ਦਿਲਜੀਤ ਦੁਸਾਂਝ

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ
Jump to navigation Jump to search
ਦਿਲਜੀਤ ਸਿੰਘ ਦੁਸਾਂਝ
Diljit Dosanjh during Soorma promotion 05.jpg
ਸੂਰਮਾ ਫਿਲਮ ਦੀ ਪ੍ਰਮੋਸ਼ਨ ਸਮੇਂ ਦਿਲਜੀਤ
ਜਾਣਕਾਰੀ
ਜਨਮ ਦਾ ਨਾਂਦਲਜੀਤ ਸਿੰਘ ਦੁਸਾਂਝ
ਜਨਮ (1984-01-06) 6 ਜਨਵਰੀ 1984 (ਉਮਰ 35)
ਦੁਸਾਂਝ ਕਲਾਂ, ਜਲੰਧਰ, ਪੰਜਾਬ, ਭਾਰਤ
ਵੰਨਗੀ(ਆਂ)ਭੰਗੜਾ, ਪੌਪ
ਕਿੱਤਾਗੀਤਕਾਰ
ਅਦਾਕਾਰ
ਸਮਾਜ ਸੇਵਕ
ਸਰਗਰਮੀ ਦੇ ਸਾਲ2000-ਜਾਰੀ
ਵੈੱਬਸਾਈਟwww.iamdiljitdosanjh.com

ਦਲਜੀਤ ਸਿੰਘ ਦੁਸਾਂਝ (ਜਨਮ: 6 ਜਨਵਰੀ 1984), ਇੱਕ ਭਾਰਤੀ ਅਦਾਕਾਰ, ਗਾਇਕ, ਟੈਲੀਵਿਜ਼ਨ ਪੇਸ਼ਕਰਤਾ ਅਤੇ ਇੰਟਰਨੈਟ ਸ਼ਖਸ਼ੀਅਤ ਹੈ।[1] ਉਹ ਪੰਜਾਬੀ ਅਤੇ ਹਿੰਦੀ ਫਿਲਮਾਂ ਵਿੱਚ ਕੰਮ ਕਰਦਾ ਹੈ।[2] ਉਹ ਪੰਜਾਬੀ ਸੰਗੀਤ ਉਦਯੋਗ ਦੇ ਪ੍ਰਮੁੱਖ ਕਲਾਕਾਰਾਂ ਵਿਚੋਂ ਇਕ ਵਜੋਂ ਜਾਣਿਆ ਜਾਂਦਾ ਹੈ।[3] ਉਸਨੇ ਪੰਜਾਬੀ ਸਿਨਮੇ ਵਿੱਚ 'ਜੱਟ ਐਂਡ ਜੂਲੀਅਟ'(2012), ਜੱਟ ਐਂਡ ਜੂਲੀਅਟ ੨ (2013), ਪੰਜਾਬ 1984 (2015), ਸਰਦਾਰ ਜੀ (2016), 'ਅੰਬਰਸਰੀਆ' (2016), ਸਰਦਾਰ ਜੀ-2 (2016) ਅਤੇ ਸੁਪਰ ਸਿੰਘ (2017) ਵਰਗੀਆਂ ਸੁਪਰਹਿੱਟ ਫ਼ਿਲਮਾਂ ਵਿੱਚ ਅਦਾਕਾਰੀ ਕੀਤੀ ਹੈ, ਜੋ ਕਿ ਇਤਿਹਾਸ ਦੀਆਂ ਸਭ ਤੋਂ ਸਫਲ ਪੰਜਾਬੀ ਫਿਲਮਾਂ ਵਿੱਚੋਂ ਹਨ।[4] ਉਸਨੇ ਨੇ ਆਪਣੇ ਗਾਇਕੀ ਦੀ ਸ਼ੁਰੂਆਤ ਸਾਲ 2000 ਵਿੱਚ ਆਪਣੀ ਪਹਿਲੀ ਐਲਬਮ ਇਸ਼ਕ ਦਾ ਊੜਾ ਐੜਾ ਨਾਲ ਕੀਤੀ।[5] ਉਸ ਨੇ 2016 ਵਿਚ ਉੜਤਾ ਪੰਜਾਬ ਫਿਲਮ ਨਾਲ ਆਪਣੀ ਬਾਲੀਵੁੱਡ ਵਿਚ ਸ਼ੁਰੂਆਤ ਕੀਤੀ ਜਿਸ ਲਈ ਉਸ ਨੇ ਸਭ ਤੋਂ ਵਧੀਆ ਪੁਰਸ਼ ਸ਼ੁਰੂਆਤ ਲਈ ਫਿਲਮਫੇਅਰ ਅਵਾਰਡ ਹਾਸਲ ਕੀਤਾ।

