ਪਰਮਿੰਦਰ ਸਿੰਘ ਢੀਂਡਸਾ
ਪਰਮਿੰਦਰ ਸਿੰਘ ਢੀਂਡਸਾ ਇੱਕ ਭਾਰਤੀ ਸਿਆਸਤਦਾਨ ਹੈ ਅਤੇ ਸ਼੍ਰੋਮਣੀ ਅਕਾਲੀ ਦਲ ਨਾਲ ਸੰਬੰਧਤ ਹੈ। ਉਹ ਇਸ ਸਮੇਂ ਲਹਿਰਾ ਤੋਂ ਵਿਧਾਇਕ ਹੈ ਅਤੇ ਪੰਜਾਬ ਵਿਧਾਨ ਸਭਾ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਵਿਧਾਇਕ ਸਮੂਹ ਦੇ ਨੇਤਾ ਰਿਹਾ। ਉਹ ਪਿਛਲੀ ਪੰਜਾਬ ਸਰਕਾਰ ਵਿੱਚ ਵਿੱਤ ਅਤੇ ਯੋਜਨਾ ਮੰਤਰੀ (2012-2017) ਅਤੇ ਲੋਕ ਨਿਰਮਾਣ ਮੰਤਰੀ (2007-2012) ਸੀ। ਉਹ ਰਾਜ ਸਭਾ ਮੈਂਬਰ ਸੁਖਦੇਵ ਸਿੰਘ ਢੀਂਡਸਾ ਦਾ ਬੇਟਾ ਹੈ। ਉਹ ਪਹਿਲੀ ਵਾਰ ਸਤੰਬਰ 2000 ਵਿੱਚ ਕਾਂਗਰਸ ਦੀ ਪਰਮੀਸ਼ਵਰੀ ਦੇਵੀ ਨੂੰ ਹਰਾ ਕੇ ਸੁਨਾਮ ਦੇ ਵਿਧਾਇਕ ਵਜੋਂ ਚੁਣਿਆ ਗਿਆ ਸੀ। ਉਹ 2002, 2007 ਅਤੇ 2012 ਵਿੱਚ ਸੁਨਮ ਦੇ ਵਿਧਾਇਕ ਅਤੇ 2017 ਵਿੱਚ ਲਹਿਰਾ ਤੋਂ ਦੁਬਾਰਾ ਚੁਣਿਆ ਗਿਆ ਸੀ। ਉਹ 2000 ਤੋਂ ਆਪਣੇ ਪੂਰੇ ਕੈਰੀਅਰ ਵਿੱਚ ਹਰ ਵਾਰ ਜਿੱਤਦਾ ਰਿਹਾ ਹੈ।[1]
ਪਰਮਿੰਦਰ ਸਿੰਘ ਢੀਂਡਸਾ | |
|---|---|
 | |
| ਵੈੱਬਸਾਈਟ | ਅਧਿਕਾਰਿਤ ਵੈੱਬਸਾਈਟ |
ਮੁੱਢਲਾ ਜੀਵਨ
[ਸੋਧੋ]ਉਸਦਾ ਪਿਤਾ ਸੁਖਦੇਵ ਸਿੰਘ ਢੀਂਡਸਾ ਰਾਜ ਸਭਾ ਮੈਂਬਰ [1998-2004, 2010-2016, 2016-ਹੁਣ ਤੱਕ] ਹੈ। ਉਹ ਸਾਬਕਾ ਕੇਂਦਰੀ ਕੈਮੀਕਲ, ਖਾਦ ਅਤੇ ਖੇਡ ਮੰਤਰੀ [2000-2004] ਰਿਹਾ। [2004-2009] ਤੋਂ ਉਹ ਲੋਕ ਸਭਾ ਦਾ ਮੈਂਬਰ ਵੀ ਰਿਹਾ। ਪਰਮਿੰਦਰ ਨੇ ਆਪਣੀ ਐਮ.ਬੀ.ਏ. ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਤੋਂ ਅਤੇ ਬੀ.ਕਾਮ. ਗਵਰਨਮੈਂਟ ਕਾਲਜ ਫਾਰ ਮੈਨ, ਚੰਡੀਗੜ੍ਹ ਤੋਂ ਕੀਤੀ ਹੈ। ਉਸਦਾ ਵਿਆਹ ਗਗਨਦੀਪ ਕੌਰ ਢੀਂਡਸਾ ਨਾਲ ਹੋਇਆ ਹੈ ਜੋ ਸ਼੍ਰੋਮਣੀ ਅਕਾਲੀ ਦਲ, ਮਹਿਲਾ ਵਿੰਗ ਦੀ ਕੋਰ ਕਮੇਟੀ ਦੀ ਮੈਂਬਰ ਵੀ ਹੈ।
ਰਾਜਨੀਤਿਕ ਕੈਰੀਅਰ
