ਵਿਰਾਟ ਕੋਹਲੀ

ਵਿਕੀਪੀਡੀਆ, ਇੱਕ ਅਜ਼ਾਦ ਗਿਆਨਕੋਸ਼ ਤੋਂ
ਵਿਰਾਟ ਕੋਹਲੀ
Shri Virat Kohli for Cricket, in a glittering ceremony, at Rashtrapati Bhavan, in New Delhi on September 25, 2018 (cropped).JPG
ਵਿਰਾਟ ਕੋਹਲੀ ਪ੍ਰੋ ਕਬੱਡੀ ਲੀਗ ਦੇ ਉਦਘਾਟਨੀ ਸਮਾਰੋਹ ਸਮੇਂ ਜੂਨ 2016 ਵਿੱਚ
ਨਿੱਜੀ ਜਾਣਕਾਰੀ
ਜਨਮ (1988-11-05) 5 ਨਵੰਬਰ 1988 (ਉਮਰ 34)
ਦਿੱਲੀ, ਭਾਰਤ
ਛੋਟਾ ਨਾਮਚੀਕੂ[1]
ਕੱਦ5 ft 9 in (1.75 m)
ਬੱਲੇਬਾਜ਼ੀ ਅੰਦਾਜ਼ਸੱਜਾ ਹੱਥ
ਗੇਂਦਬਾਜ਼ੀ ਅੰਦਾਜ਼ਸੱਜਾ-ਹੱਥ ਮੱਧਮ
ਭੂਮਿਕਾਬੱਲੇਬਾਜ਼
ਵੈੱਬਸਾਈਟwww.viratkohli.club
ਅੰਤਰਰਾਸ਼ਟਰੀ ਜਾਣਕਾਰੀ
ਰਾਸ਼ਟਰੀ ਟੀਮ
ਪਹਿਲਾ ਟੈਸਟ (ਟੋਪੀ 269)20 ਜੂਨ 2011 ਬਨਾਮ ਵੈਸਟਇੰਡੀਜ਼
ਆਖ਼ਰੀ ਟੈਸਟ3 ਜਨਵਰੀ 2019 ਬਨਾਮ ਆਸਟਰੇਲੀਆ
ਪਹਿਲਾ ਓਡੀਆਈ ਮੈਚ (ਟੋਪੀ 175)18 ਅਗਸਤ 2008 ਬਨਾਮ ਸ਼੍ਰੀਲੰਕਾ
ਆਖ਼ਰੀ ਓਡੀਆਈ27 ਜੂਨ 2019 ਬਨਾਮ ਵੈਸਟਇੰਡੀਜ਼
ਓਡੀਆਈ ਕਮੀਜ਼ ਨੰ.18
ਪਹਿਲਾ ਟੀ20ਆਈ ਮੈਚ (ਟੋਪੀ 31)12 ਜੂਨ 2010 ਬਨਾਮ ਜ਼ਿੰਬਾਬਵੇ
ਆਖ਼ਰੀ ਟੀ20ਆਈ27 ਫ਼ਰਵਰੀ 2019 ਬਨਾਮ ਆਸਟਰੇਲੀਆ
ਟੀ20 ਕਮੀਜ਼ ਨੰ.18
ਘਰੇਲੂ ਕ੍ਰਿਕਟ ਟੀਮ ਜਾਣਕਾਰੀ
ਸਾਲਟੀਮ
2006–ਚਲਦਾਦਿੱਲੀ
2008–ਚਲਦਾਰੌਇਲ ਚੈਲੇਂਜਰਜ਼ ਬੰਗਲੌਰ (ਟੀਮ ਨੰ. 18, ਪਹਿਲਾਂ 5)
ਖੇਡ-ਜੀਵਨ ਅੰਕੜੇ
ਪ੍ਰਤਿਯੋਗਤਾ ਟੈਸਟ ਓਡੀਆਈ ਟਵੰਟੀ20 ਪ:ਦ: ਕ੍ਰਿਕਟ
ਮੈਚ 77 232 67 109
ਦੌੜਾਂ 6613 11159 2263 8862
ਬੱਲੇਬਾਜ਼ੀ ਔਸਤ 53.76 59.67 50.28 54.03
100/50 25/20 41/53 0/20 32/28
ਸ੍ਰੇਸ਼ਠ ਸਕੋਰ 243 183 90* 243
ਗੇਂਦਾਂ ਪਾਈਆਂ 163 641 146 631
ਵਿਕਟਾਂ 0 4 4 3
ਗੇਂਦਬਾਜ਼ੀ ਔਸਤ 166.25 49.50 110.00
ਇੱਕ ਪਾਰੀ ਵਿੱਚ 5 ਵਿਕਟਾਂ 0 0 0 0
ਇੱਕ ਮੈਚ ਵਿੱਚ 10 ਵਿਕਟਾਂ 0 n/a ਨਹੀਂ 0
ਸ੍ਰੇਸ਼ਠ ਗੇਂਦਬਾਜ਼ੀ 1/15 1/13 1/19
ਕੈਚਾਂ/ਸਟੰਪ 72/– 114/– 34/– 103/–

