ਸੁਸ਼੍ਰੀ ਦਿਵਿਆਦਰਸ਼ਨੀ
 | |||||||||||||||||||||||||||||||||||||||||||||||||||||
| ਨਿੱਜੀ ਜਾਣਕਾਰੀ | |||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ਪੂਰਾ ਨਾਮ | Sushree Dibyadarshini Pradhan | ||||||||||||||||||||||||||||||||||||||||||||||||||||
| ਜਨਮ | 8 ਸਤੰਬਰ 1997 Dhenkanal, Orissa, India | ||||||||||||||||||||||||||||||||||||||||||||||||||||
| ਬੱਲੇਬਾਜ਼ੀ ਅੰਦਾਜ਼ | Right-handed | ||||||||||||||||||||||||||||||||||||||||||||||||||||
| ਗੇਂਦਬਾਜ਼ੀ ਅੰਦਾਜ਼ | Right-arm off break | ||||||||||||||||||||||||||||||||||||||||||||||||||||
| ਘਰੇਲੂ ਕ੍ਰਿਕਟ ਟੀਮ ਜਾਣਕਾਰੀ | |||||||||||||||||||||||||||||||||||||||||||||||||||||
| ਸਾਲ | ਟੀਮ | ||||||||||||||||||||||||||||||||||||||||||||||||||||
| 2012/13–present | Odisha | ||||||||||||||||||||||||||||||||||||||||||||||||||||
| 2019–present | Velocity | ||||||||||||||||||||||||||||||||||||||||||||||||||||
| ਖੇਡ-ਜੀਵਨ ਅੰਕੜੇ | |||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||
ਸਰੋਤ: CricketArchive, 4 March 2021 | |||||||||||||||||||||||||||||||||||||||||||||||||||||
ਸੁਸ਼੍ਰੀ ਦਿਵਿਆਦਰਸ਼ਨੀ ਪ੍ਰਧਾਨ (ਜਨਮ: 8 ਅਕਤੂਬਰ 1997) ਇੱਕ ਭਾਰਤੀ ਕ੍ਰਿਕਟ ਖਿਡਾਰੀ ਹੈ। ਉਸਨੇ ਅੰਡਰ-23 ਮਹਿਲਾ ਚੈਲੰਜਰ ਟਰਾਫੀ ਵਿੱਚ ਇੰਡੀਆ ਗ੍ਰੀਨ ਦੀ ਕਪਤਾਨੀ ਕਰਦਿਆਂ ਆਪਣੀ ਟੀਮ ਨੂੰ ਫਾਈਨਲ ਤੱਕ ਪਹੁੰਚਾਇਆ।[1] ਦਿਵਿਆਦਰਸ਼ਨੀ ਪ੍ਰਧਾਨ ਸੱਜੇ ਹੱਥ ਨਾਲ ਆਫ ਸਪਿਨ ਵਿੱਚ ਮਾਹਰ ਗੇਂਦਬਾਜ਼ ਹੈ, ਇਸੇ ਨਾਲ ਉਹ ਚੰਗੀ ਬੱਲੇਬਾਜ਼ ਵੀ ਹੈ।[2]
ਉਸਨੂੰ ਯੂ.ਏ.ਈ. ਵਿੱਚ ਆਯੋਜਿਤ ਮਹਿਲਾ ਟੀ-20 ਚੈਲੇਂਜ ਵਿੱਚ ਵੇਲੋਸਿਟੀ ਕ੍ਰਿਕਟ ਫ੍ਰੈਂਚਾਇਜ਼ੀ ਟੀਮ ਵਿੱਚ ਖੇਡਣ ਲਈ ਚੁਣਿਆ ਗਿਆ ਸੀ। ਉਹ ਭਾਰਤ ਦੇ ਘਰੇਲੂ ਕ੍ਰਿਕਟ ਮੁਕਾਬਲਿਆਂ ਵਿੱਚ ਓਡੀਸ਼ਾ ਦੀ ਅੰਡਰ-23 ਮਹਿਲਾ ਟੀਮ ਦੀ ਕਪਤਾਨ ਵੀ ਰਹਿ ਚੁੱਕੀ ਹੈ। ਉਸਨੇ ਏ.ਸੀ.ਸੀ. ਮਹਿਲਾ ਇਮਰਜਿੰਗ ਟੀਮਾਂ ਏਸ਼ੀਆ ਕੱਪ 2019 ਵਿੱਚ ਭਾਰਤ ਦੀ ਨੁਮਾਇੰਦਗੀ ਕੀਤੀ ਅਤੇ ਟੂਰਨਾਮੈਂਟ ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੀ ਖਿਡਾਰੀ ਬਣ ਗਈ।[3]