[ਸੋਧੋ]ਉਹ ਪਹਿਲੀ ਵਾਰ 1998 ਵਿੱਚ ਯੂਥ ਅਕਾਲੀ ਦਲ ਦੇ ਜਨਰਲ ਸਕੱਤਰ ਵਜੋਂ ਨਿਯੁਕਤ ਹੋਇਆ ਸੀ। ਉਹ ਸੰਨ 2000 ਵਿੱਚ ਭਗਵਾਨ ਦਾਸ ਅਰੋੜਾ ਦੇ ਅਚਾਨਕ ਅਕਾਲ ਚਲਾਣੇ ਕਾਰਨ ਹੋਈ ਉਪ-ਚੋਣ ਵਿੱਚ ਪਹਿਲੀ ਵਾਰ ਸੁਨਾਮ ਤੋਂ ਅਕਾਲੀ ਦਲ ਦੀ ਟਿਕਟ ਤੇ ਪੰਜਾਬ ਵਿਧਾਨ ਸਭਾ ਲਈ ਚੁਣਿਆ ਗਿਆ ਸੀ। ਉਹ 2002, 2007 ਅਤੇ 2012 ਵਿੱਚ ਸੁਨਾਮ ਤੋਂ ਦੁਬਾਰਾ ਚੁਣਿਆ ਗਿਆ। 2007 ਵਿੱਚ, ਉਸਨੂੰ ਕੈਬਨਿਟ ਮੰਤਰੀ ਬਣਾਇਆ ਗਿਆ ਅਤੇ ਉਸਨੂੰ ਪੀਡਬਲਯੂਡੀ (ਬੀ ਐਂਡ ਆਰ) ਦਾ ਪੋਰਟਫੋਲੀਓ ਦਿੱਤਾ ਗਿਆ। 2012 ਵਿੱਚ, ਉਸਨੂੰ ਵਿੱਤ ਮੰਤਰੀ ਬਣਾਇਆ ਗਿਆ ਸੀ।
2017 ਵਿੱਚ ਹੋਈਆਂ ਰਾਜ ਵਿਧਾਨ ਸਭਾ ਚੋਣਾਂ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਨੇ ਉਨ੍ਹਾਂ ਨੂੰ ਸਾਬਕਾ ਮੁੱਖ ਮੰਤਰੀ ਅਤੇ ਪੰਜ ਵਾਰ ਵਿਧਾਇਕ ਰਹੀ ਰਾਜਿੰਦਰ ਕੌਰ ਭੱਠਲ ਦੇ ਖਿਲਾਫ਼ ਲਹਿਰਾਗਾਗਾ ਤੋਂ ਚੋਣ ਮੈਦਾਨ ਵਿੱਚ ਉਤਾਰਿਆ ਸੀ। ਉਸ ਨੇ ਰਿਕਾਰਡ 26815 ਵੋਟਾਂ ਨਾਲ ਉਸ ਨੂੰ ਹਰਾ ਕੇ ਦੁਬਾਰਾ ਜਿੱਤ ਹਾਸਲ ਕੀਤੀ।[2] ਉਹ[3] ਭਾਰਤ ਦੀਆਂ 17 ਵੀਆਂ ਲੋਕ ਸਭਾ ਚੋਣਾਂ ਲਈ ਸੰਗਰੂਰ ਹਲਕੇ ਤੋਂ ਸੰਸਦ ਮੈਂਬਰ ਲਈ ਉਮੀਦਵਾਰ ਸੀ ਪਰ ਭਗਵੰਤ ਮਾਨ ਤੋਂ ਹਾਰ ਗਿਆ।
3 ਅਗਸਤ 2019 ਨੂੰ ਉਹ ਪੰਜਾਬ ਵਿਧਾਨ ਸਭਾ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਦਾ ਨੇਤਾ ਚੁਣਿਆ ਗਿਆ ਸੀ।[4] ਹਾਲਾਂਕਿ 5 ਮਹੀਨਿਆਂ ਬਾਅਦ, ਪਾਰਟੀ ਦੀ ਲੀਡਰਸ਼ਿਪ ਨਾਲ ਮਤਭੇਦਾਂ ਦੇ ਕਾਰਨ ਉਸਨੇ 3 ਜਨਵਰੀ 2020 ਨੂੰ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ।[5]
ਹਵਾਲੇ
[ਸੋਧੋ]- ↑ Punjab Cabinet Ministers Portfolios 2012 Archived 3 February 2014 at the Wayback Machine.
- ↑ Lehra (Sangrur) MLA
- ↑ Shiromani Akali Dal
- ↑ Parminder Singh Dhindsa appointed akali dal leader of Legislative Party
- ↑ "Parminder Singh Dhindsa quits as SAD party leader in Punjab Vidhan Sabha". Archived from the original on 3 ਜਨਵਰੀ 2020. Retrieved 11 ਜਨਵਰੀ 2020.