ਵਿਰਾਟ ਕੋਹਲੀ (ਜਨਮ 5 ਨਵੰਬਰ 1988 ਹਿੰਦੀ: विराट कोहली ) ਭਾਰਤੀ ਕ੍ਰਿਕਟ ਖਿਡਾਰੀ ਹੈ, ਜੋ ਸੰਨ 2008 ਦੀ 19 ਸਾਲ ਤੋਂ ਘੱਟ ਉਮਰ ਵਾਲੇ ਵਿਸ਼ਵ ਕ੍ਰਿਕਟ ਕੱਪ ਜੇਤੂ ਟੀਮ ਦਾ ਕਪਤਾਨ ਵੀ ਰਹਿ ਚੁੱਕਿਆ ਹੈ। ਵਰਤਮਾਨ ਸਮੇਂ ਵਿਰਾਟ ਕੋਹਲੀ ਟੈਸਟ ਮੈਚਾਂ ਵਿੱਚ ਅਤੇ ਇੱਕ ਦਿਨਾ ਅੰਤਰਰਾਸ਼ਟਰੀ ਮੁਕਾਬਲਿਆਂ ਵਿੱਚ ਵੀ ਭਾਰਤੀ ਕ੍ਰਿਕਟ ਟੀਮ ਦਾ ਕਪਤਾਨ ਹੈ। ਪਹਿਲੇ ਦਰਜੇ ਦੀ ਕ੍ਰਿਕਟ ਵਿੱਚ ਵਿਰਾਟ ਦਿੱਲੀ ਦੀ ਤਰਜਮਾਨੀ ਕਰਦਾ ਹੈ।[2]

ਦਿੱਲੀ ਵਿੱਚ ਪੈਦਾ ਹੋਏ ਅਤੇ ਵੱਡੇ ਹੋਏ, ਕੋਹਲੀ ਨੇ ਪੱਛਮੀ ਦਿੱਲੀ ਕ੍ਰਿਕਟ ਅਕੈਡਮੀ ਵਿੱਚ ਸਿਖਲਾਈ ਪ੍ਰਾਪਤ ਕੀਤੀ; ਆਪਣੇ ਨੌਜਵਾਨ ਕਰੀਅਰ ਦੀ ਸ਼ੁਰੂਆਤ ਦਿੱਲੀ ਅੰਡਰ-15 ਟੀਮ ਨਾਲ ਕੀਤੀ। ਕੋਹਲੀ ਨੇ 2008 ਵਿੱਚ ਆਪਣੀ ਅੰਤਰਰਾਸ਼ਟਰੀ ਸ਼ੁਰੂਆਤ ਕੀਤੀ ਅਤੇ ਜਲਦੀ ਹੀ ਇੱਕ ਦਿਨਾ ਟੀਮ ਵਿੱਚ ਇੱਕ ਪ੍ਰਮੁੱਖ ਖਿਡਾਰੀ ਬਣ ਗਿਆ। ਉਸਨੇ 2011 ਵਿੱਚ ਆਪਣਾ ਟੈਸਟ ਡੈਬਿਊ ਕੀਤਾ।[3] 2013 ਵਿੱਚ, ਕੋਹਲੀ ਪਹਿਲੀ ਵਾਰ ਵਨਡੇ ਬੱਲੇਬਾਜ਼ਾਂ ਦੀ ਆਈਸੀਸੀ ਰੈਂਕਿੰਗ ਵਿੱਚ ਪਹਿਲੇ ਨੰਬਰ 'ਤੇ ਪਹੁੰਚਿਆ ਸੀ।[4] 2014 ਟੀ-20 ਵਿਸ਼ਵ ਕੱਪ ਦੌਰਾਨ, ਉਸਨੇ ਟੂਰਨਾਮੈਂਟ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਦਾ ਰਿਕਾਰਡ ਬਣਾਇਆ। 2018 ਵਿੱਚ, ਕੋਹਲੀ ਨੰਬਰ 1 ਰੈਂਕਿੰਗ ਵਾਲਾ ਟੈਸਟ ਬੱਲੇਬਾਜ਼ ਬਣ ਗਿਆ, ਜਿਸ ਨਾਲ ਉਹ ਸਾਰੇ ਤਿੰਨਾਂ ਫਾਰਮੈਟਾਂ ਵਿੱਚ ਆਈਸੀਸੀ ਰੈਂਕਿੰਗ ਵਿੱਚ ਚੋਟੀ ਦਾ ਸਥਾਨ ਹਾਸਲ ਕਰਨ ਵਾਲਾ ਇਕਲੌਤਾ ਭਾਰਤੀ ਬੱਲੇਬਾਜ਼ ਬਣ ਗਿਆ। ਕੋਹਲੀ ਨੇ 2021 ਵਿੱਚ T20I ਟੀਮ ਅਤੇ 2022 ਦੀ ਸ਼ੁਰੂਆਤ ਵਿੱਚ ਟੈਸਟ ਟੀਮ ਦੀ ਕਪਤਾਨੀ ਛੱਡ ਦਿੱਤੀ ਸੀ।

