25 ਨਵੰਬਰ

25 ਨਵੰਬਰ ਗ੍ਰੈਗਰੀ ਕਲੰਡਰ ਦੇ ਮੁਤਾਬਕ ਇਹ ਸਾਲ ਦਾ 329ਵਾਂ (ਲੀਪ ਸਾਲ ਵਿੱਚ 330ਵਾਂ) ਦਿਨ ਹੁੰਦਾ ਹੈ। ਇਸ ਦਿਨ ਤੋਂ ਸਾਲ ਦੇ 36 ਦਿਨ ਬਾਕੀ ਹਨ। ਦੇਸੀ ਕਲੰਡਰ ਮੁਤਾਬਕ ਇਹ ਦਿਨ 11 ਮੱਘਰ ਬਣਦਾ ਹੈ।

ਵਾਕਿਆ

• 2348 ਬੀਸੀ – ਬਾਈਬਲ ਦੇ ਸਕਾਲਰਾਂ ਮੁਤਾਬਕ ਸੰਨ 2348 ਬੀਸੀ ਵਿਚ ਇਕ ਵੱਡਾ ਹੜ੍ਹ ਆਇਆ ਸੀ ਜਿਸ ਨਾਲ ਬਹੁਤੀ ਦੁਨੀਆਂ ਤਬਾਹ ਹੋ ਗਈ ਸੀ।
• 1839 – 40 ਮੀਲ ਦੀ ਸਪੀਡ ਨਾਲ ਆਏ ਇਕ ਤੂਫ਼ਾਨ ਨੇ ਭਾਰਤ ਦੇ ਸ਼ਹਿਰ ਕੋਰਿੰਗਾ ਦੀ ਬੰਦਰਗਾਹ ਨੂੰ ਬੁਰੀ ਤਰ੍ਹਾਂ ਤਬਾਹ ਕਰ ਦਿਤਾ। ਇਸ ਨਾਲ 20 ਹਜ਼ਾਰ ਜਹਾਜ਼ ਤੇ ਕਿਸ਼ਤੀਆਂ ਡੁੱਬ ਗਏ ਤੇ ਉਨ੍ਹਾਂ ਵਿਚ ਹਜ਼ਾਰਾਂ ਲੋਕ ਮਾਰੇ ਗਏ। ਇਸ ਨਾਲ ਲਗਦੇ ਸ਼ਹਿਰ ਵਿਚ ਵੀ ਹੋਈਆਂ ਕੁਲ ਮੌਤਾਂ ਦੀ ਗਿਣਤੀ ਤਿੰਨ ਲੱਖ ਦੇ ਕਰੀਬ ਸੀ।
• 1867 – ਅਲਫ਼ਰੈਡ ਨੋਬਲ ਨੇ ਡਾਇਨਾਮਾਈਟ ਪੇਟੈਂਟ ਕਰਵਾਇਆ।
• 1884 – ਜੇ.ਬੀ. ਮੇਅਨਬਰਗ ਨੇ 'ਇਵੈਪੋਰੇਟਡ ਮਿਲਕ' ਪੇਟੈਂਟ ਕਰਵਾਇਆ।
• 1888 – ਆਰੀਆ ਸਮਾਜ ਇਕ ਬ੍ਰਾਹਮਣ ਗੁਰੂ ਦੱਤ ਨੇ ਲਾਹੌਰ ਵਿਖੇ ਸਿੱਖ ਗੁਰੂਆਂ ਬਾਰੇ ਇਕ ਲੈਕਚਰ ਕਰਦਿਆਂ ਘਟੀਆ ਬੋਲੀ ਵਰਤੀ ਸੀ।
• 1915 – ਅਲਬਰਟ ਆਈਨਸਟਾਈਨ ਨੇ ਆਪਣੇ ਸਾਪੇਖਤਾ ਦਾ ਸਿਧਾਂਤ ਦੀ ਜਰਨਲ ਸਮੀਕਰਨ ਪੇਸ਼ ਕੀਤੀ।
• 1936 – ਰੋਮ-ਬਰਲਿਨ-ਟੋਕੀਓ ਧੁਰੀ ਸੰਧੀ ਹੋਈ।
• 1944 – ਜੰਡਿਆਲਾ (ਜਲੰਧਰ) ਵਿਚ ਅਕਾਲੀ ਕਾਨਫ਼ਰੰਸ ਹੋਈ ਜਿਸ ਵਿਚ 2 ਲੱਖ ਲੋਕਾਂ ਨੇ ਸਿਆਸੀ ਕੈਦੀਆਂ ਦੀ ਰਿਹਾਈ ਤੇ 'ਫ਼ਿਰਕੂ ਗ਼ਲਬੇ ਹੇਠਾਂ ਨਹੀਂ ਰਹਿਣਗੇ' ਦਾ ਮਤਾ ਪਾਸ ਕੀਤਾ ਪਰ ਆਜ਼ਾਦ ਸਿੱਖ ਮੁਲਕ ਦੀ ਗੱਲ ਫਿਰ ਵੀ ਨਾ ਕੀਤੀ।
• 1967 – ਲਛਮਣ ਸਿੰਘ ਗਿੱਲ ਪੰਜਾਬ ਦੇ ਮੁੱਖ ਮੰਤਰੀ ਬਣੇ।
• 1973 – ਯੂਨਾਨ ਵਿਚ ਫ਼ੌਜ ਨੇ ਰਾਸ਼ਟਰਪਤੀ ਜਾਰਜ ਪਾਪਾਡੇਪੋਊਲੋਸ ਨੂੰ ਹਟਾ ਕੇ ਦੇਸ਼ ਦੀ ਤਾਕਤ ਅਪਣੇ ਹੱਥਾਂ ਵਿਚ ਲੈ ਲਈ।
• 1992 – ਚੈਕੋਸਲਵਾਕੀਆ ਦੀ ਪਾਰਲੀਮੈਂਟ ਨੇ ਵੋਟਾਂ ਪਾ ਕੇ ਦੇਸ਼ ਨੂੰ ਦੋਬਾਰਾ 'ਚੈੱਕ ਗਣਰਾਜ' ਅਤੇ 'ਸਲੋਵਾਕੀਆ' ਵਿਚ ਵੰਡਣ ਦਾ ਮਤਾ ਪਾਸ ਕੀਤਾ।
• 1998 – ਕੌਮਾਂਤਰੀ ਮਾਲੀ ਫੰਡ ਨੇ ਪਾਕਿਸਤਾਨ ਨੂੰ ਸਾਢੇ ਪੰਜ ਅਰਬ ਡਾਲਰ ਦੇਣ ਨੂੰ ਮਨਜ਼ੂਰੀ ਦਿਤੀ।
• 2011 – ਵਿਰਾਸਤ-ਏ-ਖਾਲਸਾ ਦਾ ਉਦਘਾਟਨ।

