ਝਰਨਾ

ਝਰਨਾ ਉਹ ਥਾਂ ਹੁੰਦੀ ਹੈ ਜਿੱਥੇ ਕਿਸੇ ਦਰਿਆ ਜਾਂ ਨਾਲੇ ਦਾ ਪਾਣੀ ਇੱਕ ਖੜ੍ਹਵੇਂ ਗਿਰਾਅ ਜਾਂ ਉਤਾਰ ਉੱਤੋਂ ਵਹਿੰਦਾ ਹੈ। ਇਹ ਕਿਸੇ ਬਰਫ਼-ਤੋਦੇ ਜਾਂ ਹਿਮ-ਵਾਧਰੇ ਤੋਂ ਡਿੱਗਦੇ ਹੋਏ ਪਿਘਲੇ ਪਾਣੀ ਨਾਲ ਵੀ ਬਣ ਜਾਂਦਾ ਹੈ।

ਇਗੁਆਜ਼ੁ ਫਾਲ੍ਸ, ਅਰਜਨਟੀਨਾ

ਕਿਸਮਾਂ

• ਟੋਟਾ: ਪਾਣੀ ਕਿਸੇ ਵੱਡੇ ਦਰਿਆ ਜਾਂ ਨਾਲੇ ਤੋਂ ਹੇਠਾਂ ਆਉਂਦਾ ਹੈ।
• ਆਬਸ਼ਾਰ: ਪਾਣੀ ਚਟਾਨਾਂ ਦੀ ਪੌੜੀਆਂ ਦੀ ਲੜੀ ਉੱਪਰੋਂ ਡਿੱਗਦਾ ਹੈ।
• ਝਲਾਰ: ਇੱਕ ਮੋਕਲਾ ਅਤੇ ਜ਼ਬਰਦਸਤ ਝਰਨਾ।
• ਪਾੜਛਾ: ਪਾਣੀ ਦੀ ਵੱਡੀ ਮਾਤਰਾ ਕਿਸੇ ਭੀੜੀ, ਖੜ੍ਹਵੀਂ ਰਾਹਦਾਰੀ 'ਚੋਂ ਧਕੱਲੀ ਜਾਂਦੀ ਹੈ।
• ਪੱਖੀ: ਪਾਣੀ ਅਧਾਰ-ਚਟਾਨ ਨਾਲ ਸੰਪਰਕ ਵਿੱਚ ਰਹਿ ਕੇ ਡਿੱਗਦੇ ਹੋਏ ਦਿਸਹੱਦੀ ਤਰੀਕੇ ਨਾਲ ਫੈਲਦਾ ਹੈ।
• ਜੰਮਿਆ: ਕੋਈ ਵੀ ਝਰਨਾ ਜਿਸ ਵਿੱਚ ਬਰਫ਼ ਦੀਆਂ ਟੁਕੜੀਆਂ ਹੋਣ।
• ਘੋੜਪੂਛੀ: ਹੇਠਾਂ ਡਿੱਗਦਾ ਪਾਣੀ ਅਧਾਰ ਚਟਾਨਾਂ ਨਾਲ ਕਿਤੇ ਨਾ ਕਿਤੇ ਸੰਪਰਕ ਵਿੱਚ ਰਹਿੰਦਾ ਹੈ।
• ਚੁੱਭੀ: ਪਾਣੀ ਖੜ੍ਹਵੇਂ ਰੂਪ 'ਚ ਹੇਠਾਂ ਡਿੱਗਦਾ ਹੈ ਅਤੇ ਅਧਾਰ-ਚਟਾਨ ਦੇ ਤਲ ਤੋਂ ਸੰਪਰਕ ਤੋੜ ਲੈਂਦਾ ਹੈ।
• ਜਾਮ-ਪਿਆਲਾ: ਪਾਣੀ ਭੀੜੀ ਧਾਰਾ ਬਣ ਦੇ ਡਿੱਗਦਾ ਹੈ ਅਤੇ ਬਾਅਦ ਵਿੱਚ ਇੱਕ ਚੌੜੇ ਤਲਾਅ ਵਿੱਚ ਫੈਲ ਜਾਂਦਾ ਹੈ।
• ਖਿੰਡਿਆ: ਪਾਣੀ ਦੇ ਹੇਠਾਂ ਡਿੱਗਦੇ ਹੋਏ ਵਹਾਅ ਦਾ ਨਿਖੜਨਾ।
• ਕਤਾਰੀ: ਪਾਣੀ ਕਤਾਰ ਵਿੱਚ ਪੈਂਦੀਆਂ ਪੌੜੀਆਂ ਰਾਹੀਂ ਡਿੱਗਦਾ ਹੈ।
• ਬਹੁ-ਕਦਮੀ: ਇੱਕ ਤੋਂ ਮਗਰੋਂ ਦੂਜੇ ਪੈਂਦੇ ਲਗਭਗ ਸਮਾਨ ਅਕਾਰ ਦੇ ਝਰਨਿਆਂ ਦੀ ਲੜੀ ਜਿਸ ਵਿੱਚ ਹਰੇਕ ਝਰਨੇ ਦਾ ਆਪਣਾ ਚੁੱਭੀ-ਤਲਾਅ ਹੁੰਦਾ ਹੈ।

