ਲੈਰੀ ਪੇਜ
ਲੈਰੀ ਪੇਜ | |
|---|---|
.jpg) ਲੈਰੀ ਪੇਜ 2009 ਵਿੱਚ | |
| ਜਨਮ | ਲਾਰੈਂਸ ਪੇਜ ਮਾਰਚ 26, 1973 ਪੂਰਬੀ ਲੈਸਿੰਗ, ਮਿਸ਼ੀਗਨ ਅਮਰੀਕਾ |
| ਰਾਸ਼ਟਰੀਅਤਾ | ਅਮਰੀਕੀ |
| ਅਲਮਾ ਮਾਤਰ | ਯੂਨੀਵਰਸਿਟੀ ਆਫ਼ ਮਿਸ਼ੀਗਨ, ਸਟੈਨਫੋਰਡ ਯੂਨੀਵਰਸਿਟੀ |
| ਪੇਸ਼ਾ | ਕੰਪਿਊਟਰ ਵਿਗਿਆਨੀ, ਇੰਟਰਨੈੱਟ ਇੰਟਰਪਰਨੋਰ |
| ਲਈ ਪ੍ਰਸਿੱਧ | ਗੂਗਲ ਦੇ ਸਹਿ-ਬਾਨੀ |
| ਖਿਤਾਬ | ਅਲਫਾਬੈੱਟ ਦੇ ਸੀ. ਈ. ਓ |
| ਜੀਵਨ ਸਾਥੀ |
ਲੁਸਿੰਡਾ ਸਾਊਥਵਰਥ (ਵਿ. 2007) |
| ਬੱਚੇ | 2 |
| ਦਸਤਖ਼ਤ | |
 | |
ਲਾਰੈਂਸ ਲੈਰੀ ਪੇਜ[1] (ਜਨਮ March 26, 1973) ਇੱਕ ਅਮਰੀਕੀ ਕੰਪਿਊਟਰ ਵਿਗਿਆਨੀ ਅਤੇ ਇੰਟਰਨੈੱਟ ਇੰਟਰਪਰਨੋਰ ਹੈ ਜਿਸਨੇ ਸਰਗੇ ਬ੍ਰਿਨ ਦੇ ਨਾਲ ਗੂਗਲ ਦੀ ਸਥਾਪਨਾ ਕੀਤੀ। ਇਹ ਪੇਜਰੈਂਕ ਦਾ ਕਾਢੀ ਹੈ ਜੋ ਗੂਗਲ ਉੱਤੇ ਖੋਜ ਕਰਨ ਸੰਬੰਧੀ ਸਭ ਤੋਂ ਵਧੀਆ ਐਲਗੋਰਿਦਮ ਹੈ।[2][3][4][5][6][7] 2018 ਦੀ ਫੋਰਬਜ਼ ਸੂਚੀ ਅਨੁਸਾਰ ਪੇਜ 50.4 ਬਿਲੀਅਨ ਅਮਰੀਕੀ ਡਾਲਰ ਦੀ ਜਾੲਿਦਾਦ ਦਾ ਮਾਲਕ ਹੈ। [8]
ਪੇਜ 26 ਮਾਰਚ, 1973 ਨੂੰ ਪੂਰਬੀ ਲੈਸਿੰਗ, ਮਿਸ਼ੀਗਨ ਵਿਖੇ ਪੈਦਾ ਹੋਇਆ ਸੀ। [9] ਉਸ ਦਾ ਪਿਤਾ, ਕਾਰਲ ਪੇਜ਼, ਕੰਪਿਊਟਰ ਵਿਗਿਆਨੀ ਸੀ, ਅਤੇ ਉਸਦੀ ਮਾਂ ਨੇ ਉਸਨੂੰ ਕੰਪਿਊਟਰ ਪ੍ਰੋਗਰਾਮਿੰਗ ਸਿਖਾਈ ਸੀ। ਪੇਜ 1975 ਤੋਂ 1979 ਤੱਕ ਓਕਮੋਸ ਮੋਂਟੇਸਰੀ ਸਕੂਲ ਵਿੱਚ ਪੜ੍ਹਿਆ ਅਤੇ ਉਸਨੇ ਈਸਟ ਲੈਸਿੰਗ ਹਾਈ ਸਕੂਲ, ਮਿਸ਼ੀਗਨ ਤੋਂ ਗ੍ਰੈਜੂਏਸ਼ਨ ਕੀਤੀ ਅਤੇ ਯੂਨੀਵਰਸਿਟੀ ਆਫ਼ ਮਿਸ਼ੀਗਨ ਤੋਂ ਬੈਚਲਰ ਆਫ ਸਾਇੰਸ ਡਿਗਰੀ ਪ੍ਰਾਪਤ ਕਰਨ ਤੋਂ ਬਾਅਦ ਪੇਜ ਨੇ ਸਟੈਨਫੋਰਡ ਯੂਨੀਵਰਸਿਟੀ ਵਿੱਚ ਕੰਪਿਊਟਰ ਇੰਜੀਨੀਅਰਿੰਗ ਕਰਨ ਦਾ ਫੈਸਲਾ ਕੀਤਾ। ਛੇ ਸਾਲ ਦੀ ਉਮਰ ਵਿੱਚ ਉਹ ਕੰਪਿਊਟਰੀ ਸਿੱਖਿਆ ਨਾਲ ਜੁੜ ਗਿਆ ਅਤੇ ਆਪਣੇ ਐਲੀਮੈਂਟਰੀ ਸਕੂਲ ਵਿੱਚ ਵਰਡ ਪ੍ਰੋਸੈਸਰ ਦੀ ਅਸਾਈਨਮੈਂਟ ਬਣਾਉਣ ਵਾਲਾ ਪਹਿਲਾ ਬੱਚਾ ਬਣ ਗਿਆ।
ਗੂਗਲ ਦੀ ਸਥਾਪਨਾ
