ਸ਼ੇਰਖਾਂ ਵਾਲਾ
ਸ਼ੇਰਖਾਂ ਵਾਲਾ | |
|---|---|
ਪਿੰਡ | |
 | |
  ਸ਼ੇਰਖਾਂ ਵਾਲਾ ਪੰਜਾਬ, ਭਾਰਤ ਵਿੱਚ ਸਥਿਤੀ  ਸ਼ੇਰਖਾਂ ਵਾਲਾ ਭਾਰਤ ਵਿੱਚ ਸਥਿਤੀ | |
| ਗੁਣਕ: 29°48′57″N 75°34′04″E / 29.815799°N 75.5679°E | |
| ਦੇਸ਼ |  ਭਾਰਤ |
| ਰਾਜ | ਪੰਜਾਬ |
| ਜ਼ਿਲ੍ਹਾ | ਮਾਨਸਾ |
| ਤਹਿਸੀਲ | ਬੁਢਲਾਡਾ |
| ਆਬਾਦੀ (2011) | |
• ਕੁੱਲ | 2,155 |
| ਭਾਸ਼ਾ | |
| • ਸਰਕਾਰੀ | ਪੰਜਾਬੀ |
| • ਸਥਾਨਕ | ਪੰਜਾਬੀ |
| ਸਮਾਂ ਖੇਤਰ | ਯੂਟੀਸੀ+5:30 (ਆਈਐਸਟੀ) |
| ਡਾਕ ਕੋਡ | 151503 |
ਸ਼ੇਰਖਾਂ ਵਾਲਾ ਪੰਜਾਬ, ਭਾਰਤ ਦੇ ਮਾਨਸਾ ਜ਼ਿਲ੍ਹੇ ਦੀ ਬੁਢਲਾਡਾ ਤਹਿਸੀਲ ਵਿੱਚ ਸਥਿਤ ਇੱਕ ਪਿੰਡ ਹੈ। ਇਹ ਪਿੰਡ ਕਸਬਾ ਬੋਹਾ ਤੋਂ ਬਰੇਟਾ ਰੋਡ ਉਪਰ ਸਥਿਤ ਹੈ। ਇਹ ਉਪ-ਜ਼ਿਲ੍ਹਾ ਹੈੱਡਕੁਆਰਟਰ ਬੁਢਲਾਡਾ (ਤਹਿਸੀਲਦਾਰ ਦਫ਼ਤਰ) ਤੋਂ 14 ਕਿਲੋਮੀਟਰ ਦੂਰ ਅਤੇ ਜ਼ਿਲ੍ਹਾ ਹੈੱਡਕੁਆਰਟਰ ਮਾਨਸਾ ਤੋਂ 35 ਕਿਲੋਮੀਟਰ ਦੂਰ ਸਥਿਤ ਹੈ।[1] 2011 ਦੀ ਮਰਦਮਸ਼ੁਮਾਰੀ ਦੇ ਅਨੁਸਾਰ, ਸ਼ੇਰਖਾਂ ਵਾਲਾ ਦਾ ਪਿੰਡ ਕੋਡ 036019 ਹੈ। ਇਹ ਪਿੰਡ ਕੁੱਲ 804 ਹੈਕਟੇਅਰ ਭੂਗੋਲਿਕ ਖੇਤਰ ਵਿੱਚ ਫੈਲਿਆ ਹੋਇਆ ਹੈ, ਇਲਾਕੇ ਦਾ ਪਿੰਨਕੋਡ 151503 ਹੈ। ਸਾਰੀਆਂ ਵੱਡੀਆਂ ਆਰਥਿਕ ਗਤੀਵਿਧੀਆਂ ਲਈ ਬੁਢਲਾਡਾ ਇਸ ਪਿੰਡ ਦਾ ਸਭ ਤੋਂ ਨੇੜੇ ਦਾ ਸ਼ਹਿਰ ਹੈ। 2011 ਦੀ ਮਰਦਮਸ਼ੁਮਾਰੀ ਅਨੁਸਾਰ ਸ਼ੇਰਖਾਂ ਵਾਲਾ ਪਿੰਡ ਦੀ ਕੁੱਲ ਆਬਾਦੀ ਲਗਭਗ 2,155 ਹੈ, ਜਿਸ ਵਿੱਚ ਲਗਭਗ 1,121 ਮਰਦ ਅਤੇ 1,034 ਔਰਤਾਂ ਸ਼ਾਮਲ ਹਨ, ਜਿਸਦਾ ਲਿੰਗ ਅਨੁਪਾਤ ਪ੍ਰਤੀ 1,000 ਮਰਦਾਂ 922 ਔਰਤਾਂ ਹੈ। ਇਸ ਪਿੰਡ ਵਿੱਚ ਲਗਭਗ 436 ਘਰ ਹਨ।