ਜਨਮ

• 1867 – ਬਰਤਾਨੀਆ ਲੇਖਕ ਹੋਰੇਸ ਆੱਰਥਰ ਰੋਜ਼ ਦਾ ਜਨਮ।
• 1929 – ਪੰਜਾਬੀ ਦੀ ਕੋਇਲ ਸੁਰਿੰਦਰ ਕੌਰ ਦਾ ਜਨਮ।
• 1952 – ਪਾਕਿਸਤਾਨੀ ਸਿਆਸਤਦਾਨ, ਸਾਬਕਾ ਕ੍ਰਿਕਟ ਖਿਡਾਰੀ ਇਮਰਾਨ ਖ਼ਾਨ ਦਾ ਜਨਮ।
• 1983 – ਭਾਰਤੀ ਹਰਫਨਮੌਲਾ ਕ੍ਰਿਕਟ ਖਿਡਾਰਨ ਝੂਲਨ ਗੋਸਵਾਮੀ ਦਾ ਜਨਮ।
• 1988 – ਭਾਰਤੀ ਮਾਡਲ ਅਤੇ ਅਦਾਕਾਰਾ ਰੌਸ਼ੇਲ ਰਾਓ ਦਾ ਜਨਮ।

ਦਿਹਾਂਤ

• 1968 – ਅਮਰੀਕੀ ਲੇਖਕ ਅਪਟਨ ਸਿੰਕਲੇਅਰ ਦਾ ਦਿਹਾਂਤ।
• 1998 – ਭਾਰਤ ਦੇ ਰਾਜਨੀਤਕ ਲੋਕਤੰਤਰ ਦੇ ਰਣਨੀਤੀਕਾਰ ਪੀ. ਐਨ. ਹਕਸਰ ਦਾ ਦਿਹਾਂਤ।
• 2013 – ਆਧੁਨਿਕ ਪੰਜਾਬੀ ਕਵੀ ਦੇਵਨੀਤ ਦਾ ਦਿਹਾਂਤ।