[ਸੋਧੋ]1998 ਵਿੱਚ,ਬ੍ਰਿਨ ਅਤੇ ਪੇਜ ਨੇ ਗੂਗਲ ਦੀ ਸ਼ੁਰੂਆਤ (Googol) ਦੇ ਡੋਮੇਨ ਨਾਮ ਨਾਲ ਕੀਤੀ। ਜੋ ਇੱਕ ਨੰਬਰ ਤੋਂ ਲਿਆ ਗਿਆ ਹੈ ਜਿਸ ਵਿੱਚ ਇੱਕ ਤੋਂ ਬਾਅਦ ਇੱਕ ਸੌ ਸਿਫ਼ਰ ਸ਼ਾਮਿਲ ਹਨ। ਇਹ ਬਹੁਤ ਵੱਡੀ ਮਾਤਰਾ ਦੇ ਡਾਟਾ ਦਰਸਾਉਂਦਾ ਹੈ ਅਤੇ ਇਸ ਖੋਜ ਇੰਜਣ ਦਾ ਮਕਸਦ ਇਸ ਡਾਟਾ ਦਾ ਪਤਾ ਲਗਾਉਣਾ ਸੀ।ਸ਼ੁਰੂਆਤ ਤੋਂ ਬਾਅਦ ਪੇਜ ਨੇ ਖੁਦ ਨੂੰ ਸੀ.ਈ.ਓ. ਵਜੋਂ ਨਿਯੁਕਤ ਕੀਤਾ, ਜਦਕਿ ਬ੍ਰਿਨ, ਜੋ ਗੂਗਲ ਦੇ ਸਹਿ-ਬਾਨੀ ਸੀ, ਨੇ ਗੂਗਲ ਦੇ ਪ੍ਰਧਾਨ ਵਜੋਂ ਅਹੁਦਾ ਸੰਭਾਲਿਆ।
ਇਨ੍ਹਾਂ ਦਾ ਉਦੇਸ਼ ‘ਸੰਸਾਰਭਰ ਦੀ ਜਾਣਕਾਰੀ ਨੂੰ ਸੰਗਠਿਤ ਕਰਕੇ ਇਸ ਨੂੰ ਸਰਵ ਵਿਆਪਕ ਪਹੁੰਚਯੋਗ ਅਤੇ ਉਪਯੋਗੀ’ ਸੀ। ਪਰਿਵਾਰ, ਦੋਸਤਾਂ ਅਤੇ ਹੋਰ ਨਿਵੇਸ਼ਕਾਂ ਤੋਂ $ 1 ਮਿਲੀਅਨ ਇਕੱਠੇ ਕਰਨ ਤੋਂ ਬਾਅਦ, ਇਸ ਜੋੜੀ ਨੇ 1998 ਵਿੱਚ ਕੰਪਨੀ ਦੀ ਸ਼ੁਰੂਆਤ ਕੀਤੀ। ਗੂਗਲ ਸੰਸਾਰ ਦਾ ਸਭ ਤੋਂ ਵੱਧ ਪ੍ਰਸਿੱਧ ਖੋਜ ਇੰਜਣ ਬਣ ਗਿਆ ਹੈ, ਜਿੱਥੇ 2013 ਵਿੱਚ ਔਸਤਨ 5.9 ਅਰਬ ਖੋਜਾਂ ਪ੍ਰਤੀ ਦਿਨ ਹੋਈਆਂ। ਕੈਲੀਫੋਰਨੀਆ ਦੇ ਸਿਲੀਕਾਨ ਵੈਲੀ ਵਿੱਚ ਗੂਗਲ ਦਾ ਹੈਡਕੁਆਟਰ ਹੈ। ਗੂਗਲ ਨੇ ਅਗਸਤ 2004 ਵਿਚ ਆਪਣੀ ਸ਼ੁਰੂਆਤੀ ਜਨਤਕ ਪੇਸ਼ਕਸ਼ ਕੀਤੀ, ਜਿਸ ਨਾਲ ਪੇਜ ਅਤੇ ਬ੍ਰਿਨ ਅਰਬਪਤੀ ਬਣ ਗਏ।
ਨਿੱਜੀ ਜੀਵਨ
[ਸੋਧੋ]2007 ਵਿੱਚ, ਪੇਜ ਨੇ ਲੁਸਿੰਡਾ ਸਾਊਥਵਰਥ ਨਾਲ ਵਿਆਹ ਕਰਵਾਇਆ [10]। ਸਾਊਥਵਰਥ ਇੱਕ ਖੋਜ ਵਿਗਿਆਨੀ ਹੈ। ਪੇਜ ਅਤੇ ਸਾਊਥਵਰਥ ਦੇ ਦੋ ਬੱਚੇ ਹਨ। [11][12]
ਪੁਰਸਕਾਰ ਅਤੇ ਉਪਲੱਬਧੀਆਂ
[ਸੋਧੋ]- 2002 ਵਿੱਚ 35 ਸਾਲ ਤੋਂ ਘੱਟ ਉਮਰ ਦੇ ਚੋਟੀ ਦੇ 100 ਖੋਜਕਾਰਾਂ ਵਿੱਚ ਪੇਜ ਅਤੇ ਬ੍ਰਿਨ ਨੂੰ ਐਮ ਆਈ ਟੀ ਟੈਕਨਾਲੋਜੀ ਰੀਵਿਊ ਟੀ. ਆਰ 100 ਵਿੱਚ ਰੱਖਿਆ ਗਿਆ ਸੀ।
- ਵਰਲਡ ਇਕੋਨਾਮਿਕ ਫੋਰਮ ਨੇ ਪੇਜ ਨੂੰ 2002 ਵਿੱਚ ਇੱਕ ਕੱਲ੍ਹ ਦਾ ਵਿਸ਼ਵ ਆਗੂ ਨਾਮਿਤ ਕੀਤਾ ਸੀ।
- ਪੇਜ ਅਤੇ ਬ੍ਰਿਨ ਨੇ ਸੰਨ੍ਹ 2004 ਵਿੱਚ ਮਾਰਕੌਨੀ ਫਾਊਂਡੇਸ਼ਨ ਪੁਰਸਕਾਰ ਪ੍ਰਾਪਤ ਕੀਤਾ, ਜੋ ਕਿ ਵਿਗਿਆਨ ਅਤੇ ਤਕਨਾਲੋਜੀ ਵਿੱਚ ਮਹੱਤਵਪੂਰਨ ਯੋਗਦਾਨ ਲਈ ਮਿਲਦਾ ਹੈ। [13]