ਜੀਵਨ[ਸੋਧੋ]

ਸ਼ੁਰੂਆਤੀ ਜੀਵਨ[ਸੋਧੋ]

ਵਿਰਾਟ ਕੋਹਲੀ ਦਾ ਜਨਮ ਦਿੱਲੀ(ਭਾਰਤ) ਵਿੱਚ 5 ਨਵੰਬਰ 1988 ਨੂੰ ਹੋਇਆ ਸੀ। ਵਿਰਾਟ ਦੀ ਮਾਤਾ ਦਾ ਨਾਮ ਸਰੋਜ ਕੋਹਲੀ ਅਤੇ ਪਿਤਾ ਦਾ ਨਾਮ ਪ੍ਰੇਮਜੀ ਹੈ। ਵਿਰਾਟ ਦਾ ਇੱਕ ਵੱਡਾ ਭਰਾ, ਵਿਕਾਸ ਅਤੇ ਇੱਕ ਭੈਣ, ਭਾਵਨਾ ਹੈ। ਵਿਰਾਟ ਨੇ ਵਿਸ਼ਾਲ ਭਾਰਤੀ ਸਕੂਲ ਤੋਂ ਆਪਣੀ ਸਿੱਖਿਆ ਗ੍ਰਹਿਣ ਕੀਤੀ ਹੈ। ਵਿਰਾਟ ਦਾ ਪਿਤਾ, ਪ੍ਰੇਮ, ਇੱਕ ਵਕੀਲ ਸੀ ਅਤੇ ਉਸਦੀ ਮੌਤ ਦਸੰਬਰ 2006 ਵਿੱਚ ਹੋ ਗਈ ਸੀ।

ਨਿੱਜੀ ਜ਼ਿੰਦਗੀ[ਸੋਧੋ]

ਅਨੁਸ਼ਕਾ ਸ਼ਰਮਾ ਅਤੇ ਵਿਰਾਟ ਕੋਹਲੀ ਵੋਗ ਅਵਾਰਡਸ ਦੌਰਾਨ

2013 ਤੋਂ ਕੋਹਲੀ ਬਾਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਨਾਲ ਸੰਬੰਧਾਂ ਵਿੱਚ ਸੀ।[5][6] ਇਹ ਸੰਬੰਧ ਮੀਡੀਆ ਲਈ ਵੀ ਆਕਰਸ਼ਨ ਦਾ ਕੇਂਦਰ ਬਣੇ ਰਹੇ।[7] ਫਿਰ 11 ਦਸੰਬਰ 2017 ਨੂੰ ਓਨ੍ਹਾਂ ਨੇ ਇਟਲੀ ਦੇ ਮਿਲਾਨ ਸ਼ਹਿਰ ਵਿੱਚ ਵਿਆਹ ਕਰਵਾ ਲਿਆ।[8][9]

ਕ੍ਰਿਕਟ ਜੀਵਨ[ਸੋਧੋ]

