ਦਿਲਜੀਤ ਦੋਸਾਂਝ
ਦਿਲਜੀਤ ਦੋਸਾਂਝ | |
|---|---|
.jpg) ਫ਼ਿਲੌਰੀ ਦੀ ਮੀਡੀਆ ਮੀਟਿੰਗ ਦੌਰਾਨ ਦੋਸਾਂਝ। | |
| ਜਨਮ | 6 ਜਨਵਰੀ 1984 |
| ਪੇਸ਼ਾ |
|
| ਸਰਗਰਮੀ ਦੇ ਸਾਲ | 2002–ਵਰਤਮਾਨ |
| ਸੰਗੀਤਕ ਕਰੀਅਰ | |
| ਵੰਨਗੀ(ਆਂ) | |
| ਵੈੱਬਸਾਈਟ | diljitdosanjh |
ਦਲਜੀਤ ਸਿੰਘ ਦੋਸਾਂਝ (ਜਨਮ: 6 ਜਨਵਰੀ 1984), ਇੱਕ ਭਾਰਤੀ ਅਦਾਕਾਰ, ਗਾਇਕ, ਟੈਲੀਵਿਜ਼ਨ ਪੇਸ਼ਕਰਤਾ ਅਤੇ ਇੰਟਰਨੈਟ ਸ਼ਖਸ਼ੀਅਤ ਹੈ।[1] ਉਹ ਪੰਜਾਬੀ ਅਤੇ ਹਿੰਦੀ ਫਿਲਮਾਂ ਵਿੱਚ ਕੰਮ ਕਰਦਾ ਹੈ।[2] ਉਹ ਪੰਜਾਬੀ ਸੰਗੀਤ ਉਦਯੋਗ ਦੇ ਪ੍ਰਮੁੱਖ ਕਲਾਕਾਰਾਂ ਵਿਚੋਂ ਇੱਕ ਵਜੋਂ ਜਾਣਿਆ ਜਾਂਦਾ ਹੈ।[3] ਉਸਨੇ ਪੰਜਾਬੀ ਸਿਨਮੇ ਵਿੱਚ 'ਜੱਟ ਐਂਡ ਜੂਲੀਅਟ'(2012), ਜੱਟ ਐਂਡ ਜੂਲੀਅਟ 2 (2013), ਪੰਜਾਬ 1984 (2015), ਸਰਦਾਰ ਜੀ (2016), 'ਅੰਬਰਸਰੀਆ' (2016), ਸਰਦਾਰ ਜੀ 2 (2016) ਅਤੇ ਸੁਪਰ ਸਿੰਘ (2017) ਵਰਗੀਆਂ ਸੁਪਰਹਿੱਟ ਫ਼ਿਲਮਾਂ ਵਿੱਚ ਅਦਾਕਾਰੀ ਕੀਤੀ ਹੈ, ਜੋ ਕਿ ਇਤਿਹਾਸ ਦੀਆਂ ਸਭ ਤੋਂ ਸਫਲ ਪੰਜਾਬੀ ਫਿਲਮਾਂ ਵਿੱਚੋਂ ਹਨ।[4] ਉਸਨੇ ਨੇ ਆਪਣੇ ਗਾਇਕੀ ਦੀ ਸ਼ੁਰੂਆਤ ਸਾਲ 2004 ਵਿੱਚ ਆਪਣੀ ਪਹਿਲੀ ਐਲਬਮ ਇਸ਼ਕ ਦਾ ਊੜਾ ਐੜਾ ਨਾਲ ਕੀਤੀ।[5] ਉਸ ਨੇ 2016 ਵਿੱਚ ਉੜਤਾ ਪੰਜਾਬ ਫਿਲਮ ਨਾਲ ਆਪਣੀ ਬਾਲੀਵੁੱਡ ਵਿੱਚ ਸ਼ੁਰੂਆਤ ਕੀਤੀ ਜਿਸ ਲਈ ਉਸ ਨੇ ਸਭ ਤੋਂ ਵਧੀਆ ਪੁਰਸ਼ ਸ਼ੁਰੂਆਤ ਲਈ ਫਿਲਮਫੇਅਰ ਅਵਾਰਡ ਹਾਸਲ ਕੀਤਾ।
ਜੀਵਨ ਅਤੇ ਪੇਸ਼ਾ
[ਸੋਧੋ]ਮੁੱਢਲਾ ਜੀਵਨ