ਨਿੱਜੀ ਜੀਵਨ ਅਤੇ ਪਿਛੋਕੜ
[ਸੋਧੋ]8 ਅਕਤੂਬਰ 1997 ਨੂੰ ਢੇਂਕਨਾਲ, ਓਡੀਸ਼ਾ ਵਿੱਚ ਜਨਮੀ, ਸੁਸ਼੍ਰੀ ਦਿਵਿਆਦਰਸ਼ਨੀ ਪ੍ਰਧਾਨ ਨੇ ਆਪਣੀ ਬਸਤੀ ਵਿੱਚ ਲੜਕਿਆਂ ਨਾਲ ਸੱਤ ਸਾਲ ਦੀ ਉਮਰ ਵਿੱਚ ਕ੍ਰਿਕਟ ਖੇਡਣਾ ਸ਼ੁਰੂ ਕੀਤਾ। ਸ਼ੁਰੂ ਵਿੱਚ ਉਸਦੇ ਪਿਤਾ ਨੇ ਉਸਨੂੰ ਕੋਈ ਹੋਰ ਖੇਡ ਖੇਡਣ ਲਈ ਮਨਾਉਣ ਦੀ ਕੋਸ਼ਿਸ਼ ਕੀਤੀ ਕਿਉਂਕਿ ਉਹ ਅਤੇ ਦਿਵਿਆਦਰਸ਼ਨੀ ਨਾ ਤਾਂ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਬਾਰੇ ਜਾਣਦੇ ਸਨ ਅਤੇ ਨਾ ਹੀ ਉਹ ਜਾਣਦੇ ਸਨ ਕਿ ਇੱਕ ਲੜਕੀ ਕ੍ਰਿਕਟ ਵਿੱਚ ਆਪਣਾ ਕਰੀਅਰ ਬਣਾ ਸਕਦੀ ਹੈ।[4]
ਜਦੋਂ ਉਹ 15 ਸਾਲ ਦੀ ਹੋ ਗਈ, ਤਾਂ ਉਸਦੇ ਪਿਤਾ ਉਸਨੂੰ ਜਾਗ੍ਰਿਤੀ ਕ੍ਰਿਕੇਟ ਕਲੱਬ ਲੈ ਗਏ, ਜਿੱਥੇ ਉਸਨੇ ਕਲੱਬ ਦੇ ਕੋਚ, ਖਿਰੋਦ ਬੇਹਰਾ ਦੇ ਅਧੀਨ ਸਿਖਲਾਈ ਲਈ। ਬੇਹਰਾ ਅੱਜ ਵੀ ਉਨ੍ਹਾਂ ਦੇ ਕੋਚ ਹਨ। ਉਸਨੇ ਜਲਦੀ ਹੀ ਨੌਜਵਾਨ ਉਮਰ ਵਰਗ ਲਈ ਖੇਤਰੀ ਮੁਕਾਬਲਿਆਂ ਵਿੱਚ ਆਪਣੀ ਰਾਜ ਓਡੀਸ਼ਾ ਟੀਮ ਦੀ ਪ੍ਰਤੀਨਿਧਤਾ ਕਰਨੀ ਸ਼ੁਰੂ ਕਰ ਦਿੱਤੀ।[5] ਕ੍ਰਿਕਟ ਤੋਂ ਇਲਾਵਾ ਮਸ਼ਹੂਰ ਸਿਨੇਮਾ ਅਤੇ ਅਦਾਕਾਰੀ ਉਸ ਦੇ ਪਸੰਦੀਦਾ ਸ਼ੌਕ ਹਨ। ਉਸ ਨੇ ਕ੍ਰਿਕਟ 'ਤੇ ਆਧਾਰਿਤ ਤਾਮਿਲ ਫ਼ਿਲਮ 'ਕੰਨਾ' 'ਚ ਵੀ ਕੰਮ ਕੀਤਾ ਹੈ।[6]
ਪ੍ਰਾਪਤੀਆਂ
[ਸੋਧੋ]ਸੁਸ਼੍ਰੀ ਦਿਵਿਆਦਰਸ਼ਨੀ ਪ੍ਰਧਾਨ 2021 ਤੋਂ ਆਪਣੇ ਰਾਜ ਓਡੀਸ਼ਾ ਦੀ ਨੁਮਾਇੰਦਗੀ ਕਰ ਰਹੀ ਹੈ। ਹੁਣ ਉਸਨੇ ਸੀਮਤ ਓਵਰਾਂ ਦੇ ਕ੍ਰਿਕਟ ਟੂਰਨਾਮੈਂਟ ਵਿੱਚ ਓਡੀਸ਼ਾ ਅੰਡਰ-23 ਟੀਮ ਦੀ ਕਪਤਾਨੀ ਵੀ ਕੀਤੀ ਹੈ। ਜ਼ੋਨਲ ਮੁਕਾਬਲਿਆਂ ਵਿੱਚ ਉਸਦੇ ਪ੍ਰਦਰਸ਼ਨ ਨੇ ਉਸਨੂੰ ਇੰਡੀਆ ਗ੍ਰੀਨ ਟੀਮ ਅੰਡਰ-23 ਮਹਿਲਾ ਚੈਲੰਜਰ ਟਰਾਫੀ 2019 ਵਿੱਚ ਜਗ੍ਹਾ ਦਿੱਤੀ। ਉਸ ਨੇ ਕੁਝ ਸ਼ਾਨਦਾਰ ਵਿਅਕਤੀਗਤ ਪ੍ਰਦਰਸ਼ਨ ਨਾਲ ਆਪਣੀ ਟੀਮ ਨੂੰ ਫਾਈਨਲ ਤੱਕ ਪਹੁੰਚਾਇਆ। ਪਰ ਉਸ ਦੀ ਟੀਮ ਫਾਈਨਲ ਵਿੱਚ ਇੰਡੀਆ ਬਲੂ ਤੋਂ ਹਾਰ ਗਈ ਸੀ।[7]