ਇਤਿਹਾਸ
[ਸੋਧੋ]ਇਹ ਪਿੰਡ ਸ਼ੇਰ ਖਾਂ ਨਾਮ ਦੇ ਮੁਸਲਿਮ ਵਿਅਕਤੀ ਵੱਲੋਂ ਵਸਾਇਆ ਗਿਆ ਹੈ। ਪਿੰਡ ਦੀ ਬਹੁਤੀ ਆਬਾਦੀ ਦੇਸ਼ ਵੰਡ ਹੋਣ ਕਾਰਨ ਪਾਕਿਸਤਾਨ ਤੋਂ ਆ ਕੇ ਇੱਥੇ ਆਬਾਦ ਹੋਈ ਹੈ। ਇੱਥੋਂ ਬਹੁਤ ਸਾਰੇ ਮੁਸਲਿਮ ਲੋਕ ਪਾਕਿਸਤਾਨ ਜਾ ਕੇ ਆਬਾਦ ਹੋਏ ਹਨ। ਇਸ ਪਿੰਡ ਵਿੱਚ ਵਸਣ ਵਾਲੇ ਚਹਿਲ ਪਰਿਵਾਰ ਦੇ ਲੋਕ ਪਾਕਿਸਤਾਨ ਦੇ ਪਿੰਡ ਢਾਬ ਸੁੱਚਾ ਸਿੰਘ ਤੋਂ ਆ ਕੇ ਏਥੇ ਵਸੇ ਹਨ। ਪਾਕਿਸਤਾਨ ਦੇ ਪਿੰਡਾਂ ਕਾਜ਼ੀਵਾਲਾ, ਚੱਕ ਥੰਮਣ ਸਿੰਘ ਵਿੱਚ ਵੀ ਇਸ ਪਰਿਵਾਰ ਦੀ ਰਿਹਾਇਸ਼ ਅਤੇ ਜ਼ਮੀਨ ਜਾਇਦਾਦ ਰਹੀ ਹੈ, ਪਾਕਿਸਤਾਨ ਦੇ ਕੁੱਝ ਹੋਰ ਪਿੰਡਾਂ ਵਿੱਚ ਵੀ ਇਸ ਪਰਿਵਾਰ ਦੀ ਮਲਕੀਅਤ ਰਹੀ ਹੋਣ ਬਾਰੇ ਪਿੰਡ ਵਾਲਿਆਂ ਵੱਲੋਂ ਦੱਸਿਆ ਜਾਂਦਾ ਹੈ। ਪਾਕਿਸਤਾਨ ਦੇ ਪਿੰਡ ਢਾਬ ਸੁੱਚਾ ਸਿੰਘ ਅਤੇ ਚੱਕ ਥੰਮਣ ਸਿੰਘ ਇਸੇ ਪਿੰਡ ਦੇ ਚਹਿਲ ਪਰਿਵਾਰ ਦੇ ਬਜ਼ੁਰਗਾਂ ਵੱਲੋਂ ਵਸਾਏ ਗਏ ਹਨ। ਇਸ ਪਿੰਡ ਦੇ ਵਾਸੀ ਖੋਸਾ ਅਤੇ ਸੰਧੂ ਪਰਿਵਾਰ ਵੀ ਪਾਕਿਸਤਾਨ ਦੇ ਵੱਖ ਵੱਖ ਖਿੱਤਿਆਂ ਵਿੱਚੋਂ ਆ ਕੇ ਏਥੇ ਵਸੇ ਹਨ। ਸੰਧੂ ਲਹੌਰੀਏ ਪਰਿਵਾਰ ਏਥੇ ਪਾਕਿਸਤਾਨ ਦੇ ਲਾਹੌਰ ਜਿਲ੍ਹੇ ਦੇ ਪਿੰਡ ਆਹਲੂ (ਸਰਦਾਰ ਜੱਸਾ ਸਿੰਘ ਆਹਲੂਵਾਲੀਆ ਦਾ ਜੱਦੀ ਪਿੰਡ) ਅਤੇ ਪਿੰਡ ਰਾਜਾ ਜੰਗ ਤੋਂ ਆ ਕੇ ਏਥੇ ਵਸੇ ਹਨ। ਪਿੰਡ ਦੇ ਨਾਲ ਕਸਬਾ ਬੋਹਾ ਦੀ ਹੱਦ ਵਿੱਚ ਇੱਕ ਪੁਰਾਤਨ ਥੇਹ ਹੈ, ਜਿਸ ਬਾਰੇ ਕੁਝ ਮਿੱਥਾਂ ਜਰੂਰ ਹਨ ਪਰ ਕੋਈ ਠੋਸ ਜਾਣਕਾਰੀ ਉਪਲਭਦ ਨਹੀਂ ਹੈ।
ਵਰਤਮਾਨ ਸਥਿਤੀ
