ਜੀਤੇਂਦਰ

ਜੀਤੇਂਦਰ (ਜਨਮ ਦਾ ਨਾਂ ਰਵੀ ਕਪੂਰ, ਜਨਮ 7 ਅਪ੍ਰੈਲ 1942) ਭਾਰਤੀ ਫ਼ਿਲਮੀ ਅਦਾਕਾਰ ਅਤੇ ਟੀਵੀ ਅਤੇ ਫ਼ਿਲਮ ਨਿਰਮਾਤਾ, ਬਾਲਾਜੀ ਟੈਲੀਫਿਲਮਜ਼, ਬਾਲਾਜੀ ਮੋਸ਼ਨ ਪਿਕਚਰ ਅਤੇ ਏਐਲਟੀ ਇੰਟਰਟੈਨਮੈਂਟ ਦੇ ਚੇਅਰਮੈਨ ਹਨ। ਜਿਤੇਂਦਰ ਡਾਂਸ ਕਰਨ ਕਰਕੇ ਵਧੇਰੇ ਮਸ਼ਹੂਰ ਹਨ। ਇਨ੍ਹਾਂ ਨੂੰ 2003 ਵਿੱਚ ਫਿਲਮਫੇਅਰ ਲਾਈਫਟਾਈਮ ਅਚੀਵਮੈਂਟ ਪੁਰਸਕਾਰ ਅਤੇ 2005 ਵਿੱਚ ਸਕਰੀਨ ਲਾਈਫਟਾਈਮ ਅਚੀਵਮੈਂਟ ਪੁਰਸਕਾਰ ਮਿਲਿਆ ਸੀ।

ਸ਼ੁਰੂਆਤੀ ਜਿੰਦਗੀ

ਜੀਤੇਂਦਰ ਦਾ ਜਨਮ ਅੰਮ੍ਰਿਤਸਰ, ਪੰਜਾਬ ਵਿੱਚ ਹੋਇਆ। ਉਸਦੇ ਪਿਤਾ ਦਾ ਨਾਂ ਅਮਰਨਾਥ ਅਤੇ ਮਾਤਾ ਦਾ ਨਾਂ ਕ੍ਰਿਸ਼ਨਾ ਕਪੂਰ ਸੀ। ਉਸ ਨੇ ਗਿਰਗੌਮ ਵਿੱਚ ਸੰਤ ਸੇਬਾਸਿਯਨ ਦੇ ਗਏਨ ਹਾਈ ਸਕੂਲ ਵਿੱਚ ਸਕੂਲੀ ਸਿੱਖਿਆ ਅਤੇ ਆਪਣੇ ਦੋਸਤ ਰਾਜੇਸ਼ ਖੰਨਾ ਨਾਲ ਸਿਧਾਰਥ ਕਾਲਜ ਵਿੱਚ ਪੜ੍ਹਾਈ ਕੀਤੀ।

ਪੇਸ਼ਾ

ਉਹ ਫ਼ਿਲਮੀ ਅਦਾਕਾਰੀ ਦੇ ਵਿੱਚ 1960 ਤੋਂ ਲੈਕੇ 1990 ਤੱਕ ਪੂਰੀ ਤਰ੍ਹਾਂ ਸਰਗਰਮ ਰਿਹਾ। ਉਸ ਨੇ ਆਪਣੀ ਫ਼ਿਲਮੀ ਜਿੰਦਗੀ ਦੀ ਸ਼ੁਰੂਆਤ ਸ਼ਾਂਤਾਰਾਮ (1964) ਦੀ ਫ਼ਿਲਮ ਗੀਤ ਗਾਇਆ ਪੱਥਰੋਂ ਨੇ ਤੋਂ ਕੀਤੀ। ਫ਼ਿਲਮ ਫ਼ਰਜ਼ (1967) ਸਫਲਤਾ ਦੀ ਮੀਲ ਪੱਥਰ ਸਾਬਿਤ ਹੋਈ।

ਉਸ ਨੇ ਹਿੰਦੀ ਸਿਨੇਮੇ ਦੀਆਂ ਲਗਭਗ 200 ਫ਼ਿਲਮਾਂ ਦੇ ਵਿੱਚ ਕੰਮ ਕੀਤਾ। ਫ਼ਿਲਮਾਂ ਵਿੱਚ ਇਨ੍ਹਾਂ ਦੀ ਜੋੜੀ ਅਕਸਰ ਸ਼੍ਰੀ ਦੇਵੀ, ਜਯਾ ਪ੍ਰਦਾ ਨਾਲ ਹੁੰਦੀ ਸੀ। ਜੀਤੇਂਦਰ ਨੇ ਦੱਖਣੀ ਭਾਰਤੀ ਫਿਲਮਾਂ ਅਤੇ ਤੇਲਗੂ ਫ਼ਿਲਮਾਂ ਵਿੱਚ ਵੀ ਕੰਮ ਕੀਤਾ।

ਨਿੱਜੀ ਜਿੰਦਗੀ

ਉਹ ਆਪਣੀ ਪਤਨੀ ਸ਼ੋਭਾ ਕਪੂਰ ਨੂੰ ਉਦੋ ਮਿਲਿਆ, ਜਦੋਂ ਉਹ ਸਿਰਫ 14 ਸਾਲ ਦਾ ਹੀ ਸੀ। ਸ਼ੋਭਾ ਸਕੂਲੀ ਸਿੱਖਿਆ ਖਤਮ ਹੋਣ ਤੋਂ ਬਾਅਦ ਏਅਰ ਹੋਸਟੈਸ ਵਜੋਂ ਨੌਕਰੀ ਕਰਨ ਲੱਗੀ। ਇਸ ਸਮੇਂ ਜੀਤੇਂਦਰ ਫ਼ਿਲਮੀ ਅਦਾਕਾਰੀ ਵਿੱਚ ਮਿਹਨਤ ਕਰ ਰਿਹਾ ਸੀ। 1972 ਤੋਂ 1974 ਦੇ ਦੌਰਾਨ ਇਹ ਦੋਵੇਂ ਪਿਆਰ ਸਬੰਧ 'ਚ ਰਹੇ ਬਾਅਦ ਵਿੱਚ ਵਿਆਹ ਕਰਵਾਇਆ। ਜੀਤੇਂਦਰ ਦਾ ਪੁੱਤਰ ਤੁਸ਼ਾਰ ਕਪੂਰ ਅਤੇ ਧੀ ਏਕਤਾ ਕਪੂਰ ਹਨ।

ਮੁੱਢਲਾ ਜੀਵਨ

ਜਤਿੰਦਰ ਦਾ ਜਨਮ ਇੱਕ ਪੰਜਾਬੀ ਹਿੰਦੂ ਪਰਿਵਾਰ ਵਿੱਚ ਰਵੀ ਕਪੂਰ ਦੇ ਨਾਮ ਨਾਲ ਅੰਮ੍ਰਿਤਸਰ, ਪੰਜਾਬ ਵਿੱਚ ਅਮਰਨਾਥ ਅਤੇ ਕ੍ਰਿਸ਼ਨਾ ਕਪੂਰ ਦੇ ਘਰ ਹੋਇਆ ਸੀ, ਜਿਨ੍ਹਾਂ ਦਾ ਕਾਰੋਬਾਰ ਉਹਨਾਂ ਨਕਲੀ ਗਹਿਣਿਆਂ ਨਾਲ ਸੰਬੰਧਿਤ ਸੀ,ਜਿਹੜੇ ਕਿ ਫਿਲਮ ਉਦਯੋਗ ਨੂੰ ਸਪਲਾਈ ਕੀਤੇ ਜਾਂਦੇ ਸਨ ਉਸਨੇ ਆਪਣੇ ਦੋਸਤ ਰਾਜੇਸ਼ ਖੰਨਾ ਨਾਲ ਮੁੰਬਈ ਦੇ ਸੇਂਟ ਸੇਬੇਸਟੀਅਨ ਗੋਆ ਹਾਈ ਸਕੂਲ ਵਿੱਚ ਪਡ਼੍ਹਾਈ ਕੀਤੀ ਅਤੇ ਫਿਰ ਮੁੰਬਈ ਵਿੱਚ ਸਿਧਾਰਥ ਕਾਲਜ ਵਿੱਚ ਪਡ਼੍ਹਿਆ। ਵੀ. ਸ਼ਾਂਤਾਰਾਮ ਨੂੰ ਗਹਿਣਿਆਂ ਦੀ ਸਪਲਾਈ ਕਰਦੇ ਹੋਏ, ਉਸ ਨੂੰ 1964 ਦੀ ਫਿਲਮ ਗੀਤ ਗਾਇਆ ਪਥਰੋਂ ਨੇ ਵਿੱਚ ਸੰਧਿਆ ਦੇ ਚਰਿੱਤਰ ਦੇ ਡਬਲ ਰੋਲਵਜੋਂ ਲਿਆ ਗਿਆ ਸੀ ਉਸ ਤੋਂ ਬਾਅਦ ਉਸ ਦੇ ਕਰੀਅਰ ਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਵੇਖਿਆ।