੰ ਇਹ ਵੀ ਦੱਸਦਾ ਹੈ ਕਿ ਤਲਵਾਰ ਡੰਬਲਡੋਰ ਦੀ ਵਸੀਅਤ ਨਹੀਂ ਸੀ ਅਤੇ ਉਹ ਹੁਣ ਗੁਆਚੀ ਹੋਈ ਹੈ।

ਪ੍ਰਾਣ ਭਕਸ਼ੀ ਸਕ੍ਰਿਮਗਿਓਰ ਨੂੰ ਮਾਰ ਦਿੰਦੇ ਹਨ ਅਤੇ ਉਸਦੇ ਬਦਲ ਵੱਜੋਂ ਪਾਇਸ ਥਿਕਨੈਸੇ ਨੂੰ ਮੰਤਰੀ ਲਾ ਦਿੰਦੇ ਹਨ। ਮੰਤਰਾਲਾਂ ਮਗਲੂ ਜਾਦੂਗਰਾਂ ਨੂੰ ਮਾਰਨਾ ਅਤੇ ਕੈਦ ਕਰਨਾ ਸ਼ੁਰੂ ਕਰ ਦਿੰਦਾ ਹੈ। ਬਿਲ ਵੀਸਲੀ ਅਤੇ ਫ਼ਲੇਅਰ ਡੈਲਾਕੌਰ ਦੇ ਵਿਆਹ ਤੋਂ ਪਹਿਲਾਂ, ਹੈਰੀ ਪੌਟਰ ਅਤੇ ਗਿੰਨੀ ਵੀਸਲੀ ਇੱਕ ਦੂਜੇ ਨੂੰ ਬਹੁਤ ਹੀ ਪਿਆਰ ਨਾਲ ਚੁੰਮਦੇ ਹਨ ਜਦਕਿ ਜੌਰਜ ਉੱਥੇ ਆ ਪਹੁੰਚਦਾ ਹੈ। ਬਿਲ ਅਤੇ ਫ਼ਲੇਅਰ ਦੇ ਵਿਆਹ ਤੇ ਪ੍ਰਾਣ ਭਕਸ਼ੀ ਹਮਲਾ ਕਰ ਦਿੰਦੇ ਹਨ। ਇਸ ਦੌਰਾਨ ਕਿੰਗਜ਼ਲੀ ਸ਼ੈਕਲਬੌਲਟ ਦਾ ਪਿਤਰ-ਦੇਵ ਉਹਨਾਂ ਨੂੰ ਇਸ ਹਮਲੇ ਦੀ ਚਿਤਾਵਨੀ ਦੇ ਦਿੰਦਾ ਹੈ ਜਿਸ ਕਰਕੇ ਬਹੁਤੇ ਲੋਕ ਉੱਥੋਂ ਭੱਜ ਜਾਂਦੇ ਹਨ। ਹੈਰੀ, ਰੌਨ ਅਤੇ ਹਰਮਾਈਨੀ ਗਾਇਬ ਹੋ ਕੇ ਲੰਡਨ ਪਹੁੰਚ ਜਾਂਦੇ ਹਨ ਜਿੱਥੇ ਉਹਨਾਂ ਉੱਪਰ ਪ੍ਰਾਣ ਭਕਸ਼ੀ ਹਮਲਾ ਕਰ ਦਿੰਦੇ ਹਨ। ਤਿੰਨਾਂ ਨੂੰ 12 ਗ੍ਰਿਮੌਲਡ ਪਲੇਸ ਵਿਖੇ ਸ਼ਰਨ ਲੈਣੀ ਪੈਂਦੀ ਹੈ। ਉੱਥੇ ਉਹਨਾਂ ਨੂੰ ਪਤਾ ਲੱਗਦਾ ਹੈ ਕਿ ਜਾਅਲੀ ਹੂਕਰਕਸ ਲੌਕੇਟ ਸੀਰੀਅਸ ਬਲੈਕ ਦੇ ਛੋਟੇ ਭਰਾ ਦਾ ਹੈ। ਕਰੀਚਰ ਜਿਹੜਾ ਕਿ ਉਸ ਘਰ ਵਿੱਚ ਰਹਿੰਦਾ ਇੱਕ ਐਲਫ਼ ਹੈ, ਉਹਨਾਂ ਨੂੰ ਦੱਸਦਾ ਹੈ ਕਿ ਮੰਡਗਸ ਫ਼ਲੈਚਰ ਉਹਨਾਂ ਦੇ ਘਰ ਵਿੱਚ ਜ਼ਬਰਦਸਤੀ ਆਇਆ ਸੀ ਅਤੇ ਉਸਨੇ ਬਹੁਤ ਸਾਰੀਆਂ ਚੀਜ਼ਾਂ ਚੁਰਾ ਲਈਆਂ ਸਨ ਜਿਸ ਵਿੱਚ ਅਸਲੀ ਲੌਕੇਟ ਵੀ ਸ਼ਾਮਿਲ ਸੀ। ਕਰੀਚਰ ਅਤੇ ਡੌਬੀ, ਫ਼ਲੈਚਰ ਨੂੰ ਬੰਦੀ ਬਣਾ ਲੈਂਦੇ ਹਨ, ਜਿਹੜਾ ਉਹਨਾਂ ਨੂੰ ਦੱਸਦਾ ਹੈ ਕਿ ਅਸਲੀ ਲੌਕੇਟ ਡੋਲੋਰਿਸ ਅੰਬਰਿਜ ਕੋਲ ਹੈ। ਕਾੜ੍ਹਾ ਪੀ ਕੇ, ਜਿਸ ਨਾਲ ਕੋਈ ਵੀ ਰੂਪ ਲਿਆ ਜਾ ਸਕਦਾ ਹੈ, ਤਿੰਨੇ ਮੰਤਰਾਲੇ ਵਿੱਚ ਦਾਖ਼ਲ ਹੋ ਜਾਂਦੇ ਹਨ ਅਤੇ ਉਹ ਲੌਕੇਟ ਨੂੂੰ ਅੰਬਰਿਜ ਦੇ ਗਲ ਵਿੱਚ ਵੇਖਦੇ ਹਨ। ਕੋਸ਼ਿਸ਼ ਕਰਕੇ ਉਹ ਲੌਕੇਟ ਉਸ ਤੋਂ ਖੋਹ ਲੈਂਦੇ ਹਨ ਅਤੇ ਉੱਥੋਂ ਭੱਜ ਜਾਂਦੇ ਹਨ ਪਰ ਰੌਨ ਜ਼ਖ਼ਮੀ ਹੋ ਜਾਂਦਾ ਹੈ।

ਹੋਕਰਕਸ ਨੂੰ ਨਸ਼ਟ ਕਰਨ ਦੀਆਂ ਬਹੁਤ ਸਾਰੀਆਂ ਅਸਫ਼ਲ ਕੋਸ਼ਿਸ਼ਾਂ ਦੇ ਬਾਅਦ, ਤਿੰਨੇ ਉਸ ਲੌਕਟ ਨੂੰ ਵਾਰ-ਵਾਰ ਪਾਉਂਦੇ ਹਨ ਜਿਸ ਨਾਲ ਕਿ ਉਸਦਾ ਅਸਰ ਕਿਸੇ ਇੱਕ ਉੱਪਰ ਨਾ ਪਵੇ। ਹੈਰੀ ਇੱਕ ਖ਼ਿਆਲ ਵਿੱਚ ਵੇਖਦਾ ਹੈ ਕਿ ਵੌਲਡੇਮੌਰਟ ਛੜੀਆਂ ਬਣਾਉਣ ਵਾਲੇ ਗ੍ਰੇਗੋਰੋਵਿਚ ਦੀ ਪੁੱਛਗਿੱਛ ਕਰ ਰਿਹਾ ਹੈ ਅਤੇ ਉਸਨੂੰ ਮਾਰ ਦਿੰਦਾ ਹੈ, ਜਿਹੜਾ ਕਹਿੰਦਾ ਹੈ ਕਿ ਕਿਸੇ ਛੋਟੇ ਬੱਚੇ ਨੇ ਐਲਡਰ ਛੜੀ ਉਸਦੀ ਦੁਕਾਨ ਤੋਂ ਚੁਰਾ ਲਈ ਸੀ। ਜਦੋਂ ਰੌਨ ਨੇ ਉਹ ਲੌਕੇਟ ਪਾਇਆ ਹੋਇਆ ਸੀ, ਉਹ ਨਕਾਰਾਤਨਕ ਜਜ਼ਬਾਤਾਂ ਵਿੱਚ ਘਿਰ ਜਾਂਦਾ ਹੈ ਅਤੇ ਹੈਰੀ ਅਤੇ ਹਰਮਾਈਨੀ ਨਾਲ ਲੜ ਪੈਂਦਾ ਹੈ ਅਤੇ ਉੱਥੋਂ ਗਾਇਬ ਹੋ ਜਾਂਦਾ ਹੈ। ਹਰਮਾਈਨੀ ਸਿੱਟਾ ਕੱਢਦੀ ਹੈ ਕਿ ਗਰੁੜਦੁਆਰ ਦੀ ਤਲਵਾਰ ਹੂਕਰਕਸਾਂ ਨੂੰ ਨਸ਼ਟ ਕਰ ਸਕਦੀ ਹੈ ਅਤੇ ਉਹ ਹੈਰੀ ਨਾਲ ਗੌਡਰਿਕ ਹੌਲੋ ਜਾਣ ਦਾ ਫ਼ੈਸਲਾ ਲੈਂਦੀ ਹੈ। ਉਹ ਹੈਰੀ ਦੇ ਮਾਂ-ਪਿਓ ਦੀਆਂ ਕਬਰਾਂ ਤੇ ਜਾਂਦੇ ਹਨ ਜਿੱਥੇ ਕਿ ਉਹ ਮਾਰੇ ਗਏ ਸਨ। ਉਹਨਾਂ ਦਾ ਸਾਹਮਣਾ ਬਥਿਲਡਾ ਬੈਗਸ਼ੌਟ ਨਾਲ ਹੁੰਦਾ ਹੈ, ਜਿਸ ਕੋਲ ਉਹ ਮੰਨਦੇ ਹਨ ਕਿ ਗਰੁੜਦੁਆਰ ਦੀ ਤਲਵਾਰ ਹੈ। ਬਥਿਲਡਾ ਹੈਰੀ ਅਤੇ ਹਰਮਾਈਨੀ ਨੂੰ ਆਪਣੇ ਘਰ ਅੰਦਰ ਦਾਖ਼ਲ ਹੋਣ ਦਿੰਦੀ ਹੈ ਅਤੇ ਮਗਰੋਂ ਪਤਾ ਲੱਗਦਾ ਹੈ ਕਿ ਉਹ ਨਗੀਨੀ ਹੈ, ਜਿਹੜੀ ਕਿ ਵੌਲਡੇਮੌਰਟ ਦੇ ਹੁਕਮ ਅੰਦਰ ਹੈ। ਹਰਮਾਈਨੀ ਅਤੇ ਹੈਰੀ ਉੱਥੋਂ ਭੱਜ ਨਿਕਲਦੇ ਹਨ ਪਰ ਹਰਮਾਈਨੀ ਨਗੀਨੀ ਨਾਲ ਲੜਦੇ ਵੇਲੇ ਹੈਰੀ ਦੀ ਛੜੀ ਤੋੜ ਦਿੰਦੀ ਹੈ। ਹਰਮਾਈਨੀ ਉਸ ਪਿੱਛੋਂ ਹੈਰੀ ਦੇ ਖ਼ਿਆਲ ਵਿੱਚ ਆਏ ਰਹੱਸਮਈ ਚੋਰ ਨੂੰ ਪਛਾਣਦੀ ਹੈ ਜਿਹੜਾ ਕਿ ਗੈਲੈਰਟ ਗਰਿੰਡਰਵਾਲਡ ਹੈ।

ਉਸੇ ਸ਼ਾਮ ਹੈਰੀ ਹਿਰਨੀ ਦੇ ਰੂਪ ਵਿੱਚ ਇੱਕ ਪਿਤਰਦੇਵ ਵੇਖਦਾ ਹੈ ਜਿਹੜਾ ਉਸਨੂੰ ਇੱਕ ਜੰਮੀ ਹੋਈ ਝੀਲ ਕੋਲ ਲੈ ਜਾਂਦਾ ਹੈ। ਗਰੁੜਦਵਾਰ ਦੀ ਤਲਵਾਰ ਉਸੇ ਝੀਲ ਵਿੱਚ ਬਰਫ਼ ਦੇ ਹੇਠਾਂ ਪਈ ਹੈ, ਜਿਸਨੂੰ ਹਾਸਲ ਕਰਨ ਲਈ ਹੈਰੀ ਝੀਲ ਦੀ ਬਰਫ਼ ਨੂੰ ਤੋੜ ਕੇ ਉਸ ਅੰਦਰ ਛਾਲ ਮਾਰ ਦਿੰਦਾ ਹੈ। ਉਸਦੇ ਗਲੇ ਵਿੱਚ ਪਾਇਆ ਹੋਇਆ ਲੌਕੇਟ ਉਸਨੂੰ ਜਕੜਨ ਦੀ ਕੋਸ਼ਿਸ਼ ਕਰਦਾ ਹੈ ਪਰ ਇੱਕਦਮ ਰੌਨ ਆ ਜਾਂਦਾ ਹੈ ਅਤੇ ਉਸਨੂੰ ਬਚਾ ਲੈਂਦਾ ਹੈ। ਇਸ ਪਿੱਛੋਂ ਹੈਰੀ ਲੌਕਟ ਨੂੰ ਖੋਲ੍ਹਦਾ ਹੈ ਅਤੇ ਰੌਨ ਉਸਨੂੰ ਤਲਵਾਰ ਦੀ ਮਦਦ ਨਾਲ ਉਸ ਲੌਕੇਟ ਨੁਮਾ ਹੂਕਰਕਸ ਨੂੰ ਨਸ਼ਟ ਕਰ ਦਿੰਦਾ ਹੈ। ਹਰਮਾਈਨੀ ਅਤੇ ਰੌਨ ਸਮਝੌਤਾ ਕਰ ਲੈਂਦੇ ਹਨ, ਅਤੇ ਇਸ ਪਿੱਛੋਂ ਉਹ ਤਿੰਨੇ ਜ਼ੀਨੋਫ਼ਿਲਿਅਸ ਲਵਗੁਡ ਕੋਲ ਜਾਣ ਦਾ ਫ਼ੈਸਲਾ ਕਰਦੇ ਹਨ ਤਾਂਕਿ ਉਹ ਹਰਮਾਈਨੀ ਨੂੰ ਡੰਬਲਡੋਰ ਦੁਆਰਾ ਦਿੱਤੀ ਹੋਈ ਕਿਤਾਬ ਦੇ ਉੱਪਰ ਬਣੇ ਚਿੰਨ੍ਹ ਦਾ ਰਹੱਸ ਜਾਣ ਸਕਣ। ਲਵਗੁਡ ਉਹਨਾਂ ਨੂੰ ਦੱਸਦਾ ਹੈ ਕਿ ਕਿਤਾਬ ਉੱਪਰ ਬਣਿਆ ਹੋਇਆ ਚਿੰਨ੍ਹ ਡੈਥਲੀ ਹੈਲੋਜ਼ (ਮੌਤ ਦੇ ਤੋਹਫ਼ੇ) ਦੀ ਨਿਸ਼ਾਨੀ ਹੈ, ਜਿਹੜੇ ਕਿ ਤਿੰਨ ਜਾਦੂਈ ਪਦਾਰਥ ਹਨ ਅਤੇ ਉਹਨਾਂ ਤਿੰਨਾਂ ਨੂੰ ਹਾਸਲ ਕਰਕੇ ਕੋਈ ਵੀ ਜਾਦੂਗਰ ਮੌਤ ਉੱਪਰ ਜਿੱਤ ਹਾਸਲ ਕਰ ਸਕਦਾ ਹੈ। ਹਰਮਾਈਨੀ ਤੋਹਫ਼ਿਆਂ ਬਾਰੇ ਕਿਤਾਬ ਵਿੱਚੋਂ ਇੱਕ ਕਹਾਣੀ ਪੜ੍ਹਦੀ ਹੈ। ਉਸ ਪਿੱਛੋਂ ਉਹ ਤਿੰਨੋਂ ਉੱਥੋਂ ਨਿਕਲਣ ਦੀ ਕੋਸ਼ਿਸ਼ ਕਰਦੇ ਹਨ ਪਰ ਲਵਗੁਡ ਉਹਨਾਂ ਨੂੰ ਰੋਕ ਲੈਂਦਾ ਹੈ। ਉਹ ਦੱਸਦਾ ਹੈ ਕਿ ਲੂਨਾ ਨੂੰ ਪ੍ਰਾਣ ਭਕਸ਼ੀਆਂ ਦੁਆਰਾ ਅਗਵਾਹ ਕਰ ਲਿਆ ਗਿਆ ਹੈ। ਹੈਰੀ, ਰੌਨ ਅਤੇ ਹਰਮਾਈਨੀ ਉੱਥੋਂ ਗਾਇਬ ਹੋ ਜਾਂਦੇ ਹਨ ਅਤੇ ਲਵਗੁਡ ਦੇ ਘਰ ਨੂੰ ਤਬਾਹ ਕਰ ਦਿੱਤਾ ਜਾਂਦਾ ਹੈ।

ਉਜਾੜ ਅਣਜਾਣ ਥਾਂ ਤੇ ਵਾਪਸ ਪਹੁੰਚ ਕੇ, ਤਿੰਨੋਂ ਇੱਕ ਕੈਂਪ ਲਾ ਲੈਂਦੈ ਹਨ ਜਿੱਥੇ ਕਿ ਲੁਟੇਰੇ ਉਹਨਾਂ ਨੂੰ ਲੱਭ ਲੈਂਦੇ ਹਨ। ਹਰਮਾਈਨੀ ਹੈਰੀ ਦੀ ਪਛਾਣ ਲੁਕੋਣ ਲਈ ਉਸਨੂੰ ਇੱਕ ਸਰਾਪ ਦੇ ਦਿੰਦੀ ਹੈ। ਲੁਟੇਰੇ ਉਹਨਾਂ ਸਾਰਿਆਂ ਨੂੰ ਮੈਲਫ਼ੌਏ ਮੇਨਰ ਕੋਲ ਲੈ ਜਾਂਦੇ ਹਨ। ਬੈਲੇਟ੍ਰਿਕਸ ਲੈਸਰਾਂਜ ਹੈਰੀ ਅਤੇ ਰੌਨ ਨੂੰ ਲੂਨਾ ਦੇ ਨਾਲ ਇੱਕ ਕਮਰੇ ਵਿੱਚ ਕੈਦ ਕਰ ਦਿੰਦੀ ਹੈ, ਉਸ ਕਮਰੇ ਵਿੱਚ ਓਲੀਵੈਂਡਰ, ਅਤੇ ਗ੍ਰਿਫੂਕ ਜਿਹੜਾ ਇੱਕ ਗੌਬਲਿਨ ਹੈ, ਵੀ ਕੈਦ ਹਨ। ਉਸ ਪਿੱਛੋਂ ਬੈਲੇਟ੍ਰਿਕਸ ਹਰਮਾਈਨੀ ਤੋਂ ਪੁੱਛਗਿੱਛ ਕਰਦੀ ਹੈ ਕਿ ਉਹਨਾਂ ਨੇ ਗਰੁੜਦਵਾਰ ਦੀ ਤਲਵਾਰ ਨੂੰ ਕਿਸ ਤਰ੍ਹਾਂ ਲੱਭਿਆ। ਹੈਰੀ ਆਪਣੇ ਕੋਲ ਟੁੱਟੇ ਸ਼ੀਸ਼ੇ ਵਿੱਚੋਂ ਮਦਦ ਦੀ ਪੁਕਾਰ ਕਰਦਾ ਹੈ। ਇੱਕਦਮ ਉਹਨਾਂ ਨੂੰ ਬਚਾਉਣ ਲਈ ਡੌਬੀ ਆ ਜਾਂਦਾ ਹੈ। ਹੈਰੀ ਅਤੇ ਰੌਨ, ਹਰਮਾਈਨੀ ਨੂੰ ਬਚਾਉਣ ਲਈ ਭੱਜਦੇ ਹਨ। ਇਸ ਪਿੱਛੋਂ ਇੱਕ ਲੜਾਈ ਹੁੰਦੀ ਹੈ। ਡੌਬੀ ਬੈਲੇਟ੍ਰਿਕਸ ਦੇ ਉੱਪਰ ਇੱਕ ਫ਼ਾਨੂਸ ਸੁੱਟਦਾ ਹੈ ਜਿਸ ਕਰਕੇ ਉਸਨੂੰ ਹਰਮਾਈਨੀ ਨੂੰ ਛੱਡਣਾ ਪੈਂਦਾ ਹੈ। ਜਿਵੇਂ ਹੀ ਡੌਬੀ ਸਾਰਿਆਂ ਨੂੰ ਇਕੱਠਾ ਕਰਕੇ ਉੱਥੋਂ ਗਾਇਬ ਹੋਣ ਲੱਗਦਾ ਹੈ, ਬੈਲੇਟ੍ਰਿਕਸ ਆਪਣਾ ਚਾਕੂ ਉਹਨਾਂ ਵੱਲ ਸੁੱਟਦੀ ਹੈ ਅਤੇ ਉਹ ਉੱਥੋਂ ਗਾਇਬ ਹੋ ਜਾਂਦੇ ਹਨ। ਉਹ ਇੱਕ ਘਰ ਵਿੱਚ ਪਰਗਟ ਹੁੰਦੇ ਹਨ ਪਰ ਬੈਲੇਟ੍ਰਿਕਸ ਦਾ ਸੁੱਟਿਆ ਚਾਕੂ ਡੌਬੀ ਦੇ ਵੱਜ ਜਾਂਦਾ ਹੈ, ਜਿਸ ਨਾਲ ਉਸਦੀ ਮੌਤ ਹੋ ਜਾਂਦੀ ਹੈ। ਹੈਰੀ ਕਹਿੰਦਾ ਹੈ ਕਿ ਉਹ ਕਿਸੇ ਜਾਦੂ ਤੋਂ ਬਗੈਰ ਡੌਬੀ ਨੂੰ ਦਫ਼ਨਾਉਣਾ ਚਾਹੁੰਦਾ ਹੈ, ਅਤੇ ਰੌਨ ਅਤੇ ਹਰਮਾਈਨੀ ਇਹ ਕਰਨ ਲਈ ਸਹਿਮਤ ਹਨ।

ਆਖ਼ਰੀ ਸੀਨ ਵਿੱਚ, ਵੌਲਡੇਮੌਰਟ ਡੰਬਲਡੋਰ ਦੀ ਕਬਰ ਨੂੰ ਖੋਲ੍ਹਦਾ ਹੈ ਅਤੇ ਐਲਡਰ ਛੜੀ ਨੂੰ ਉਸ ਕੋਲੋਂ ਲੈ ਲੈਂਦਾ ਹੈ।

ਪਾਤਰ

[ਸੋਧੋ]

ਹਵਾਲੇ

[ਸੋਧੋ]
  1. ↑ Frankel, Daniel (17 November 2010). "Get Ready for the Biggest 'Potter' Opening Yet". TheWrap. Archived from the original on 18 ਜੁਲਾਈ 2019. Retrieved 21 November 2010. Warner officials say shooting parts 1 and 2 of "Deathly Hallows" (the second part comes out in July) kept cost below the more than $250 million that was spent on 2009's "Half-Blood Prince."
