ਸਿਡਨੀ ਐਬਟ
ਸਿਡਨੀ ਐਬਟ | |
|---|---|
| ਜਨਮ | ਸਿਡਨੀ ਆਫਟਨ ਐਬਟ ਜੁਲਾਈ 11, 1937 |
| ਮੌਤ | ਅਪ੍ਰੈਲ 15, 2015 (ਉਮਰ 77) ਸਾਉਥੋਲਡ, ਨਿਊ ਯਾਰਕ, ਯੂ.ਐਸ. |
| ਰਾਸ਼ਟਰੀਅਤਾ | ਅਮਰੀਕੀ |
| ਲਈ ਪ੍ਰਸਿੱਧ | ਲੈਸਬੀਅਨ ਅਧਿਕਾਰ ਕਾਰਕੁੰਨ |
ਸਿਡਨੀ ਐਬਟ (11 ਜੁਲਾਈ, 1937 - 15 ਅਪ੍ਰੈਲ, 2015) ਇੱਕ ਅਮਰੀਕੀ ਨਾਰੀਵਾਦੀ ਅਤੇ ਲੈਸਬੀਅਨ ਕਾਰਕੁੰਨ ਅਤੇ ਲੇਖਕ ਸੀ। ਉਹ ਲਵੈਂਡਰ ਮੈਨੇਸ ਦੀ ਸਾਬਕਾ ਮੈਂਬਰ ਸੀ ਅਤੇ ਉਸਨੇ ਬਾਰਬਰਾ ਲਵ ਨਾਲ ਮਿਲ ਕੇ ਸਫੋ ਵਾਜ਼ ਅ ਰਾਇਟ ਓਨ ਵਿਮਨ: ਅ ਲੈਸਬੀਅਨ ਵਿਊ ਆਫ ਲੈਸਬੀਅਨਿਜ਼ਮ ਕਿਤਾਬ ਲਿਖੀ। ਉਹ ਨੈਸ਼ਨਲ ਆਰਗੇਨਾਈਜ਼ੇਸ਼ਨ ਫਾਰ ਵਿਮਨ ਦੀ ਬਹੁਤ ਸਰਗਰਮ ਮੈਂਬਰ ਵੀ ਰਹੀ ਹੈ, ਜੋ ਸਿਰਫ਼ ਔਰਤਾਂ ਦੀ ਹੀ ਨਹੀਂ, ਸਗੋਂ ਲੈਸਬੀਅਨ ਦੇ ਹੱਕਾਂ ਲਈ ਵੀ ਸਹਾਇਤਾ ਕਰਦੀ ਹੈ।
ਜ਼ਿੰਦਗੀ ਅਤੇ ਕਰੀਅਰ
[ਸੋਧੋ]ਸਿਡਨੀ ਆਫਟਨ ਐਬਟ ਦਾ ਜਨਮ 1937 ਵਿਚ ਇਕ ਫੌਜੀ ਪਰਿਵਾਰ ਵਿਚ ਹੋਇਆ ਸੀ, ਜਿਸ ਨੇ ਆਪਣੇ ਆਪ ਨੂੰ ਇਕ ਮਿਲਟਰੀ ਬਰੈਟ ਦੱਸਿਆ। ਉਸਨੇ ਸਮਿਥ ਕਾਲਜ ਵਿਚ ਤਿੰਨ ਸਾਲਾਂ ਲਈ ਪੜ੍ਹਾਈ ਕੀਤੀ ਅਤੇ 1961 ਵਿਚ ਨਿਊ ਮੈਕਸੀਕੋ ਯੂਨੀਵਰਸਿਟੀ ਤੋਂ ਗ੍ਰੈਜੂਏਸ਼ਨ ਕੀਤੀ। ਉਸ ਤੋਂ ਬਾਅਦ ਉਹ ਕੋਲੰਬੀਆ ਯੂਨੀਵਰਸਿਟੀ ਵਿਚ ਗ੍ਰੈਜੂਏਟ ਸਕੂਲ ਲਈ ਗਈ ਅਤੇ ਸ਼ਹਿਰੀ ਯੋਜਨਾਬੰਦੀ ਦਾ ਅਧਿਐਨ ਕੀਤਾ।
1969 ਵਿਚ ਉਹ ਨੈਸ਼ਨਲ ਆਰਗੇਨਾਈਜ਼ੇਸ਼ਨ ਫਾਰ ਵਿਮਨ (ਨਾਓ-ਐਨ.ਓ.ਡਬਲਿਊ) ਵਿਚ ਸ਼ਾਮਿਲ ਹੋ ਗਈ ਅਤੇ ਹੁਣ ਨਿਊਯਾਰਕ ਦੇ ਚੈਪਟਰ ਅਤੇ ਕੋਲੰਬੀਆ ਯੂਨੀਵਰਸਿਟੀ ਦੇ ਪੈਨਲਾਂ 'ਤੇ ਲੈਸਬੀਅਨ ਅਧਿਕਾਰਾਂ ਦੀ ਗੱਲ ਕਰਨ ਵਾਲੇ ਪਹਿਲੇ ਲੋਕਾਂ ਵਿਚੋਂ ਇਕ ਬਣ ਗਈ। ਐਬਟ ਲਵੈਂਡਰ ਮੈਨੇਸ ਦੀ ਮੈਂਬਰ ਰਹੀ ਅਤੇ ਬਾਰਬਰਾ ਲਵ ਨਾਲ ਮਿਲ ਕੇ 1971 ਵਿਚ ਸਫੋ ਵਾਜ਼ ਅ ਰਾਇਟ ਓਨ ਵਿਮਨ: ਅ ਲੈਸਬੀਅਨ ਵਿਊ ਆਫ ਲੈਸਬੀਅਨਿਜ਼ਮ ਕਿਤਾਬ ਦੀ ਸਹਿ-ਲੇਖਕ ਬਣੀ।[1]