ਜੀਵਨ ਅਤੇ ਪੇਸ਼ਾ[ਸੋਧੋ]

ਮੁੱਢਲਾ ਜੀਵਨ[ਸੋਧੋ]

ਦਿਲਜੀਤ ਦਾ ਜਨਮ 6 ਜਨਵਰੀ 1984[6] ਨੂੰ ਜਲੰਧਰ ਜ਼ਿਲ੍ਹੇ ਦੇ ਪਿੰਡ ਦੁਸਾਂਝ ਕਲਾਂ ਵਿੱਚ, ਇੱਕ ਸਿੱਖ ਪਰਿਵਾਰ ਵਿੱਚ ਹੋਇਆ।[7] ਉਸਦੇ ਪਿਤਾ ਬਲਬੀਰ ਸਿੰਘ, ਪੰਜਾਬ ਰੋਡਵੇਜ਼ ਦੇ ਸੇਵਾ-ਮੁਕਤ ਕਰਮਚਾਰੀ ਹਨ ਅਤੇ ਮਾਤਾ ਸੁਖਵਿੰਦਰ ਕੌਰ,  ਘਰੇਲੂ ਔਰਤ ਹਨ। ਉਸਦੀ ਇੱਕ ਵੱਡੀ ਭੈਣ ਅਤੇ ਇੱਕ ਛੋਟਾ ਭਰਾ ਵੀ ਹੈ।[8] ਉਹ ਆਪਣੇ ਬਚਪਨ ਦੇ ਦੁਸਾਂਝ ਕਲਾਂ ਵਿਚ ਬਿਤਾਏ ਅਤੇ ਫਿਰ ਲੁਧਿਆਣੇ, ਪੰਜਾਬ ਚਲਾ ਗਿਆ, ਜਿਥੇ ਉਸਨੇ ਆਪਣੀ ਰਸਮੀ ਸਿੱਖਿਆ ਪੂਰੀ ਕੀਤੀ, ਜਿਸ ਵਿਚ ਸ਼੍ਰੀ ਗੁਰੂ ਹਰਿਕ੍ਰਿਸ਼ਨ ਪਬਲਿਕ ਸਕੂਲ ਤੋਂ ਹਾਈ ਸਕੂਲ ਡਿਪਲੋਮਾ ਵੀ ਸ਼ਾਮਲ ਸੀ। ਸਕੂਲ ਦੇ ਦੌਰਾਨ ਹੀ ਉਸਨੇ ਲਾਗਲੇ ਗੁਰਦੁਆਰਾ ਸਾਹਿਬ ਵਿਖੇ ਕੀਰਤਨ ਕਰਨਾ ਸ਼ੁਰੂ ਕਰ ਦਿੱਤਾ ਸੀ।

2003–2004:ਇਸ਼ਕ ਦਾ ਊੜਾ ਐੜਾ ਅਤੇ ਦਿਲ[ਸੋਧੋ]