ਵਿਰਾਟ ਕੋਹਲੀ ਸਿਖਰਕ੍ਰਮ ਦਾ ਬੱਲੇਬਾਜ਼ ਹੈ ਅਤੇ ਉਹ ਖਾਸ ਤੌਰ ਤੇ ਤੀਸਰੇ ਸਥਾਨ 'ਤੇ ਬੱਲੇਬਾਜ਼ੀ ਲਈ ਉਤਰਦਾ ਹੈ। ਵਿਰਾਟ ਇੱਕ ਮੱਧਮ ਗਤੀ ਦਾ ਚੰਗਾ ਗੇਂਦਬਾਜ਼ ਵੀ ਹੈ। ਵਿਰਾਟ ਦਿੱਲੀ ਦੀ ਟੀਮ ਲਈ ਕ੍ਰਿਕਟ ਖੇਡਦਾ ਰਿਹਾ ਹੈ ਅਤੇ ਇੰਡੀਅਨ ਪ੍ਰੀਮੀਅਰ ਲੀਗ ਵਿੱਚ ਉਹ ਰੌਇਲ ਚੈਲੇਂਜਰਜ਼ ਬੰਗਲੌਰ ਦੀ ਟੀਮ ਵੱਲੋਂ ਖੇਡਦਾ ਹੈ। ਵਿਰਾਟ ਕੋਹਲੀ ਨੇ ਕਈ ਵਿਸ਼ਵ ਰਿਕਾਰਡ ਵੀ ਆਪਣੇ ਨਾਮ ਕੀਤੇ ਹਨ। ਕੋਹਲੀ ਨੇ 2008 ਵਿੱਚ ਆਪਣੇ ਇੱਕ-ਦਿਨਾ ਕ੍ਰਿਕਟ ਕੈਰੀਅਰ ਦੀ ਸ਼ੁਰੂਆਤ ਕੀਤੀ ਅਤੇ ਵਿਰਾਟ 2011 ਕ੍ਰਿਕਟ ਵਿਸ਼ਵ ਕੱਪ ਜਿੱਤਣ ਵਾਲੀ ਭਾਰਤੀ ਟੀਮ ਦਾ ਵੀ ਹਿੱਸਾ ਸੀ। ਕੋਹਲੀ ਨੇ ਆਪਣਾ ਪਹਿਲਾ ਟੈਸਟ ਕ੍ਰਿਕਟ ਮੈਚ ਕਿੰਗਸਟਨ ਵਿਖੇ ਵੈਸਟ ਇੰਡੀਜ਼ ਖਿਲ਼ਾਫ 2011 ਵਿੱਚ ਖੇਡਿਆ। ਨਵੰਬਰ 2013 ਵਿੱਚ ਵਿਰਾਟ ਪਹਿਲੀ ਵਾਰ ਇੱਕ ਦਿਨਾ ਮੈਚਾਂ ਦੀ ਰੈਕਿੰਗ ਵਿੱਚ ਪਹਿਲੇ ਸਥਾਨ 'ਤੇ ਪੁੱਜਾ ਸੀ ਅਤੇ ਉਸ ਤੋਂ ਬਾਅਦ ਵੀ ਉਹ ਕਈ ਵਾਰ ਇਹ ਸਥਾਨ ਤੇ ਸਥਿਰ ਰਿਹਾ ਹੈ। ਮਾਰਚ-ਅਪ੍ਰੈਲ, 2016 ਵਿੱਚ ਭਾਰਤ ਵਿੱਚ ਹੋਏ ਟਵੰਟੀ-ਟਵੰਟੀ ਕ੍ਰਿਕਟ ਵਿਸ਼ਵ ਕੱਪ ਵਿੱਚ ਵਿਰਾਟ ਕੋਹਲੀ ਨੂੰ ਟੂਰਨਾਮੈਂਟ ਦਾ ਸਰਵੋਤਮ ਐਵਾਰਡ 'ਪਲੇਅਰ ਆਫ ਦ ਟੂਰਨਾਮੈਂਟ' ਮਿਲਿਆ ਸੀ।

2011 ਕ੍ਰਿਕਟ ਵਿਸ਼ਵ ਕੱਪ[ਸੋਧੋ]

2011 ਵਿੱਚ ਭਾਰਤ ਵਿੱਚ ਹੋਏ, ਕ੍ਰਿਕਟ ਵਿਸ਼ਵ ਕੱਪ ਵਿੱਚ ਵੀ ਵਿਰਾਟ ਕੋਹਲੀ ਦੀ ਅਹਿਮ ਭੂਮਿਕਾ ਸੀ। ਇਹ ਵਿਸ਼ਵ ਕੱਪ ਵਿਰਾਟ ਕੋਹਲੀ ਦੇ ਕੈਰੀਅਰ ਦਾ ਪਹਿਲਾ ਵੱਡਾ ਟੂਰਨਾਮੈਂਟ ਸੀ। ਵਿਰਾਟ ਕੋਹਲੀ ਇਸ ਟੂਰਨਾਮੈਂਟ ਦੇ ਸ਼ੁਰੂਆਤੀ ਮੈਚ ਭਾਵ ਕਿ ਭਾਰਤੀ ਟੀਮ ਦੇ ਪਹਿਲੇ ਮੈਚ ਵਿੱਚ ਹੀ ਸੈਂਕੜਾ ਬਣਾਉਣ ਵਾਲਾ ਪਹਿਲਾ ਬੱਲੇਬਾਜ਼ ਬਣਿਆ। ਵਿਰਾਟ ਨੇ ਵੈਸਟਇੰਡੀਜ਼ ਵਿਰੁੱਧ 59 ਦੌੜਾਂ ਬਣਾਈਆਂ ਅਤੇ ਯੁਵਰਾਜ ਦੇ ਨਾਲ 122 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਵਿਰਾਟ ਨੇ ਗੌਤਮ ਗੰਭੀਰ ਨਾਲ ਮਿਲ ਕੇ, ਭਾਰਤ ਅਤੇ ਸ੍ਰੀਲੰਕਾ ਵਿੱਚ ਹੋਏ ਫਾਈਨਲ ਮੈਚ ਵਿੱਚ ਤੀਸਰੇ ਵਿਕਟ ਲਈ 83 ਦੌੜਾਂ ਦੀ ਸਾਝੇਦਾਰੀ ਕੀਤੀ, ਜੋ ਕਿ ਇਹ ਵਿਸ਼ਵ ਕੱਪ ਜਿੱਤਣ ਵਿੱਚ ਸਹਾਈ ਸਿੱਧ ਹੋਈ। ਵਿਰਾਟ ਕੋਹਲੀ ਨੇ ਇਸ ਟੂਰਨਾਮੈਂਟ ਦੀਆਂ 9 ਪਾਰੀਆਂ ਵਿੱਚ 35.25 ਦੀ ਔਸਤ ਨਾਲ 282 ਦੌੜਾਂ ਬਣਾਈਆਂ ਸਨ।

2012 ਏਸ਼ੀਆ ਕੱਪ[ਸੋਧੋ]

ਵਿਰਾਟ ਨੂੰ ਮਾਰਚ 2012 ਵਿੱਚ ਏਸ਼ੀਆ ਕੱਪ ਲਈ ਇੱਕ ਦਿਨਾ ਮੈਚਾਂ ਲਈ ਭਾਰਤੀ ਕ੍ਰਿਕਟ ਟੀਮ ਦਾ ਉਪ-ਕਪਤਾਨ ਬਣਾਇਆ ਗਿਆ। ਵਿਰਾਟ ਨੇ ਏਸ਼ੀਆ ਕੱਪ ਦੇ ਪੰਜਵੇਂ ਮੈਚ ਵਿੱਚ ਜੋ ਕਿ ਪਾਕਿਸਤਾਨ ਵਿਰੁੱਧ ਸੀ, ਵਿੱਚ 148 ਗੇਂਦਾ ਵਿੱਚ 183 ਦੌੜਾਂ ਬਣਾਈਆਂ, ਇਹ ਵਿਰਾਟ ਦੇ ਇੱਕ-ਦਿਨਾ ਮੈਚਾਂ ਵਿੱਚ ਸਭ ਤੋਂ ਉੱਚਤਮ ਸਕੋਰ ਸੀ। ਵਿਰਾਟ ਇਸ ਮੈਚ ਵਿੱਚ ਉਦੋਂ ਬੱਲੇਬਾਜ਼ੀ ਲਈ ਉੱਤਰਿਆ ਜਦੋਂ ਭਾਰਤ ਦਾ ਸਕੋਰ 0/1 ਸੀ, ਅਤੇ ਭਾਰਤ 330 ਦੌੜਾਂ ਦੇ ਇੱਕ ਵਿਸ਼ਾਲ ਟੀਚੇ ਦੇ ਪਿੱਛਾ ਕਰ ਰਿਹਾ ਸੀ। ਵਿਰਾਟ ਕੋਹਲੀ ਨੇ ਆਪਣੀ ਇਸ ਪਾਰੀ ਦੌਰਾਨ 22 ਚੌਕੇ ਅਤੇ ਇੱਕ ਛੱਕਾ ਲਗਾਇਆ ਅਤੇ ਭਾਰਤੀ ਟੀਮ ਨੂੰ ਜਿੱਤਾਇਆ। ਏਸ਼ੀਆ ਕੱਪ ਵਿੱਚ 183 ਉਸਦਾ ਸਭ ਤੋਂ ਵੱਧ ਵਿਅਕਤੀਗਤ ਸਕੋਰ ਹੈ। ਕੋਹਲੀ ਨੇ ਪਾਕਿਸਤਾਨ ਵਿਰੁੱਧ ਬ੍ਰਾਇਨ ਲਾਰਾ ਦੇ 156 ਦੌੜਾਂ ਦੇ ਰਿਕਾਰਡ ਨੂੰ ਵੀ ਤੋੜਿਆ।[10]

ਇੰਡੀਅਨ ਪ੍ਰੀਮੀਅਰ ਲੀਗ ਕੈਰੀਅਰ[ਸੋਧੋ]

ਇੰਡੀਅਨ ਪ੍ਰੀਮੀਅਰ ਲੀਗ ਵਿੱਚ ਵਿਰਾਟ 2008 ਤੋਂ ਰੌਇਲ ਚੈਲੇਂਜਰਜ਼ ਬੰਗਲੌਰ ਦੀ ਟੀਮ ਵੱਲੋਂ ਖੇਡ ਰਿਹਾ ਹੈ ਅਤੇ ਉਹ ਡੇਨੀਅਲ ਵਿਟੋਰੀ ਦੇ ਸੰਨਿਆਸ ਤੋਂ ਬਾਅਦ 2013 ਤੋਂ ਬੰਗਲੋਰ ਦੀ ਟੀਮ ਦਾ ਕਪਤਾਨ ਵੀ ਹੈ। 2013 ਵਿੱਚ ਬੰਗਲੌਰ ਦੀ ਟੀਮ ਅੰਕ ਲੜੀ ਵਿੱਚ ਪੰਜਵੇਂ ਸਥਾਨ 'ਤੇ ਰਹੀ ਸੀ ਅਤੇ ਵਿਰਾਟ ਨੇ ਚੰਗਾ ਪ੍ਰਦਰਸ਼ਨ ਕੀਤਾ ਸੀ। ਵਿਰਾਟ ਕੋਹਲੀ ਨੇ 2013 ਵਿੱਚ 45.28 ਦੀ ਔਸਤ ਨਾਲ 634 ਦੌੜਾਂ ਬਣਾਈਆਂ ਸਨ ਅਤੇ ਵਿਰਾਟ ਕੋਹਲੀ ਦਾ ਸਟਰਾਈਕ ਰੇਟ 138 ਤੋਂ ਉੱਪਰ ਸੀ। ਵਿਰਾਟ ਨੇ ਇਸ ਸਾਲ ਛੇ ਵਾਰ 50 ਤੋਂ ਉੱਪਰ ਦੌੜਾਂ ਬਣਾਈਆਂ ਸਨ ਅਤੇ ਉਸਦਾ ਸਰਵੋਤਮ ਸਕੋਰ 99 ਸੀ। ਇਸ ਤੋਂ ਅਗਲੇ ਸਾਲ ਭਾਵ 2014 ਵਿੱਚ ਵਿਰਾਟ ਨੇ 27.61 ਦੀ ਔਸਤ ਨਾਲ 359 ਦੌੜਾਂ ਬਣਾਈਆਂ ਸਨ। ਇੰਡੀਅਨ ਪ੍ਰੀਮੀਅਰ ਲੀਗ ਦੇ ਸਾਲ 2015 ਵਿੱਚ ਵਿਰਾਟ ਨੇ 45.90 ਦੀ ਔਸਤ ਨਾਲ 505 ਦੌੜਾਂ ਬਣਾਈਆਂ ਸਨ ਅਤੇ ਉਹ ਸਭ ਤੋਂ ਜਿਆਦਾ ਦੌੜਾਂ ਬਣਾਉਣ ਵਾਲਿਆਂ ਦੀ ਸੂਚੀ ਵਿੱਚ ਪੰਜਵੇਂ ਸਥਾਨ 'ਤੇ ਸੀ।

ਰਿਕਾਰਡ ਅਤੇ ਪ੍ਰਾਪਤੀਆਂ[ਸੋਧੋ]

ਤੇਜ਼ ਸੈਂਕੜਾ:-

  • ਇੱਕ-ਦਿਨਾ ਮੈਚਾਂ ਅੰਦਰ ਕਿਸੇ ਭਾਰਤੀ ਖਿਡਾਰੀ ਦੁਆਰਾ ਸਭ ਤੋਂ ਤੇਜ਼ (52 ਗੇਂਦਾ ਵਿੱਚ) ਸੈਂਕੜਾ।

