ਕਰਮਜੀਤ ਅਨਮੋਲ

ਕਰਮਜੀਤ ਅਨਮੋਲ
ਕਰਮਜੀਤ ਅਨਮੋਲ
	ਕਰਮਜੀਤ ਅਨਮੋਲ
ਜਨਮ	ਗੰਢੂਆਂ,ਜ਼ਿਲ੍ਹਾ ਸੰਗਰੂਰ, ਪੰਜਾਬ
ਮਾਧਿਅਮ	ਪੰਜਾਬੀ
ਰਾਸ਼ਟਰੀਅਤਾ	ਭਾਰਤੀ
ਸ਼ੈਲੀ	ਹਾਸਰਸ ਕਲਾਕਾਰ, ਗਾਇਕ, ਅਦਾਕਾਰ
ਵਿਸ਼ਾ	ਪੰਜਾਬੀ ਸਭਿਆਚਾਰ
ਜੀਵਨ ਸਾਥੀ	ਗੁਰਜੋਤ ਕੌਰ
ਵੈੱਬਸਾਈਟ	ਫ਼ੇਸਬੁੱਕ

ਕਰਮਜੀਤ ਅਨਮੋਲ ਦਾ ਜਨਮ 2 ਜਨਵਰੀ 1972 ਨੂੰ ਪਿੰਡ - ਗੰਢੂਆਂ, ਜ਼ਿਲ੍ਹਾ ਸੰਗਰੂਰ ਵਿਖੇ ਹੋਇਆ ਹੈ। ਪੰਜਾਬੀ ਹਾਸਰਸ ਕਲਾਕਾਰ, ਫ਼ਿਲਮ ਅਤੇ ਟੈਲੀਵਿਜ਼ਨ ਅਦਾਕਾਰ ਅਤੇ ਗਾਇਕ ਹਨ। ਇਹਨਾਂ ਨੇ ਪੰਜਾਬੀ, ਹਿੰਦੀ ਅਤੇ ਅੰਗਰੇਜ਼ੀ ਦੀਆਂ ਕਈ ਮਸ਼ਹੂਰ ਫਿਲਮਾਂ ਵਿੱਚ ਕੰਮ ਕੀਤਾ ਜਿਵੇਂ ਕਿ 'ਵੈਸਟ ਇਜ਼ ਵੈਸਟ' (ਅੰਗਰੇਜ਼ੀ), 'ਕੈਰੀ ਓਨ ਜੱਟਾ', 'ਜੱਟ & ਜੂਲੀਅੱਟ', 'ਡਿਸਕੋ ਸਿੰਘ', 'ਜੱਟ ਜੇਮਸ ਬੌਂਡ', 'ਦੇਵ ਡੀ' (ਹਿੰਦੀ) ਅਤੇ ਕਈ ਹੋਰ।

ਕਰਮਜੀਤ ਅਨਮੋਲ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੇ ਨਜ਼ਦੀਕੀ ਰਹੇ ਹਨ, ਉਹ ਭਗਵੰਤ ਮਾਨ ਦੀ ਚੋਣਾਂ ਵਿੱਚ ਵੀ ਖੁੱਲ੍ਹ ਕੇ ਸਪੋਰਟ ਕਰਦੇ ਆ ਰਹੇ ਹਨ। ਕਰਮਜੀਤ ਅਨਮੋਲ ਨੂੰ ਆਮ ਆਦਮੀ ਪਾਰਟੀ ਨੇ ਲੋਕ ਸਭਾ ਹਲਕਾ ਫ਼ਰੀਦਕੋਟ ਤੋਂ ਉਮੀਦਵਾਰ ਬਣਾਇਆ ਹੈ।

ਕਰਮਜੀਤ ਅਨਮੋਲ ਬਾਰੇ ਉਨ੍ਹਾਂ ਦੇ ਦੋਸਤ ਦੱਸਦੇ ਹਨ, ‘ਉਹ ਜ਼ਮੀਨ ਨਾਲ ਜੁੜਿਆ ਹੋਇਆ ਬੰਦਾ ਹੈ। ਕਾਲਜ ਦੇ ਦਿਨਾਂ ਦੌਰਾਨ ਗਾਇਕੀ, ਸੱਭਿਆਚਾਰਕ ਅਤੇ ਸਾਹਿਤਕ ਗਤੀਵਿਧੀਆਂ ਵਿੱਚ ਸਰਗਰਮੀ ਨਾਲ ਹਿੱਸਾ ਲੈਣਾ ਸ਼ੁਰੂ ਕੀਤਾ ਸੀ ਤੇ ਉਹ ਪ੍ਰਸਿੱਧ ਪੰਜਾਬੀ ਕਵੀ ਸੰਤ ਰਾਮ ਉਦਾਸੀ ਦੀਆਂ ਕਵਿਤਾਵਾਂ ਗਾਉਣ ਲਈ ਮਸ਼ਹੂਰ ਸਨ। ਪੰਜਾਬੀ ਗਾਇਕੀ ਵਿੱਚ ਕਲ਼ੀਆਂ ਦੇ ਬਾਦਸ਼ਾਹ ਵਜੋਂ ਜਾਣੇ ਜਾਂਦੇ ਮਰਹੂਮ ਗਾਇਕ ਕੁਲਦੀਪ ਮਾਣਕ ਕਰਮਜੀਤ ਦੇ ਮਾਮਾ ਸਨ। ਪਰ ਕਰਮਜੀਤ ਨੇ ਆਪਣੀ ਗਾਇਕੀ ਅਤੇ ਕਲ਼ਾ ਦਾ ਰਾਹ ਖੁਦ ਤਿਆਰ ਕੀਤਾ। ਉਹ ਗੁਰਬਤ ਨਾਲ ਜੂਝ ਕੇ ਕਲਾ ਅਤੇ ਸਾਹਿਤ ਜਗਤ ਦੇ ਸਟਾਰ ਬਣੇ।