ਉਹ ਏ.ਸੀ.ਸੀ. ਮਹਿਲਾ ਉਭਰਦੀਆਂ ਟੀਮਾਂ ਏਸ਼ੀਆ ਕੱਪ 2019 ਵਿੱਚ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਲਈ ਵੀ ਖੇਡ ਚੁੱਕੀ ਹੈ। ਉਹ ਉਸ ਟੂਰਨਾਮੈਂਟ ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਵਾਲੀ ਭਾਰਤੀ ਖਿਡਾਰਨ ਸੀ। ਬਾਅਦ ਵਿੱਚ ਉਸਨੂੰ ਦੁਬਈ ਵਿੱਚ ਖੇਡੇ ਗਏ ਮਹਿਲਾ ਟੀ-20 ਚੈਲੇਂਜ ਟੂਰਨਾਮੈਂਟ ਵਿੱਚ ਖੇਡਣ ਲਈ ਫਰੈਂਚਾਇਜ਼ੀ ਵੇਲੋਸਿਟੀ ਟੀਮ ਵਿੱਚ ਚੁਣਿਆ ਗਿਆ। ਇੱਥੇ ਉਸਨੂੰ ਭਾਰਤ ਦੀ ਮਹਾਨ ਕ੍ਰਿਕਟਰ ਅਤੇ ਭਾਰਤੀ ਮਹਿਲਾ ਟੀਮ ਦੀ ਕਪਤਾਨ ਮਿਤਾਲੀ ਰਾਜ ਦੀ ਅਗਵਾਈ ਵਿੱਚ ਖੇਡਣ ਦਾ ਮੌਕਾ ਮਿਲਿਆ। ਸੁਸ਼੍ਰੀ ਦਿਵਿਆਦਰਸ਼ਨੀ ਪ੍ਰਧਾਨ ਦਾ ਉਦੇਸ਼ ਭਾਰਤ ਦੀ ਸੀਨੀਅਰ ਮਹਿਲਾ ਟੀਮ ਵਿੱਚ ਜਗ੍ਹਾ ਬਣਾਉਣਾ ਅਤੇ ਦੇਸ਼ ਲਈ ਮਹਿਲਾ ਕ੍ਰਿਕਟ ਵਿਸ਼ਵ ਕੱਪ ਜਿੱਤਣਾ ਹੈ।[8]
ਹਵਾਲੇ
[ਸੋਧੋ]- ↑ "Interview with Sushree Dibyadarshini - All-round prodigy from Odisha excited about Womens T20 Challenge and eager for national call". Female Cricket (in ਅੰਗਰੇਜ਼ੀ (ਅਮਰੀਕੀ)). 2019-05-02. Retrieved 2021-02-17.
- ↑ "Sushree Dibyadarshini". Cricinfo. Retrieved 2021-02-17.
- ↑ "सुश्री दिब्यदर्शिनी प्रधान: पूर्व से निकलीं स्पिन जादूगर". BBC News हिंदी (in ਹਿੰਦੀ). Retrieved 2021-02-17.
- ↑ "सुश्री दिब्यदर्शिनी प्रधान: पूर्व से निकलीं स्पिन जादूगर". BBC News हिंदी (in ਹਿੰਦੀ). Retrieved 2021-02-17.
- ↑ "Interview with Sushree Dibyadarshini - All-round prodigy from Odisha excited about Womens T20 Challenge and eager for national call". Female Cricket (in ਅੰਗਰੇਜ਼ੀ (ਅਮਰੀਕੀ)). 2019-05-02. Retrieved 2021-02-17.
- ↑ "Interview with Sushree Dibyadarshini - All-round prodigy from Odisha excited about Womens T20 Challenge and eager for national call". Female Cricket (in ਅੰਗਰੇਜ਼ੀ (ਅਮਰੀਕੀ)). 2019-05-02. Retrieved 2021-02-17.
- ↑ "Sushree Dibyadarshini". Cricinfo. Retrieved 2021-02-17.
- ↑ "सुश्री दिब्यदर्शिनी प्रधान: पूर्व से निकलीं स्पिन जादूगर". BBC News हिंदी (in ਹਿੰਦੀ). Retrieved 2021-02-17.