[ਸੋਧੋ]ਦਿਲਜੀਤ ਦਾ ਜਨਮ 6 ਜਨਵਰੀ 1984[6] ਨੂੰ ਜਲੰਧਰ ਜ਼ਿਲ੍ਹੇ ਦੇ ਪਿੰਡ ਦੁਸਾਂਝ ਕਲਾਂ ਵਿੱਚ, ਇੱਕ ਸਿੱਖ ਪਰਿਵਾਰ ਵਿੱਚ ਹੋਇਆ।[7] ਉਸਦੇ ਪਿਤਾ ਬਲਬੀਰ ਸਿੰਘ, ਪੰਜਾਬ ਰੋਡਵੇਜ਼ ਦੇ ਸੇਵਾ-ਮੁਕਤ ਕਰਮਚਾਰੀ ਹਨ ਅਤੇ ਮਾਤਾ ਸੁਖਵਿੰਦਰ ਕੌਰ, ਘਰੇਲੂ ਔਰਤ ਹਨ। ਉਸਦੀ ਇੱਕ ਵੱਡੀ ਭੈਣ ਅਤੇ ਇੱਕ ਛੋਟਾ ਭਰਾ ਵੀ ਹੈ।[8] ਉਹ ਆਪਣੇ ਬਚਪਨ ਦੇ ਦੁਸਾਂਝ ਕਲਾਂ ਵਿੱਚ ਬਿਤਾਏ ਅਤੇ ਫਿਰ ਲੁਧਿਆਣੇ, ਪੰਜਾਬ ਚਲਾ ਗਿਆ, ਜਿਥੇ ਉਸਨੇ ਆਪਣੀ ਰਸਮੀ ਸਿੱਖਿਆ ਪੂਰੀ ਕੀਤੀ, ਜਿਸ ਵਿੱਚ ਸ਼੍ਰੀ ਗੁਰੂ ਹਰਿਕ੍ਰਿਸ਼ਨ ਪਬਲਿਕ ਸਕੂਲ ਤੋਂ ਹਾਈ ਸਕੂਲ ਡਿਪਲੋਮਾ ਵੀ ਸ਼ਾਮਲ ਸੀ। ਸਕੂਲ ਦੇ ਦੌਰਾਨ ਹੀ ਉਸਨੇ ਲਾਗਲੇ ਗੁਰਦੁਆਰਾ ਸਾਹਿਬ ਵਿਖੇ ਕੀਰਤਨ ਕਰਨਾ ਸ਼ੁਰੂ ਕਰ ਦਿੱਤਾ ਸੀ।
2003–2004:ਇਸ਼ਕ ਦਾ ਊੜਾ ਐੜਾ ਅਤੇ ਦਿਲ
[ਸੋਧੋ]ਦੋਸਾਂਝ ਨੇ 2004 ਵਿੱਚ ਆਪਣੀ ਪਹਿਲੀ ਐਲਬਮ ਇਸ਼ਕ ਦਾ ਊੜਾ ਐੜਾ ਟੀ-ਸੀਰੀਜ਼ ਦੀ ਵੰਡ ਨਾਲ ਬਣੀ ਕੰਪਨੀ ਫਾਇਨਟੋਨ ਕੈਸੇਟਸ ਨਾਲ ਜਾਰੀ ਕੀਤੀ। ਫਾਇਨਟੋਨ ਦੇ ਰਾਜਿੰਦਰ ਸਿੰਘ ਨੇ ਦੋਸਾਂਝ ਨੂੰ ਪੰਜਾਬੀ ਸੰਗੀਤ ਉਦਯੋਗ ਵਿੱਚ ਪਹਿਲੀ ਵਾਰ ਸ਼ੁਰੂਆਤ ਕਰਨ ਵਿੱਚ ਮਦਦ ਕੀਤੀ ਅਤੇ ਦਲਜੀਤ ਦੀ ਬਜਾਏ ਉਸ ਦਾ ਪਹਿਲਾ ਨਾਮ ਦਿਲਜੀਤ ਕਰਨ ਦਾ ਸੁਝਾਅ ਦਿੱਤਾ।[9] ਸੰਗੀਤ ਬਬਲੂ ਮਹਿੰਦਰਾ ਦੁਆਰਾ ਰਚਿਆ ਗਿਆ ਸੀ ਅਤੇ ਬੋਲ ਬਲਵੀਰ ਬੋਪਾਰਾਏ ਦੁਆਰਾ ਲਿਖੇ ਗਏ ਸਨ। ਦੋਸਾਂਝ ਨੇ ਅੱਠਾਂ ਗਾਣਿਆਂ ਨੂੰ ਅਵਾਜ ਦਿੱਤੀ ਅਤੇ ਨਿਰਮਾਤਾਵਾਂ ਨੇ ਐਲਬਮ ਦੇ ਟਾਈਟਲ ਟਰੈਕ ਲਈ ਇੱਕ ਸੰਗੀਤ ਵੀਡੀਓ ਬਣਾਇਆ। ਅਗਲੇ ਸਾਲ 2004 ਵਿੱਚ ਉਸਦੀ ਕੈਸਟ ਦਿਲ ਰਿਲੀਜ਼ ਹੋਈ ਅਤੇ ਇਹ ਵੀ ਫਾਇਨਟੋਨ ਕੈਸੇਟਸ ਨਾਲ ਹੀ ਸੀ।
2004–2010: ਹੋਰ ਕੈਸਟਾਂ ਅਤੇ ਸਿੰਗਲ ਗਾਣੇ