ਗੈਲਰੀ

• 
  ਸਕਾਈਲਾਈਨ ਡਰਾਈਵ, ਵਰਜੀਨੀਆ ਕੋਲ ਪੈਂਦਾ ਹਨੇਰ-ਖੱਡ ਝਰਨਾ ਇੱਕ ਆਬਸ਼ਾਰ ਝਰਨਾ ਹੈ।
• 
  ਵੈਨੇਜ਼ੁਏਲਾ ਵਿੱਚ 979 ਮੀਟਰ ਦਾ ਦੁਨੀਆ ਦਾ ਸਭ ਤੋਂ ਉੱਚਾ ਝਰਨਾ, ਏਂਜਲ ਝਰਨਾ।
• 
  ਕੇਂਦਰੀ ਮੀਨਿਆਪਾਲਿਸ, ਮਿਨੇਸੋਟਾ ਵਿਖੇ ਸੇਂਟ ਐਂਥਨੀ ਝਰਨਾ ਜੋ ਕਿ ਉਤਲੇ ਮਿੱਸੀਸਿੱਪੀ ਦਰਿਆ ਦਾ ਇੱਕੋ-ਇੱਕ ਝਰਨਾ ਹੈ।
• 
  ਦੱਖਣ-ਪੂਰਬੀ ਨਿਊ ਯਾਰਕ ਵਿਖੇ ਜੰਮਿਆ ਹੋਇਆ ਝਰਨਾ।
• 
  ਸੁਪਾਈ, ਐਰੀਜ਼ੋਨਾ ਨੇੜੇ ਹਵਾਸੂ ਝਰਨਾ ਇੱਕ ਚੁੱਭੀ ਝਰਨਾ ਹੈ।
• 
  ਐਨਿਸਕੈਰੀ, ਵਿਕਲੋਅ ਕਾਊਂਟੀ (ਆਇਰਲੈਂਡ) ਨੇੜੇ ਪਾਵਰਸਕੋਰਟ ਝਰਨਾ ਇੱਕ ਘੋੜਪੂਛੀ ਝਰਨਾ ਹੈ।
• 
  ਸੰਯੁਕਤ ਰਾਜ ਅਮਰੀਕਾ ਦੇ ਨਿਊ ਯਾਰਕ ਰਾਜ ਅਤੇ ਕੈਨੇਡਾ ਦੇ ਓਂਟਾਰਿਓ ਸੂਬੇ ਵਿੱਚ ਪੈਂਦੇ ਨਾਇਗਰਾ ਝਰਨੇ ਦਾ ਹਵਾਈ ਦ੍ਰਿਸ਼।
• 
  ਸੇਆਹਲੌ, ਰੋਮਾਨੀਆ ਵਿੱਚ ਦੂਰੂਇਤੋਰੀਆ ਝਰਨਾ
• 
  ਬਨਿਆਸ ਝਰਨਾ, ਇਜ਼ਰਾਈਲ