  2. ↑ Lang, Brent (14 July 2011). "'Harry Potter' Looks to Shatter Box Office Record With $150M+ Debut". TheWrap. Archived from the original on 31 ਅਕਤੂਬਰ 2019. Retrieved 30 November 2012. Parts 1 and 2 of "Deathly Hallows" were filmed at a cost of roughly $250 million, essentially giving Warner Bros. a license to print money off the profits it will bank over the upcoming weekend.
  3. ↑ 3.0 3.1 ਹਵਾਲੇ ਵਿੱਚ ਗ਼ਲਤੀ:Invalid <ref> tag; no text was provided for refs named BOM (HP7)
  4. ↑ Warner Bros. Plans Two-Part Film Adaptation of "Harry Potter and the Deathly Hallows" to Be Directed by David Yates (Press release). Warner Bros. Pictures. 13 March 2008. http://www.businesswire.com/portal/site/google/?ndmViewId=news_view&newsId=20080313005332&newsLang=en. Retrieved 6 September 2012. "...expand the screen adaptation of Harry Potter and the Deathly Hallows and release the film in two parts.". 
  5. ↑ Schwartz, Alison (14 June 2010). "Daniel Radcliffe Calls Wrapping Up Harry Potter Devastating". People. Archived from the original on 8 ਫ਼ਰਵਰੀ 2011. Retrieved 9 February 2011. {{cite web}}: Unknown parameter |dead-url= ignored (|url-status= suggested) (help)
  6. ↑ "Release Date Set for Harry Potter 7: Part I". Coming Soon. 25 April 2008. Archived from the original on 18 ਮਈ 2008. Retrieved 24 May 2008. {{cite news}}: Unknown parameter |dead-url= ignored (|url-status= suggested) (help) Archived 18 May 2008[Date mismatch] at the Wayback Machine.
  7. ↑ "IFCO: Irish Film Classification Office – Reviews of Harry Potter and the Deathly Hallows: Part 1". Ifco.ie. Archived from the original on 11 ਜੂਨ 2015. Retrieved 6 December 2010. {{cite web}}: Unknown parameter |dead-url= ignored (|url-status= suggested) (help) Archived 11 June 2015[Date mismatch] at the Wayback Machine.
  8. ↑ "WB Sets Lots of New Release Dates!". Comingsoon.net. 25 February 2009. Archived from the original on 26 ਫ਼ਰਵਰੀ 2009. Retrieved 25 February 2009. {{cite news}}: Unknown parameter |dead-url= ignored (|url-status= suggested) (help) Archived 26 February 2009[Date mismatch] at the Wayback Machine.
  9. ↑ Tyler, Josh (8 October 2010). "Part 1 Not in 3D". Cinema Blend. Archived from the original on 4 ਮਾਰਚ 2016. Retrieved 12 November 2010. {{cite web}}: Unknown parameter |dead-url= ignored (|url-status= suggested) (help) Archived 4 March 2016[Date mismatch] at the Wayback Machine.
  10. ↑ "Worldwide Openings". Box Office Mojo. Retrieved 19 May 2011.
  11. ↑ "2010 Worldwide Grosse". Box Office Mojo. Retrieved 9 February 2011.

ਬਾਹਰਲੇ ਲਿੰਕ

[ਸੋਧੋ]
ਵਿਕੀਮੀਡੀਆ ਕਾਮਨਜ਼ ਉੱਤੇ Harry Potter and the Deathly Hallows (film) ਨਾਲ ਸਬੰਧਤ ਮੀਡੀਆ ਹੈ।
ਵਿਕੀਕੁਓਟ Harry Potter and the Deathly Hallows – Part 1 ਨਾਲ ਸਬੰਧਤ ਕੁਓਟੇਸ਼ਨਾਂ ਰੱਖਦਾ ਹੈ।
"https://pa.wikipedia.org/w/index.php?title=ਹੈਰੀ_ਪੌਟਰ_ਐਂਡ_ਦ_ਡੈਥਲੀ_ਹੈਲੋਜ਼_-_ਭਾਗ_ਪਹਿਲਾ&oldid=698750" ਤੋਂ ਲਿਆ