[ਸੋਧੋ]ਦੋਸਾਂਝ ਦੀ ਤੀਜੀ ਐਲਬਮ ਸਮਾਇਲ, ਦੇ ਨੱਚਦੀਆਂ ਅੱਲ੍ਹੜਾਂ ਕੁਆਰੀਆਂ ਅਤੇ ਪੱਗਾਂ ਪੋਚਵੀਆਂ ਵਾਲੇ ਗਾਣਿਆਂ ਨਾਲ ਦਿਲਜੀਤ ਨੇ ਪ੍ਰਸਿਧੀ ਖੱਟੀ। ਇਹ ਐਲਬਮ ਫਾਇਨਟੋਨ ਕੈਸੇਟਸ ਨੇ 2005 ਵਿੱਚ ਰਿਲੀਜ਼ ਕੀਤੀ ਸੀ। ਉਸ ਦੀ ਅਗਲੀ ਐਲਬਮ ਇਸ਼ਕ ਹੋ ਗਿਆ ਫਾਇਨਟੋਨ ਕੈਸੇਟਸ ਨੇ 2006 ਵਿੱਚ ਰਿਲੀਜ਼ ਕੀਤੀ ਸੀ। ਉਸ ਦੀ ਅਗਲੀ ਐਲਬਮ ਚਾਕਲੇਟ 2008 ਵਿੱਚ ਆਈ ਸੀ। 2009 ਵਿੱਚ ਦੋਸਾਂਝ ਨੇ ਚਾਰ ਵੱਖਰੇ ਸਿੰਗਲ ਭਗਤ ਸਿੰਘ, ਨੋ ਟੈਨਸ਼ਨ, ਪਾਵਰ ਆਫ਼ ਡੁਇਟ ਅਤੇ ਡਾਂਸ ਵਿਦ ਮੀ ਰਿਲੀਜ਼ ਕੀਤੇ। 2010 ਵਿੱਚ ਉਸਨੇ ਮੇਲ ਕਰਦੇ ਰੱਬਾ ਵਿੱਚ ਗਾਣਾ ਗਿਆ, ਜੋ ਜਿੰਮੀ ਸ਼ੇਰਗਿੱਲ 'ਤੇ ਫਿਲਮਾਇਆ ਗਿਆ ਸੀ।[10]
2011–2012: ਪੰਜਾਬੀ ਫਿਲਮਾਂ ਵਿੱਚ ਦਾਖਲਾ ਅਤੇ ਲੱਕ 28 ਕੁੜੀ ਦਾ
[ਸੋਧੋ]2011 ਵਿੱਚ ਦੋਸਾਂਝ ਪੰਜਾਬੀ ਫ਼ਿਲਮਾਂ ਵਿੱਚ ਦਾਖਲ ਹੋ ਗਿਆ। ਉਸਦੀ ਪਹਿਲੀ ਫ਼ਿਲਮ ਦ ਲਾਇਨ ਆਫ਼ ਪੰਜਾਬ ਫਰਵਰੀ 2011 ਵਿੱਚ ਰਿਲੀਜ਼ ਹੋਈ ਸੀ। ਹਾਲਾਂਕਿ ਇਹ ਫ਼ਿਲਮ ਬਾਕਸ ਆਫਿਸ 'ਤੇ ਫਲਾਪ ਹੋ ਗਈ ਸੀ, ਪਰੰਤੂ ਫਿਲਮ ਦੇ ਸਾਉਂਡਟੈਕ ਤੋਂ "ਲੱਕ 28 ਕੁੜੀ ਦਾ" ਗਾਣਾ ਇੱਕ ਵੱਡੀ ਸਫਲਤਾ ਸੀ। ਬੀ.ਬੀ.ਸੀ ਦੁਆਰਾ ਪ੍ਰਕਾਸ਼ਿਤ ਯੂਐਸਏ ਵਿੱਚ ਦਫ਼ਤਰੀ ਏਸ਼ੀਅਨ ਡਾਉਨਲੋਡ ਚਾਰਟ 'ਤੇ ਇਹ ਗਾਣਾ ਨੰਬਰ 1 'ਤੇ ਪਹੁੰਚ ਗਿਆ ਸੀ। ਇਸ ਗਾਣੇ ਵਿੱਚ ਉਸ ਨਾਲ ਯੋ ਯੋ ਹਨੀ ਸਿੰਘ ਵੀ ਸੀ। ਜੁਲਾਈ 2011 ਵਿਚ, ਉਸਦੀ ਦੂਜੀ ਪੰਜਾਬੀ ਫ਼ਿਲਮ ਜਿਹਨੇ ਮੇਰਾ ਦਿਲ ਲੁੱਟਿਆ ਰਿਲੀਜ਼ ਹੋਈ। ਇਸ ਫ਼ਿਲਮ ਵਿੱਚ ਗਿੱਪੀ ਗਰੇਵਾਲ ਅਤੇ ਨੀਰੂ ਬਾਜਵਾ ਦੀ ਭੂਮਿਕਾ ਵੀ ਸੀ ਅਤੇ ਫਿਲਮ ਨੇ ਚੰਗਾ ਵਪਾਰ ਕੀਤਾ। ਦੋਸਾਂਝ ਨੇ ਫਿਲਮ ਦੇ ਸਾਉਂਡਟਰੈਕ ਵਿੱਚ ਬਾਰਾਂ ਟਰੈਕਾਂ ਵਿਚੋਂ ਛੇ ਗਾਣਿਆਂ ਨੂੰ ਅਵਾਜ਼ ਦਿੱਤੀ। ਉਸੇ ਸਾਲ ਨਵੰਬਰ ਵਿਚ, ਦਿਲਜੀਤ ਨੇ ਐਲਾਨ ਕੀਤਾ ਕਿ ਉਹ ਆਪਣਾ ਵਿਵਾਦਪੂਰਨ ਐਲਬਮ ਅਰਬਨ ਪੇਂਡੂ ਰਿਲੀਜ਼ ਨਹੀਂ ਕਰੇਗਾ, ਜਿਸ ਵਿੱਚ 15 ਸਾਲ ਗਾਣਾ ਵੀ ਸ਼ਾਮਲ ਸੀ। ਇਹ ਸਿੰਗਲ, ਜੋ ਯੋ ਯੋ ਹਨੀ ਸਿੰਘ ਨਾਲ ਸੀ, ਵਿੱਚ ਕੁਆਰੀਆਂ ਲੜਕੀਆਂ ਦੇ ਵਿਭਿੰਨ ਵਰਤਾਓ ਬਾਰੇ ਅਤੇ ਸ਼ਰਾਬ, ਨਸ਼ੇ ਅਤੇ ਟੈਟੂ ਵਿੱਚ ਉਨ੍ਹਾਂ ਦੀ ਭਰਮਾਰ ਬਾਰੇ ਗੱਲ ਕੀਤੀ।