ਕਰਮਜੀਤ ਅਨਮੋਲ ਨੂੰ ਪੰਜਾਬੀ ਨਿਰਮਾਤਾ ਜਰਨੈਲ ਘੁਮਾਣ ਨੇ ਲਾਂਚ ਕੀਤਾ ਸੀ ਜਦੋਂ ਉਹ 12ਵੀਂ ਜਮਾਤ ਵਿੱਚ ਪੜ੍ਹਦੇ ਸਨ। ਉਨ੍ਹਾਂ ਦੀ ਪਹਿਲੀ ਐਲਬਮ ਦਾ ਨਾਮ ਸੀ - ਆਸ਼ਕ ਭਾਜੀ।

ਭਗਵੰਤ ਮਾਨ ਦੀ ਦੋਸਤੀ ਉਸ ਦੇ ਕੰਮ ਆਈ ਅਤੇ ਉਹ ਦੋਵੇਂ ਪੰਜਾਬੀ ਟੀਵੀ ਚੈਨਲ ਉੱਤੇ ਮਸ਼ਹੂਰ ਕਾਮੇਡੀ ਟੀਵੀ ਸ਼ੋਅ, 'ਜੁਗਨੂ ਹਾਜ਼ਰ ਹੈ' ਦਾ ਹਿੱਸਾ ਬਣਿਆ। ਇਸ ਦਾ ਟਾਇਟਲ ਗੀਤ ਵੀ ਕਰਮਜੀਤ ਨੇ ਹੀ ਗਾਇਆ ਸੀ।

ਪਲੇਬੈਕ ਗਾਇਕ ਵਜੋਂ ਪੰਜਾਬੀ ਫਿਲਮ 'ਜੱਟ ਬੁਆਏਜ਼' ਵਿਚ ਕਰਮਜੀਤ ਅਨਮੋਲ ਦਾ 'ਯਾਰਾ ਵੇ' ਗੀਤ ਕਾਫੀ ਮਕਬੂਲ ਹੈ।

ਕਰਮਜੀਤ ਅਨਮੋਲ ਨੇ ਆਪਣੇ ਕਾਲਜ ਦੇ ਦਿਨਾਂ ਦੌਰਾਨ ਗਾਇਕੀ, ਸੱਭਿਆਚਾਰਕ ਅਤੇ ਸਾਹਿਤਕ ਗਤੀਵਿਧੀਆਂ ਵਿੱਚ ਸਰਗਰਮੀ ਨਾਲ ਹਿੱਸਾ ਲੈਣਾ ਸ਼ੁਰੂ ਕੀਤਾ ਸੀ ਤੇ ਉਹ ਪ੍ਰਸਿੱਧ ਪੰਜਾਬੀ ਕਵੀ ਸੰਤ ਰਾਮ ਉਦਾਸੀ ਦੀਆਂ ਕਵਿਤਾਵਾਂ ਗਾਉਣ ਲਈ ਮਸ਼ਹੂਰ ਸਨ।ਭਗਵੰਤ ਮਾਨ ਦੀ ਦੋਸਤੀ ਉਸ ਦੇ ਕੰਮ ਆਈ ਅਤੇ ਉਹ ਦੋਵੇਂ ਪੰਜਾਬੀ ਟੀਵੀ ਚੈਨਲ ਉੱਤੇ ਮਸ਼ਹੂਰ ਕਾਮੇਡੀ ਟੀਵੀ ਸ਼ੋਅ, ਜੁਗਨੂੰ ਹਾਜ਼ਰ ਹੈ ਦਾ ਹਿੱਸਾ ਬਣਿਆ। ਇਸ ਦਾ ਟਾਇਟਲ ਗੀਤ ਵੀ ਕਰਮਜੀਤ ਨੇ ਹੀ ਗਾਇਆ ਸੀ।

