ਨੀਰਦ ਚੰਦਰ ਚੌਧਰੀ
| ਨੀਰਦ ਚੰਦਰ ਚੌਧਰੀ | |
|---|---|
| 220px | |
| ਜਨਮ | 23 ਨਵੰਬਰ 1897 ਕਿਸ਼ੋਰਗੰਜ, ਮੈਮਨਸਿੰਘ, ਬਰਤਾਨਵੀ ਭਾਰਤ (ਹੁਣ ਬੰਗਲਾਦੇਸ਼) |
| ਮੌਤ | 1 ਅਗਸਤ 1999 (ਉਮਰ 101) ਲੈਥਬਰੀ ਰੋਡ, ਆਕਸਫੋਰਡ, ਇੰਗਲੈਂਡ |
| ਕੌਮੀਅਤ | ਭਾਰਤੀ |
| ਕਿੱਤਾ | ਲੇਖਕ ਅਤੇ ਸੱਭਿਆਚਾਰ ਤੇ ਟਿੱਪਣੀਕਾਰ |
| ਪ੍ਰਮੁੱਖ ਕੰਮ | ਦ ਆਟੋਬਾਇਓਗਰਾਫੀ ਆਫ ਏਨ ਅਨਨੋਨ ਇੰਡੀਅਨ, ਕਾਂਟਿਨੇਂਟ ਆਫ ਸਰਸੇ, ਪੈਸੇਜ ਟੁ ਇੰਗਲੈਂਡ |
| ਧਰਮ | ਹਿੰਦੂ ਮੱਤ |
| ਵਿਧਾ | ਸਾਹਿਤ, ਸੱਭਿਆਚਾਰ, ਰਾਜਨੀਤੀ, ਯੁੱਧ ਦੀ ਰਣਨੀਤੀ, ਵਾਈਨਰੀ |
ਨੀਰਦ ਚੰਦਰ ਚੌਧਰੀ - ਸੀਬੀਈ (23 ਨਵੰਬਰ 1897 - 1999) ਇੱਕ ਭਾਰਤੀ ਅੰਗਰੇਜ਼ੀ-ਭਾਸ਼ਾ ਦਾ ਲੇਖਕ ਸੀ।
ਨੀਰਦ ਨੇ ਅੰਗਰੇਜ਼ੀ ਅਤੇ ਬੰਗਾਲੀ ਵਿੱਚ ਅਨੇਕਾਂ ਰਚਨਾਵਾਂ ਲਿਖੀਆਂ। ਉਸਦੀਆਂ ਲਿਖਤਾਂ ਭਾਰਤ ਦੇ ਇਤਿਹਾਸ ਅਤੇ ਸਭਿਆਚਾਰਾਂ ਦਾ, ਖ਼ਾਸਕਰ 19 ਵੀਂ ਅਤੇ 20 ਵੀਂ ਸਦੀ ਵਿੱਚ ਬ੍ਰਿਟਿਸ਼ ਬਸਤੀਵਾਦ ਦੇ ਪ੍ਰਸੰਗ ਵਿੱਚ ਇੱਕ ਮੈਜਿਸਟੇਰੀਅਲ ਮੁਲਾਂਕਣ ਪ੍ਰਦਾਨ ਕਰਦੀਆਂ ਹਨ। ਚੌਧੂਰੀ 1951 ਵਿੱਚ ਪ੍ਰਕਾਸ਼ਤThe Autobiography of an Unknown Indian (ਇਕ ਅਣਜਾਣ ਭਾਰਤੀ ਦੀ ਆਤਮਕਥਾ) ਲਈ ਸਭ ਤੋਂ ਮਸ਼ਹੂਰ ਹੈ। ਆਪਣੇ ਸਾਹਿਤਕ ਜੀਵਨ ਦੇ ਦੌਰਾਨ, ਉਸਨੂੰ ਆਪਣੀ ਲੇਖਣੀ ਲਈ ਬਹੁਤ ਪ੍ਰਸੰਸਾ ਮਿਲੀ। 1966 ਵਿਚ, ਦ ਕੰਟੀਨੈਂਟ ਆਫ਼ ਸਾਈਰ ਨੂੰ ਡੱਫ ਕੂਪਰ ਮੈਮੋਰੀਅਲ ਅਵਾਰਡ ਦਿੱਤਾ ਗਿਆ, ਜਿਸ ਨਾਲ ਚੌਧਰੀ ਇਹ ਇਨਾਮ ਲੈਣ ਵਾਲਾ ਹੁਣ ਤਕ ਦਾ ਪਹਿਲਾ ਅਤੇ ਇਕਲੌਤਾ ਭਾਰਤੀ ਬਣ ਗਿਆ ਸੀ। ਭਾਰਤ ਦੀ ਰਾਸ਼ਟਰੀ ਅਕੈਡਮੀ ਆਫ਼ ਲੈਟਰਜ਼, ਸਾਹਿਤ ਅਕਾਦਮੀ, ਚੌਧਰੀ ਨੂੰ ਸਾਹਿਤ ਅਕਾਦਮੀ ਪੁਰਸਕਾਰ ਮੈਕਸ ਮੁਲਰ, ਦੀ ਜੀਵਨੀ ਲਈ ਦਿੱਤਾ ਗਿਆ।
1990 ਵਿਚ, ਆਕਸਫੋਰਡ ਯੂਨੀਵਰਸਿਟੀ ਨੇ ਚੌਧਰੀ ਨੂੰ, ਉਸ ਸਮੇਂ ਆਕਸਫੋਰਡ ਸ਼ਹਿਰ ਦੇ ਇੱਕ ਲੰਬੇ ਸਮੇਂ ਦੇ ਵਸਨੀਕ ਹੋਣ ਨਾਤੇ, ਇੱਕ ਆਨਰੇਰੀ ਡਿਗਰੀ, ਨਾਲ ਸਨਮਾਨਿਤ ਕੀਤਾ। 1992 ਵਿਚ, ਉਸਨੂੰ ਬ੍ਰਿਟਿਸ਼ ਐਂਪਾਇਰ ਦੇ ਆਰਡਰ ਦਾ ਆਨਰੇਰੀ ਕਮਾਂਡਰ (ਆਰਬੀਆਈ) ਬਣਾਇਆ ਗਿਆ।
ਜੀਵਨੀ[ਸੋਧੋ]
ਚੌਧਰੀ ਦਾ ਜਨਮ ਕਿਸ਼ੋਰਗੰਜ, ਮੈਮਨਸਿੰਘ, ਪੂਰਬੀ ਬੰਗਾਲ, ਬ੍ਰਿਟਿਸ਼ ਭਾਰਤ (ਹੁਣ ਬੰਗਲਾਦੇਸ਼) ਵਿੱਚ ਹੋਇਆ ਸੀ। ਉਹ ਉਪੇਂਦਰ ਨਾਰਾਇਣ ਚੌਧਰੀ ਵਕੀਲ ਅਤੇ ਸੁਸ਼ੀਲਾ ਸੁੰਦਰਾਨੀ ਚੌਧੁਰਾਨੀ ਦੇ ਅੱਠ ਬੱਚਿਆਂ ਵਿੱਚੋਂ ਇੱਕ ਸੀ। ਉਸ ਦੇ ਮਾਪੇ ਉਦਾਰਵਾਦੀ ਮੱਧ-ਵਰਗੀ ਹਿੰਦੂ ਸਨ ਅਤੇ ਬ੍ਰਹਮੋ ਸਮਾਜ ਲਹਿਰ ਨਾਲ ਸਬੰਧਤ ਸਨ।
ਚੌਧਰੀ ਦੀ ਪੜ੍ਹਾਈ ਕਿਸ਼ੋਰਗੰਜ ਅਤੇ ਕੋਲਕਾਤਾ (ਉਸ ਵੇਲੇ ਕਲਕੱਤਾ) ਵਿੱਚ ਹੋਈ ਸੀ। ਆਪਣੇ ਐਫਏ (ਸਕੂਲ ਛੱਡਣ) ਦੇ ਕੋਰਸ ਲਈ ਉਸਨੇ ਕਲਕੱਤਾ ਦੇ ਰਿਪਨ ਕਾਲਜ ਵਿੱਚ ਮਸ਼ਹੂਰ ਬੰਗਾਲੀ ਲੇਖਕ ਬਿਭੂਤੀਭੂਸ਼ਣ ਬੰਦੋਪਾਧਿਆਏ ਨਾਲ ਪੜ੍ਹਾਈ ਕੀਤੀ। ਇਸ ਤੋਂ ਬਾਅਦ, ਉਹ ਕਲਕੱਤਾ ਦੇ ਸਕਾਟਿਸ਼ ਚਰਚ ਕਾਲਜ ਵਿੱਚ ਪੜ੍ਹਿਆ, ਜਿੱਥੇ ਉਸਨੇ ਆਪਣੇ ਅੰਡਰ-ਗ੍ਰੈਜੂਏਟ ਮੇਜਰ ਵਜੋਂ ਇਤਿਹਾਸ ਦੀ ਪੜ੍ਹਾਈ ਕੀਤੀ। ਉਸਨੇ ਇਤਿਹਾਸ ਵਿੱਚ ਆਨਰਜ਼ ਨਾਲ ਗ੍ਰੈਜੂਏਸ਼ਨ ਕੀਤੀ ਅਤੇ ਕਲਕੱਤਾ ਯੂਨੀਵਰਸਿਟੀ ਦੀ ਮੈਰਿਟ ਸੂਚੀ ਵਿੱਚ ਸਭ ਤੋਂ ਉੱਪਰ ਰਿਹਾ। ਸਕਾਟਿਸ਼ ਚਰਚ ਕਾਲਜ, ਕਲਕੱਤਾ ਵਿਖੇ, ਉਸਨੇ ਪ੍ਰਸਿੱਧ ਇਤਿਹਾਸਕਾਰ, ਪ੍ਰੋਫੈਸਰ ਕਾਲੀਦਾਸ ਨਾਗ ਦੇ ਸੈਮੀਨਾਰਾਂ ਵਿੱਚ ਸ਼ਿਰਕਤ ਕੀਤੀ। ਗ੍ਰੈਜੂਏਸ਼ਨ ਤੋਂ ਬਾਅਦ, ਉਸਨੇ ਕਲਕੱਤਾ ਯੂਨੀਵਰਸਿਟੀ ਵਿੱਚ ਐਮਏ ਲਈ ਦਾਖਲਾ ਲਿਆ। ਐਪਰ, ਉਹ ਆਪਣੀਆਂ ਸਾਰੀਆਂ ਅੰਤਮ ਪ੍ਰੀਖਿਆਵਾਂ ਨਾ ਦੇ ਸਕਿਆ ਅਤੇ ਸਿੱਟੇ ਵਜੋਂ ਉਹ ਆਪਣੀ ਐਮ.ਏ. ਪੂਰੀ ਨਾ ਕਰ ਸਕਿਆ।
ਹਵਾਲੇ[ਸੋਧੋ]
- ↑ Warr, Elizabeth Jean (2011). The Oxford Plaque Guide. Stroud, Gloucestershire: The History Press. pp. 34–35. ISBN 978-0-7524-5687-4. External link in
|publisher=(help)