[11] ਉਸ ਨੇ ਆਪਣੇ ਫੇਸਬੁੱਕ ਪੇਜ 'ਤੇ ਲਿਖਿਆ ਸੀ: "ਕਿਸੇ ਦੀ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣਾ ਮੇਰਾ ਇਰਾਦਾ ਨਹੀਂ ਸੀ। ਮੈਂ ਆਪਣੇ ਪ੍ਰਸ਼ੰਸਕਾਂ ਤੋਂ ਮੁਆਫੀ ਮੰਗਦਾ ਹਾਂ ਜਿਹੜੇ ਇਸ ਗੀਤ ਦੀ ਉਡੀਕ ਕਰ ਰਹੇ ਸਨ।"[12] ਦੋਸਾਂਝ ਨੇ ਆਪਣੇ 2013 ਦੇ ਹਿੱਟ ਸਿੰਗਲ ਪਰੋਪਰ ਪਟੋਲਾ ਦੇ ਸੰਗੀਤ ਵੀਡੀਓ ਵਿੱਚ ਟਰੈਕ ਅਤੇ ਐਲਬਮਾਂ ਦੀ ਯਾਦ ਦਿਵਾਉਣ ਲਈ ਇੱਕ ਅਰਬਨ ਪੇਂਡੂ ਦੇ ਛਾਪੇ ਵਾਲੀ ਟੀ-ਸ਼ਰਟ ਪਹਿਨੀ ਹੋਈ ਸੀ। ਦੋਸਾਂਝ ਨੇ 2011 ਵਿੱਚ ਕੈਟੀ ਆਈਜ਼, ਧਰਤੀ ਅਤੇ ਚੁਸਤੀਆਂ ਤਿੰਨ ਵੱਖ-ਵੱਖ ਸਿੰਗਲਜ਼ ਜਾਰੀ ਕੀਤੇ।
ਡਿਸਕੋਗ੍ਰਾਫੀ
[ਸੋਧੋ]| ਸਾਲ | ਸਿਰਲੇਖ | ਲੇਬਲ |
|---|---|---|
| 2000 | ਇਸ਼ਕ ਦਾ ਊੜਾ ਆੜਾ | ਫਾਇਨਟੋਨ |
| 2004 | ਦਿਲ | ਫਾਇਨਟੋਨ |
| 2005 | ਸਮਾਇਲ | ਫਾਇਨਟੋਨ |
| 2006 | ਇਸ਼ਕ ਹੋ ਗਿਆ | ਫਾਇਨਟੋਨ |
| 2008 | ਚਾਕਲੇਟ | ਸਪੀਡ ਰਿਕਾਰਡ |
| 2009 | ਦ ਨੈਕਸਟ ਲੈਵਲ | ਟੀ ਸੀਰੀਜ਼ |
| 2012 | ਸਿੱਖ | ਗੈਰ-ਰਵਾਇਤੀ ਧਾਰਮਿਕ ਐਲਬਮ, ਸਪੀਡ ਰਿਕਾਰਡ |
| 2012 | ਬੈਕ ਟੂ ਬੇਸਿਕ | ਸਪੀਡ ਰਿਕਾਰਡ |
| 2012 | ਅਰਬਨ ਪੇਂਡੂ | ਰਿਲੀਜ਼ ਨਹੀਂ ਹੋਈ |
| 2018 | ਕਾਨਫੀਡੈਂਨਸ਼ੀਅਲ | ਟੀ ਸੀਰੀਜ਼ |
| 2018 | ਰੋਅਰ | ਫੇਮਸ ਸਟੂਡੀਓ |
| 2020 | ਗੋਟ | ਫੇਮਸ ਸਟੂਡੀਓ, ਦਿਲਜੀਤ ਦੋਸਾਂਝ |
| 2021 | ਮੂਨ ਚਾਈਲਡ ਏਰਾ | ਫੇਮਸ ਸਟੂਡੀਓ, ਦਿਲਜੀਤ ਦੋਸਾਂਝ |
| 2023 | ਗੋਸਟ |