ਦੁਸਾਂਝ ਨੇ 2004 ਵਿਚ ਆਪਣੀ ਪਹਿਲੀ ਐਲਬਮ ਇਸ਼ਕ ਦਾ ਊੜਾ ਐੜਾ ਟੀ-ਸੀਰੀਜ਼ ਦੀ ਵੰਡ ਨਾਲ ਬਣੀ ਕੰਪਨੀ ਫਾਇਨਟੋਨ ਕੈਸੇਟਸ ਨਾਲ ਜਾਰੀ ਕੀਤੀ। ਫਾਇਨਟੋਨ ਦੇ ਰਾਜਿੰਦਰ ਸਿੰਘ ਨੇ ਦੋਸਾਂਝ ਨੂੰ ਪੰਜਾਬੀ ਸੰਗੀਤ ਉਦਯੋਗ ਵਿਚ ਪਹਿਲੀ ਵਾਰ ਸ਼ੁਰੂਆਤ ਕਰਨ ਵਿਚ ਮਦਦ ਕੀਤੀ ਅਤੇ ਦਲਜੀਤ ਦੀ ਬਜਾਏ ਉਸ ਦਾ ਪਹਿਲਾ ਨਾਮ ਦਿਲਜੀਤ ਕਰਨ ਦਾ ਸੁਝਾਅ ਦਿੱਤਾ।[9] ਸੰਗੀਤ ਬਬਲੂ ਮਹਿੰਦਰਾ ਦੁਆਰਾ ਰਚਿਆ ਗਿਆ ਸੀ ਅਤੇ ਬੋਲ ਬਲਵੀਰ ਬੋਪਾਰਾਏ ਦੁਆਰਾ ਲਿਖੇ ਗਏ ਸਨ। ਦੋਸਾਂਝ ਨੇ ਅੱਠਾਂ ਗਾਣਿਆਂ ਨੂੰ ਅਵਾਜ ਦਿੱਤੀ ਅਤੇ ਨਿਰਮਾਤਾਵਾਂ ਨੇ ਐਲਬਮ ਦੇ ਟਾਈਟਲ ਟਰੈਕ ਲਈ ਇੱਕ ਸੰਗੀਤ ਵੀਡੀਓ ਬਣਾਇਆ। ਅਗਲੇ ਸਾਲ 2004 ਵਿੱਚ ਉਸਦੀ ਕੈਸਟ ਦਿਲ ਰਿਲੀਜ਼ ਹੋਈ ਅਤੇ ਇਹ ਵੀ ਫਾਇਨਟੋਨ ਕੈਸੇਟਸ ਨਾਲ ਹੀ ਸੀ।

2004–2010: ਹੋਰ ਕੈਸਟਾਂ ਅਤੇ ਸਿੰਗਲ ਗਾਣੇ[ਸੋਧੋ]

ਦੋਸਾਂਝ ਦੀ ਤੀਜੀ ਐਲਬਮ ਸਮਾਇਲ, ਦੇ ਨੱਚਦੀਆਂ ਅੱਲ੍ਹੜਾਂ ਕੁਆਰੀਆਂ ਅਤੇ ਪੱਗਾਂ ਪੋਚਵੀਆਂ ਵਾਲੇ ਗਾਣਿਆਂ ਨਾਲ ਦਿਲਜੀਤ ਨੇ ਪ੍ਰਸਿਧੀ ਖੱਟੀ। ਇਹ ਐਲਬਮ ਫਾਇਨਟੋਨ ਕੈਸੇਟਸ ਨੇ 2005 ਵਿੱਚ ਰਿਲੀਜ਼ ਕੀਤੀ ਸੀ। ਉਸ ਦੀ ਅਗਲੀ ਐਲਬਮ ਇਸ਼ਕ ਹੋ ਗਿਆ ਫਾਇਨਟੋਨ ਕੈਸੇਟਸ ਨੇ 2006 ਵਿੱਚ ਰਿਲੀਜ਼ ਕੀਤੀ ਸੀ। ਉਸ ਦੀ ਅਗਲੀ ਐਲਬਮ ਚਾਕਲੇਟ 2008 ਵਿੱਚ ਆਈ ਸੀ। 2009 ਵਿੱਚ ਦੋਸਾਂਝ ਨੇ ਚਾਰ ਵੱਖਰੇ ਸਿੰਗਲ ਭਗਤ ਸਿੰਘ, ਨੋ ਟੈਨਸ਼ਨ, ਪਾਵਰ ਆਫ਼ ਡੁਇਟ ਅਤੇ ਡਾਂਸ ਵਿਦ ਮੀ ਰਿਲੀਜ਼ ਕੀਤੇ। 2010 ਵਿੱਚ ਉਸਨੇ ਮੇਲ ਕਰਦੇ ਰੱਬਾ ਵਿੱਚ ਗਾਣਾ ਗਿਆ, ਜੋ ਜਿੰਮੀ ਸ਼ੇਰਗਿੱਲ 'ਤੇ ਫਿਲਮਾਇਆ ਗਿਆ ਸੀ।[10]