1970 ਦੇ ਦਹਾਕੇ ਦੇ ਅੱਧ ਵਿਚ ਬਾਰਬਰਾ ਲਵ ਨਾਲ ਉਸਨੇ ਲੈਸਬੀਅਨ ਮੁੱਦਿਆਂ 'ਤੇ ਕੇਂਦ੍ਰਤ ਕਰਨ ਲਈ ਨਾਓ-ਇੱਕ ਟਾਸਕ ਫੋਰਸ ਸਥਾਪਤ ਕਰਨ ਦੀ ਵਕਾਲਤ ਕੀਤੀ, ਆਖਰਕਾਰ ਇਸ ਦੀ ਸਥਾਪਨਾ ਕੀਤੀ ਗਈ। ਨਾਓ ਦਾ ਪਹਿਲਾਂ ਟਾਸਕ ਫੋਰਸ ਨਾਮ “ਲਿੰਗਕਤਾ ਅਤੇ ਲੈਸਬੀਅਨ ਟਾਸਕ ਫੋਰਸ” ਰੱਖਿਆ ਗਿਆ। 1976 ਵਿੱਚ ਫਿਲਡੇਲਫੀਆ ਵਿੱਚ ਨਾਓ ਰਾਸ਼ਟਰੀ ਕਾਨਫਰੰਸ ਵਿੱਚ, ਐਬਟ ਨੇ ਮੰਗ ਕੀਤੀ ਕਿ ਸੰਸਥਾਵਾਂ ਦੇ ਬਜਟ ਵਿੱਚੋਂ 1% ਨੂੰ ਟਾਸਕ ਫੋਰਸ ਵਿੱਚ ਜਾਣਾ ਚਾਹੀਦਾ ਹੈ, ਜੋ ਸਫ਼ਲ ਰਿਹਾ। ਕਾਨਫਰੰਸ ਦੇ ਦੌਰਾਨ ਸਿਰਫ਼ ਦੋ ਮਤਿਆਂ ਵਿਚੋਂ ਇਹੀ ਇਕ ਪਾਸ ਕੀਤਾ ਗਿਆ ਸੀ।[1]
ਐਬਟ ਨੇ ਨੈਸ਼ਨਲ ਗੇਅ ਅਤੇ ਲੈਸਬੀਅਨ ਟਾਸਕ ਫੋਰਸ ਦੇ ਸੰਸਥਾਪਕ ਬੋਰਡ 'ਤੇ ਸੇਵਾ ਨਿਭਾਈ ਅਤੇ ਇਹ ਸੁਨਿਸ਼ਚਿਤ ਕਰਨ ਲਈ ਕੰਮ ਕੀਤਾ ਕਿ ਸੰਗਠਨ ਦੇ ਬੋਰਡ ਵਿਚ ਸਮਲਿੰਗੀ ਮਰਦ ਅਤੇ ਲੈਸਬੀਅਨ ਸਮਾਨ ਹੋਣ। ਉਸਦਾ ਨਾਮ ਮੈਨਹੱਟਨ ਬੋਰੋ ਦੇ ਪ੍ਰਧਾਨ ਦੁਆਰਾ ਕਮਿਊਨਟੀ ਪਲਾਨਿੰਗ ਬੋਰਡ ਵਿੱਚ ਰੱਖਿਆ ਗਿਆ ਸੀ; ਉਹ ਅਜਿਹਾ ਕਰਨ ਵਾਲੀ ਪਹਿਲੀ ਖੁੱਲ੍ਹ ਕੇ ਸਮਲਿੰਗੀ ਵਿਅਕਤੀ ਸੀ। ਉਸਨੇ ਨਿਊਯਾਰਕ ਸ਼ਹਿਰ ਸਰਕਾਰ ਦੇ ਦੋ ਵਿਭਾਗਾਂ ਵਿੱਚ ਪ੍ਰੋਗਰਾਮ ਡਿਵੈਲਪਰ ਵਜੋਂ ਵੀ ਸੇਵਾਵਾਂ ਨਿਭਾਈਆਂ। ਉਹ ਨਿਊਯਾਰਕ ਪਰਫਾਰਮਿੰਗ ਆਰਟਸ ਸੈਂਟਰ ਦੀ ਸਹਿ-ਪ੍ਰਧਾਨਗੀ ਸੀ ਅਤੇ ਨਿਊਯਾਰਕ ਦੇ ਲੋਂਗ ਆਈਲੈਂਡ ਦੇ ਨੌਰਥ ਫੋਰਕ ਖੇਤਰ ਵਿਚ ਰਾਜਨੀਤਿਕ ਤੌਰ 'ਤੇ ਸਰਗਰਮ ਸੀ। [1]
ਐਬਟ ਅਤੇ ਕੇਟ ਮਿਲੇਟ, ਫਿਲਿਸ ਬਿਰਕਬੀ, ਅਲਮਾ ਰਾਊਸਟਾਂਗ ਅਤੇ ਆਰਟੇਮਿਸ ਮਾਰਚ ਸੀ.ਆਰ. ਵਨ ਦੇ ਮੈਂਬਰਾਂ ਵਿਚੋਂ ਸਨ, ਜੋ ਪਹਿਲਾ ਲੈਸਬੀਅਨ-ਨਾਰੀਵਾਦੀ ਚੇਤਨਾ ਪੈਦਾ ਕਰਨ ਵਾਲਾ ਸਮੂਹ ਸੀ। [2]
ਬਾਅਦ ਦੇ ਸਾਲ