ਫਿਲਮਾਂ ਵਿੱਚ ਗਾਏ ਗੀਤ
[ਸੋਧੋ]ਪੰਜਾਬੀ
| ਸਾਲ | ਫਿਲਮ | ਗੀਤ |
|---|---|---|
| 2011 | ਧਰਤੀ | ਵਰੰਟ |
| 2013 | ਬਿੱਕਰ ਬਾਈ ਸੈਂਟੀਮੈਂਟਲ | ਮੈਂ ਫੈਨ ਭਗਤ ਸਿੰਘ ਦਾ |
ਹਿੰਦੀ
| ਸਾਲ | ਫਿਲਮ | ਗੀਤ |
|---|---|---|
| 2012 | ਤੇਰੇ ਨਾਲ ਲਵ ਹੋ ਗਿਆ | ਪੀ ਪਾਂ ਪੀ ਪਾਂ ਹੋ ਗਿਆ |
| 2013 | ਮੇਰੇ ਡੈਡ ਕੀ ਮਾਰੂਤੀ | ਮੇਰੇ ਡੈਡ ਕੀ ਮਾਰੂਤੀ |
| 2013 | ਯਮਲਾ ਪਗਲਾ ਦੀਵਾਨਾ-੨ | ਐਂਦਾਂ ਹੀ ਨੱਚਨਾ |
| 2015 | ਸਿੰਘ ਇਜ਼ ਬਲਿੰਗ | ਤੁੰਗ ਤੁੰਗ ਬਾਜੇ |
| 2016 | ਉੜਤਾ ਪੰਜਾਬ | ਇੱਕ ਕੁੜੀ |
| 2017 | ਫ਼ਿਲੌਰੀ | ਨੌਟੀ ਬਿੱਲੋ |
| 2017 | ਨੂਰ | ਮੂਵ ਯੂੳਰ ਲੱਕ |
| 2017 | ਰਾਬਤਾ | ਸਾਡਾ ਮੂਵ |
ਫਿਲਮਾਂ
[ਸੋਧੋ]ਪੰਜਾਬੀ
| ਸਾਲ | ਫਿਲਮ | ਭੂਮਿਕਾ |
|---|---|---|
| 2010 | ਮੇਲ ਕਰਾਦੇ ਰੱਬਾ | ਰਾਜਵੀਰ ਢਿੱਲੋਂ |
| 2011 | ਦ ਲਾਇਨ ਆਫ ਪੰਜਾਬ | ਅਵਤਾਰ ਸਿੰਘ |
| ਜੀਹਨੇ ਮੇਰਾ ਦਿਲ ਲੁੱਟਿਆ | ਗੁਰਨੂਰ ਸਿੰਘ ਰੰਧਾਵਾ | |
| 2012 | ਜੱਟ ਐਂਡ ਜੂਲੀਅਟ | ਫਤਿਹ ਸਿੰਘ |
| 2013 | ਸਾਡੀ ਲਵ ਸਟੋਰੀ | ਰਾਜਵੀਰ/ ਬਿੱਲਾ |
| ਜੱਟ ਐਂਡ ਜੂਲੀਅਟ 2 | ਫਤਿਹ ਸਿੰਘ | |
| 2014 | ਡਿਸਕੋ ਸਿੰਘ | ਲਾਟੂ ਸਿੰਘ |
| ਪੰਜਾਬ 1984 | ਸ਼ਿਵਜੀਤ ਸਿੰਘ ਮਾਨ / ਸ਼ਿਵਾ | |
| 2015 | ਸਰਦਾਰ ਜੀ | ਜੱਗੀ |
| ਮੁਖਤਿਆਰ ਚੱਡਾ | ਮੁਖਤਿਆਰ ਚੱਡਾ | |
| 2016 | ਅੰਬਰਸਰੀਆ | ਜੱਟ ਅੰਬਰਸਰੀਆ |
| ਸਰਦਾਰ ਜੀ 2 | ਜੱਗੀ/ ਅੱਥਰਾ/ ਸਤਿਕਾਰ | |
| 2017 | ਸੁਪਰ ਸਿੰਘ | ਸੱਜਣ ਸਿੰਘ/ ਸੈਮ/ਸੁਪਰ ਸਿੰਘ |
| 2018 | ਸੱਜਣ ਸਿੰਘ ਰੰਗਰੂਟ | ਸੱਜਣ ਸਿੰਘ ਰੰਗਰੂਟ |
| 2019 | ਛੜਾ | ਛੜਾ |
