ਉਲਫ਼ਤ ਬਾਜਵਾ
ਉਲਫ਼ਤ ਬਾਜਵਾ | |
|---|---|
| ਜਨਮ | 11 ਫਰਵਰੀ 1938 ਪਿੰਡ ਕੁਕਾਰਾ ਬੇਲਾ ਸਿੰਘ ਵਾਲਾ, ਤਹਿਸੀਲ ਮਿਨਚਨਾਬਾਦ, ਜ਼ਿਲ੍ਹਾ ਬਹਾਵਲ ਨਗਰ (ਪਾਕਿਸਤਾਨ) |
| ਮੌਤ | ਮਈ 16, 2008 (ਉਮਰ 70) ਲੰਮਾਂ ਪਿੰਡ, ਜਲੰਧਰ |
| ਕਿੱਤਾ | ਪੰਜਾਬੀ ਲੇਖਕ |
| ਪ੍ਰਮੁੱਖ ਕੰਮ | ਸਾਰਾ ਜਹਾਨ ਮੇਰਾ (ਗ਼ਜ਼ਲ ਸੰਗ੍ਰਹਿ) 1991 |
| ਜੀਵਨ ਸਾਥੀ | ਗੁਰਮੇਲ ਕੌਰ |
| ਬੱਚੇ | ਅਮਰਦੀਪ ਬਾਜਵਾ (ਬੇਟਾ), ਪਰਮਿੰਦਰ ਕੌਰ ਬਾਜਵਾ ਅਤੇ ਅਰਸ਼ਦੀਪ ਕੌਰ ਬਾਜਵਾ (ਬੇਟੀਆਂ) |
ਉਲਫ਼ਤ ਬਾਜਵਾ (11 ਫਰਵਰੀ 1938 - 16 ਮਈ 2008) ਪੰਜਾਬੀ ਗ਼ਜ਼ਲਗੋ ਸੀ।
ਜੀਵਨ ਬਿਓਰਾ
[ਸੋਧੋ]ਉਲਫ਼ਤ ਬਾਜਵਾ ਦਾ ਜਨਮ 11 ਫਰਵਰੀ 1938 ਨੂੰ ਬਰਤਾਨਵੀ ਪੰਜਾਬ ਦੇ ਪਿੰਡ ਕੁਕਾਰਾ ਬੇਲਾ ਸਿੰਘ ਵਾਲਾ, (ਹੁਣ ਪੰਜਾਬ) ਵਿੱਚ ਹੋਇਆ। ਉਸ ਦੇ ਪਿਤਾ ਦਾ ਨਾਮ ਬੁੱਧ ਸਿੰਘ ਬਾਜਵਾ ਅਤੇ ਮਾਤਾ ਦਾ ਸੰਤ ਕੌਰ ਹੈ।
1947 ਦੀ ਭਾਰਤ ਵੰਡ ਤੋਂ ਬਾਅਦ ਉਸ ਦਾ ਪਰਵਾਰ ਲੰਮਾ ਪਿੰਡ, ਜ਼ਿਲਾ ਜਲੰਧਰ ਆ ਕੇ ਵਸ ਗਿਆ ਸੀ। ਗੁਜਾਰੇ ਜੋਗੀ ਪੜ੍ਹਾਏ ਕਰਨ ਉੱਪਰੰਤ ਉਹ ਸਕੂਲ ਅਧਿਆਪਕ ਲੱਗ ਗਿਆ। ਉਲਫ਼ਤ ਬਾਜਵਾ ਸੀਨੀਅਰ ਹਾਇਰ ਸਕੈਂਡਰੀ ਸਕੂਲ ਲਾਡੋਵਾਲੀ ਰੋਡ, ਜਲੰਧਰ ਤੋਂ ਸੇਵਾ ਮੁਕਤ ਹੋਇਆ।