[ਸੋਧੋ]ਪਿੰਡ ਦੇ ਲੋਕਾਂ ਦਾ ਮੁੱਖ ਕਿੱਤਾ ਖੇਤੀਬਾੜੀ ਹੈ। ਪਿੰਡ ਵਿੱਚ ਤਿੰਨ ਆਂਗਣਵਾੜੀ ਕੇਂਦਰ, ਸਰਕਾਰੀ ਪ੍ਰਾਇਮਰੀ ਸਕੂਲ ਅਤੇ ਸਰਕਾਰੀ ਮਿਡਲ ਸਕੂਲ ਸਥਾਪਤ ਹਨ। ਪਿੰਡ ਵਿੱਚ ਸੋਲਰ ਊਰਜਾ ਦੇ ਵੱਡੇ ਪਲਾਂਟ ਸਥਾਪਿਤ ਹਨ। ਪਿੰਡ ਵਿੱਚ ਕੁੱਝ ਕਿੰਨੂ, ਅਮਰੂਦ ਅਤੇ ਅਨਾਰ ਦੇ ਬਾਗ ਵੀ ਹਨ। ਪੀਣ ਦੇ ਪਾਣੀ ਦੇ ਪ੍ਰਬੰਧ ਵਜੋਂ ਪਿੰਡ ਵਿੱਚ ਵਾਟਰ ਵਰਕਸ ਬਣਿਆਂ ਹੋਇਆ ਹੈ। ਪਿੰਡ ਵਿੱਚ ਮਾਰਕੀਟ ਕਮੇਟੀ ਦਾ ਖ਼ਰੀਦ ਕੇਂਦਰ ਹੈ ਜਿੱਥੇ ਲੋਕ ਆਪਣੀ ਕਣਕ ਅਤੇ ਝੋਨੇ ਦੀ ਫਸਲ ਵੇਚਦੇ ਹਨ।
ਗੁਆਂਢੀ ਪਿੰਡ ਅਤੇ ਕਸਬੇ
[ਸੋਧੋ]ਇਸ ਪਿੰਡ ਦੇ ਨਾਲ ਬੋਹਾ ਕਸਬਾ ਅਤੇ ਆਲ਼ੇ-ਦੁਆਲ਼ੇ ਮਘਾਣੀਆਂ, ਸੈਦੇਵਾਲਾ, ਗਾਮੀਵਾਲਾ ਅਤੇ ਗੰਢੂ ਖੁਰਦ ਪਿੰਡ ਵਸੇ ਹੋਏ ਹਨ।
ਪਿੰਡ ਦੇ ਧਾਰਮਿਕ ਅਸਥਾਨ
[ਸੋਧੋ]- ਗੁਰਦੁਆਰਾ ਸਿੰਘ ਸਭਾ ਸਾਹਿਬ
- ਉਦਾਸੀਨ ਆਸ਼ਰਮ
- ਤਿੰਨ ਪੁਰਾਤਨ ਖ਼ਾਨਗਾਹਾਂ
- ਸਮਾਧ ਸੰਤ ਬਾਬਾ ਚੰਨਣ ਦਾਸ
- ਮਹਾਂਰਿਸ਼ੀ ਬਾਲਮੀਕ ਮੰਦਰ
- ਭਗਤ ਰਵਿਦਾਸ ਮੰਦਰ
ਗੈਲਰੀ
[ਸੋਧੋ]
ਸਰਕਾਰੀ ਐਲੀਮੈਂਟਰੀ ਸਕੂਲ, ਸ਼ੇਰਖਾਂ ਵਾਲਾ 
ਉਦਾਸੀਨ ਆਸ਼ਰਮ, ਸ਼ੇਰਖਾਂ ਵਾਲਾ 
ਗੁਰਦੁਆਰਾ ਸਿੰਘ ਸਭਾ ਸਾਹਿਬ, ਸ਼ੇਰਖਾਂ ਵਾਲਾ
ਗੁਰਦੁਆਰਾ ਸਿੰਘ ਸਭਾ ਸਾਹਿਬ, ਸ਼ੇਰਖਾਂ ਵਾਲਾ
ਉਦਾਸੀਨ ਆਸ਼ਰਮ, ਸ਼ੇਰਖਾਂ ਵਾਲਾ
ਸਮਾਧ ਸੰਤ ਬਾਬਾ ਚੰਨਣ ਦਾਸ
ਸਮਾਧ ਸੰਤ ਬਾਬਾ ਚੰਂਨਣ ਦਾਸ
ਹੋਰ ਦੇਖੋ
[ਸੋਧੋ]ਹਵਾਲੇ
[ਸੋਧੋ]- ↑ "Blockwise List of Villages". ਪੰਜਾਬ ਰਾਜ ਪਲਾਨਿੰਗ ਬੋਰਡ. Retrieved 11 ਅਪ੍ਰੈਲ 2013.
 | ਇਹ ਲੇਖ ਅਧਾਰ ਹੈ। ਤੁਸੀਂ ਇਸਨੂੰ ਵਧਾਕੇ ਵਿਕੀਪੀਡੀਆ ਦੀ ਮੱਦਦ ਕਰ ਸਕਦੇ ਹੋ। |