| 2021 | ਹੌਂਸਲਾ ਰੱਖ | ਯੈਂਕੀ ਸਿੰਘ |
| 2022 | ਬਾਬੇ ਭੰਗੜਾ ਪਾਉਂਦੇ ਨੇ | ਜੱਗੀ |
| 2023 | ਜੋੜੀ | ਸਿਤਾਰਾ |
ਹਿੰਦੀ
| ਸਾਲ | ਫਿਲਮ | ਭੂਮਿਕਾ |
|---|---|---|
| 2016 | ਉੜਤਾ ਪੰਜਾਬ | ਸਰਤਾਜ ਸਿੰਘ |
| 2017 | ਫ਼ਿਲੌਰੀ | ਰੂਪ ਲਾਲ ਫ਼ਿਲੌਰੀ |
| 2018 | ਵੈਲਕਮ ਟੂ ਨਿਊਯਾਰਕ | ਤੇਜੀ |
| ਸੂਰਮਾ | ਹਾਕੀ ਖਿਡਾਰੀ ਸੰਦੀਪ ਸਿੰਘ | |
| 2019 | ਅਰਜੁਨ ਪਟਿਆਲਾ | ਅਰਜੁਨ ਪਟਿਆਲਾ |
| ਗੁਡ ਨਿਊਜ਼ | ਹਨੀ | |
| 2020 | ਸੂਰਜ ਪੇ ਮੰਗਲ ਭਾਰੀ | ਸੂਰਜ |
| 2022 | ਜੋਗੀ | ਜੋਗਿੰਦਰ "ਜੋਗੀ" ਸਿੰਘ |
| 2024 | ਕ੍ਰਿਊ | ਜੈਵੀਰ ਸਿੰਘ ਰਾਠੌਰ, ਕਸਟਮ ਅਫਸਰ |
| ਅਮਰ ਸਿੰਘ ਚਮਕੀਲਾ † | ਅਮਰ ਸਿੰਘ ਚਮਕੀਲਾ |
ਹਵਾਲੇ
[ਸੋਧੋ]- ↑ "10 Things You Should Know About King Beat, The Tough Cop In 'Udta Punjab'". indiatimes.com. 23 April 2016. Retrieved 23 April 2016.
- ↑ "Diljit Dosanjh and Neeru Bajwa shoot for a wedding sequence in Rajasthan".
- ↑ Puri, Aksheev (30 September 2015). "10 Reasons Why Diljit Dosanjh Is A True Punjabi Superstar". Retrieved 27 November 2015.
- ↑ The turbaned prince Archived 2015-10-20 at the Wayback Machine.. Tribuneindia.com (19 July 2015). Retrieved on 10 July 2016.
- ↑ "ISHQ DA UDA ADA(2004)". Archived from the original on 19 August 2013. Retrieved 6 December 2013.