ਹੋਰ ਜਾਣਕਾਰੀ
[ਸੋਧੋ]ਪੇਜ ਟੈਸਲਾ ਮੋਟਰਜ਼ ਵਿੱਚ ਇੱਕ ਨਿਵੇਸ਼ਕ ਹੈ। [14] ਉਸਨੇ ਨਵਿਆਉਣਯੋਗ ਊਰਜਾ ਤਕਨਾਲੋਜੀ ਵਿੱਚ ਨਿਵੇਸ਼ ਕੀਤਾ ਹੈ ਅਤੇ Google.org ਦੀ ਮਦਦ ਨਾਲ, ਗੂਗਲ ਪਲੱਗਇਨ ਹਾਈਬ੍ਰਿਡ, ਇਲੈਕਟ੍ਰਿਕ ਕਾਰਾਂ ਅਤੇ ਹੋਰ ਵਿਕਲਪਕ ਊਰਜਾ ਨਿਵੇਸ਼ਾਂ ਨੂੰ ਅਪਣਾਉਣ ਲਈ ਉਤਸ਼ਾਹਿਤ ਕਰਦਾ ਹੈ।
2006 ਵਿੱਚ, ਗੂਗਲ ਨੇ 1.65 ਬਿਲੀਅਨ ਅਮਰੀਕੀ ਡਾਲਰ ਵਿੱਚ ਸਭ ਤੋਂ ਪ੍ਰਸਿੱਧ ਸਟਰੀਮਿੰਗ ਵੀਡੀਓ ਵੈਬਸਾਈਟ ਯੂਟਿਊਬ ਨੂੰ ਖ੍ਰੀਦ ਲਿਆ ਸੀ। ਅਕਤੂਬਰ 2017 ਵਿੱਚ, ਪੇਜ ਫੋਰਬਸ ਦੀ 400 ਸਭ ਤੋਂ ਅਮੀਰ ਅਮਰੀਕੀ ਲੋਕਾਂ ਦੀ ਸੂਚੀ ਵਿੱਚ 9 ਵੇਂ ਸਥਾਨ 'ਤੇ ਸੀ [15] ਅਤੇ ਅਗਸਤ 2017 ਵਿੱਚ ਉਹ ਤਕਨਾਲੋਜੀ ਵਿੱਚ ਸਬ ਤੋਂ ਅਮੀਰ ਲੋਕਾਂ ਦੀ ਸੂਚੀ ਵਿੱਚ 5 ਵੇਂ ਸਥਾਨ 'ਤੇ ਸੀ। [16] 2018 ਦੀ ਦੁਨੀਆਂ ਦੇ ਸਭ ਤੋਂ ਸ਼ਕਤੀਸ਼ਾਲੀ ਲੋਕਾਂ ਦੀ ਸੂਚੀ ਵਿੱਚ ਪੇਜ 10 ਵੇਂ ਸਥਾਨ 'ਤੇ ਰਿਹਾ। [17]
10 ਅਗਸਤ, 2015 ਨੂੰ, ਪੇਜ ਅਤੇ ਬ੍ਰਿਨ ਨੇ ਗੂਗਲ ਅਤੇ ਦੂਜੀਆਂ ਸਹਾਇਕ ਕੰਪਨੀਆਂ ਦੀ ਨਿਗਰਾਨੀ ਕਰਨ ਲਈ ਆਲਫਾਬੈੱਟ ਨਾਮਕ ਨਵੀਂ ਮੂਲ ਕੰਪਨੀ ਬਣਾਉਣ ਦੀ ਘੋਸ਼ਣਾ ਕੀਤੀ। [18] ਪੇਜ ਨੇ ਇਸ ਨਵੀਂ ਕੰਪਨੀ ਦੇ ਸੀਈਓ ਅਤੇ ਬ੍ਰਿਨ ਨੇ ਪ੍ਰਧਾਨ ਵਜੋਂ ਅਹੁਦਾ ਸੰਭਾਲਿਆ। ਅਤੇ ਸੁੰਦਰ ਪਿਚਾਈ ਗੂਗਲ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਵਜੋਂ ਕੰਮ ਕਰ ਰਿਹਾ ਹੈ।
ਹਵਾਲੇ
[ਸੋਧੋ]- ↑ Larry Page (1999).
- ↑ Nicholas Carlson (April 24, 2014).
- ↑ "Gmail Now Has 425 Million Users, Google Apps Used By 5 Million Businesses And 66 Of The Top 100 Universities".
- ↑ "60 Amazing Google Search Statistics and Facts".
- ↑ "Google Search Statistics". internetlivestats.com.
- ↑ "Google locations". google.com.
- ↑ "Google Inc.