2011–2012: ਪੰਜਾਬੀ ਫਿਲਮਾਂ ਵਿੱਚ ਦਾਖਲਾ ਅਤੇ ਲੱਕ 28 ਕੁੜੀ ਦਾ[ਸੋਧੋ]

2011 ਵਿੱਚ ਦੁਸਾਂਝ ਪੰਜਾਬੀ ਫ਼ਿਲਮਾਂ ਵਿੱਚ ਦਾਖਲ ਹੋ ਗਿਆ। ਉਸਦੀ ਪਹਿਲੀ ਫ਼ਿਲਮ ਦ ਲਾਇਨ ਆਫ਼ ਪੰਜਾਬ ਫਰਵਰੀ 2011 ਵਿੱਚ ਰਿਲੀਜ਼ ਹੋਈ ਸੀ। ਹਾਲਾਂਕਿ ਇਹ ਫ਼ਿਲਮ ਬਾਕਸ ਆਫਿਸ 'ਤੇ ਫਲਾਪ ਹੋ ਗਈ ਸੀ, ਪਰੰਤੂ ਫਿਲਮ ਦੇ ਸਾਉਂਡਟੈਕ ਤੋਂ "ਲੱਕ 28 ਕੁੜੀ ਦਾ" ਗਾਣਾ ਇਕ ਵੱਡੀ ਸਫਲਤਾ ਸੀ। ਬੀ.ਬੀ.ਸੀ ਦੁਆਰਾ ਪ੍ਰਕਾਸ਼ਿਤ ਯੂਐਸਏ ਵਿੱਚ ਦਫ਼ਤਰੀ ਏਸ਼ੀਅਨ ਡਾਉਨਲੋਡ ਚਾਰਟ 'ਤੇ ਇਹ ਗਾਣਾ ਨੰਬਰ 1 'ਤੇ ਪਹੁੰਚ ਗਿਆ ਸੀ। ਇਸ ਗਾਣੇ ਵਿੱਚ ਉਸ ਨਾਲ ਯੋ ਯੋ ਹਨੀ ਸਿੰਘ ਵੀ ਸੀ। ਜੁਲਾਈ 2011 ਵਿਚ, ਉਸਦੀ ਦੂਜੀ ਪੰਜਾਬੀ ਫ਼ਿਲਮ ਜਿਹਨੇ ਮੇਰਾ ਦਿਲ ਲੁੱਟਿਆ ਰਿਲੀਜ਼ ਹੋਈ। ਇਸ ਫ਼ਿਲਮ ਵਿਚ ਗਿੱਪੀ ਗਰੇਵਾਲ ਅਤੇ ਨੀਰੂ ਬਾਜਵਾ ਦੀ ਭੂਮਿਕਾ ਵੀ ਸੀ ਅਤੇ ਫਿਲਮ ਨੇ ਚੰਗਾ ਵਪਾਰ ਕੀਤਾ। ਦੁਸਾਂਝ ਨੇ ਫਿਲਮ ਦੇ ਸਾਉਂਡਟਰੈਕ ਵਿਚ ਬਾਰਾਂ ਟਰੈਕਾਂ ਵਿਚੋਂ ਛੇ ਗਾਣਿਆਂ ਨੂੰ ਅਵਾਜ਼ ਦਿੱਤੀ। ਉਸੇ ਸਾਲ ਨਵੰਬਰ ਵਿਚ, ਦਿਲਜੀਤ ਨੇ ਐਲਾਨ ਕੀਤਾ ਕਿ ਉਹ ਆਪਣਾ ਵਿਵਾਦਪੂਰਨ ਐਲਬਮ ਅਰਬਨ ਪੇਂਡੂ ਰਿਲੀਜ਼ ਨਹੀਂ ਕਰੇਗਾ, ਜਿਸ ਵਿਚ 15 ਸਾਲ ਗਾਣਾ ਵੀ ਸ਼ਾਮਲ ਸੀ। ਇਹ ਸਿੰਗਲ, ਜੋ ਯੋ ਯੋ ਹਨੀ ਸਿੰਘ ਨਾਲ ਸੀ, ਵਿੱਚ ਕੁਆਰੀਆਂ ਲੜਕੀਆਂ ਦੇ ਵਿਭਿੰਨ ਵਰਤਾਓ ਬਾਰੇ ਅਤੇ ਸ਼ਰਾਬ, ਨਸ਼ੇ ਅਤੇ ਟੈਟੂ ਵਿਚ ਉਨ੍ਹਾਂ ਦੀ ਭਰਮਾਰ ਬਾਰੇ ਗੱਲ ਕੀਤੀ।[11] ਉਸ ਨੇ ਆਪਣੇ ਫੇਸਬੁੱਕ ਪੇਜ 'ਤੇ ਲਿਖਿਆ ਸੀ: "ਕਿਸੇ ਦੀ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣਾ ਮੇਰਾ ਇਰਾਦਾ ਨਹੀ ਸੀ। ਮੈਂ ਆਪਣੇ ਪ੍ਰਸ਼ੰਸਕਾਂ ਤੋਂ ਮੁਆਫੀ ਮੰਗਦਾ ਹਾਂ ਜਿਹੜੇ ਇਸ ਗੀਤ ਦੀ ਉਡੀਕ ਕਰ ਰਹੇ ਸਨ।"[12] ਦੁਸਾਂਝ ਨੇ ਆਪਣੇ 2013 ਦੇ ਹਿੱਟ ਸਿੰਗਲ ਪਰੋਪਰ ਪਟੋਲਾ ਦੇ ਸੰਗੀਤ ਵੀਡੀਓ ਵਿਚ ਟਰੈਕ ਅਤੇ ਐਲਬਮਾਂ ਦੀ ਯਾਦ ਦਿਵਾਉਣ ਲਈ ਇਕ ਅਰਬਨ ਪੇਂਡੂ ਦੇ ਛਾਪੇ ਵਾਲੀ ਟੀ-ਸ਼ਰਟ ਪਹਿਨੀ ਹੋਈ ਸੀ। ਦੁਸਾਂਝ ਨੇ 2011 ਵਿਚ ਕੈਟੀ ਆਈਜ਼, ਧਰਤੀ ਅਤੇ ਚੁਸਤੀਆਂ ਤਿੰਨ ਵੱਖ-ਵੱਖ ਸਿੰਗਲਜ਼ ਜਾਰੀ ਕੀਤੇ।

ਡਿਸਕੋਗ੍ਰਾਫੀ[ਸੋਧੋ]

ਸਾਲ ਸਿਰਲੇਖ ਟਿੱਪਣੀ
2000 ਇਸ਼ਕ ਦਾ ਊੜਾ ਆੜਾ ਫਾਇਨਟੋਨ
2004 ਦਿਲ ਫਾਇਨਟੋਨ
2005 ਸਮਾਇਲ ਫਾਇਨਟੋਨ
2006 ਇਸ਼ਕ ਹੋ ਗਿਆ ਫਾਇਨਟੋਨ
2008 ਚਾਕਲੇਟ ਸਪੀਡ ਰਿਕਾਰਡ
2009 ਦ ਨੈਕਸਟ ਲੈਵਲ ਟੀ ਸੀਰੀਜ਼
2012 ਸਿੱਖ ਗੈਰ-ਰਵਾਇਤੀ ਧਾਰਮਿਕ ਐਲਬਮ, ਸਪੀਡ ਰਿਕਾਰਡ
2012 ਬੈਕ ਟੂ ਬੇਸਿਕ ਸਪੀਡ ਰਿਕਾਰਡ
2012 ਅਰਬਨ ਪੇਂਡੂ ਰਿਲੀਜ਼ ਨਹੀਂ ਹੋਈ
2013 ਸਿੱਖ -2 ਗੈਰ-ਰਵਾਇਤੀ ਧਾਰਮਿਕ ਐਲਬਮ, ਸਪੀਡ ਰਿਕਾਰਡ

ਫਿਲਮਾਂ ਵਿੱਚ ਗਾਏ ਗੀਤ[ਸੋਧੋ]