[ਸੋਧੋ]ਐਬਟ ਸਾਉਥੋਲਡ, ਨਿਊਯਾਰਕ ਵਿਚ ਰਹਿੰਦੀ ਸੀ। 2007 ਵਿੱਚ ਉਸਨੇ ਵਿਮਨ ਰਾਈਟਸ ਹਿਊਮਨ ਰਾਈਟਸ ਗੈਰ-ਲਾਭਕਾਰੀ ਦੀ ਸਥਾਪਨਾ ਕੀਤੀ। 2008 ਵਿੱਚ ਉਸਨੇ ਰਾਜਨੀਤੀ, ਜਮਾਤ ਅਤੇ ਗਰੀਬੀ ਬਾਰੇ ਇੱਕ ਨਿਊਜ਼ਲੈਟਰ, ਇਨ ਅਵਰ ਸ਼ੂਜ ਸ਼ੁਰੂ ਕੀਤਾ। ਉਸ ਦੇ ਨਿੱਜੀ ਪੁਰਾਲੇਖ ਸਮਿੱਥ ਕਾਲਜ ਵਿਖੇ ਸੋਫੀਆ ਸਮਿਥ ਸੰਗ੍ਰਹਿ ਅਤੇ ਰੈਡਕਲਿਫ ਕਾਲਜ ਦੇ ਨਾਰੀਵਾਦੀ ਸੰਗ੍ਰਹਿ ਵਿੱਚ ਸਥਿਤ ਹਨ।[1] [3]
ਮੌਤ
[ਸੋਧੋ]ਐਬਟ ਦੀ ਮੌਤ 15 ਅਪ੍ਰੈਲ, 2015 ਨੂੰ ਸਾਉਥੋਲਡ, ਨਿਊਯਾਰਕ ਵਿੱਚ ਘਰ 'ਚ ਅੱਗ ਲੱਗਣ ਨਾਲ ਹੋਈ ਸੀ। [4]
ਲਿਖਤਾਂ
[ਸੋਧੋ]- Sidney Abbott; Barbara Love (1972). "Is Women's Liberation a Lesbian Plot?". Woman in Sexist Society: Studies in Power and Powerlessness. New American Library. ISBN 978-0-465-09199-7.
- Sidney Abbott; Barbara Love (1977). Sappho was a Right-on Woman: A Liberated View of Lesbianism. Stein and Day. ISBN 978-0-8128-2406-3.
ਹਵਾਲੇ
[ਸੋਧੋ]- ↑ 1.0 1.1 1.2 1.3 Barbara J. Love (2006). Feminists who changed America, 1963-1975. University of Illinois Press. p. 1. ISBN 978-0-252-03189-2. Retrieved 4 January 2012.
- ↑ JoAnne Myers (20 August 2009). The A to Z of the Lesbian Liberation Movement: Still the Rage. Scarecrow Press. p. 93. ISBN 978-0-8108-6327-9.
- ↑ "Oral histories". Smith College. 2005. Archived from the original on March 16, 2011. Retrieved January 4, 2011.
- ↑ Lisa Finn, "Victim of Southold Fire Renowned Feminist Sidney Abbott", Southold Local, April 15, 2015.