ਕਰਮਜੀਤ ਲਗਭਗ 120 ਪੰਜਾਬੀ ਫ਼ਿਲਮਾਂ ਵਿੱਚ ਕੰਮ ਕਰ ਚੁੱਕੇ ਹਨ, ਜਿਨ੍ਹਾਂ ਵਿੱਚੋਂ 100 ਤੋਂ ਵੱਧ ਰਿਲੀਜ਼ ਹੋ ਚੁੱਕੀਆਂ ਹਨ ਅਤੇ ਹੁਣ ਤੱਕ 250 ਤੋਂ ਵੱਧ ਪੰਜਾਬੀ ਗੀਤ ਗਾ ਚੁੱਕੇ ਹਨ।

ਫ਼ਿਲਮੀ ਜੀਵਨ

ਸਾਲ	ਫ਼ਿਲਮ	ਕਿਰਦਾਰ	ਵਿਚਾਰ
2011	ਜੀਹਨੇ ਮੇਰਾ ਦਿਲ ਲੁਟਿਆ	ਕਰਮਾ
2012	ਜੱਟ & ਜੁਲੀਅੱਟ	ਨਾਥਾ ਵਿਚੋਲਾ
2012	ਕੈਰੀ ਓਨ ਜੱਟਾ	ਤਾਜੀ ਵੀਰ
2012	ਸਿਰਫਿਰੇ	ਕਾਲਾ
2013	ਜੱਟ ਏਅਰਵੇਜ	ਮੀਕਾ ਬਦਮਾਸ਼
2013	ਲੱਕੀ ਦੀ ਅਨਲਕੀ ਸਟੋਰੀ	ਬੰਟੀ
2013	ਬੈਸਟ ਆਫ਼ ਲੱਕ	ਬੱਲੂ
2013	ਭਾਜੀ ਇਨ ਪ੍ਰੋਬਲਮ	ਮਨਿੰਦਰ
2014	ਡਿਸਕੋ ਸਿੰਘ	ਬਾਈ	ਪੀ ਟੀ ਸੀ ਫਿਲਮ ਅਵਾਰਡ(ਬੇਸਟ ਕਾਮੇਡੀਅਨ) ਲਈ ਚੁਣੇ ਗਏ
2014	ਜੱਟ ਜੇਮਸ ਬੌਂਡ		ਗਿੱਪੀ ਗਰੇਵਾਲ ਨਾਲ
2014	ਡਬਲ ਦਿ ਟ੍ਰਬਲ	ਜੈਨ ਸਾਬ	ਧਰਮਿੰਦਰ ਜੀ ਨਾਲ
2015	ਓਹ ਯਾਰਾ ਐਂਵੇ ਐਂਵੇ ਲੁਟ ਗਿਆ	ਵਕੀਲ
2015	ਸੈਕੰਡ ਹੈਂਡ ਹਸਬੈਂਡ	ਹਵਾਲਦਾਰ
2016	ਕੈਰੀ ਓਨ ਜੱਟਾ 2	-------
2016	ਅਰਦਾਸ	ਸ਼ੰਭੂ ਨਾਥ
2016	ਅੰਬਰਸਰੀਆ	ਢਾਬਾ ਮਾਲਕ
2016	ਚੰਨੋ ਕਮਲੀ ਯਾਰ ਦੀ	ਜੈਲੀ
2016	ਵਿਸਾਖੀ ਲਿਸਟ		22 ਅਪ੍ਰੈਲ 2016 ਨੂੰ ਪ੍ਰਦਰਸ਼ਿਤ
2016	ਬੰਬੂਕਾਟ		ਐਮੀ ਵਿਰਕ ਨਾਲ
2016	ਟੇਸ਼ਨ (ਫ਼ਿਲਮ)		ਹੈਪੀ ਰਾਏਕੋਟੀ ਨਾਲ
2016	ਮੈਂ ਤੇਰੀ ਤੂੰ ਮੇਰਾ		ਰੌਸ਼ਨ ਪ੍ਰਿੰਸ ਨਾਲ
2016	ਨਿੱਕਾ ਜ਼ੈਲਦਾਰ	ਭੋਲਾ	ਐਮੀ ਵਿਰਕ ਨਾਲ
2016	ਲਾੱਕ (ਫ਼ਿਲਮ)		14 ਅਕਤੂਬਰ 2016 ਨੂੰ ਪ੍ਰਦਰਸ਼ਿਤ

ਫ਼ਿਲਮੀ ਗਾਇਕੀ

ਸਾਲ	ਫ਼ਿਲਮ ਦਾ ਨਾਮ	ਗੀਤ ਅਤੇ ਟਿੱਪਣੀ
2013	ਜੱਟ ਬੁਆਏਜ਼ ਪੁੱਤ ਜੱਟਾਂ ਦੇ	ਯਾਰਾ ਵੇ ਯਾਰਾ

ਹਵਾਲੇ

ਬਾਹਰੀ ਲਿੰਕ