ਪੰਜਾਬੀ

ਸਾਲ ਫਿਲਮ ਗੀਤ
2011 ਧਰਤੀ ਵਰੰਟ
2013 ਬਿੱਕਰ ਬਾਈ ਸੈਂਟੀਮੈਂਟਲ ਮੈਂ ਫੈਨ ਭਗਤ ਸਿੰਘ ਦਾ

ਹਿੰਦੀ

ਸਾਲ ਫਿਲਮ ਗੀਤ
2012 ਤੇਰੇ ਨਾਲ ਲਵ ਹੋ ਗਿਆ ਪੀ ਪਾਂ ਪੀ ਪਾਂ ਹੋ ਗਿਆ
2013 ਮੇਰੇ ਡੈਡ ਕੀ ਮਾਰੂਤੀ ਮੇਰੇ ਡੈਡ ਕੀ ਮਾਰੂਤੀ
2013 ਯਮਲਾ ਪਗਲਾ ਦੀਵਾਨਾ-੨ ਐਂਦਾਂ ਹੀ ਨੱਚਨਾ
2015 ਸਿੰਘ ਇਜ਼ ਬਲਿੰਗ ਤੁੰਗ ਤੁੰਗ ਬਾਜੇ
2016 ਉੜਤਾ ਪੰਜਾਬ ਇੱਕ ਕੁੜੀ
2017 ਫ਼ਿਲੌਰੀ ਨੌਟੀ ਬਿੱਲੋ
2017 ਨੂਰ ਮੂਵ ਯੂੳਰ ਲੱਕ
2017 ਰਾਬਤਾ ਸਾਡਾ ਮੂਵ

ਫਿਲਮਾਂ[ਸੋਧੋ]

ਪੰਜਾਬੀ

ਸਾਲ ਫਿਲਮ ਭੂਮਿਕਾ ਅਦਾਕਾਰ
2011 ਦ ਲਾਇਨ ਆਫ ਪੰਜਾਬ ਅਵਤਾਰ ਸਿੰਘ ਪੂਜਾ ਟੰਡਨ
2011 ਜੀਹਨੇ ਮੇਰਾ ਦਿਲ ਲੁੱਟਿਆ ਗੁਰਨੂਰ ਸਿੰਘ ਰੰਧਾਵਾ ਨੀਰੂ ਬਾਜਵਾ, ਗਿੱਪੀ ਗਰੇਵਾਲ,ਦਾ ਪਿਕਚਰ
2012 ਜੱਟ ਐਂਡ ਜੂਲੀਅਟ ਫਤਿਹ ਸਿੰਘ ਨੀਰੂ ਬਾਜਵਾ, ਉਪਾਸਨਾ ਸਿੰਘ
2013 ਸਾਡੀ ਲਵ ਸਟੋਰੀ ਰਾਜਵੀਰ/ ਬਿੱਲਾ ਸੁਰਵੀਨ ਚਾਵਲਾ, ਅਮਰਿੰਦਰ ਗਿੱਲ
2013 ਜੱਟ ਐਂਡ ਜੂਲੀਅਟ ੨ ਫਤਿਹ ਸਿੰਘ ਨੀਰੂ ਬਾਜਵਾ, ਭਾਰਤੀ ਸਿੰਘ
2014 ਡਿਸਕੋ ਸਿੰਘ ਲਾਟੂ ਸਿੰਘ ਸੁਰਵੀਨ ਚਾਵਲਾ
2014 ਪੰਜਾਬ 1984 ਸ਼ਿਵਜੀਤ ਸਿੰਘ ਮਾਨ / ਸ਼ਿਵਾ ਕਿਰਨ ਖੇਰ, ਸੋਨਮ ਬਾਜਵਾ
2015 ਸਰਦਾਰ ਜੀ ਜੱਗੀ ਨੀਰੂ ਬਾਜਵਾ, ਮੈਂਡੀ ਤੱਖਰ
2015 ਮੁਖਤਿਆਰ ਚੱਡਾ ਮੁਖਤਿਆਰ ਚੱਡਾ
2016 ਅੰਬਰਸਰੀਆ ਜੱਟ ਅੰਬਰਸਰੀਆ ਨਵਨੀਤ ਕੌਰ ਢਿੱਲੋਂ, ਲਾਰੇਨ ਗੋਟਲਿਬ
2016 ਸਰਦਾਰ ਜੀ-2 ਜੱਗੀ/ ਅੱਥਰਾ/ ਸਤਿਕਾਰ ਸੋਨਮ ਬਾਜਵਾ, ਮੋਨਿਕਾ ਗਿੱਲ
2017 ਸੁਪਰ ਸਿੰਘ ਸੱਜਣ ਸਿੰਘ/ ਸੈਮ/ਸੁਪਰ ਸਿੰਘ ਸੋਨਮ ਬਾਜਵਾ, ਪਵਨ ਮਲਹੋਤਰਾ
2018 ਸੱਜਣ ਸਿੰਘ ਰੰਗਰੂਟ ਸੱਜਣ ਸਿੰਘ ਰੰਗਰੂਟ ਸੁਨੰਦਾ ਸ਼ਰਮਾ
2019 ਛੜਾ ਛੜਾ ਨੀਰੂ ਬਾਜਵਾਨਾਲ

