ਸਾਈਕਲ ਦੌੜ

ਦੌੜ ਦੀ ਸ਼ੁਰੂਆਤ

ਸਾਈਕਲ ਦੌੜ ਸਾਈਕਲ ਨਾਲ ਦੌੜੀ ਜਾਣ ਵਾਲੀ ਮੁਕਾਬਲਾ ਖੇਡ ਹੈ। ਇਸ ਦੀਆਂ ਬਹੁਤ ਸਾਰੀਆਂ ਸ਼੍ਰੇਣੀਆਂ ਹਨ ਜਿਵੇਂ, ਸੜਕ ਤੇ ਦੌੜ, ਸਾਈਕੋ-ਕਰਾਸ, ਪਹਾੜ ਦੌੜ, ਟ੍ਰੈਕ ਦੌੜ, ਬੀਐਮਐਕਸ, ਸਾਈਕਲ ਸਪੀਡਵੇ, ਕਲਾਕਾਰ ਸਾਈਕਲ ਦੌੜ, ਸਾਈਕਲ ਪੋਲੋ, ਫਰੀਸਟਾਈਲ ਬੀਐਮਐਕਸ ਆਦਿ। ਅੰਤਰਰਾਸ਼ਟਰੀ ਪੱਧਰ ਤੇ ਸਾਈਕਲ ਦੇ ਬਹੁਤ ਸਾਰੇ ਮੁਕਾਬਲੇ ਜਿਵੇਂ ਓਲੰਪਿਕ ਖੇਡਾਂ ਅਤੇ ਵਿਸ਼ਵ ਮੁਕਾਬਲੇ ਹਨ। ਇਹ ਖੇਡ ਸੰਸਾਰ ਪੱਧਰ ਤੇ ਬਹੁਤ ਖੇਡੀ ਜਾਂਦੀ ਹੈ ਖਾਸ ਕਰਕੇ ਯੂਰਪ ਵਿੱਚ। ਇਹ ਖੇਡ ਬੈਲਜੀਅਮ, ਡੈਨਮਾਰਕ, ਫਰਾਂਸ, ਜਰਮਨੀ, ਇਟਲੀ, ਨੀਦਰਲੈਂਡ, ਸਪੇਨ, ਸਵਿਟਜ਼ਰਲੈਂਡ, ਆਸਟ੍ਰੇਲੀਆ, ਲਕਸਮਬਰਗ, ਬਰਤਾਨੀਆ, ਅਮਰੀਕਾ ਵਿੱਚ ਵੱਧ ਖੇਡੀ ਜਾਂਦੀ ਹੈ।