ਆੜਾ ਪਿਤਨਮ

ਆੜਾ ਪਿਤਨਮ ਇੱਕ 1958 ਦੀ ਭਾਰਤੀ ਤੇਲਗੂ ਭਾਸ਼ਾ ਦੀ ਡਰਾਮਾ ਫਿਲਮ ਹੈ, ਜੋ ਐਮ. ਨਾਰਾਇਣ ਸਵਾਮੀ ਅਤੇ ਐਮ. ਵੈਂਕਟ ਰਾਮਦਾਸੁ ਦੁਆਰਾ ਨਿਰਮਿਤ ਅਤੇ ਅਦੁਰਥੀ ਸੁਬਾ ਰਾਓ ਦੁਆਰਾ ਨਿਰਦੇਸ਼ਤ ਹੈ। ਇਸ ਵਿੱਚ ਅੱਕਿਨੇਨੀ ਨਾਗੇਸ਼ਵਰ ਰਾਓ, ਅੰਜਲੀ ਦੇਵੀ ਨੇ ਮੁੱਖ ਭੂਮਿਕਾ ਅਦਾ ਕੀਤੀ ਹੈ ਅਤੇ ਸੰਗੀਤ ਸੰਯੁਕਤ ਰੂਪ ਵਿੱਚ ਐਸ. ਰਾਜੇਸ਼ਵਰ ਰਾਓ ਅਤੇ ਮਾਸਟਰ ਵੇਣੁ ਦੁਆਰਾ ਤਿਆਰ ਕੀਤਾ ਗਿਆ ਹੈ। ਸ਼ੁਰੂ ਵਿੱਚ ਅਨੀਸੇੱਟੀ ਦਾ ਨਾਮ ਨਿਰਦੇਸ਼ਕ ਵਜੋਂ ਘੋਸ਼ਿਤ ਕੀਤਾ ਗਿਆ ਸੀ, ਪਰ ਬਾਅਦ ਵਿੱਚ ਅਦੁਰਥੀ ਸੁਬਾ ਰਾਓ ਨੇ ਨਿਰਦੇਸ਼ਕ ਦੀ ਭੂਮਿਕਾ ਨਿਭਾਈ ਸੰਭਾਲਿਆ।

ਪਲਾਟ

ਫ਼ਿਲਮ ਇਕ ਪਿੰਡ ਵਿੱਚ ਸ਼ੁਰੂ ਹੁੰਦੀ ਹੈ ਜਿਥੇ ਇਕ ਜੋੜੇ, ਗਣਪਤੀ ਅਤੇ ਰੰਗਮਾ ਦੇ ਦੋ ਬਚੇ ਹੈਂ, ਕ੍ਰਿਸ਼ਨ ਅਤੇ ਸਵਰਾਜਮ। ਕਿਉਂਕਿ ਕ੍ਰਿਸ਼ਨ ਪਹਿਲੀ ਪਤਨੀ ਦੀ ਸੰਤਾਨ ਹੈ, ਇਸ ਲਈ ਵਿਰਾਗੋ ਰੰਗਮਾ ਉਸਦਾ ਤ੍ਰਿਸਕਾਰ ਕਰਦੀ ਹੈਂ। ਕ੍ਰਿਸ਼ਨ ਨੂੰ ਆਪਣੀ ਬਚਪਨ ਦੀ ਸਾਥੀ ਰਾਧਾ ਨਾਲ ਪਿਆਰ ਹੋ ਜਾਂਦਾ ਹੈ, ਜੋ ਸਕੂਲ ਅਧਿਆਪਕ ਰਮੈਯਾ ਦੀ ਬੇਟੀ ਹੈ। ਇਹ ਜਾਣ ਕੇ, ਰਮੈਯਾ ਆਪਣੀ ਲੜਕੀ ਦੇ ਰਿਸ਼ਤੇ ਲਈ ਰੰਗਮਾ ਦੇ ਘਰ ਜਾਂਦਾ ਹੈ ਪਰ ਰੰਗਮਾ ਦਹੇਜ ਵਿੱਚ 10,000 ਰੁਪਏ ਮੰਗਦੀ ਹੈ। ਇਸ ਲਈ ਉਹ ਈਰਖਾਲੂ ਸੂਦਖੋਰ ਕੋਂਡਈਆ ਦੇ ਕੋਲ ਜਾਂਦਾ ਹੈ, ਜੋ ਪਿੰਡ ਵਾਲਿਆਂ ਨੂੰ ਪੈਰ ਦੀ ਜੁੱਤੀ ਸਮਝਦਾ ਹੈ ਅਤੇ ਉਹਨਾਂ ਨਾਲ ਦੁਰਵਿਵਹਾਰ ਕਰਦਾ ਹੈ। ਰਮੈਯਾ ਆਪਣੀ ਜਾਇਦਾਦ ਉਸ ਕੋਲ ਗਹਿਣੇ ਰੱਖ ਦਿੰਦਾ ਹੈ ਅਤੇ ਇਸਦੇ ਬਦਲੇ ਉਸਤੋਂ ਕੁਝ ਪੈਸੇ ਪ੍ਰਾਪਤ ਕਰ ਲੈਂਦਾ ਹੈ। ਹਾਲਾਂਕਿ, ਕੋਂਡਈਆ ਰਾਧਾ ਨੂੰ ਲਲਚਾਉਂਦਾ ਹੈ, ਪਰ ਉਹ ਉਸਦੇ ਜਾਲ ਵਿੱਚ ਨਹੀਂ ਫਸਦੀ। ਇਸ ਲਈ ਉਹ ਰਮੈਯਾ ਨੂੰ ਉਧਾਰ ਦਿੱਤੇ ਪੈਸਿਆਂ ਨੂੰ ਕਿਸੇ ਦੁਆਰਾ ਚੋਰੀ ਕਰਵਾ ਲੈਂਦਾ ਹੈ। ਦਹੇਜ ਨਾ ਦੇਣ ਕਾਰਨ ਵਿਆਹ ਨੂੰ ਰੱਦ ਕਰ ਦਿਤਾ ਜਾਂਦਾ ਹੈ। ਆਪਣੀ ਇਸ ਦੁਰਦਸ਼ਾ ਦੇ ਕਾਰਨ, ਰਮੈਯਾ ਰਾਧਾ ਦਾ ਵਿਆਹ ਕੋਂਡਈਆ ਦੇ ਨਾਲ ਕਰਨ ਲਈ ਸਹਿਮਤ ਹੋ ਜਾਂਦਾ ਹੈ। ਜਦੋਂ ਰਾਧਾ ਆਤਮ ਹੱਤਿਆ ਕਰਨ ਦਾ ਯਤਨ ਕਰਦੀ ਹੈ। ਕ੍ਰਿਸ਼ਨ ਉਸਨੂੰ ਬਚਾ ਲੈਂਦਾ ਹੈ ਅਤੇ ਉਸ ਨਾਲ ਵਿਆਹ ਕਰਵਾ ਲੈਂਦਾ ਹੈ। ਇਸਦੇ ਨਤੀਜੇ ਵਜੋਂ ਉਸਨੂੰ ਆਪਣਾ ਘਰ ਛੱਡਣਾ ਪੈਂਦਾ ਹੈ।