- ↑ https://www.forbes.com/profile/larry-page/%7Caccessdate=5/22/18}}[permanent dead link]
- ↑ http://www.biography.com/people/larry-page-12103347#early-life-and-career
- ↑ Amanda Beck; Gary Hill (November 13, 2007). "Google founder Larry Page to marry". Reuters. Retrieved May 15, 2013.
- ↑ Ryan Tate (November 6, 2009). "Another Google Heir Is Born". Business Insider. Business Insider, Inc. Retrieved May 15, 2013.
- ↑ "Larry Page Fast Facts". cnn.com. Retrieved June 23, 2013.
- ↑ https://www.thefamouspeople.com/profiles/larry-page-3344.php#awards-&-achievements%7Caccessdate=April 19, 2018}}
- ↑ http://www.siliconbeat.com/entries/2006/06/01/tesla_motors_new_electric_sportscar_company_raises_40m_from_google_guys_others.html%7Caccessdate=June[permanent dead link] 1, 2006}}
- ↑ https://www.forbes.com/sites/luisakroll/2017/10/17/forbes-400-2017-americas-richest-people-bill-gates-jeff-bezos-mark-zuckerberg-donald-trump/#db5c5ba5ed53%7Caccessdate=OCT 17, 2017}}
- ↑ https://www.forbes.com/sites/katevinton/2017/08/23/100-richest-tech-billionaires-2017/#c679f272d515%7Caccessdate=AUG 23, 2017 }}
- ↑ https://www.forbes.com/sites/davidewalt/2018/05/08/the-worlds-most-powerful-people-2018/#4f62d2516c47%7Caccessdate=MAY 8, 2018}}
- ↑ http://money.cnn.com/2015/08/10/technology/alphabet-google/index.html%7Caccessdate=August 11, 2015}}