ਮੀਲ ਪੱਥਰ:-

  • ਇੱਕ-ਦਿਨਾ ਮੈਚਾਂ ਅੰਦਰ ਸਭ ਤੋਂ ਤੇਜ਼ 1000 ਦੌੜਾਂ ਪੂਰੀਆਂ ਕਰਨ ਵਾਲਾ ਖਿਡਾਰੀ।
  • ਇੱਕ-ਦਿਨਾ ਮੈਚਾਂ ਅੰਦਰ ਸਭ ਤੋਂ ਤੇਜ਼ 4000 ਦੌੜਾਂ ਪੂਰੀਆਂ ਕਰਨ ਵਾਲਾ ਪਹਿਲਾ ਭਾਰਤੀ ਖਿਡਾਰੀ ਅਤੇ ਦੁਨੀਆ ਦਾ ਤੀਸਰਾ ਬੱਲੇਬਾਜ਼।
  • ਇੱਕ-ਦਿਨਾ ਮੈਚਾਂ ਅੰਦਰ ਸਭ ਤੋਂ ਤੇਜ਼ 5000 ਦੌੜਾਂ ਪੂਰੀਆਂ ਕਰਨ ਵਾਲਾ ਪਹਿਲਾ ਭਾਰਤੀ ਖਿਡਾਰੀ ਅਤੇ ਦੁਨੀਆ ਦਾ ਦੂਸਰਾ ਬੱਲੇਬਾਜ਼।
  • ਇੱਕ-ਦਿਨਾ ਮੈਚਾਂ ਅੰਦਰ ਸਭ ਤੋਂ ਤੇਜ਼ 6000 ਦੌੜਾਂ ਪੂਰੀਆਂ ਕਰਨ ਵਾਲਾ ਪਹਿਲਾ ਭਾਰਤੀ ਖਿਡਾਰੀ ਅਤੇ ਦੁਨੀਆ ਦਾ ਦੂਸਰਾ ਬੱਲੇਬਾਜ਼।
  • ਇੱਕ-ਦਿਨਾ ਮੈਚਾਂ ਅੰਦਰ ਸਭ ਤੋਂ ਤੇਜ਼ 7000 ਦੌੜਾਂ ਪੂਰੀਆਂ ਕਰਨ ਵਾਲਾ ਦੁਨੀਆ ਦਾ ਪਹਿਲਾ ਬੱਲੇਬਾਜ਼।
  • ਟਵੰਟੀ-ਟਵੰਟੀ ਮੈਚਾਂ ਵਿੱਚ 1000 ਦੌੜਾਂ ਪੂਰੀਆਂ ਕਰਨ ਵਾਲਾ ਦੁਨੀਆ ਦਾ ਪਹਿਲਾ ਬੱਲੇਬਾਜ਼।[11]

ਤੇਜ਼ ਸੈਂਕੜੇ ਲਗਾਉਣਾ:-

  • ਸਭ ਤੋਂ ਤੇਜ਼ 10 ਸੈਂਕੜੇ ਲਗਾਉਣ ਵਾਲਾ ਪਹਿਲਾ ਭਾਰਤੀ ਖਿਡਾਰੀ ਅਤੇ ਦੁਨੀਆ ਦਾ ਦੂਸਰਾ ਬੱਲੇਬਾਜ਼।
  • ਸਭ ਤੋਂ ਤੇਜ਼ 15 ਸੈਂਕੜੇ ਲਗਾਉਣ ਵਾਲਾ ਪਹਿਲਾ ਭਾਰਤੀ ਖਿਡਾਰੀ ਅਤੇ ਦੁਨੀਆ ਦਾ ਦੂਸਰਾ ਬੱਲੇਬਾਜ਼।
  • ਸਭ ਤੋਂ ਤੇਜ਼ 20 ਸੈਂਕੜੇ ਲਗਾਉਣ ਵਾਲਾ ਪਹਿਲਾ ਭਾਰਤੀ ਖਿਡਾਰੀ ਅਤੇ ਦੁਨੀਆ ਦਾ ਦੂਸਰਾ ਬੱਲੇਬਾਜ਼।
  • ਸਭ ਤੋਂ ਤੇਜ਼ 25 ਸੈਂਕੜੇ ਲਗਾਉਣ ਵਾਲਾ ਦੁਨੀਆ ਦਾ ਪਹਿਲਾ ਬੱਲੇਬਾਜ਼।