ਗਜ਼ਲ ਸੰਗ੍ਰਹਿ
[ਸੋਧੋ]- ਸਾਰਾ ਜਹਾਨ ਮੇਰਾ (1991)
- ''ਵਧੀਆ ਸ਼ਿਅਰ ਪੰਜਾਬੀ ਦੇ (2007, ਗੁਰਦਿਆਲ ਰੌਸ਼ਨ ਨਾਲ ਮਿਲ ਕੇ ਸੰਪਾਦਿਤ)
- ਸਾਰਾ ਆਲਮ ਪਰਾਇਆ ਲਗਦਾ ਹੈ (2009, ਮੌਤ ਉਪਰੰਤ ਪ੍ਰਕਾਸ਼ਿਤ)
ਕਾਵਿ ਨਮੂਨਾ
[ਸੋਧੋ]ਚੰਗਾ ਰੱਬ ਦਾ ਰਾਹ ਦਿਖਲਾਇਆ ਮਜ੍ਹਬਾਂ ਨੇ
ਜੱਗ ਨੂੰ ਭੰਬਲਭੂਸੇ ਪਾਇਆ ਮਜ੍ਹਬਾਂ ਨੇ
ਅੱਵਲ ਅੱਲ੍ਹਾ ਇਕੋ ਨੂਰ ਉਪਾਇਆ ਸੀ
ਇਸ ਮਗਰੋਂ ਸੌ ਚੰਦ ਚੜਾਇਆ ਮਜ੍ਹਬਾਂ ਨੇ
‘ਮਾਣਸ ਕੀ ਇੱਕ ਜਾਤ’ ਪਛਾਣੇ ਕੌਣ ਭਲਾ
ਸਭ ਦੇ ਅੱਖੀ ਘੱਟਾ ਪਾਇਆ ਮਜ੍ਹਬਾਂ ਨੇ
ਵੇਦ- ਕਿਤੇਬਾਂ ਵਿੱਚ ਹੇ ਪਾਠ ਮੁਹੱਬਤ ਦਾ
ਪਰ ਨਫਰਤ ਦਾ ਪਾਠ ਪੜ੍ਹਾਇਆ ਮਜ੍ਹਬਾਂ ਨੇ
ਬਣਮਾਣਸ ਬਣਿਆ ਸੀ ਬੰਦਾ ਮਸਾਂ ਮਸਾਂ
ਇਸ ਨੂੰ ਬਾਂਦਰ ਫੇਰ ਬਣਾਇਆ ਮਜ੍ਹਬਾਂ ਨੇ
ਨਾਨਕ ਤੇਰੀ ‘ਤੇਰਾ ਤੇਰਾ’ ਕੌਣ ਸੁਣੇ
‘ਮੈ ਮੇਰੀ’ ਦਾ ਸ਼ੋਰ ਮਚਾਇਆ ਮਜ੍ਹਬਾਂ ਨੇ
ਸ਼ਰਣ ਪਏ ਨੂੰ ਕੰਠ ਕੋਈ ਹੁਣ ਲਾਉਦਾ ਨਹੀਂ
ਜੋ ਅੜਿਆ ਸੋ ਤਖਤ ਬਹਾਇਆ ਮਜ੍ਹਬਾਂ ਨੇ
ਗੁਰ ਪੀਰਾਂ ਨੇ ਸੱਚੇ ਮਾਰਗ ਪਾਇਆ ਸੀ
ਪਰ ਕੂੜਾ ਮਾਰਗ ਅਪਣਾਇਆ ਮਜ੍ਹਬਾਂ ਨੇ
ਮੌਤ
[ਸੋਧੋ]16 ਮਈ, 2008 ਨੂੰ ਦਿਮਾਗ ਦੀ ਨਾੜੀ ਫਟ ਜਾਣ ਕਾਰਨ ਉਲਫ਼ਤ ਬਾਜਵਾ ਦੀ ਮੌਤ ਹੋ ਗਈ ਸੀ।