{{cite web}}: Unknown parameter|deadurl=ignored (|url-status=suggested) (help) - ↑ "Happy birthday Diljit Dosanjh: How this 'Pendu' did things differently and made way into our hearts". The Indian Express. 6 January 2018. Retrieved 12 February 2018.
- ↑ "Turban is our identity, he is belong to misti our pride: Diljit Dosanjh on Sikh actor Waris Ahluwalia being barred from boarding Aeromexico flight". News18. 9 February 2016. Retrieved 19 April 2016.
- ↑ "Diljit Dosanjh Interview with Sikh channel". DharamSevaRecords.
- ↑ "ABOUT DILJIT". Archived from the original on 23 August 2013. Retrieved 6 December 2013.
{{cite web}}: Unknown parameter|deadurl=ignored (|url-status=suggested) (help) - ↑ "Dekhlo Punjabi Munde Kidda Rola Paunde – Mel Karade Rabba – Jimmy Shergill". Tips Films on Youtube. Retrieved 12 December 2013.
- ↑ "15 Saal Diljit Dosanjh official video HD". Harneet Virk on Youtube. Retrieved 12 December 2013.
- ↑ "Urban Pendu Cancelled along with 15 Saal?". 23 November 2011. Archived from the original on 27 ਮਈ 2012. Retrieved 12 December 2013.
{{cite web}}: Unknown parameter|dead-url=ignored (|url-status=suggested) (help)