ਇੱਕ ਸਾਲ ਅੰਦਰ ਸਭ ਤੋਂ ਵੱਧ ਦੌੜਾਂ: -

  • ਇੱਕ-ਦਿਨਾ ਮੈਚਾਂ ਅੰਦਰ ਕਿਸੇ ਭਾਰਤੀ ਖਿਡਾਰੀ ਦੁਆਰਾ 2010 ਵਿੱਚ ਸਭ ਤੋਂ ਜਿਆਦਾ ਦੌੜਾਂ।
  • 2011 ਵਿੱਚ ਕਿਸੇ ਵੀ ਕ੍ਰਿਕਟ ਖਿਡਾਰੀ ਦੁਆਰਾ ਸਭ ਤੋਂ ਜਿਆਦਾ ਦੌੜਾਂ।
  • ਇੱਕ-ਦਿਨਾ ਮੈਚਾਂ ਅੰਦਰ ਕਿਸੇ ਭਾਰਤੀ ਖਿਡਾਰੀ ਦੁਆਰਾ 2012 ਵਿੱਚ ਸਭ ਤੋਂ ਜਿਆਦਾ ਦੌੜਾਂ।
  • ਇੱਕ-ਦਿਨਾ ਮੈਚਾਂ ਅੰਦਰ ਕਿਸੇ ਭਾਰਤੀ ਖਿਡਾਰੀ ਦੁਆਰਾ 2013 ਵਿੱਚ ਸਭ ਤੋਂ ਜਿਆਦਾ ਦੌੜਾਂ।
  • ਇੱਕ-ਦਿਨਾ ਮੈਚਾਂ ਅੰਦਰ ਕਿਸੇ ਭਾਰਤੀ ਖਿਡਾਰੀ ਦੁਆਰਾ 2014 ਵਿੱਚ ਸਭ ਤੋਂ ਜਿਆਦਾ ਦੌੜਾਂ।
  • ਟੈਸਟ ਮੈਚਾਂ ਅੰਦਰ ਕਿਸੇ ਭਾਰਤੀ ਖਿਡਾਰੀ ਦੁਆਰਾ 2012 ਵਿੱਚ ਸਭ ਤੋਂ ਜਿਆਦਾ ਦੌੜਾਂ।

ਕਪਤਾਨੀ ਦੌਰਾਨ:-

  • ਬਤੌਰ ਟੈਸਟ ਕਪਤਾਨ, ਆਪਣੇ ਪਹਿਲੇ ਤਿੰਨ ਟੈਸਟ ਮੈਚਾਂ ਦੀਆਂ ਪਹਿਲੀਆਂ ਤਿੰਨ ਪਾਰੀਆਂ ਵਿੱਚ ਸੈਂਕੜੇ ਲਗਾਉਣ ਵਾਲਾ ਦੁਨੀਆ ਦਾ ਪਹਿਲਾ ਬੱਲੇਬਾਜ਼।

ਬਾਹਰੀ ਕੜੀਆਂ[ਸੋਧੋ]

ਹਵਾਲੇ[ਸੋਧੋ]

  1. "Kohli will take Indian cricket places". Rediff. Retrieved 24 December 2015. 
  2. Virat Kohli profile, http://content-usa.cricinfo.com/india/content/player/253802.html, retrieved on 16 ਅਪਰੈਲ 2008 
  3. Srivastava, Suyash (18 December 2013). "India vs South Africa 2013: Post-Tendulkar era begins, Virat Kohli shines". Zee News. Archived from the original on 18 May 2015. Retrieved 12 May 2015. 
  4. "Kohli and Ajmal top ODI rankings". ESPNcricinfo. 3 November 2013. Archived from the original on 24 September 2015. Retrieved 12 May 2015. 
  5. "Finally! Anushka Sharma confesses love for Virat Kohli in this new TVC". Archived from the original on 2017-10-23. Retrieved 2017-12-13. 
  6. "Virat Kohli's post supporting Anushka Sharma declared the 'Golden Tweet' of 2016". The Times of India. Retrieved 8 December 2016. 
  7. "Virat Kohli swears by girlfriend Anushka, abuses HT journalist". Hindustan Times. Archived from the original on 22 ਅਪ੍ਰੈਲ 2015. Retrieved 29 April 2015.  Check date values in: |archive-date= (help)
  8. "It's official: Anushka Sharma and Virat Kohli are married". The Express Tribune. 11 December 2017. Archived from the original on 12 ਦਸੰਬਰ 2017. Retrieved 11 December 2017.  Check date values in: |archive-date= (help)
  9. "Virat Kohli officially announces marriage to Anushka Sharma, Twitter goes berserk". Hindustan Times. 11 December 2017. Retrieved 11 December 2017. 
  10. http://www.espncricinfo.com/india/content/player/253802.html india / Players / Virat Kohli
  11. http://www.royalchallengers.com/
Cricketball.png ਕ੍ਰਿਕੇਟ ਬਾਰੇ ਇਹ ਲੇਖ ਇੱਕ ਅਧਾਰ ਹੈ। ਤੁਸੀ ਇਸਨੂੰ ਵਧਾ ਕੇ ਵਿਕੀਪੀਡੀਆ ਦੀ ਮਦਦ ਕਰ ਸਕਦੇ ਹੋ। Crystal txt.png