ਹਿੰਦੀ

ਸਾਲ ਫਿਲਮ ਭੂਮਿਕਾ ਟਿੱਪਣੀ
2016 ਉੜਤਾ ਪੰਜਾਬ ਸਰਤਾਜ ਸਿੰਘ ਸਭ ਤੋਂ ਵਧੀਆ ਪੁਰਸ਼ ਸ਼ੁਰੂਆਤ ਲਈ ਫਿਲਮ ਫੇਅਰ ਅਵਾਰਡ
2017 ਫ਼ਿਲੌਰੀ (ਫ਼ਿਲਮ) ਰੂਪ ਲਾਲ ਫ਼ਿਲੌਰੀ ਅਨੁਸ਼ਕਾ ਸ਼ਰਮਾ
2016 ਵੈਲਕਮ ਟੂ ਨਿਊਯਾਰਕ ਸੋਨਾਕਸ਼ੀ ਸਿਨਹਾ, ਕਰਨ ਜੌਹਰ
2018 ਸੂਰਮਾ ਹਾਕੀ ਖਿਡਾਰੀ ਸੰਦੀਪ ਸਿੰਘ ਤਾਪਸੀ ਪੰਨੂ, ਅੰਗਦ ਬੇਦੀ
2018 ਅਰਜੁਨ ਪਟਿਆਲਾ ਅਰਜੁਨ ਪਟਿਆਲਾ ਕ੍ਰਿਤੀ ਸਨੇਨ
2018 ਗੁਡ ਨਿਊਜ਼ ਹਨੀ

ਹਵਾਲੇ[ਸੋਧੋ]

  1. "10 Things You Should Know About King Beat, The Tough Cop In 'Udta Punjab'". indiatimes.com. 23 April 2016. Retrieved 23 April 2016. 
  2. "Diljit Dosanjh and Neeru Bajwa shoot for a wedding sequence in Rajasthan". 
  3. Puri, Aksheev (30 September 2015). "10 Reasons Why Diljit Dosanjh Is A True Punjabi Superstar". Retrieved 27 November 2015. 
  4. The turbaned prince. Tribuneindia.com (19 July 2015). Retrieved on 10 July 2016.
  5. "ISHQ DA UDA ADA(2004)". Archived from the original on 19 August 2013. Retrieved 6 December 2013. 
  6. "Happy birthday Diljit Dosanjh: How this 'Pendu' did things differently and made way into our hearts". The Indian Express. 6 January 2018. Retrieved 12 February 2018. 
  7. "Turban is our identity, he is belong to misti our pride: Diljit Dosanjh on Sikh actor Waris Ahluwalia being barred from boarding Aeromexico flight". News18. 9 February 2016. Retrieved 19 April 2016. 
  8. "Diljit Dosanjh Interview with Sikh channel". DharamSevaRecords. 
  9. "ABOUT DILJIT". Archived from the original on 23 August 2013. Retrieved 6 December 2013. 
  10. "Dekhlo Punjabi Munde Kidda Rola Paunde – Mel Karade Rabba – Jimmy Shergill". Tips Films on Youtube. Retrieved 12 December 2013. 
  11. "15 Saal Diljit Dosanjh official video HD". Harneet Virk on Youtube. Retrieved 12 December 2013. 
  12. "Urban Pendu Cancelled along with 15 Saal?". 23 November 2011. Retrieved 12 December 2013.